მიხეილ რამიშვილი

ადვოკატმა მასმედიას დეკანოზ გიორგი მამალაძის წერილი გააცნო

385
(განახლებულია 20:16 01.11.2019)
საპატრიარქოში 31 ოქტომბერს წმინდა სინოდის სხდომა გაიმართა, სადაც მიიღეს გადაწყვეტილება, რომ დეკანოზ გიორგი მამალაძის გათავისუფლების შესახებ სინოდი დეკანოზს პრეზიდენტთან უშუამდგომლებს.

თბილისი, 1 ნოემბერი — Sputnik. ე.წ. ციანიდის საქმეზე დაკავებული დეკანოზის გიორგი მამალაძის ადვოკატმა მიხეილ რამიშვილმა პატიმარი საპყრობილეში მოინახულა და საპყრობილიდან გამოსვლის შემდეგ ჟურნალისტებს დეკანოზის წერილი გააცნო.

წერილში დეკანოზი მადლობელია ღმერთის, რომელმაც მართლმადიდებელი ეკლესიის წმინდა სინოდს მიაღებინა შეწყალების შუამდგომლობის გადაწყვეტილება და იმედოვნებს, რომ საქართველოს პრეზიდენტი და ხელისუფლება ყველაფერს იღონებენ შუამდგომლობის დასაკმაყოფილებლად.

„იგი იმედს გამოთქვამს, რომ საპატიმროდან გათავისუფლების შემდეგ ექნება საშუალება, დააფიქსიროს თავისი პოზიცია მთელ რიგ საკითხებთან დაკავშირებით. მისთვის სინოდზე და სინოდის შემდეგ განვითარებული მოვლენები, დაკავშირებული მიტროპოლიტ პეტრესთან, არის უაღრესად მძიმე. ის იმედოვნებს, რომ ნათელი ქრისტე განგვანათლებს ყოველთა. ეს არის მისი პოზიცია“, – განაცხადა ადვოკატმა.

ჟურნალისტები დაინტერესდნენ, რა საკითხებზე აპირებს დეკანოზი პოზიციის დაფიქსირებას.

„ამასთან დაკავშირებით შემიძლია გითხრათ, რომ ასე დეტალურად არ იყო საუბარი – რა საკითხებზე იქნებოდა განხილვა, მაგრამ ეს გამოჩნდება, როდესაც საპატიმროდან გათავისუფლდება და მას საშუალება ექნება, რომ გარკვეულ საკითხებზე პოზიცია დააფიქსიროს“, – აღნიშნა ადვოკატმა.

„მეუფე პეტრესთან დაკავშირებით მისი პოზიცია მე უკვე წავიკითხე, რომ მისთვის არის უაღრესად მძიმე და იმედოვნებს, რომ ნათელი ქრისტესი განგვანათლებს ყოველთა“, – დასძინა მიხეილ რამიშვილმა.

​ამასთან, ადვოკატის თქმით, დეკანოზის ჯანმრთელობის მდგომარეობა ისევ მძიმეა.

საპატრიარქოში 31 ოქტომბერს წმინდა სინოდის სხდომა გაიმართა, რომელზეც რამდენიმე გადაწყვეტილება მიიღეს, მათ შორის მეუფე პეტრე (ცაავა) მღვდელთმთავრობიდან გაათავისუფლეს. გარდა ამისა, წმინდა სინოდმა გააფრთხილა მეუფე იაკობი. ასევე სინოდი დეკანოზ გიორგი მამალაძის გათავისუფლების შესახებ პრეზიდენტთან იშუამდგომლებს.

385
თემები:
საეკლესიო სკანდალი საქართველოში (31)
სასწრაფო დახმარების მანქანა

კორონავირუსი საქართველოში: რამდენი შემთხვევა გამოვლინდა ბოლო დღე-ღამეში

105
(განახლებულია 10:06 13.08.2020)
გამოჯანმრთელდა 1068 ადამიანი, გარდაიცვალა – 17, კარანტინის რეჟიმში იმყოფება 7718, ხოლო სტაციონარებში ექიმების დაკვირვების ქვეშ 245 პაციენტია.

თბილისი, 13 აგვისტო — Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში ხუთით გაიზარდა და 1283-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის გამოჯანმრთელებულია 1068 ადამიანი, გარდაცვლილია – 17, კარანტინის რეჟიმში იმყოფება 7718, ხოლო სტაციონარებში ექიმების დაკვირვების ქვეშ 245 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა.

105
თემები:
COVID-19 საქართველოში
ბათუმი

ტურიზმი პანდემიის დროს: რამდენმა სასტუმრომ მიიღო მუშაობის ნებართვა

42
(განახლებულია 09:08 13.08.2020)
კორონავირუსის პანდემიის პირობებში მუშაობის ნებართვის მისაღებად ბიზნეს–ობიექტებმა მკაცრი წესები უნდა დაიცვან

თბილისი, 13 აგვისტო – Sputnik. ამ დროისთვის საქართველოში ინსპექცია კორონავირუსის საწინააღმდეგო რეკომენდაციების შესაბამისობაზე ჩატარდა 2 964 სასტუმროში. მუშაობის ნებართვა მისცეს 1 454 ობიექტს, განაცხადა ჯანდაცვის სამინისტროს შრომის ინსპექციის დეპარტამენტის ხელმძღვანელმა ბექა ფერაძემ.

„ფოტოგრაფები საქართველოსთვის“: დაიწყო პროექტი შიდა ტურიზმის სტიმულირებისთვის>>

მისი თქმით, შემოწმებები ტარდება ფიტნეს–კლუბებსა და საცურაო აუზებშიც, რომლებიც ასევე შრომის ინსპექციის დადებითი დასკვნის საფუძველზე მუშაობენ.

„ფიტნესის მიმართულებით შემოწმებულია 297 დარბაზი, რომელთაგან ნებართვა გაიცა 166-ზე. აუზებს რაც შეეხება, შემოწმებულია 140 აუზი და ნებართვა 91 მათგანზე გაიცა“, – განაცხადა ბექა ფერაძემ ტელეარხ „იმედის“ ეთერში.

იმისთვის, რომ ობიექტს მუშაობის დაწყების ნებართვა მიეცეს, დაცული უნდა იყოს ძირითადი რეკომენდაციები: დისტანციის დაცვა, დეზინფექცია, თერმოსკრინინგი. ობიექტის სპეციფიკიდან გამომდინარე, ეს მოთხოვნები განსხვავებულია.

მოთხოვნების შეუსრულებლობის შემთხვევაში ბიზნეს–ობიექტებს აფრთხილებენ, ხოლო განმეორებითი დარღვევების შემთხვევაში – აჯარიმებენ.

თურნავა: ქუჩებში შევძლებთ მონატრებული უცხოელი ტურისტების დანახვას>>

ჯანდაცვის სამინისტროს რეკომენდაციებისშეუსრულებლობაზე ჯარიმის ოდენობაა 10 ათასი ლარი იურიდიული პირებისთვის და 2 ათასი ლარი – ფიზიკური პირებისთვის.

42
თემები:
COVID-19 საქართველოში
მამუკა ხაზარაძემ საზოგადოებას თავისი მომხრეები წარუდგინა

„ლელომ“ საპარლამენტო არჩევნებზე თავისი კანდიდატები წარადგინა

0
(განახლებულია 11:06 13.08.2020)
პარტიამ თავისი კანდიდატები წარმოადგინა არა მხოლოდ რეგიონებში, არამედ თბილისშიც, სადაც ოპოზიციური პარტიების უმრავლესობა ერთიან კანდიდატებზე შეთანხმდა

თბილისი, 13 აგვისტო – Sputnik. პარტიამ „ლელო საქართველოსთვის“ ერთმანდატიან ოლქებში თავისი კანდიდატები წარმოადგინა.

ეს პარტია ბანკირებმა მამუკა ხაზარაძემ და ბადრი ჯაფარიძემ 2019 წლის ბოლოს შექმნეს და ახლა წარმოადგენს სამი ძალის გაერთიანებას: თავად „ლელო“, პარლამენტის ყოფილი სპიკერის დავით უსუფაშვილის „შენების მოძრაობა“ და ქვეყნის ერთ-ერთი უძველესი პარტია „ახალი მემარჯვენეები“.

მიუხედავად საკუთარი შეხედულებებისა, „ლელო საქართველოსთვის“ ოპოზიციურ გაერთიანებაში არ მონაწილეობს. მან საპარლამენტო არჩევნებზე დამოუკიდებლად გასვლა გადაწყვიტა.

„ლელოს” პირველივე დღიდან ჰქონდა გაცხადებული, რომ შევდივართ ბრძოლაში დამოუკიდებლად, არჩევნებში შევდივართ დამოუკიდებლად. არასდროს არ მიგვიღია მონაწილეობა ადგილების განაწილებაში და შესაბამისად, დავაყენეთ ყველა ოლქში. არ ვყოფილვართ მოლაპარაკების მხარე და დამოუკიდებლად ვიღებთ გადაწყვეტილებას”,- განაცხადა ხაზარაძემ.

პარტიამ თავისი კანდიდატები წარმოადგინა როგორც რეგიონებში, ისე თბილისში, სადაც ოპოზიციის უმრავლესობა ერთიან კანდიდატებზე შეთანხმდა.

„ლელოში“ მატებაა: პარლამენტის დეპუტატმა პარტია გამოიცვალა>>

პარტიის კანდიდატების სიაში უმრავლესობა ქართული საზოგადოებისთვის უცნობია, თუმცა ნაცნობებიც გვხვდებიან. მაგალითად, „ახალი მემარჯვენეების“ ლიდერი ფიქრია ჩიხრაძე, პარლამენტის დეპუტატი ლევან კობერიძე, იურისტები კახა კოჟორიძე და ანა ნაცვლიშვილი, პოლიტიკოსი ლევან სამუშია.

პარტიის „ლელო საქართველოსთვის“ კანდიდატები თბილისში:

  • საბურთალო – ბადრი ჯაფრიძე
  • გლდანი – გიგლა მიქაუტაძე
  • სამგორი – ფიქრია ჩიხრაძე
  • ვაკე – ლევან კობერიძე
  • მთაწმინდა–კრწანისი – საბა ბუაძე
  • დიდუბე–ჩუღურეთი – ლევან სამუშია
  • ნაძალადევი – ნიკოლოზ ჩერქეზიშვილი
  • ისანი – ლანა გალდავა.

სახელმწიფო აუდიტის სამსახურის მონაცემებით, „ლელო საქართველოსთვის“ ქვეყანაში ერთ-ერთი ყველაზე მდიდარი პარტიაა და შემოსავლების მიხედვით მილიონერი პარტიების სამეულში შედის. მას წინ უსწრებს „ქართული ოცნება“. ნახევარ წელიწადში პარტიის შემოსავლებმა უკვე გადააჭარბა მილიონ ლარს.

0
თემები:
საქართველოს საპარლამენტო არჩევნები 2020