ქათმის ფილე

„ბიუ-ბიუს" პროდუქციას ლუგარის ლაბორატორია შეამოწმებს

75
(განახლებულია 10:57 08.11.2019)
სალმონელა არსებობს 2 ათასზე მეტი შტამის, თუმცა ადამიანის ჯანმრთელობისთვის სახიფათოა და საკანონმდებლო შეზღუდვა ვრცელდება მხოლოდ ორი ტიპის სალმონელაზე – Typhimurium და Enteritidis (B და D ჯგუფი).

თბილისი, 7 ნოემბერი — Sputnik. კომპანია „ჩირინამ" (ბრენდი „ბიუ-ბიუ") საქართველოს სურსათის ეროვნული სააგენტო მისი რეპუტაციის უსაფუძვლო შელახვაში დაადანაშაულა.

გუშინ სააგენტომ განაცხადა, რომ „ბიუ-ბიუს" პროდუქციაში სალმონელა აღმოჩნდა. შემოწმება მას შემდეგ ჩატარდა, რაც უწყებაში 21 ოქტომბერს შევიდა ინფორმაცია თბილისში მდებარე რესტორანში „ლუდის ქარხანა ჩემო კარგო" 11 პირის ინტოქსიკაციის შესახებ.

„ჩვენ ყოველთვიურად ვაწარმოებთ 1,2 ათას ტონა ხორცს და, შესაბამისად, ჩვენს პროდუქციას ყოველდღიურად მოიხმარს ასი ათასობით ადამიანი. თითოეულ წარმოებულ პარტიაზე ჩვენ ვაკეთებთ ლაბორატორიულ კვლევას და აღნიშნულით კიდევ ერთხელ უზრუნველვყოფთ წარმოებული პროდუქციის უვნებლობას და ხარისხის კონტროლს", – ნათქვამია კომპანიის Facebook-გვერდზე გავრცელებულ განცხადებაში.

კომპანიის ცნობით, სალმონელა მხოლოდ ორი ადამიანის სხეულში აღმოჩნდა.

სალმონელა არსებობს 2 ათასზე მეტი შტამის, თუმცა ადამიანის ჯანმრთელობისთვის სახიფათოა და საკანონმდებლო შეზღუდვა ვრცელდება მხოლოდ ორი ტიპის სალმონელაზე – Typhimurium და Enteritidis (B და D ჯგუფი), რომლის წინააღმდეგაც კომპანია ქათმებს აცრებს უტარებს.

როგორც კომპანია „ჩირინა" აღნიშნავს, სალმონელის ტიპის დადგენის მიზნით მიღებული იქნა გადაწყვეტილება, რომ შემოწმება ლუგარის სახელობის საზოგადოებრივი ჯანდაცვის კვლევით ცენტრში ჩატარდეს, მაგრამ სააგენტო არ დაელოდა შედეგებს და გააკეთა განცხადება, რომელიც „უსაფუძვლოდ ახდენს კომპანიის რეპუტაციის შელახვას".

75

ამერიკული დავები: აშშ-ის მოქალაქეებს თბილისში პოლიცია ამშვიდებდა - ვიდეო

104
მინეაპოლისში აფროამერიკელი ჯორჯ ფლოიდის გარდაცვალებასთან დაკავშირებით საპროტესტო აქცია გაიმართა თბილისის ცენტრში. იხილეთ Sputnik-საქართველოს ვიდეოში, როგორ მიმდინარეობდა აქცია

აქციის ორგანიზატორები იყვნენ საქართველოში მცხოვრები ამერიკელები, რომლებსაც რიგითი მოქალაქეებიც შეუერთდნენ. აქცია სოციალური ქსელი Facebook-ის მეშვეობით დაიგეგმა.

საპროტესტო აქციამ, რომელიც ჯორჯ ფლოიდის გარდაცვალებას მოყვა, სწრაფად მოიცვა მთელი ამერიკა, შემდეგ კი სხვა ქვეყნებშიც გავრცელდა. აშშ-ში დემონსტრანტებმა დაარბიეს მაღაზიები, დაწვეს ავტომობილები და პოლიციის შენობები.

ასობით ადამიანი გამოვიდა ხელში პლაკატებით “ვიგუდები“ და „არ არის სამართალი, არ არის მშვიდობა“ ნიდერლანდებში, ესპანეთში, არგენტინაში, დიდ ბრიტანეთში, გერმანიასა და სხვა ქვეყნებში.

104
ბათუმის რესპუბლიკური საავადმყოფო

კლინიკების, ლაბორატორიების და მედპერსონალის მომზადება: როგორ ებრძოდა საქართველო COVID-19-ს

53
2 აპრილიდან 22 მაისამდე ცხელ ხაზზე დარეკა დაახლოებით 16,2 ათასმა ადამიანმა, თუმცა ჰოსპიტალიზაცია მხოლოდ 7%-ს დასჭირდა

თბილისი, 4 ივნისი – Sputnik. საქართველოში 23 მაისისთვის ფიქსირდებოდა ინფიცირების დაახლოებით 15 ჯაჭვი და კორონავირუსზე 47,5 ათასი ტესტი გაკეთდა, ნათქვამია კორონავირუსის წინააღმდეგ მთავრობის მიერ გატარებული ღონისძიებების ანგარიშში.

საქართველოში კორონავირუსის პირველი შემთხვევა 26 თებერვალს დაფიქსირდა. იმ დროისათვის ქვეყანას უკვე ყველაფერი გააჩნდა საშიში ინფექციის გამოსავლენად, მათ შორის ტესტები.

მთავრობის მონაცემებით, უკვე თებერვლიდან თბილისსა და რეგიონებში შეირჩა 3,3 ათას პაციენტზე გათვლილი 29 კლინიკა, რომლებიც პაციენტების მიღებაში ეტაპობრივად ჩაერთო.

გარდა ამისა, კიდევ ათასი საწოლი იყო მობილიზებული პაციენტებისთვის მაღალი ტემპერატურით, რომლებიც მიმართავდნენ ე.წ. ცხელების ცენტრებს.

ანგარიშში აღნიშნულია, რომ მოქალაქეები მაღალი ტემპერატურის შემთხვევაში აქტიურად მიმართავდნენ მედიკოსებს. 2 აპრილიდან 22 მაისამდე ცხელ ხაზზე დარეკა დაახლოებით 16,2 ათასმა ადამიანმა, თუმცა ჰოსპიტალიზაცია მხოლოდ 7%-ს დასჭირდა.

კორონავირუსის გავრცელება

ოფიციალური ინფორმაციით, 22 მაისამდე საქართველოში ინფიცირების დაახლოებით 15 ჯაჭვი გამოვლინდა. მაქსიმალური ჯაჭვი 40 ადამიანს მოიცავდა. ყველაზე მსხვილი კლასტერები იყო თეთრიწყაროს, ბოლნისის და ქობულეთის მუნიციპალიტეტებში. ეს მუნიციპალიტეტები გამოცხადდა საკარანტინე ზონად, რათა დაავადების გავრცელება მთელს ქვეყანაში არ მომხდარიყო.

ეპიდემიოლოგები დაავადებულთა გამოვლენის გარდა მათი კონტაქტების მოძიებით იყვნენ დაკავებული. მათ მთლიანობაში 3500 კონტაქტი მოიძიეს, მოახდინეს მათი იზოლაცია და დაკვირვებისთვის კარანტინში გადაიყვანეს.

ამ პერიოდში ქვეყანაში დაახლოებით 47,6 ათასი ტესტი ჩატარდა. მთელი ქვეყნის მასშტაბით ტესტირებას 22 ლაბორატორია ახორციელებდა.

ტესტები ექიმებსაც უტარდებოდა. დადასტურებული შემთხვევების 13% მედიკოსები არიან.

მედპერსონალის ინფიცირებისგან დასაცავად მათ სხვა კლინიკებში მუშაობა აეკრძალათ, პერსონალი ორ კვირაში ერთხელ იცვლებოდა, ყოველი ცვლის დაწყების წინ და ბოლოს ტესტირებას გადიოდა.

როგორ ემზადება საქართველოს მთავრობა კორონავირუსის მეორე ტალღისთვის >>

ონლაინ-კონსულტაციებისთვის მობილიზებული იყვნენ სამედიცინო უნივერსიტეტის მეხუთე და მეექვსე კურსის სტუდენტები, რომლებიც მოსახლეობას კონსულტაციებს უწევდნენ და ეხმარებოდნენ.

დღეისათვის საქართველოში კორონავირუსით ინფიცირების 801 შემთხვევა გამოვლინდა. გამოჯანმრთელდა 644 ადამიანი, 13 პაციენტი გარდაიცვალა.

53
თემები:
COVID-19 საქართველოში
ვალუტის გაცვლის პუნქტი

ლარის კურსი 5 ივნისს

0
(განახლებულია 07:23 05.06.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0575 ლარით გამყარდა.

თბილისი, 5 ივნისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 2,9841 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ 0,0575 ლარით გამყარდა.

ლარის კურსი 5 ივნისს
ლარის კურსი 5 ივნისს
0
თემები:
ლარის კურსი დღეს