ოლგა ბაბლუანი

„სვანის და ფრანგის ნაჯვარი...“- ოლგა ბაბლუანს დაუჯერებლად ლამაზი გოგონები ჰყავს-ფოტოები

25653
(განახლებულია 15:39 14.11.2019)
საფრანგეთში მცხოვრებმა ქართველმა მსახიობა, ჟურნალისტმა და ჟურნალების მთავარმა რედაქტორმა საზოგადოებას თავი მალე შეაყვარა. ბევრი ვერც წარმოიდგენს, რომ ოლგას ფოტოებში ორი განსხვავებული გარეგნობის ულამაზესი გოგონა მისი შვილები არიან

საფრანგეთში მცხოვრებმა ქართველმა მსახიობა, ჟურნალისტმა და ჟურნალების მთავარმა რედაქტორმა ახალი გადაცემა „რა დროს ძილია?!“ რამდენიმე წლის წინ დაიწყო, მანამდე კი „მშვიდობით იარაღო“იყო. საზოგადოებას თავი მალე შეაყვარა. მშვიდი საუბარი, ინტელექტი, გამორჩეული მანერები და საინტერესო თოქ-შოუები ოლგას სახასიათო ხაზია. მისი სპორტული აღნაგობა ბევრი ადამიანის გაოცებას იწვევს.

ცნობილი ქართველი კინორეჟისორისა და მსახიობის თემურ ბაბლუანის ოჯახში გაზრდილმა მსახიობმა მომავალი საფრანგეთს დაუკავშირა. მიუხედავად იმისა, რომ 17 წლის ასაკში გათხოვდა და ოჯახი 7 თვეში დაენგრა, არ გაუჭირდა და მცირეწლოვან შვილთან ერთად ახალი ცხოვრება დაიწყო.

ოლიკოს 3 დედმამიშვილი ჰყავს. საზოგადოება გელა ბაბლუანს და მათ უმცროს ძმას - გიორგის კარგად იცნობს. მეგობრულ ოჯახში გაზრდილი გოგონა, შემოქმედებითი უნარით აღჭურვილი და უზარმაზარი ნიჭით დაჯილდოებული, მუდამ ახალი გამოწვევების წინაშე დგას.

სწავლობდა თეატრალურზე, შემდეგ ისტორიულ ფაკულტეტზე ცოდნა გაიღრმავა და მედიაგანვითარების სფეროს დიდი ენთუზიაზმით შეუდგა.

მიუხედავად იმისა, რომ ცხოვრება ორ ქვეყანას შორის უწევს, სპორტი და ჯანსაღი ცხოვრების წესი არ ავიწყდება. ოლგა ბაბლუანის ახალმა გატაცებამ – სკუტერით ქალაქში მოძრაობამ ბევრი ადამიანი გააოცა.

ახლა კი ცნობილი ჟურნალისტი საცურაო კოსტუმში გამოწყობილი აგრძელებს თაყვანისმცემლების გაოცებას. მისი გადაცემებიც ჯანმრთელი ცხოვრების პროპაგანდას მოიცავს. ოლგა თავის მხრივ სპორტულ დარბაზებში ვარჯიშით იწონებს თავს და გადასარევად გამოიყურება.

ოლგას ორი შვილი ჰყავს. 25 წლის ლიკუნა ბაბლუანი და 15 წლის ნასტასია ლეგრანი. მათ საერთო ფოტოს ბევრი გაუგებრობა ახლავს. ადამიანები გოგონებს დედისგან ვერ ანსხვავებენ და დები ჰგონიათ.

25653
თემები:
სელებრითების ცხოვრება (1927)
მეამას შენობა

საუკეთესო მსოფლიოში: ქართული „მეამა“ Architizer A+Awards-ის გამარჯვებულია

1
(განახლებულია 16:53 06.08.2020)
არქიტექტორ გიორგი ხმალაძის პროექტმა ონლაინ–კენჭისყრის შედეგებით ველაზე მეტი ხმა მოიპოვა – პროექტმა მანამდე ახალგაზრდა არქიტექტორების საერთაშორისო კონკურსის ArchDaily&Strelka Award 2019 გრან-პრი მიიღო.

 

თბილისი, 6 აგვისტო  — Sputnik. ყავის ქართული კომპანია „მეამას“ შენობამ ერთ-ერთი ყველაზე პრესტიჟული საერთაშორისო არქიტექტურული კონკურსი Architizer A+Awards-ის სამ კატეგორიაში გაიმარჯვა და მსოფლიოში საუკეთესო ნაგებობად დასახელდა.

Architizer A+Awards – უდიდესი კონკურსია მსოფლიო არქიტექტურის სფეროში. მისი მიზანია მსოფლიოში წლის საუკეთესო, ყველაზე მნიშვნელოვანი, საინტერესო და გამოჩენილი არქიტექტურული პროექტების პოპულარიზება.

ქართული კომპანიის სათავო ოფისის შენობა ამ საერთაშორისო კონკურსზე იყო წარდგენილი და ფინალში გავიდა. შენობა წარდგენილი იყო სამ ნომინაციაში – საოფისე სივრცე (25 ათას კვადრატულ მეტრზე ნაკლები), ოთხსართულიანი სამუშაო სივრცე და არქიტექტურა და ბეტონი

წარდგენილი ნამუშევრებიდან ჟიურიმ თითოეულ კატეგორიაში ხუთ-ხუთ ფინალისტი შეარჩია. კონკურსანტების მხარდაჭერა მსოფლიოს ნებისმიერი ქვეყნიდან ნებისმიერ მსურველს შეეძლო. გამარჯვებული ონლაინ–კენჭისყრით გამოვლინდა.

"მეამას“ შენობის კონკურენტები ისეთი ცნობილი კომპანიების სამუშაო ადგილები იყო, როგორიცაა Jaguar, TikTok და სხვ.

გამარჯვებული და ასევე ფინალში გასული პროექტები Architizer A+Awards-ის ვებ-გვერდზე განთავსდება. ისინი ასევე წარმოდგენილი იქნებიან ჟურნალში Architizer.com.

თბილისში მდებარე ყავის კომპანიის ოფისის პროექტი ეკუთვნის გიორგი ხმალაძეს კომპანიიდან Khmaladze Architects. პროექტმა მანამდე ახალგაზრდა არქიტექტორების საერთაშორისო კონკურსის ArchDaily&Strelka Award 2019 გრან-პრი მიიღო.

გიორგი ხმალაძის პროექტი მოიცავს ყავის მწარმოებელ ფაბრიკას, ოფისებს, სივრცეებს ყავის დაგემოვნებისთვის და ასევე მცირე გამოფენებისთვის. შენობა წარმოადგენს მონოლითურ ბეტონის ფასადს საოცარი გეომეტრიული ფორმებით. შენობას ორიგინალურ იერს სძენს გაზონები სახურავზე.

1
თემები:
საქართველო და კულტურა
თბილისის აეროპორტი

საქართველოში უცხოელებისთვის ლეგალურად ყოფნის ვადა გახანგრძლივდა

41
(განახლებულია 15:50 06.08.2020)
საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც საქართველოში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული

თბილისი, 6 აგვისტო  — Sputnik.  უცხოეთის იმ მოქალაქეებისთვის, რომლებმაც კორონავირუსის პანდემიის გამო ქვეყნის დატოვება ვერ შეძლეს, ქვეყანაში ლეგალურად ყოფნის ვადა 31 დეკემბრამდე გახანგრძლივდა, ნათქვამია საქართველოს მთავრობის განკარგულებაში შესულ  ცვლილებებში.

კორონავირუსის პანდემიის გამო საქართველოს ხელისუფლებამ 14 მარტიდან 31 ივლისამდე პერიოდში უცხოელებისა და მოქალაქეობის არმქონე პირებისთვის საქართველოს ტერიტორიაზე კანონიერი ყოფნის საშეღავათო პერიოდი აამოქმედა.  1 აგვისტოდან კი ყველა მათგანი არალეგალად ითვლება.

განკარგულებაში შესული ცვლილებების თანახმად, 14 მარტიდან 31 დეკემბრამდე პერიოდში საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც ქვეყანაში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული. 

კერძოდ, გარემოებები შემდეგია: სახელმწიფო, რომლის მოქალაქეებიც ისინი არიან, ინფიცირების მაღალი რისკის ზონაშია, ან თუ სახელმწიფომ საზღვრის კვეთაზე შეზღუდვები დააწესა, ან თუ პირი იმყოფება საავადმყოფოში, კარანტინსა ან თვითიზოლაციაში, ან თუ სამშობლოში დაბრუნებაში მას ხელს გაუქმებული ავიარეისები უშლის.

საქართველოში ყოფნის კანონიერი ვადის ამოწურვის შემდეგ უცხოეთის მოქალაქე ვალდებულია ქვეყანა დატოვოს, წინააღმდეგ შემთხვევაში მას ჯარიმა ან ქვეყნიდან გაძევება ემუქრება, რომელიც ითვალისწინებს ქვეყანაში შემოსვლაზე აკრძალვას ორიდან ხუთ წლამდე ვადით.

ქვეყნიდან გაძევების გადაწყვეტილებას საქართველოს შინაგან საქმეთა სამინისტრო იღებს – თითოეულ კონკრეტულ შემთხვევაში გადაწყვეტილება ინდივიდუალურია.

რაც შეეხება ჯარიმებს, ვადის ამოწურვის შემდეგ სამი თვის განმავლობაში მათ ჯარიმა 180 ლარი ეკისრებათ, შემდგომ პერიოდში კი ჯარიმის ოდენობა ორმაგდება.

41
თემები:
COVID-19 საქართველოში