კახა კალაძე ანუკი არეშიძე

ნახეთ როგორ უკრავენ კახა კალაძის და ნანუკა ჟორჟოლიანის ვაჟები ვიდეო

20429
(განახლებულია 17:08 06.12.2019)
წინასაახალწლოდ სასკოლო-სააღმზრდელო დაწესებულებებში ხშირად აწყობენ ზეიმებს. ამ დროს ყველა ბავშვს უწევს მისი განსაკუთრებული ნიჭი გამოავლინოს და მშობლები გაახაროს. ნახეთ, რისი ნიჭი აღმოაჩნდათ ცნობილი სახეების შვილებს.

დიზაინერმა ანუკი არეშიძემ Instagram-ის „სთორიში“ გამოაქვეყნა ვიდეო, რომელიც, სავარაუდოდ, სასკოლო ზეიმზეა გადაღებული. მასში მონაწილე ლევან კალაძე, რომელსაც ახლობლები ბიბის სახელით იცნობენ, მუსიკალურ ნომერს ასრულებს ტელეწამყვან ნანუკა ჟორჟოლიანის ვაჟთან – საბა კოდუასთან ერთად. ბიჭები, სავარაუდოდ, კლასელები არიან.

თავის მხრივ, ვიდეო ნანუკამაც დადო „სთორიზე“ და მას The Boy-ს დააწერა. საბა კოდუა „ბაქსვუდის“ სკოლაში სწავლობს. ნანუკა ჟორჟოლიანი და მისი ოჯახის წევრები საზოგადოებაში დიდი პოპულარობით სარგებლობენ. მარიამ გეგუჩაძე და საბა კოდუა საკმაოდ ცნობილები არიან. მიუხედავად იმისა, რომ მარიამ გეგუჩაძე საფრანგეთში სწავლობს და დატვირთული გრაფიკი აქვს, საქართველოში ხშირად ჩამოდის. ამის მიზეზი კი ქვეყანაში მიმდინარე სოციალურ-პოლიტიკური პროცესებია. ნანუკა და საბა მას ხშირად აკითხავენ, შემდეგ ევროპის სხვადასხვა ქვეყნებში ერთად მოგზაურობენ. ნანუკა ჟორჟოლიანს მარიამი პირველი ქმრისგან ჰყავს, ხოლო საბა – ერეკლე კოდუასგან.

თბილისის მერს კახა კალაძესა და მის მეუღლეს ანუკი არეშიძეს ოთხი ვაჟი ჰყავთ, მათგან ყველაზე პატარა – ნიკოლა კალაძე წყვილს სექტემბერში შეეძინა. უფროსი შვილი ლევან კალაძე 9 წლისაა, კახაბერ კალაძე – 6 წლის, ვაჩე კალაძე კი 5 წლისა.

თბილისის მერის კახა კალაძის განახლებული ქონებრივი დეკლარაცის მიხედვით, 2018 წლის მონაცემებით, შვილების სწავლის საფასურში დედაქალაქის მერმა დაახლოებით 45 ათასი ლარი დახარჯა. კახა კალაძემ ლევან კალაძის სწავლის საფასურში 7200 დოლარი, კახაბერ კალაძის სწავლის საფასურში – 13519,8 ლარი, ხოლო ვაჩე კალაძის სწავლის საფასურში – 12577,65 ლარი გადაიხადა.

20429
თემები:
სელებრითების ცხოვრება (2109)
მიხეილ ჩხენკელი

ჩხენკელი: აჭარის რეგიონის მოსწავლეები სწავლას დისტანციურად გააგრძელებენ

32
(განახლებულია 15:09 24.09.2020)
საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში კორონავირუსით ინფიცირებულთა რაოდენობა 259-ით გაიზარდა.

თბილისი,  24 სექტემბერი - Sputnik. აჭარის რეგიონში სასწავლო პროცესი დისტანციურ ფორმატში გაგრძელდება, განაცხადა განათლების მინისტრმა, მიხეილ ჩხენკელმა საკოორდინაციო საბჭოს სხდომის დასრულების შემდეგ.

ეპიდემიოლოგებმა აჭარას COVID-19-ის გავრცელების თვალსაზრისით „წითელი ზონა“ უკვე უწოდეს - ბოლო 24 საათში კორონავირუსის 259 ახალი შემთხვევიდან 164 აჭარაში გამოვლინდა. რეგიონში სულ ინფიცირების ათასზე მეტი აქტიური შემთხვევაა. 

უწყებათაშორისი საკოორდინაციო საბჭოს გადაწყვეტილებით, 1 ოქტომბრიდან თბილისის, ქუთაისის, რუსთავისა და ზუგდიდის  I-VI კლასების მოსწავლეები საკლასო ოთახებს დაუბრუნდებიან,  ფოთსა და გორში კი  სკოლებს ყველა კლასის მოსწავლე დაუბრუნდება. 

„დაწყებითი კლასების მოსწავლეებისთვის  განსაკუთრებით მნიშვნელოვანია, რომ სასწავლო პროცესი წარიმართოს საკლასო ოთახებში.   ყველა სკოლა, სადაც სასწავლო პროცსი  განახლდება, სრულ მზადყოფნაშია, რათა სამედიცინო პროტოკოლი ზედმიწევნით იყოს დაცული“, – განაცხადა ჩხენკელმა.

როგორც მინისტრმა აღნიშნა, აჭარის გარდა, ყველა რეგიონში სპეციალური საგანმანათლებლო საჭიროების მქონე მოსწავლეებს საშუალება ექნებათ სკოლის ტერიტორიაზე, სპეციალურად განკუთვნილ რესურს–ოთახში შეხვდნენ სპეცმასწავლებელს.  1 ოქტომბრიდან შემუშავდება  სპეციალური გრაფიკი, რომელსაც სკოლები მშობლებთან შეათანმხებენ, განაცხადა ჩხენკელმა.

რაც შეეხება უმაღლეს სასწავლებლებს, ამ ეტაპზე სწავლა მთელი ქვეყნის მასშტაბით დისტანციურად გაგრძელდება.

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება.

32
თემები:
განათლება საქართველოში
საკლასო ოთახი

როდის განახლდება სწავლა სკოლებში მთავრობის გადაწყვეტილება

55
(განახლებულია 14:29 24.09.2020)
ბოლო მონაცემებით, ქვეყანაში კორონავირუსის 4399 დადასტურებული შემთხვევა დაფიქსირდა. სულ გამოჯანმრთელდა 1705  პაციენტი

თბილისი, 24 სექტემბერი - Sputnik. 1 ოქტომბრიდან თბილისის, ქუთაისის, რუსთავისა და ზუგდიდის  I-VI კლასების მოსწავლეები საკლასო ოთახებს დაუბრუნდებიან,   განაცხადა მთავრობის ადმინისტრაციის ხელმძღვანელმა ნათია მეზვრიშვილმა საკოორდინაციო საბჭოს სხდომის დასრულების შემდეგ.

მისი თქმით, აღნიშნული გადაწყვეტილება აჭარის გარდა ყველა რეგიონს ეხება. 

„ყველგან, სადაც დღეს დისტანციური სწავლება მიმდინარეობს, აჭარის რეგიონის გარდა, 1 ოქტომბრიდან  I-VI  კლასების მოსწავლეები საკლასო ოთახებს დაუბრუნდებიან.  ეს ეხება თბილისს, ქუთაისს, რუსთავსა და ზუგდიდს. რაც შეეხება ფოთსა და გორს, 1 ოქტომბრიდან  სკოლებს ყველა კლასის მოსწავლე დაუბრუნდება. გარდა ამისა, მშობლებს დისტანციური სწავლების მეთოდის შერჩევის საშუალება ექნებათ“, -განაცხადა მეზრიშვილმა.

რაც შეეხება უმაღლეს სასწავლებლებს, ამ ეტაპზე სწავლა დისტანციურად გაგრძელდება.

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება. ქვეყნის მასშტაბით არსებულ დანარჩენ სასწავლო დაწესებულებაში სწავლა ჩვეულებრივ რეჟიმში დაიწყო.

საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 259-ით გაიზარდა.

ბოლო მონაცემებით, ქვეყანაში კორონავირუსის 4399 დადასტურებული შემთხვევა დაფიქსირდა. სულ გამოჯანმრთელდა 1705  პაციენტი, გარდაიცვალა 26 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

55

შემოდგომის ნუგბარი: საქართველომ რუსეთში წაბლის ექსპორტი დაიწყო

0
ადრე ქვეყანაში არ ფიქრობდნენ წაბლის ექსპორტის პოტენციალზე და მოსავალს მხოლოდ ადგილობრივ ბაზარზე ანაწილებდნენ

ექსპორტიორი ლევან ბენაშვილი მოსკოვში საკვები პროდუქციის გამოფენას დაესწრო და თავად იხილა, რამდენად მოთხოვნადია უზბეკური წაბლი. მან გადაწყვიტა ქართული წაბლის მიწოდება და გახსნა წაბლის გადამამუშავებელი პირველი ქარხანა ქვეყანაში, სადაც ნუგბარს გასაყიდად ამზადებენ და რუსეთში გზავნიან.

პანდემიამ ხელი ვერ შეუშალა ასეთ ძლიერ და გაბედულ ნაბიჯს. ბენაშვილი წელს რუსეთში 500 ათასამდე ტონა წაბლის გატანას გეგმავს.

0