უამინდობამ საქართველოს გზებზე პრობლემები შექმნა

© photo: Sputnikგაწმენდითი სამუშაოები
გაწმენდითი სამუშაოები - Sputnik საქართველო
გამოწერა
ინტენსიური თოვის გამო ნაქერალას უღელტეხილზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა.

თბილისი, 2 დეკემბერი — Sputnik. შიდასახელმწიფოებრივი მნიშვნელობის ქუთაისი(მოწამეთა)–ტყიბული–ამბროლაურის საავტომობილო გზაზე რთული მეტეოროლოგიური პირობების გამო ტრანსპორტის მოძრაობა შეზღუდულია, ნათქვამია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ვებ-გვერდზე გავრცელებულ განცხადებაში.

გადაკეტილი გზა - Sputnik საქართველო
დიდთოვლობა საქართველოში: გზებზე შეზღუდვები ამოქმედდა

უწყების ცნობით, ინტენსიური თოვის გამო ნაქერალას უღელტეხილზე (39-52 კმ) აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა. დანარჩენი სახის ავტოტრანსპორტის მოძრაობა თავისუფალია.

საავტომობილო გზების დეპარტამენტის ინფორმაციით, გზის დანარჩენ მონაკვეთებზე ავტოტრანსპორტის მოძრაობა თავისუფალია.

გარდა ამისა, დიდთოვლობისა და ლიპყინულის გამო ავტოტრანსპორტის მოძრაობაზე შეზღუდვებია დაწესებული საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზეც. კერძოდ, გზის აღნიშნულ მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, დანარჩენი სახის ავტოტრანსპორტისთვის კი მოძრაობა თავისუფალია.

 

ყველა ახალი ამბავი
0