შმაქსის აქცია

„შმაქსისტები" ხელისუფლებას ულტიმატუმს უყენებენ

87
(განახლებულია 17:16 06.11.2019)
პროექტ „შმაქსის" მონაწილეებს ხელისუფლებასთან სამი მოთხოვნა აქვთ – შეწყდეს მათზე ნადირობა, ჩამოიწეროს ჯარიმები და შეჩერდეს „ტაქსის რეფორმა" თბილისში.

თბილისი, 6 ნოემბერი — Sputnik. ოპოზიციური პარტია „გირჩის" პროექტის მონაწილე „შმაქსისტები" დედაქალაქში ტაქსის მუშაობის ახალი წესების გაპროტესტების მიზნით პირველი რესპუბლიკის მოედანზე შეიკრიბნენ.

მათი პროექტის მთავარი იდეა ისაა, რომ „შმაქსის" ამოსაცნობი ნიშნით მოძრავი ავტომობილები ტაქსი არ არის, რადგანაც თანხას იღებენ ლექციისთვის და არა მგზავრობისთვის. მიუხედავად ამისა, თბილისის მერიამ არაერთხელ გააფრთხილა „შმაქსისტები", რომ ისინი არღვევენ კანონს და, შესაბამისად, დაჯარიმდებიან.

Акция протеста водителей Шмакси в столице Грузии
© Sputnik / Shota Nozadze
"შმაქსისტების" აქცია

„ერთი კვირის წინ აქცია გვქონდა და მას შემდეგ მხოლოდ ორი ჯარიმა გამოიწერა. მაგრამ ახლა დღეში შვიდჯერ აჩერებენ „შმაქსის" მანქანებს, რაც პრობლემაა", – განაცხადა „გირჩის" ერთ-ერთმა ლიდერმა ზურაბ ჯაფარიძემ ჟურნალისტებთან.

მისი სიტყვებით, „შმაქსი" არის საგანმანათლებლო პროგრამა, რომელიც უკვე სამ ქალაქშია წარმოდგენილი – თბილისში, რუსთავსა და ქუთაისში. გარდა ამისა, მოლაპარაკებები მიმდინარეობს ერთ-ერთ ამერიკულ კომპანიასთან, რომელიც დაინტერესებულია პროექტის შეძენით.

პარტია „გირჩს" და „შმაქსისტებს" ხელისუფლებასთან სამი მოთხოვნა აქვთ.

„მოთხოვნები: პირველი – შეწყდეს "შმაქსზე" ნადირობა, მეორე – გაუქმდეს ყველა ის ჯარიმა, რომელიც პოლიციამ 1 ოქტომბრის შემდეგ გამოწერა და მესამე – შეჩერდეს ე.წ. ტაქსების რეფორმა“, – აღნიშნა ჯაფარიძემ.

2019 წლის 1 ოქტომბრიდან ძალაში შევიდა ტაქსების А და В კატეგორიებად დაყოფის ნორმა.

A კატეგორიის ლიცენზია მათთვისაა განკუთვნილი, ვისთვისაც ტაქსის მძღოლობა შემოსავლის მთავარი წყაროა. მათი ავტომობილები აუცილებლად თეთრი ფერის უნდა იყოს. ისინი მგზავრების აყვანას შეძლებენ როგორც ქუჩაში, ისე გამოძახებით – ტაქსების სხვადასხვა კომპანიასთან თანამშრომლობის საფუძველზე. А კატეგორიის მძღოლებს მნიშვნელოვანი პრივილეგიები ექნებათ. ისინი მანქანაზე რეკლამის განთავსების სანაცვლოდ, შეძლებენ უფასოდ გადაღებონ მანქანა და ისარგებლონ ქიმწმენდით, ასევე მათთვის სპეციალურად გამოყოფილი პარკირების ადგილებით.

B კატეგორიის ლიცენზიის მქონე მძღოლებს შესაძლებლობა აქვთ ნებისმიერი ფერის ავტომობილით იმუშაონ, თუმცა მათ ტაქსის ამოსაცნობი ნიშნის განთავსებისა და მგზავრის ქუჩაში აყვანის უფლება არ აქვთ. აღნიშნული კატეგორიის მქონე ტაქსის მძღოლებისთვის მუშაობა მხოლოდ ტაქსის კომპანიებთან თანამშრომლობით არის ნებადართული.

9 ოქტომბრის მონაცემებით, თბილისში А კატეგორიის 7,5 ათასი ტაქსი და В კატეგორიის დაახლოებით 8,9 ტაქსი მოძრაობდა.

87
თემები:
თბილისი დღეს (1617)
კომპანია  MAN–ის ავტობუსები

თბილისში ტრანსპორტი გაძვირდება? კალაძის პასუხი

33
(განახლებულია 18:24 28.05.2020)
მიკროავტობუსებისა და ავტობუსების მძღოლებისთვის შემუშავდა რეკომენდაციები – იკრძალება კონდიცირების სისტემის ჩართვა, ასევე სავალდებულოა სატრანსპორტო საშუალების ღია ფანჯრებით გადაადგილება.

თბილისი, 28 მაისი — Sputnik. საზოგადოებრივი ტრანსპორტის გაძვირებაზე საუბარი არ ყოფილა და არც იქნება, განაცხადა თბილისის მერმა კახა კალაძემ ჟურნალისტებთან. 

საქართველოში ყველა სახის მუნიციპალური ტრანსპორტი, მათ შორის, მეტრო და ავტობუსი, მუშაობას 29 მაისიდან განაახლებენ. დღეისთვის თბილისის ავტობუსებსა და მეტროში მგზავრობის ღირებულება 50 თეთრია, ყვითელ მიკროავტობუსებში კი 80 თეთრი.

 „მგზავრობის გაძვირებაზე საუბარი არ ყოფილა და არც იქნება. ავტობუსები ყოველდღიურად სატრანსპორტო ხაზზე გასვლამდე და დღის ბოლოს სადიზენფექციო საშუალებებით დამუშვდება. ჩვენ სპეციალისტების ყველა მოთხოვნას გავითვალისწინებთ. მეტროში, ავტობუსებსა და მიკროავტობუსებში აუცილებელია პირბადეების გამოყენება“, – განაცხადა კალაძემ.

რეკომენდაციების თანახმად, თბილისის ყველა ავტობუსში ფანჯრები ღია უნდა იყოს. კორონავირუსის გავრცელების თავიდან აცილების მიზნით, ავტობუსებსა და მიკროავტობუსებში იკრძალება კონდიცირების სისტემის გამოყენება.

პირბადის გარეშე მგზავრები არ დაიშვებიან ავტობუსებშიც. მეტროში პროცესს პოლიცია გააკონტროლებს, ავტობუსებში მონიტორინგის სამსახურის კონდუქტორები, გაჩერებებზე კონტროლიორები.

კორონავირუსის გავრცელების პრევენციის მიზნით, 21 მარტიდან საქართველოში საგანგებო მდგომარეობა გამოცხადდა. 31 მარტიდან კომენდანტის საათი ამოქმედდა, მუშაობა შეაჩერა საზოგადოებრივმა ტრანსპორტმა, მათ შორის, მეტრომ. 18 მარტიდან თბილისში სამარშრუტო ტაქსების მოძრაობა აიკრძალა.

33
სომხეთის საელჩო

რუბენ სადოიანმა სომხეთის პირველი რესპუბლიკის მემორიალური დაფა ყვავილებით შეამკო

21
(განახლებულია 17:59 28.05.2020)
თბილისის მოსწავლე–ახალგაზრდობის სასახლეში 102 წლის წინ სომხეთის ეროვნულმა საბჭომ სომხეთის პირველი რესპუბლიკის დამოუკიდებლობის შესახებ დეკლარაცია მიიღო.

თბილისი, 28 მაისი — Sputnik.  საქართველოში სომხეთის საელჩოს დიპლომატებმა, ელჩ რუბენ სადოიანის ხელმძღვანელობით, სომხეთის დამოუკიდებლობის დღე თბილისში მოსწავლე–ახალგაზრდობის სასახლეში სტუმრობით აღნიშნეს. 

როგორც საელჩოში განაცხადეს, სწორედ ამ სასახლეში 102 წლის წინ სომხეთის ეროვნულმა საბჭომ სომხეთის პირველი რესპუბლიკის დამოუკიდებლობის შესახებ დეკლარაცია მიიღო. ორი წლის წინ, სომხეთის საელჩოს ინიციატივით, დეკლარაციის ხელმოწერის ადგილზე მემორიალური დაფა განთავსდა. დღეს სომეხმა დიპლომატებმა ადგილი ყვავილებით შეამკეს.

1917 წელს რუსეთის იმპერატორის მეფისნაცვალ მიხეილ ვორონცოვის ყოფილ სასახლეში ამიერკავკასიის ფედერაციის მთავრობა მოქმედებდა, 1918 წლის 26 მაისს კი ერთ–ერთ დარბაზში საქართველოს, შემდეგ კი სომხეთისა და აზერბაიჯანის დამოუკიდებლობის დღე გამოცხადდა.

21