კადრი ფილმიდან და ჩვენ ვიცეკვეთ

შსს ფილმის პრემიერაზე: სამართალდარღვევის თითოეული ფაქტი დაუყოვნებლივ იქნება აღკვეთილი

78
(განახლებულია 19:21 06.11.2019)
ფილმის „და ჩვენ ვიცეკვეთ" ჩვენება თბილისისა და ბათუმის კინოთეატრებში თავდაპირველად მხოლოდ სამი დღით, 8-დან 10 ნოემბრის ჩათვლით გაიმართება.

თბილისი, 6 ნოემბერი — Sputnik. შინაგან საქმეთა სამინისტრო უზრუნველყოფს როგორც საზოგადოებრივი უსაფრთხოებისა და მართლწესრიგის დაცვას, ასევე თითოეული ადამიანის გამოხატვის თავისუფლებას, რომელიც არ სცდება კანონით დასაშვებ ფარგლებს, ნათქვამია უწყების მიერ გავრცელებულ განცხადებაში.

რამდენიმე დღის წინ გავრცელდა ინფორმაცია, რომ მოძრაობა „ქართული მარში" საქართველოს კინოთეატრებში ახალი ქართულ-შვედური ფილმის „და ჩვენ ვიცეკვეთ" (And Then We Danced) ჩვენების ჩაშლას გეგმავს. ფილმის ჩვენება თბილისისა და ბათუმის კინოთეატრებში თავდაპირველად მხოლოდ სამი დღით, 8-დან 10 ნოემბრის ჩათვლით გაიმართება.

შსს-ს განცხადებით, საზოგადოების გარკვეული ჯგუფების მხრიდან კეთდება განცხადებები კინოჩვენების ხელშემშლელი ღონისძიებების შესახებ.

„მოვუწოდებთ ყველას, დაიცვან კანონის მოთხოვნები. წინააღმდეგ შემთხვევაში პოლიცია იმოქმედებს საკუთარი მანდატის ფარგლებში და სამართალდარღვევის თითოეული ფაქტი დაუყოვნებლივ იქნება აღკვეთილი", – აღნიშნულია განცხადებაში.

„ქართული მარშის" ლიდერის სანდრო ბრეგაძის განცხადებით, ისინი ფილმის „და ჩვენ ვიცეკვეთ" საქართველოს კინოთეატრებში ჩვენებას არ დაუშვებენ და ორგანიზაციის მხარდამჭერები „მშვიდობიანი ფორმით მოახდენენ კინოთეატრების ბლოკირებას".

კინოფილმი „და ჩვენ ვიცეკვეთ" (And Then We Danced) ქართული კომპანია Takes Film-ის და შვედური კომპანია French Quarter Film-ის კოპროდუქციაა. ფილმი მოგვითხრობს ახალგაზრდა მოცეკვავე მერაბის შესახებ, რომელიც რადიკალურად იცვლება მას შემდეგ, რაც თავისი ამბიციური მეტოქე ირაკლი შეუყვარდება.

ფილმის პრემიერა წელს კანის ფესტივალზე გაიმართა. ფილმი კინოფესტივალის Director"s Fortnight-ში, ანუ 25 ფილმში მოხვდა და კანის კინოფესტივალის 10 საუკეთესო ფილმს შორის მეშვიდე ადგილზე გავიდა. ამერიკულმა ჟურნალმა W-მ 2019 წლის კანის კინოფესტივალის 15 ვარსკვლავი დაასახელა, რომელთა შორის ქართველი მსახიობი ლევან გელბახიანიც მოხვდა.

მთავარი როლის შემსრულებელი ლევან გელბახიანი კანის ფესტივალის „გამაოგნებლად ნიჭიერთა" ნუსხაში შეიყვანეს ისეთი მსახიობების გვერდით, როგორებიც არიან ანტონიო ბანდერასი, უილიამ დეფო, რობერტ პატინსონი.

ივლისში ლევან აკინის ფილმი ოდესის კინოფესტივალის გამარჯვებული გახდა, ფილმის მთავარი როლის შემსრულებელი ლევან გელბახიანი კი საუკეთესო მსახიობად დასახელდა.

 

78
თემები:
თბილისი დღეს (1617)
კონდიციონერები ფასადზე

სად აიკრძალება საყოფაცხოვრებო კონდიციონერების გამოყენება - იმნაძის რეკომენდაცია

30
(განახლებულია 19:31 28.05.2020)
დაავადებათა კონტროლის ეროვნული ცენტრის ხელმძღვანელის მოადგილის განმარტებით, კონდიციონერი თუ არ მუშაობს გარედან ჰაერის შემოტანაზე, მისი გამოყენება დახურულ სივრცეებში არ იქნება ნებადართული.

თბილისი, 28 მაისი – Sputnik. ოფისებში, ბანკებში, მაღაზიებსა და დახურულ სივრცეში საყოფაცხოვრებო კონდიციონერების გამოყენება კორონავირუსის გავრცელების თვალსაზრისით მაღალი რისკის შემცველია, განაცხადა დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/28 მაისი >>

იმნაძის თქმით, კონდიციონერი თუ არ მუშაობს გარედან ჰაერის შემოტანაზე, მისი გამოყენება დახურულ სივრცეებში არ იქნება ნებადართული.

„საყოფაცხოვრებო კონდიციონერები, რომლებიც ჩვენთან ჩვეულებრივ გამოიყენება, შიგნით ჰაერს ატრიალებენ. სამწუხაროდ, მათი გამოყენება, ჯერ არსებული ყველა მონაცემებით, არის მაღალი რისკის შემცველი. თუ არ მუშაობს კონდიციონერი გარედან ჰაერის შემოტანაზე, მათი გამოყენება საშიშია. ვიცი, რომ ზაფხულში სიცხე იქნება, გაგვიჭირდება, მიჩვეულები ვართ, მაგრამ ჯერ მათი გამოყენება არ იქნება ნებადართული“, – განაცხადა იმნაძემ.

აღსანიშნავია, რომ ამავე მიზნით კონდიციონერების გამოყენება აიკრძალა საზოგადოებრივ ტრანსპორტშიც, რომელიც ხვალ, 29 მაისს ამუშავდება. ინფექციონისტების რეკომენდაციით, აუცილებელია სივრცეში კარგი განიავება იყოს უზრუნველყოფილი.

კორონავირუსის პირველი შემთხვევა საქართველოში 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა. ახლა საქართველოში შეზღუდვების ეტაპობრივად მოხსნა მიმდინარეობს.

 

 

30
თემები:
COVID-19 საქართველოში
კომპანია  MAN–ის ავტობუსები

თბილისში ტრანსპორტი გაძვირდება? კალაძის პასუხი

43
(განახლებულია 18:24 28.05.2020)
მიკროავტობუსებისა და ავტობუსების მძღოლებისთვის შემუშავდა რეკომენდაციები – იკრძალება კონდიცირების სისტემის ჩართვა, ასევე სავალდებულოა სატრანსპორტო საშუალების ღია ფანჯრებით გადაადგილება.

თბილისი, 28 მაისი — Sputnik. საზოგადოებრივი ტრანსპორტის გაძვირებაზე საუბარი არ ყოფილა და არც იქნება, განაცხადა თბილისის მერმა კახა კალაძემ ჟურნალისტებთან. 

საქართველოში ყველა სახის მუნიციპალური ტრანსპორტი, მათ შორის, მეტრო და ავტობუსი, მუშაობას 29 მაისიდან განაახლებენ. დღეისთვის თბილისის ავტობუსებსა და მეტროში მგზავრობის ღირებულება 50 თეთრია, ყვითელ მიკროავტობუსებში კი 80 თეთრი.

 „მგზავრობის გაძვირებაზე საუბარი არ ყოფილა და არც იქნება. ავტობუსები ყოველდღიურად სატრანსპორტო ხაზზე გასვლამდე და დღის ბოლოს სადიზენფექციო საშუალებებით დამუშვდება. ჩვენ სპეციალისტების ყველა მოთხოვნას გავითვალისწინებთ. მეტროში, ავტობუსებსა და მიკროავტობუსებში აუცილებელია პირბადეების გამოყენება“, – განაცხადა კალაძემ.

რეკომენდაციების თანახმად, თბილისის ყველა ავტობუსში ფანჯრები ღია უნდა იყოს. კორონავირუსის გავრცელების თავიდან აცილების მიზნით, ავტობუსებსა და მიკროავტობუსებში იკრძალება კონდიცირების სისტემის გამოყენება.

პირბადის გარეშე მგზავრები არ დაიშვებიან ავტობუსებშიც. მეტროში პროცესს პოლიცია გააკონტროლებს, ავტობუსებში მონიტორინგის სამსახურის კონდუქტორები, გაჩერებებზე კონტროლიორები.

კორონავირუსის გავრცელების პრევენციის მიზნით, 21 მარტიდან საქართველოში საგანგებო მდგომარეობა გამოცხადდა. 31 მარტიდან კომენდანტის საათი ამოქმედდა, მუშაობა შეაჩერა საზოგადოებრივმა ტრანსპორტმა, მათ შორის, მეტრომ. 18 მარტიდან თბილისში სამარშრუტო ტაქსების მოძრაობა აიკრძალა.

43