ნანუკა ჟორჟოლიანი

„გადაწყვიტა ბოტოქსით ნაოჭები არ გადაისწოროს“ ნანუკა კიანუ რივზის შეყვარებულს იცავს

3161
(განახლებულია 15:04 06.11.2019)
პოპულარული მსახიობი, 55 წლის კიუანუ რივზი საზოგადოებაში ახალ შეყვარებულთან, მხატვარ ალექსანდრა გრანტთან ერთად ორი დღის წინ გამოჩნდა.

თბილისი, 6 ნოემბერი — Sputnik. ტელეწამყვანი ნანუკა ჟორჟოლიანი სოციალურ ქსელში ცნობილი კინოვარსკვლავის კიანუ რივზის გარშემო ატეხილ მითქმა-მოთქმას ეხმაურება.

აღმოჩნდა, რომ ყველასგან დაწუნებული კიანუ რივზის რჩეული, 46 წლის მხატვარი ალექსანდრა გრანტი ნანუკას ძალიან მოსწონს.

„უბრალოდ ქალმა გადაწყვიტა ჭაღარა თმა არ შეიღებოს და ჩვენსავით ბევრი ბოტოქსით ნაოჭები არ გადაისწოროს. ტუჩები არ დაიბეროს და კისრის ნაოჭიც ადგილზე დატოვოს. მშურს ყველა ასეთი ქალის. რომელსაც სულ ცალ ფეხზე კიდია კარდაშიანების სამყარო. კიდია ასაკი, ნაოჭი“, – წერს ტელეწამყვანი და იქვე დებს ფოტოს, რა მოხდებოდა, ქალს რომ თმები შეეღება, წამწამები დაეკრა, ნაოჭები გაექრო და ტუჩი გაეზარდა.

პოპულარული მსახიობი 55 წლის კიუანუ რივზი საზოგადოებაში ახალ შეყვარებულთან, მხატვარ ალექსანდრა გრანტთან ერთად ორი დღის წინ გამოჩნდა. ინფორმაციას Promiflash-ი ავრცელებს. გამოცემის ცნობით, შეყვარებულები ლოს-ანჯელესში საქველმოქმედო ფესტივალზე LACMA Art + Film-ზე მივიდნენ.  

მასმედიის ინფორმაციით, კიანუ რივზს და ალექსანდრა გრანტს რამდენიმე თვეა სასიყვარულო ურთიერთობა აქვთ. თუმცა აქამდე წყვილი ამის აფიშირებას არ ახდენდა. მსახიობი და მხატვარი პირველად ერთმანეთს რამდენიმე წლის წინ შეხვდნენ. ისინი თანამშრომლობდნენ ფილმებზე („ჩრდილი“ და „ბედნიერების ოდა“ ) მუშაობისას. გრანტი ამ ფილმების ილუსტრაციების ავტორია.

3161
თემები:
სელებრითების ცხოვრება (1915)
ხანდაზმული მამაკაცები კოტე აფხაზის ქუჩაზე

პანდემიის შედეგად კომპენსაციის სახით 80 მილიონ ლარზე მეტი გაიცა

68
(განახლებულია 20:07 16.07.2020)
სახელმწიფო კომპენსაციის მისაღებად თვითდასაქმებულთა რეგისტრაციის ვადა პირველ აგვისტომდე გახანგრძლივდა.

თბილისი, 16 ივნისი – Sputnik. პანდემიის დროს დაზარალებულებზე კომპენსაციის სახით უკვე 80 883 700 ლარი გაიცა, იუწყება საზოგადოებრივი მაუწყებლის პირველი არხი.

დასაქმების ხელშეწყობის სახელმწიფო სააგენტოს ინფორმაციით, 16 ივლისის მდგომარეობით, ჯანდაცვის სამინისტროს სარეგისტრაციო პორტალზე სულ დარეგისტრირდა კომპენსაციის მიმღები თვითდასაქმებული 215 826 პირი. მათგან 121 525 პირმა მიიღო 300 ლარიანი კომპენსაცია. სულ გადაირიცხა 36 457 500 ლარი.

რაც შეეხება დასაქმებულებს, რომლებიც პანდემიის გამო დაზარალდნენ, სააგენტოს ინფორმაციით, 200 ლარის ოდენობით კომპენსაცია ჩაერიცხა 221 131 პირს. გადარიცხული თანხა შეადგენს 44 426 200 ლარს, აქედან მაისის თვის კომპენსაცია – 14 426 200 ლარი 72 131 პირზე და ივნისის თვის კომპენსაცია – 30 მლნ ლარი 150 000 პირზე. თანხები ეტაპობრივად ირიცხება.

სახელმწიფო კომპენსაციის მისაღებად თვითდასაქმებულთა რეგისტრაციის ვადა პირველ აგვისტომდე გახანგრძლივდა. უკვე რეგისტრირებულ პირებსაც ეძლევათ შესაძლებლობა, არასრული/დაუზუსტებელი მიმაგრებული დოკუმენტაცია განაახლონ 2020 წლის პირველ აგვისტომდე.

ასევე, მთავრობის გადაწყვეტილებით, მოქალაქეების სოციალური დახმარების პროგრამის მიზნობრიობა თვითდასაქმებულების ნაწილში გაფართოვდა და დახმარებით საზღვარგარეთ სეზონურ სამუშაოებზე დასაქმებული ადამიანებიც სარგებლობენ.

68
თემები:
COVID-19 საქართველოში
ბერლინი

ქართველი სტუდენტები გერმანიაში სასწავლებლად დაბრუნებას შეძლებენ

35
(განახლებულია 21:46 16.07.2020)
საქართველოს მთავრობამ ქართველი სტუდენტებისთვის სპეციალური ავიარეისი დაამტკიცა, რომელიც 25 ივლისს შესრულდება.

თბილისი, 16 ივლისი – Sputnik. დაინიშნა დამატებითი სპეციალური ავიარეისი თბილისი–ბერლინი–თბილისი, რათა ქართველმა სტუდენტებმა გერმანიაში დაბრუნება და სწავლის გაგრძელება შეძლონ, განაცხადა ეკონომიკისა და მდგრადი განვითარების მინისტრმა ნათია თურნავამ ჟურნალისტებთან.

ბილეთები არის, მაგრამ მათი შეძენა ადვილი არ არის: ვინ და როგორ გაფრინდება საქართველოდან>>

მისი თქმით, სტუდენტები ბერლინში გამგზავრებას უკვე 25 ივლისს შეძლებენ.

„ჩემთვის ცნობილი გახდა, რომ არის გარკვეული რაოდენობა ქართველი სტუდენტებისა, ვისაც დროზე ადრე, ანუ სწავლის დაწყებამდე სურს ჩასვლა გერმანიაში იმის გამო, რომ მათ ხელთ უჭირავთ დასაქმების კონტრაქტები. ჩვენ ამაზე ვიმსჯელეთ და მთავრობამ სულ ორიოდე დღის წინ დაამტკიცა კიდევ ერთი, ე.წ. სოციალური ჩარტერი, ანუ სუბსიდირებადი ფრენა თბილისი-ბერლინი-თბილისის მიმართულებით“, – განაცხადა თურნავამ.

მან სტუდენტებს მოუწოდა, დროულად მიმართონ მთავრობის ადმინისტრაციასთან არსებულ ახალგაზრდობის საქმეთა დეპარტამენტს, რათა მიიღონ ადგილები ბორტზე.

ევროპის მიმართულებით ყველა ავიარეისი და ბილეთის გაყიდვა შეთანხმდება – თურნავა>>

კორონავირუსის პანდემიის გამო საქართველომ ყველა რეგულარული რეისი 1 აგვისტომდე შეაჩერა, სრულდება მხოლოდ ჩარტერული რეისები გარკვეული მიმართულებებით. იმისთვის, რომ დაეხმარონ მოქალაქეებს ჩვეულ ცხოვრებასთან დაბრუნებაში, ხელისუფლებამ ე.წ. სოციალური რეისების შემოღება გადაწყვიტა, როდესაც სახელმწიფო ბილეთის ღირებულების ნაწილს ფარავს და ბილეთი მოსახლეობისთვის უფრო ხელმისაწვდომია.

35
მარია ზახაროვა

ზახაროვა: მოსკოვი ბაქოსა და ერევანს შორის სიტუაციის დეესკალაციის მომხრეა

0
რუსეთის საგარეო საქმეთა სამინისტროს წარმომადგენელმა ისაუბრა მოსკოვი-ერევანი-ბაქოს ფორმატში შეხვედრის შესაძლებლობაზე

თბილისი 16 ივლისი – Sputnik. რუსეთის საგარეო საქმეთა სამინისტრო მუშაობს სომხურ და აზერბაიჯანულ მხარესთან ამ ქვეყნების საზღვარზე შემდგომი ესკალაციის აღსაკვეთად, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

მისი თქმით, რუსეთის საგარეო საქმეთა სამინისტროს ვებგვერდზე 13 ივლისს გამოქვეყნებულ განცხადებაში, ასევე მედიისთვის გაკეთებულ განცხადებებში და რუსეთის და სომხეთს, რუსეთის და აზერბაიჯანის მთავარი დიპლომატების სატელეფონო საუბრებში, ასევე ეუთოს მინსკის ჯგუფის განცხადებაში ისმის მოწოდება მხარეების მიმართ მიიღონ ყველა ზომა შემდგომი ესკალაციის აღსაკვეთად და არსებითი მოლაპარაკებების დასაწყებად.

ზახაროვამ განაცხადა, რომ თუ გაჩნდება ინფორმაცია მინისტრ სერგეი ლავროვის სომეხ ან აზერბაიჯანელ კოლეგებთან შესაძლო მომავალი შეხვედრების შესახებ, საგარეო საქმეთა სამინისტრო ამ ინფორმაციას მედიას აცნობებს.

სომხეთისა და აზერბაიჯანის საზღვარზე ტავუშის მიმართულებაზე რამდენიმე დღის განმავლობაში შეიარაღებული საბრძოლო შეტაკებები მიმდინარეობს.

აზერბაიჯანის შეიარაღებულმა ძალებმა 12 ივლისს საზღვარზე ტავუშის მიმართულებაზე სომხურ პოზიციებს ცეცხლი გაუხსნეს და მათზე იერიშის მიტანა სცადეს. სომხური მხარის საპასუხო ცეცხლის შედეგად მოწინააღმდეგე დანაკარგებით დაუბრუნდა საკუთარ პოზიციებს. 13 ივლისს აზერბაიჯანის შეიარაღებულმა ძალებმა სომხური პოზიციების მისამართით სროლა განაახლეს. ასევე მიმდინარეობს სროლები საზღვრისპირა სომხური სოფლების მისამართით. საერთაშორისო ორგანიზაციებმა და შუამავალმა ქვეყნებმა სომხეთსა და აზერბაიჯანს მშვიდობისკენ მოუწოდეს. ბოლო მონაცემებით, სომხურ მხარეს ოთხი დაღუპული ჰყავს. აზერბაიჯანმა 12 ადამიანი დაკარგა (მშვიდობიანი მოსახლის ჩათვლით).

0