სიჩქარის კონტროლის სექცია

ფრთხილად მძღოლებო: ხვალიდან დამატებით სიჩქარის კონტროლის 12 სექცია ამოქმედდება

228
შინაგან საქმეთა სამინისტრომ გზებზე კონტროლის გამკაცრება ავარიების შედეგად სიკვდილიანობის მაღალი მაჩვენებლის გამო გადაწყვიტა

თბილისი, 8 დეკემბერი - Sputnik. შიდა ქართლში, თბილისი-სენაკი-ლესელიძის საავტომობილო გზის მონაკვეთზე მიმდინარე წლის 9 დეკემბრიდან საავტომობილო სიჩქარის კონტროლის 12 სექცია ამოქმედდება, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში.

უწყების ცნობით, სიჩქარის კონტროლის სექციები საგზაო უსაფრთხოების განმტკიცების მიზნით ამოქმედება.

სიჩქარის კონტროლის სექციები თბილისი-სენაკი-ლესელიძის საავტომობილო გზის შემდეგ მონაკვეთებზე განთავსდება:

1. მე-80 კილომეტრიდან (გორის გადასახვევი, მიმართულება ხაშური) 81-ე კილომეტრამდე (ბერბუკის ხიდი, მიმართულება ხაშური).

2. 81-ე კილომეტრიდან (ბერბუკის ხიდი, მიმართულება ხაშური) 83-ე კილომეტრამდე (ცხინვალის გადასახვევი, მიმართულება ხაშური).

3. 83-ე კილომეტრიდან (ცხინვალის გადასახვევი, მიმართულება ხაშური) 87-ე კილომეტრამდე (გორის გვირაბი, მიმართულება ხაშური).

4. 87-ე კილომეტრიდან (გორის გვირაბი, მიმართულება ხაშური) 94-ე კილომეტრამდე (რუისის გადასახვევი, მიმართულება ხაშური).

5. 94-ე კილომეტრიდან (რუისის გადასახვევი, მიმართულება ხაშური) 102-ე კილომეტრამდე (ქარელის გადასახვევი, მიმართულება ხაშური).

6. 102-ე კილომეტრიდან (ქარელის გადასახვევი, მიმართულება ხაშური) 112-ე კილომეტრამდე (აგარის გადასახვევი, მიმართულება ხაშური).

7. 112-ე კილომეტრიდან (აგარის გადასახვევი, მიმართულება თბილისი) 102-ე კილომეტრამდე (ქარელის გადასახვევი, მიმართულება თბილისი).

8. 102-ე კილომეტრიდან (ქარელის გადასახვევი, მიმართულება თბილისი) 94-ე კილომეტრამდე (რუისის გადასახვევი, მიმართულება თბილისი).

9. 94-ე კილომეტრიდან (რუისის გადასახვევი, მიმართულება თბილისი) 87-ე კილომეტრამდე (გორის გვირაბი, მიმართულება თბილისი).

10. 87-ე კილომეტრიდან (გორის გვირაბი, მიმართულება თბილისი) 83-ე კილომეტრამდე (ცხინვალის გადასახვევი, მიმართულება თბილისი).

11. 83-ე კილომეტრიდან (ცხინვალის გადასახვევი, მიმართულება თბილისი) 81-ე კილომეტრამდე (ბერბუკის ხიდი, მიმართულება თბილისი).

12. 81-ე კილომეტრიდან (ბერბუკის ხიდი, მიმართულება თბილისი) 81-ე კილომეტრამდე (გორის გადასახვევი, მიმართულება თბილისი).

ყველა ამ მონაკვეთზე ნებადართული სიჩქარეა 110 კმ/სთ.

უწყების ცნობით, სიჩქარის კონტროლის სექციური სისტემით, სულ, საქართველოს მასშტაბით, უკვე 861 კმ სიგრძის საავტომობილო გზა გაკონტროლდება.

შსს-მ გზებზე კონტროლის გამკაცრება ავარიების შედეგად სიკვდილიანობის მაღალი მაჩვენებლის გამო გადაწყვიტა.

შსს-ს მონაცემებით, წლის პირველ ნახევარში 17,5 ათასზე მეტი ავტოსაგზაო შემთხვევა მოხდა, რის შედეგადაც გარდაიცვალა 224 და დაშავდა 3,7 ათასზე მეტი ადამიანი. აღნიშნულ პერიოდში სიჩქარის გადაჭარბების მიზეზით 134 ავარია მოხდა, რის შედეგადაც გარდაიცვალა 27, ხოლო დაშავდა 214 ადამიანი.

საგზაო მოძრაობის მიმართულებით სტატისტიკის გაანალიზების და სიტუაციის შესწავლის შემდეგ შინაგან საქმეთა სამინისტრომ შეიმუშავა სამოქმედო გეგმა, რომელიც აერთიანებს სხვადასხვა ღონისძიებებს ავტოსაგზაო შემთხვევათა რიცხვის შესამცირებლად და მოძრაობის გასაუმჯობესებლად.

 

228
თემები:
ტრანსპორტი საქართველოში (321)
მოსამართლის ჩაქუჩი

გადავადება მიღწეულია: შაქარაშვილის მკვლელობაში ბრალდებულთა სასამართლო გადატანილია

201
გახმაურებული საქმის მოსმენის გადადება მოითხოვა პროკურატურამ, რათა გამოძიება დაასრულოს და ყველა მტკიცებულება წარადგინოს

თბილისის, 13 აგვისტო – Sputnik. 19 წლის გიორგი შაქარაშვილის მკვლელობის საქმეზე წინასწარი მოსმენა მცხეთის რაიონულ სასამართლოში 27 აგვისტოს გაიმართება, განუცხადა ჟურნალისტებს პროკურორმა დავით ყაზარაშვილმა.

სამშაბათს გენერალურმა პროკურატურამ შაქარაშვილის საქმეში გარღვევის შესახებ განაცხადა და ხუთ ფიგურანტს ბრალი წაუყენა. გამოძიების ვერსიით, ბრალდებულებმა შაქარაშვილი მდინარე არაგვის პირას მოიმწყვდიეს, სასტიკად სცემეს და ჯერ კიდევ ცოცხალი მდინარეში გადააგდეს. 19 წლის ბიჭის ცხედარი იქ ოთხდღიანი ძებნის შემდეგ იპოვეს.

საქმეზე პირველი წინასწარი მოსმენა პარასკევს შუამდგომლობებით დაიწყო. პროკურორებმა შემოიტანეს წინადადება, საქმის მოსმენები 27 აგვისტოსთვის გადაიდოს.

„დღეს, სასამართლომ განიხილა ბრალდების მხარის შუამდგომლობა წინასასამართლო სხდომის განსაზღვრასთან დაკავშირებთ და მივიღეთ გადაწყვეტილება, რომ მოცემულ სისხლის სამართლის საქმეზე, წინასასამართლო სხდომა ჩატარდეს 2020 წლის 27 აგვისტოს“, - განაცხადა ყაზარაშვილმა.

მისი თქმით, ეს დრო ეყოფა პროკურატურას, რათა საქმე დაიხუროს და ყველა მტკიცებულება იქნას წარდგენილი.

„ბრალდების მხარეს, რა თქმა უნდა, აქვს მოლოდინი იმ მტკიცებულებების გათვალისწინებით, რომელიც საქმეშია მოთავსებული, რომ სასამართლო ალბათობის მაღალი ხარისხით იმსჯელებს და გადასცემს საქმეს არსებითი განხილვისთვის“, - განაცხადა დავით ყაზარაშვილმა.

ხუთივე ბრალდებულის ადვოკატები ამტკიცებენ, რომ მათ ყველა დეტალის შესასწავლად სჭირდებათ დრო, რათა მათ დაცვის ხაზის ჩამოაყალიბონ. პროკურატურამ აუკრძალა მათ გუშინ გადაცემული მასალების დეტალების გასაჯაროება, მაგრამ ამან ხელი არ შეუშალა ადვოკატებს განეცხადებინათ, რომ მათი დაცვის ქვეშ მყოფთა ბრალის კონკრეტული მტკიცებულებები არ არსებობს.

მათი დაცვის ქვეშ მყოფები ბრალს დღემდე არ აღიარებენ.

შაქარაშვილის მკვლელობის ბრალდება წარედგინა ვასილ ჩიქოვანს, არჩილ გაგნიძეს, ნიკოლოზ რევაზიშვილს და ორ არასრულწლოვანს.

გამოძიება ამტკიცებს, რომ ისინი ჯერ მისდევდნენ ბიჭს, შემდეგ მოიმწყვდიეს  მდინარესთან, სასტიკად სცემეს ხელკეტით, ქვებით, ფეხებით და მუშტებით და ჯერ კიდევ ცოცხალი მდინარეში გადააგდეს.

ვერსიას, რომ შაქარაშვილი იყო ცოცხალი, როდესაც წყალში აღმოჩნდა, ამტკიცებს ექსპერტიზა, რომელმაც დაასკვნა, რომ ბიჭის გარდაცვალების მიზეზი გახდა მდინარის წყალი - ის დაიხრჩო.

 

201
თემები:
19 წლის გიორგი შაქარაშვილის მკვლელობის საქმე
ბლოკპოსტი ლენჯერთან

კორონავირუსი სვანეთში: რა ვითარებაა მუნიციპალიტეტში

106
მესტიაში კორონავირუსის პრევენციის ფარგლებში ჩატარებული ტესტირების პასუხებს 200-ზე მეტი ადამიანი ელოდება

თბილისი, 13 აგვისტო – Sputnik. მესტიაში კორონავირუსის გავრცელების პრევენციის მიზნით მასშტაბური ეპიდემიოლოგიური კვლევები მიმდინარეობს - გუშინ აღებული 800-ზე მეტი ნიმუშიდან 600-ის შემთხვევაში COVID-19-ით ინფიცირება არ დასტურდება, იუწყება საზოგადოებრივი მაუწყებლის პირველი არხი.

რამდენიმე დღის წინ სვანეთში, კერძოდ, მესტიის მუნიციპალიტეტში კორონავირუსით ინფიცირების 17 შემთხვევა დაფიქსირდა, ყველა შემთხვევა უკავშირდებოდა სოფელ ლენჯერს. ამის შემდეგ საქართველოს მთავრობამ მესტიაში საკარანტინო შეზღუდვების დაწესების გადაწყვეტილება მიიღო და ახალი ინფიცირებულების გამოსავლენად რეგიონში ეპიდემიოლოგები გაგზავნა. 

„ეპიდემიოლოგებთან ერთად შტაბმა მიიღო გადაწყვეტილება, მასშტაბური კვლევები ჩაგვეტარებინა დაბა მესტიაში. აქ მუშაობდა რვა ჯგუფი, დანარჩენები კი მუშაობდნენ სხვა ლოკაციებზე. დღეს აიღეს 500-მდე ნიმუში, რომელთა პასუხები იქნება ხვალ ცნობილი. გუშინ აღებული 800-ზე მეტი პასუხიდან 600-ის პასუხი არის უარყოფითი, დანარჩენს ველოდებით“, – განაცხადა სამეგრელო-ზემო სვანეთის გუბერნატორის მოვალეობის შემსრულებლის, მალხაზ თორიამ.

მისივე ცნობით, დღეს მესტიიდან გაემგზავრა 112 სტუმარი, რომელებიც სხვადასხვა საკარანტინო სივრცეში განთავსდებიან.

„რაც შეეხება ადგილზე არსებულ საკარანტინო სივრცეებს, აქ გვაქვს 23 სასტუმრო, რომლებიც გადაკეთდა კარანტინისთვის და განვათავსეთ 600-ზე მეტი ადამიანი. მნიშვნელოვანია, რომ შტაბი მუშაობს გამართულად და ყველა სახელმწიფო რგოლი კოორდინირებულად ჩართულია პროცესში. მესტიაში არ გვაქვს სასურსათო და მედიკამენტების დეფიციტი. ჩაკეტილ ზონაში უპრობლემოდ გადაადგილდება სადისტრიბუციო მანქანები“, – განაცხადა მალხაზ თორიამ.

დღეს საქართველოში კორონავირუსის 5 ახალი შემთხვევა დადასტურდა, აქედან 2 უკავშირდება მესტიის მუნიციპალიტეტს, ორივეს კავშირი აქვს ლენჯერის თემთან, თუმცა, ერთ-ერთი ცხოვრობს მესტიაში. დღეისათვის ლენჯერის თემში კორონავირუსის სულ 32 შემთხვევა გამოვლინდა.

სვანეთში ჩატარებული 600 ტესტის შედეგი ცნობილია - რამდენს გამოუვლინდა ინფექცია >>

დაავადებათა კონტროლის ეროვნული  ცენტრი სვანეთში 4 ათასამდე მცხოვრების ტესტირებას გეგმავს. მესტიის მუნიციპალიტეტის საავადმყოფოს სწრაფი PCR-ტესტის აპარატი გადაეცა.

მესტიის მუნიციპალიტეტის მოსახლეობა, 2018 წლის 1 იანვრის მონაცემებით, 9 511 ადამიანს შეადგენდა. მუნიციპალიტეტში 132 დასახლებული პუნქტია, მათ შორის ქალაქის ტიპის ერთი დასახლება – მესტია.

106
თემები:
COVID-19 საქართველოში
მთვარე

მთვარის კალენდარი: 14 აგვისტო რისი გაკეთება შეიძლება და რისი არა

0
(განახლებულია 12:39 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

14 აგვისტო, პარასკევი. ამ დღეს ვენერა მართავს. კლებადი მთვარე ტყუპის ნიშანშია.

სწრაფი და ენერგიული საქმეების დროა. მომატებულია იმპულსურობა, ამიტომ ეცადეთ, თავი აარიდოთ ისეთ საქმეებს, რომლებიც დიდ ყურადღებას მოითხოვს.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სწრაფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ინტუიციის ნდობა დღის მეორე ნახევარში, განსაკუთრებით ფულთან დაკავშირებულ საკითხებში, მარტივი საკითხების გადაჭრა, მიმდინარე საქმეების განხილვა, სავაჭრო ოპერაციების ჩატარება, პასიურობა და საკუთარ თავში ჩაღრმავება, ნეიტრალიტეტის დაცვა კოლეგებთან მიმართებით.

არარეკომენდებული აჩქარება, აქტიურობა, დღის პირველ ნახევარში გუნდთან ერთად საქმიანობა, რთული მოლაპარაკებები, შეთანხმებების დადება, კონტრაქტებზე ხელმოწერა, საპასუხისმგებლო გადაწყვეტილებების მიღება.

კარგი დღეა მგზავრობისთვის, მაგრამ აჩქარების გარეშე.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. ხელსაყრელია ჰაეროვანი ვარცხნილობის გაკეთებისთვის. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. არახელსაყრელი დღეა ბალახეული კულტურების დარგვა–გადარგვისთვის. ეფექტური იქნება ზედმეტი ყლორტების მოშორება გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0