ლაშა ჩხარტიშვილი

ლაშა ჩხარტიშვილი პატიმრობიდან გათავისუფლდა - „მე-12 პოლიტიკური პატიმრობა“

67
(განახლებულია 15:51 07.12.2019)
რუსთავის წინასწარი დაკავების იზოლატორთან, მედიისათვის მიცემული ინტერვიუს დროს ლაშა ჩხარტიშვილმა ლობიოს მარცვლები აყარა და განაცხადა, რომ უმი ლობიო მონების სალაფავია.

თბილისი, 7 დეკემბერი — Sputnik. „ლეიბორისტული პარტიის“ წევრი ლაშა ჩხარტიშვილი ადმინისტრაციული პატიმრობიდან დღეს გათავისუფლდა, იუწყება საზოგადოებრივი მაუწყებლის პირველი არხი.

ჩხარტიშვილი რუსთავის წინასწარი დაკავების იზოლატორში რვა დღის განმავლობაში იმყოფებოდა.

რუსთავის წინასწარი დაკავების იზოლატორთან, მედიისათვის მიცემული ინტერვიუს დროს ლაშა ჩხარტიშვილმა ლობიოს მარცვლები აყარა და განაცხადა, რომ უმი ლობიო მონების სალაფავია.

„ეს არის ივანიშვილის ოცნება, ოცნება ერთპარტიულ-ერთპიროვნულ დიქტატურაზე, რომელიც აუცილებლად დაიმსხვრევა ჩვენი ხელით. ის, რაც ჩაიდინა ივანიშვილმა პოლიტიკურ დაკავებებთან მიმართებაში, არ გაუკეთებია არც შევარდნაძეს და არც სააკაშვილს. მან ადვოკატისა და გასაჩივრების უფლების გარეშე დაიწყო დაკავებები, მათ შორის ჩემი დაკავება, ეს არის ჩემი მე-12 დაკავება, მე-12 პოლიტიკური პატიმრობა, მესამე ხელისუფლების პირობებში“, – განაცხადა ლაშა ჩხარტიშვილმა.

ჩხარტიშვილი 29 ნოემბერს საჯარო ბიბლიოთეკასთან გამართულ აქციაზე დააკავეს. მას რვადღიანი ადმინისტრაციული პატიმრობა ჰქონდა შეფარდებული.

ოპოზიციამ ეროვნული ბიბლიოთეკის შენობასთან ხმაურიანი საპროტესტო აქცია გამართა – ვიდეო >>

რაც შეეხება „ლობიოს თემას“, ის ქართულ მედიაში 25 ნოემბერს გაშუქდა. იმ დროს, როდესაც პარლამენტის წინ საპროტესტო აქცია იმართებოდა, იქვე ახლოს, მაჩაბელის ქუჩაზე მდებარე სალობიეში ქვეყნის პრეზიდენტი სალომე ზურაბიშვილი ვახშმობდა. პრეზიდენტთან ერთად ივახშმა ლია ვოდე-გოგიტიძემ, ქართველმა ემიგრანტმა, რომელსაც საქართველოსთვის არაერთი უნიკალური საკოლექციო ექსპონატი აქვს გადმოცემული. ზურაბიშვილს პოლიციის კორდონის გავლით მოუწია სალობიეს დატოვება. სალობიედან გამოსულს მას დახვდნენ მომიტინგეები, რომლებმაც ის შეძახილებით გააცილეს.

67
თემები:
ახალი საპროტესტო ტალღა თბილისში: 2019 წლის ნოემბერი (171)
ექიმები

კომპენსაცია გმირ ექიმებს - პარლამენტში კანონპროექტზე მუშაობა დაიწყეს

30
პანდემიის დაწყებიდან კორონავირუსს ასზე მეტი ექიმი შეეწირა, პაციენტების გადარჩენისას მედპერსონალის 33%-მა გადაიტანა COVID-19 - მათი თავდადებული შრომა უნდა დაფასდეს

თბილისი, 26 ივლისი – Sputnik. სამედიცინო პერსონალის გარდაცვალების, ან ჯანმრთელობის მძიმე დაზიანების მიღების დროს საკომპენსაციო განაკვეთების და გაცემის პირობების განმსაზღვრელ კანონპროექტზე პარლამენტში შექმნილი სპეციალური სამუშაო ჯგუფი იმუშავებს.

სამუშაო ჯგუფის შექმნის გადაწყვეტილება ჯანმრთელობის დაცვისა და სოციალურ საკითხთა კომიტეტმა ორშაბათს გამართულ სხდომაზე მიიღო.

საკანონმდებლო ინიციატივა ეკუთვნის მოძრაობას „სამართლიანი მედიცინა“.

ჯანმრთელობის დაცვისა და სოციალურ საკითხთა კომიტეტის თავმჯდომარის, დიმიტრი ხუნდაძის განცხადებით, პანდემიის დროს მედპერსონალს საკმაოდ მაღალი რისკის ზონაში უწევს მუშაობა და აღნიშნული საკითხის საკანონმდებლო დონეზე დარეგულირება ნამდვილად სამართლიანი იქნება.

„ამდაგვარი საკანონმდებლო ცვლილებები ჩვენ მივიღეთ მაშველებთან, მეხანძრეებთან, პოლიციელებთან მიმართებაში. როგორც ინფორმაცია მაქვს, საგანგებო სამსახურის მიერ ასეთი ფაქტების დროს კომპენსაციები გაიცა, მაგრამ საკანონმდებლო დონეზე, ასეთი ჩარჩო არ არსებობს, როგოც სხვა შემთხვევებში და ლოგიკა არის იმაში, რომ მედპერსონალთან დაკავშირებითაც მივიღოთ შესაბამისი გადაწყვეტილება“, - განაცხადა ხუნდაძემ.

მისი თქმით, საკანონმდებლო წინადადება კარგია, მაგრამ უნდა შეიქმნას სამუშაო ჯგუფი, რომელიც მის საკანონმდებლო გაფორმებაზე იმუშავებს. ხუნდაძის თქმით, ამ პროცესში ჩაერთვება ყველა კომპეტენტური უწყება - ჯანდაცვის სამინისტრო, ფინანსთა სამინისტრო და სხვა სტრუქტურები.

დიმიტრი ხუნდაძემ კანონპროექტზე მუშაობაში ჩართვისკენ ოპოზიციასაც მოუწოდა.

„ეს არის ზეპარტიული და აპოლიტიკური თემა, ამიტომ ყველამ ერთად ვეცადოთ, რომ სწორი, სამართლიანი და, მე ფიქრობ, აუცილებელი და დროული გადაწყვეტილებაც მივიღოთ“, - განაცხადა ჯანმრთელობის დაცვისა და სოციალურ საკითხთა კომიტეტის თავმჯდომარემ.

პანდემიის დაწყებიდან საქართველოში კორონავირუსის გამო ასზე მეტი ექიმი გარდაიცვალა, ხოლო 33% დაინფიცირდა.

30
ხელოვნური სუნთქვის აპარატი

ჯანდაცვა: საქართველოში ინფიცირებულთა 40-50%-ს „დელტა" შტამი აქვს

36
(განახლებულია 17:11 26.07.2021)
საქართველოში კორონავირუსის მეოთხე ტალღა აქტიურ ფაზაში შედის. იზრდება „დელტა" შტამით ინფიცირებულთა რაოდენობა, შესაბამისად, უფრო მეტი ადამიანი საჭიროებს ჰოსპიტალიზაციას.

თბილისი, 26 ივლისი — Sputnik. საქართველოში კორონავირუსით ინფიცირებული მოქალაქეების 50%-ს „ინდური შტამი" გამოუვლინდა, განაცხადა ჯანდაცვის მინისტრის მოადგილე თამარ გაბუნიამ.

„თუ აქამდე ვსაუბრობდით, რომ „დელტა" შტამი დაახლოებით, 20%-ში ცირკულირებდა, ახლა ეს მაჩვენებელი იზრდება და სავარაუდოდ, 40-50%-ს აღწევს. ევროპის ქვეყნები თითქმის უახლოვდება იმ მდგომარეობას, რომ „დელტა" შტამი ყველა სხვა შტამს ანაცვლებს, ასე რომ, ტენდენციები ჩვენთანაც მსგავსია", - განაცხადა გაბუნიამ.

გაბუნიას განმარტებით, რაც უფრო წარმატებული იქნება ვაქცინაციის პროგრამა, მით უფრო გააქტიურდებიან ანტივაქსერები. მისი თქმით, საქართველო ერთადერთი ქვეყანაა, სადაც ანტივაქსერული კამპანია ასე აქტუალურია, რომელსაც ჯანდაცვის უწყება სწორი ინფორმაციული პოლიტიკის დახმარებით ებრძვის.

დღეისთვის საქართველოში კოვიდ-პაციენტებისთვის 6 ათასი საწოლია მობილიზებული, მათგან 5,2 ათასი დაკავებულია. ჯანდაცვის უწყება მინიმუმ 1,5 ათასი საწოლის დამატებას გეგმავს.

საქართველოში „ინდური" შტამის პირველი შემთხვევა ლაბორატორიულად 27 მაისს დაფიქსირდა.

„ინდური შტამის" გავრცელების ტემპი კორონავირუსის მუტაციის შემდეგ გაიზარდა, რადგან ის იოლად უმკლავდება ანტისხეულებს, რომლებიც წარმოიქმნება აცრის შემდეგ, ან ბუნებრივი გზით იმ ადამიანების ორგანიზმში, რომლებმაც უკვე გადაიტანეს COVID-19.

საქართველოში ამ ეტაპზე ე.წ. ინდური („დელტა") და ბრიტანული შტამები ცირკულირებს. "დელტა" შტამი ყველაზე მეტად ბავშვებსა და ახალგაზრდებში ვრცელდება და იგი 50%-ით უფრო ვერაგია „ბრიტანულ" შტამთან შედარებით.

ეპიდემიოლოგების პროგნოზით, საქართველოში კორონავირუსის მეოთხე ტალღის პიკი აგვისტოშია მოსალოდნელი, როდესაც ე.წ. „ინდური" შტამი „ბრიტანულს" მთლიანად ჩაანაცვლებს.

36
თემები:
კორონავირუსი საქართველოში: ბოლო ცნობები