თამო ვაშალომიძე

თამო ვაშალომიძე გათხოვდა? სოციალურ ქსელში ფოტომოდელის ქორწილის სურათები ვრცელდება

12817
(განახლებულია 18:32 05.11.2019)
ყველასათვის ცნობილი თამო ვაშალომიძე საზოგადოების გაოცებას ან გაღიზიანებას არ წყვეტს. ფოტომოდელმა სხვადასხვა ხერხით ბევრი ადამიანის ინტერესი გამოიწვია. ამჯერად ვაშალომიძის და უცნობი მამაკაცის საქორწინო სურათები გავრცელდა.

ეპატაჟური, თამამი, სკანდალური და ამავდროულად საინტერესო ცხოვრებით გამორჩეული თამო ვაშალომიძე ეროტიკული ხასიათის ფოტოსესიებს არ წყვეტს. მიუხედავად იმისა, რომ საზოგადოების გარკვეულ ნაწილს მისგან აღარაფერი უკვირს, მაინც არიან ადამიანები, რომლებსაც მისი ცხოვრება აოცებთ. ამაზე თამოს სოციალური ქსელების ხელმომწერების სიმრავლეც მეტყველებს – 98 ათასამდე ხელმომწერი. შესაბამისად, თამოს ცხოვრებით დაინტერესებული ადამიანების რაოდენობა არ იკლებს.

სკანდალური თამო ვაშალომიძე ოფიციალურ ქორწინებაში არ იმყოფებოდა, მაგრამ ულამაზესი ქალიშვილი საზოგადოებისთვის უცნობი და, როგორც თავად ამბობს, დაოჯახებული მამაკაცისგან ჰყავს. ფოტომოდელის პირად ურთიერთობებზე ყველა საუბრობს. საკმარისია თამო მამაკაცთან ერთად გამოჩნდეს, სოციალურ ქსელში ბუმი იწყება.

უკანასკნელად ვნებათაღელვა გამოიწვია ფოტომ, რომელზეც თამო უცნობმა მოდელმა მამაკაცმა ლაზაროს ლაფაურმა მონიშნა. ფოტომოდელები კოსტიუმსა და საქორწინო კაბაში გამოწყობილები პოზირებენ, რამაც თაყვანისმცემლების გაკვირვება გამოიწვია. როგორც ჩანს, ეს კოლეგების ერთობლივი ნამუშევარია. მათ შორის თანამშრომლობისა და მეგობრობის გარდა არაფერი სუფევს.

საზოგადოებისთვის ცნობილი ფოტომოდელი სოციალური ქსელის მომხმარებლებს ლამაზი ფოტოსესიებით ანებივრებს. ქართველი ცნობადი სახის სექსუალური ხასიათის სურათებს უამრავი მოწონება აქვს.

გარდა გაზიარებული ფოტოსესიებისა, Instagram-ზე ის მომხმარებლებს საშუალებას აძლევს, მათთვის საინტერესო კითხვებზე პასუხები მიიღონ. თამო ვაშალომიძე ყურადღების მიქცევას მიმზიდველი ფორმებით, გამომწვევი ჩაცმულობით და ეპატაჟურობით ცდილობს. მის მიერ გამოქვეყნებულ ვიდეოებს 40 000-მდე ნახვა, ხოლო ფოტოებს 4 000-ზე მეტი მოწონება აქვს. აღსანიშნავია, რომ ვაშალომიძე სხვადასხვა თოქ-შოუებში რეიტინგულობით გამოირჩევა და სასურველი სტუმარია.

12817
თემები:
სელებრითების ცხოვრება (1915)
ხანდაზმული მამაკაცები კოტე აფხაზის ქუჩაზე

პანდემიის შედეგად კომპენსაციის სახით 80 მილიონ ლარზე მეტი გაიცა

67
(განახლებულია 20:07 16.07.2020)
სახელმწიფო კომპენსაციის მისაღებად თვითდასაქმებულთა რეგისტრაციის ვადა პირველ აგვისტომდე გახანგრძლივდა.

თბილისი, 16 ივნისი – Sputnik. პანდემიის დროს დაზარალებულებზე კომპენსაციის სახით უკვე 80 883 700 ლარი გაიცა, იუწყება საზოგადოებრივი მაუწყებლის პირველი არხი.

დასაქმების ხელშეწყობის სახელმწიფო სააგენტოს ინფორმაციით, 16 ივლისის მდგომარეობით, ჯანდაცვის სამინისტროს სარეგისტრაციო პორტალზე სულ დარეგისტრირდა კომპენსაციის მიმღები თვითდასაქმებული 215 826 პირი. მათგან 121 525 პირმა მიიღო 300 ლარიანი კომპენსაცია. სულ გადაირიცხა 36 457 500 ლარი.

რაც შეეხება დასაქმებულებს, რომლებიც პანდემიის გამო დაზარალდნენ, სააგენტოს ინფორმაციით, 200 ლარის ოდენობით კომპენსაცია ჩაერიცხა 221 131 პირს. გადარიცხული თანხა შეადგენს 44 426 200 ლარს, აქედან მაისის თვის კომპენსაცია – 14 426 200 ლარი 72 131 პირზე და ივნისის თვის კომპენსაცია – 30 მლნ ლარი 150 000 პირზე. თანხები ეტაპობრივად ირიცხება.

სახელმწიფო კომპენსაციის მისაღებად თვითდასაქმებულთა რეგისტრაციის ვადა პირველ აგვისტომდე გახანგრძლივდა. უკვე რეგისტრირებულ პირებსაც ეძლევათ შესაძლებლობა, არასრული/დაუზუსტებელი მიმაგრებული დოკუმენტაცია განაახლონ 2020 წლის პირველ აგვისტომდე.

ასევე, მთავრობის გადაწყვეტილებით, მოქალაქეების სოციალური დახმარების პროგრამის მიზნობრიობა თვითდასაქმებულების ნაწილში გაფართოვდა და დახმარებით საზღვარგარეთ სეზონურ სამუშაოებზე დასაქმებული ადამიანებიც სარგებლობენ.

67
თემები:
COVID-19 საქართველოში
ბერლინი

ქართველი სტუდენტები გერმანიაში სასწავლებლად დაბრუნებას შეძლებენ

34
(განახლებულია 21:46 16.07.2020)
საქართველოს მთავრობამ ქართველი სტუდენტებისთვის სპეციალური ავიარეისი დაამტკიცა, რომელიც 25 ივლისს შესრულდება.

თბილისი, 16 ივლისი – Sputnik. დაინიშნა დამატებითი სპეციალური ავიარეისი თბილისი–ბერლინი–თბილისი, რათა ქართველმა სტუდენტებმა გერმანიაში დაბრუნება და სწავლის გაგრძელება შეძლონ, განაცხადა ეკონომიკისა და მდგრადი განვითარების მინისტრმა ნათია თურნავამ ჟურნალისტებთან.

ბილეთები არის, მაგრამ მათი შეძენა ადვილი არ არის: ვინ და როგორ გაფრინდება საქართველოდან>>

მისი თქმით, სტუდენტები ბერლინში გამგზავრებას უკვე 25 ივლისს შეძლებენ.

„ჩემთვის ცნობილი გახდა, რომ არის გარკვეული რაოდენობა ქართველი სტუდენტებისა, ვისაც დროზე ადრე, ანუ სწავლის დაწყებამდე სურს ჩასვლა გერმანიაში იმის გამო, რომ მათ ხელთ უჭირავთ დასაქმების კონტრაქტები. ჩვენ ამაზე ვიმსჯელეთ და მთავრობამ სულ ორიოდე დღის წინ დაამტკიცა კიდევ ერთი, ე.წ. სოციალური ჩარტერი, ანუ სუბსიდირებადი ფრენა თბილისი-ბერლინი-თბილისის მიმართულებით“, – განაცხადა თურნავამ.

მან სტუდენტებს მოუწოდა, დროულად მიმართონ მთავრობის ადმინისტრაციასთან არსებულ ახალგაზრდობის საქმეთა დეპარტამენტს, რათა მიიღონ ადგილები ბორტზე.

ევროპის მიმართულებით ყველა ავიარეისი და ბილეთის გაყიდვა შეთანხმდება – თურნავა>>

კორონავირუსის პანდემიის გამო საქართველომ ყველა რეგულარული რეისი 1 აგვისტომდე შეაჩერა, სრულდება მხოლოდ ჩარტერული რეისები გარკვეული მიმართულებებით. იმისთვის, რომ დაეხმარონ მოქალაქეებს ჩვეულ ცხოვრებასთან დაბრუნებაში, ხელისუფლებამ ე.წ. სოციალური რეისების შემოღება გადაწყვიტა, როდესაც სახელმწიფო ბილეთის ღირებულების ნაწილს ფარავს და ბილეთი მოსახლეობისთვის უფრო ხელმისაწვდომია.

34
მარია ზახაროვა

ზახაროვა: მოსკოვი ბაქოსა და ერევანს შორის სიტუაციის დეესკალაციის მომხრეა

0
რუსეთის საგარეო საქმეთა სამინისტროს წარმომადგენელმა ისაუბრა მოსკოვი-ერევანი-ბაქოს ფორმატში შეხვედრის შესაძლებლობაზე

თბილისი 16 ივლისი – Sputnik. რუსეთის საგარეო საქმეთა სამინისტრო მუშაობს სომხურ და აზერბაიჯანულ მხარესთან ამ ქვეყნების საზღვარზე შემდგომი ესკალაციის აღსაკვეთად, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

მისი თქმით, რუსეთის საგარეო საქმეთა სამინისტროს ვებგვერდზე 13 ივლისს გამოქვეყნებულ განცხადებაში, ასევე მედიისთვის გაკეთებულ განცხადებებში და რუსეთის და სომხეთს, რუსეთის და აზერბაიჯანის მთავარი დიპლომატების სატელეფონო საუბრებში, ასევე ეუთოს მინსკის ჯგუფის განცხადებაში ისმის მოწოდება მხარეების მიმართ მიიღონ ყველა ზომა შემდგომი ესკალაციის აღსაკვეთად და არსებითი მოლაპარაკებების დასაწყებად.

ზახაროვამ განაცხადა, რომ თუ გაჩნდება ინფორმაცია მინისტრ სერგეი ლავროვის სომეხ ან აზერბაიჯანელ კოლეგებთან შესაძლო მომავალი შეხვედრების შესახებ, საგარეო საქმეთა სამინისტრო ამ ინფორმაციას მედიას აცნობებს.

სომხეთისა და აზერბაიჯანის საზღვარზე ტავუშის მიმართულებაზე რამდენიმე დღის განმავლობაში შეიარაღებული საბრძოლო შეტაკებები მიმდინარეობს.

აზერბაიჯანის შეიარაღებულმა ძალებმა 12 ივლისს საზღვარზე ტავუშის მიმართულებაზე სომხურ პოზიციებს ცეცხლი გაუხსნეს და მათზე იერიშის მიტანა სცადეს. სომხური მხარის საპასუხო ცეცხლის შედეგად მოწინააღმდეგე დანაკარგებით დაუბრუნდა საკუთარ პოზიციებს. 13 ივლისს აზერბაიჯანის შეიარაღებულმა ძალებმა სომხური პოზიციების მისამართით სროლა განაახლეს. ასევე მიმდინარეობს სროლები საზღვრისპირა სომხური სოფლების მისამართით. საერთაშორისო ორგანიზაციებმა და შუამავალმა ქვეყნებმა სომხეთსა და აზერბაიჯანს მშვიდობისკენ მოუწოდეს. ბოლო მონაცემებით, სომხურ მხარეს ოთხი დაღუპული ჰყავს. აზერბაიჯანმა 12 ადამიანი დაკარგა (მშვიდობიანი მოსახლის ჩათვლით).

0