ბათუმი

აზარტული თამაშების მოწინააღმდეგეებმა ბათუმში ხელისუფლებას საკუთარი მოთხოვნები წაუყენეს

98
(განახლებულია 19:52 07.11.2019)
ბოლო კვირის განმავლობაში თვითმკვლელობით სიცოცხლე ორმა ახალგაზრდამ დაასრულა – საზოგადოებრივი მაუწყებლის „პირველი არხის“ ოპერატორმა სანდრო ბერაძემ და ზუკა გრიგოლიამ.

თბილისი, 7 ნოემბერი — Sputnik. ბათუმის ცენტრში აზარტული თამაშების მოწინააღმდეგეებმა საპროტესტო აქცია გამართეს და ხელისუფლებას თავიანთი მოთხოვნები წაუყენეს.

აქცია მას შემდეგ დაანონსდა, რაც კიდევ ერთი ახალგაზრდის თვითმკვლელობის შესახებ გახდა ცნობილი, რომელიც, სავარაუდოდ, თამაშდამოკიდებული იყო.

„ეს თვითმკვლელობები სტატისტიკა გახდა, რაც ჩვენ გვაშინებს. საქართველოში არ არის ადამიანი, რომელსაც ამასთან (აზარტულ თამაშებთან) შეხება პირადად, მეგობრის ან ოჯახის წევრის სახით არ ჰქონია. ამიტომ მნიშვნელოვანია, რომ ეს უკონტროლო ბიზნესი კონტროლირებადი გახდეს. სტატისტიკა ჩვენ გვეუბნება, რომ 700 ათასიდან 1 მილიონამდე ადამიანი თამაშობს (ქვეყნის მოსახლეობის ¼ - რედ.)", – განაცხადა აქციის მონაწილე აკაკი ღვიანიძემ.

აქციის მონაწილეებს წარმოდგენილი ჰქონდათ პლაკატები წარწერით: „აზარტული თამაშები კლავს".

აზარტული თამაშების მოწინააღმდეგეებმა პეტიციაზე ხელმოწერების შეგროვება დაიწყეს, რომელიც ოთხი მოთხოვნისგან შედგება: აიკრძალოს 25 წლამდე მოქალაქეებისთვის თამაში; აიკრძალოს ტელევიზიით, რადიოში და ინტერნეტ-გამოცემებში, ასევე საზოგადოებრივ ტრანსპორტსა და გაჩერებებზე აზარტული თამაშების რეკლამა და პოპულარიზაცია; მთავრობამ შეიმუშაოს აზარტული თამაშების მაქსიმალური შეზღუდვის გეგმა და სამორინეები კონკრეტულ ზონებში იყოს განთავსებული.

პეტიციას ხელი უკვე მოაწერა კამპანიის ინიციატორმა – საქართველოს იუსტიციის საბჭოს ყველაზე სკანდალურმა წევრმა ანა დოლიძემ.

იმისათვის, რომ ხელისუფლებამ პეტიცია განიხილოს, არანაკლებ 10 ათასი ხელმოწერაა საჭირო.

ბოლო კვირის განმავლობაში თვითმკვლელობით სიცოცხლე ორმა ახალგაზრდამ დაასრულა – საზოგადოებრივი მაუწყებლის „პირველი არხის“ ოპერატორმა სანდრო ბერაძემ და ბათუმელმა ზუკა გრიგოლიამ. სიკვდილის წინ სანდრო ბერაძე პირადად დაემშვიდობა მშობლებს და საკუთარ სიცოცხლეს აზარტულ თამაშებზე დამოკიდებულების გამო ჯოჯოხეთი უწოდა, ხოლო ზუკა გრიგოლიამ საკუთარ Facebook-გვერდზე სიკვდილის წინ პოსტი გამოაქვეყნა.

98
დეზინფექცია ოფისებში

საჯარო დაწესებულებების თანამშრომლებმა მუშაობა შესაძლოა კვლავ დისტანციურად გააგრძელონ

154
კორონავირუსის გავრცელების პრევენციის მიზნით, ყველა საჯარო უწყება და კერძო ორგანიზაციების დიდი ნაწილი მუშაობის დისტანციურ რეჟიმზე მიმდინარე წლის მარტში გადავიდა. 

თბილისი, 30 მაისი - Sputnik. საჯარო სამსახურის ბიურო საჯარო დაწესებულებებს თხოვნით მიმართავს, თანამშრომელთა მიერ უფლებამოსილებების განხორციელება შენარჩუნდეს დისტანციურ რეჟიმში, ნათქვამია უწყების მიერ გავრცელებულ განცხადებაში.

აღნიშნული რეკომენდაცია არ ვრცელდება იმ დასაქმებულებზე, რომელთა ფუნქციების შესრულება შეუძლებელია დისტანციურად. დისტანციურ რეჟიმში მუშაობის პირობების თაობაზე შესაბამისი სარეკომენდაციო წესი მოგვიანებით გავრცელდება.

კორონავირუსის გავრცელების პრევენციის მიზნით, ყველა საჯარო უწყება და კერძო ორგანიზაციების დიდი ნაწილი მუშაობის დისტანციურ რეჟიმზე მიმდინარე წლის მარტში გადავიდა. 

კორონავირუსის პირველი შემთხვევა საქართველოში 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა. ახლა საქართველოში შეზღუდვების ეტაპობრივად მოხსნა მიმდინარეობს.

ბოლო ორ დღეებში კორონავირუსით ინფიცირების შემთხვევების მატება შეინიშნება. მათი უმრავლესობა თბილისში დაფიქსირდა.

 

154
თემები:
COVID-19 საქართველოში
მაია ასათიანი

ასეთი მაია ასათიანი ჯერ არ გინახავთ - ჟურნალისტის შეუდარებელი გარდასახვა

166
(განახლებულია 15:29 30.05.2020)
თოქ-შოუ „პროფილის“ ავტორი და წამყვანი ახალი გადაცმის ჩაწერისთვის ემზადება. მაია ახალი იმიჯით აღფრთოვანებას იწვევს. ნახეთ მისი ახალი ვარცხნილობა და გამომწვევი კაბა

მისი სოციალური ქსელის ფოტო-ვიდეოების უმეტესობა სახლშია გადაღებული. კადრებზე ჰარმონიული ხედი, ბუნება, მისი უსაყვარლესი ძაღლები და კატა დომინირებს. მაიამ სიმშვიდე საკუთარ თავთან განმარტოებაში იპოვნა, თუმცა ოჯახის წევრებს უფრო და უფრო დაუახლოვდა. რამდენიმე თვის წინ, გადაცემაში დედაც ჰყავდა მიწვეული, რომელმაც ჟურნალისტის ცხოვრების ბევრი ფაქტი გაიხსენა. მაიამ კი, თავის მხრივ, დედას ყველაფრისთვის მადლობა გადაუხადა. საქართველოში პანდემიის შემსუბუქებით  გადაცემების დაგეგმვა დაიწყო. მაია ასათიანმა უახლესი სურათი სტუდიიდან გამოაქვეყნა. შეუდარებელ ფორმაში გამოწყობილი ის ახალი გადაცემის სტუმრებს ელოდებოდა, მანამდე კი, საკუთარი „ლუქი“ „ფოლოვერებს“ გაუზიარა. ნახეთ როგორ გამოიყურება 43 წლის ტელესახე.

View this post on Instagram

A post shared by maia asatiani (@maia.assatiani) on

პოპულარული ჟურნალისტი სკანდალური ცხოვრების მიუხედავად უამრავ ადამიანს უყვარს. მის გარშემო განსაკუთრებულად გულწრფელი ადამიანები ერთადერთი ქალიშვილის გარდაცვალების შემდეგ გამოჩნდნენ. მათ შორის არიან მაიას დედა, ნახევარდები და მამინაცვალი, რომლებიც მას გვერდიდან არ შორდებიან. როგორც ოჯახის წევრებს შეეფერებათ, მაიას დებთან ძალიან ახლო და მეგობრული ურთიერთობა აქვს. უმცროსი და ვერონიკა მაიას ჰგავს, გოგონები ერთად ხშირად მოგზაურობენ მიუხედავად იმისა, რომ მაიას ბოლო პერიოდის მანძილზე საზოგადოებრივი თავშეყრის ადგილებში გამოჩენა აღარ ხიბლავს. თუმცა ბოლო პერიოდის მანძილზე სოციალურ ქსელში გააქტიურდა და თაყვანისმცემლებს ყოველდღიურ რუტინას სულ უფრო და უფრო ხშირად უზიარებს.

View this post on Instagram

A post shared by maia asatiani (@maia.assatiani) on

მაია ასათიანს სოციალურ ქსელში დიდი ხნის მანძილზე აბულინგებდნენ. ამის შესახებ ტელესახემ საჯაროდ არაერთხელ ისაუბრა, თუმცა – უშედეგოდ. მისი მისამართით უმიზეზო ჩაგვრა-დამცირება არ წყდებოდა. მის სატელევიზიო იმიჯს უამრავი ადამიანი განიხილავდა, ხოლო მაიას მიერ დასმული კითხვებით სარკასტულ მიმებს აკეთებდნენ და ვირტუალურ სივრცეში გაბოროტებული კომენტარები არ წყდებოდა. ამის შესახებ, ჟურნალისტმა არა ერთი განცხადება გაავრცელა, თუმცა უშედეგოდ. ამ ბოლო პერიოდის მანძილზე მან საკუთარი გვერდის კონტენტი შეცვალა და გულშემატკივრები სხვა ინტერესებით გააერთიანა.

166
თემები:
სელებრითების ცხოვრება
გაფოთლილი ხეები

31 მაისს დაბადებულები ზოდიაქო, დახასიათება, რჩევები

0
(განახლებულია 18:47 30.05.2020)
გაეცანით 31 მაისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

21-31 მაისი

21-31 მაისის პერიოდი ტყუპის ნიშნის პირველ დეკადას განეკუთვნება.

ამ დეკადას იუპიტერი მართავს. ამ პერიოდში დაბადებულები უანგარო, მშვიდი, ბუნებრივი ინტუიციის მქონე ადამიანები არიან.

მნიშვნელოვანი წლებია: 10, 20, 30, 40, 50, 60, 70.

ამ დეკადაში დაბადებულთა სიმბოლოა გვირილა.

21-31 მაისის პერიოდში მხიარული, კომუნიკაბელური ადამიანები იბადებიან. მათ განვითარებული აქვთ მეტოქეობის გრძნობა, რამაც ზოგჯერ უკიდურესობაზე წასვლა შეიძლება აიძულოს. თუ ვინმე გზაზე გადაეღობებათ, ნებისმიერი ხერხით ჩამოიშორებენ მას - ამ ადამიანებს უკან ჩამორჩენა არ უყვართ, ადვილად ვერ ეგუებიან სხვების წარმატებებს; მაგრამ თუ ვინმეს გაუჭირდა, დიდი სიხარულით ეხმარებიან. აქვთ თვითანალიზის უნარი, შეუძლიათ გაიაზრონ საკუთარი შეცდომები და მათი გადაწყვეტის გზები.

31 მაისს დაბადებულები

31 მაისს, როგორ წესი, ორბუნებოვანი ადამიანები იბადებიან. თავიანთი ორიგინალური აზროვნების გამო ისინი ინტერესს იჩენენ ყოველივე ახლის მიმართ, აინტერესებთ ტექნიკური პროგრესი, გამოგონებები. ახასიათებთ ხასიათის ხშირი ცვლა. თუ ერთ წუთში კომუნიკაბელური, მხიარული და კეთილი არიან, მეორე წუთში, ყოველგვარი მიზეზის გარეშე, შეუძლიათ გახდნენ გაღიზიანებული, პირქუში და გაბოროტებული.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

31 მაისს დაბადებულები, უმეტეს შემთხვევებში, გარშემომყოფებზე გულდახურული და ცივი პიროვნებების შთაბეჭდილებას ტოვებენ. მაგრამ ეს სულ ასე არაა - ისინი ბევრად უფრო თბილი ადამიანები არიან, ვიდრე ერთი შეხედვით ჩანს - გარკვეულწილად კეთილი, კეთილშობილი და შეიძლება ითქვას, სენტიმენტალურიც კი. ეს მათი ნიღაბია, რომლის უკან მგრძნობიარე ნატურა იმალება. ამ დღეს დაბადებულებს პირდაპირობა ურჩევნიათ და არ უყვართ წვრილმანებზე „დახურდავება“. ისინი საკმაოდ ქმედითნი არიან, ყურადღებას აქცევენ ბევრ რამეს, უმნიშვნელოსაც კი.

ამ დღეს დაბადებულებს დიდი გონებრივი და ფიზიკური ენერგია აქვთ. აინტერესებთ თვითგამოხატვის უჩვეულო ფორმები. თუ რაიმესთან დაკავშირებით საბოლოო გადაწყვეტილება მიიღეს, მათი გადარწმუნება უკვე შეუძლებელია. ერთადერთი საშუალებაა მათი სენტიმენტალობის გამოღვიძება ან ღირსებასა და პატიოსნების პრინციპებზე დაფუძნებული დასკვნების გამოყენება. ეს ადამიანები მძაფრად იცავენ საკუთარ შინაგან სამყაროს და იქ შეღწევის უფლებას არავის აძლევენ. როდესაც ახალი იდეა უჩნდებათ, მთელი ძალებით ცდილობენ საზოგადოების ყურადღების მიქცევას. ამ დროს ისინი თავდაჯერებული ადამიანების შთაბეჭდილებას ტოვებენ, მაგრამ ამის მიზეზი შეიძლება მარცხის შიში იყოს. ასევე, ადვილად შეუძლიათ უსიამოვნებების მალე დავიწყება.

ზოგი ხუმრობით, ზოგიც... ზოდიაქოს ნიშნები სხვა რაკურსით>>

31 მაისს დაბადებულები საკმაოდ სპონტანური და ქაოტური ადამიანები არიან, რომელთაც უმოკლეს ვადებში ახალ ვითარებებთან შეგუების შესანიშნავი უნარი აქვთ. ხანდახან ცდილობენ ებრძოლონ თავიანთ არაორგანიზებულობას და ცხოვრებაში ხელოვნური წესრიგი-განრიგი შეამოაქვთ. ამ ადამიანებს უყვართ მუდამ მოძრაობაში ყოფნა - ახალი პროექტების დაწყება, რაღაცის გარემონტება, ვითარების შეცვლა. არიან შესანიშნავი ოსტატები ტექნიკის სფეროში. თუ დაბადებიდან რამდენიმე ნიჭი დაჰყვებათ, ერთი სფერო უნდა აირჩიონ და მაშინ საოცარი წარმატებების მიღწევის შანსი აქვთ.

ჯანმრთელობა

31 მაისს დაბადებულებს იმედგაცრუებებთან გამკლავება უჭირთ, ამიტომ ხშირად რეალობიდან გაქცევას ნარკოტიკებისა და ალკოჰოლის საშუალებით ცდილობენ. მათ მეტად რეალური შეხედულებები უნდა ჩამოაყალიბონ ცხოვრებაზე და შეისწავლონ საკუთარი შინაგანი სამყარო, იაქტიურონ ფიზიკურად და ყურადღება მიაქციონ კვების რეჟიმს. უნდა დაიმახსოვრონ, რომ კვებისგან სიამოვნების მიღებაც შეიძლება.

რჩევა:

თამამად შეხედეთ საკუთარ ემოციურ პრობლემებს. შეძლებისდაგვარად ეცადეთ, იპოვოთ შთაგონების წყარო, თავიდან აირიდოთ უსარგებლო დავა და ჩხუბი, რომლებიც, უბრალოდ, ძალებს გართმევთ.

0