პეტრე ცაავა

ყოფილი ჭყონდიდელი მიტროპოლიტი კათოლიკოს-პატრიარქის განწესების შესრულებას არ აპირებს

368
(განახლებულია 19:47 01.11.2019)
ჭყონდიდის ყოფილი ეპისკოპოსი პეტრე (ცაავა) შიომღვიმის მონასტრის ნაცვლად, სადაც ის პატრიარქმა განაწესა, ინჩხურის მონასტრის დათმობას მოითხოვს.

თბილისი, 1 ნოემბერი — Sputnik. ჭყონდიდის ეპარქიის ყოფილი მიტროპოლიტი პეტრე (ცაავა) არ აპირებს შიომღვიმის მონასტერში წასვლას, სადაც პატრიარქის ბრძანებით განწესდა. შესაბამისი განცხადება მეუფე პეტრემ ეპარქიის ახალ ხელმძღვანელთან მიტროპოლიტ გრიგოლთან (კაცია), სხვა სასულიერო პირებთან და მრევლთან შეხვედრის შემდეგ გააკეთა. 

როგორც მამა პეტრე აცხადებს, მან ინჩხურის წმინდა ამბროსი ხელაიას სახელობის მონასტრის დათმობა ითხოვა.

„შიომღვიმის მონასტერში არ ვაპირებ წასვლას. ვითხოვე, რომ ერთ-ერთი მონასტერი, ინჩხურის წმინდა ამბროსი ხელაიას სახელობის მონასტერი დამითმონ, სადაც ვიქნები. დაველოდები პასუხს და მივიღებ გადაწყვეტილებას, თუ სად ვიქნები“, – განაცხადა მამა პეტრემ.

ამასთან, მამა პეტრე აცხადებს, რომ მას მიტროპოლიტ გრიგოლისთვის, რომელიც ჭყონდიდის ეპარქიას მის ნაცვლად უხელმძღვანელებს, ეპარქიის გადაბარების პრობლემა არ ჰქონია.

„მე მარტივად დავთმე გუშინაც ეს მდგომარეობა. შეფასებაზე იმავე აზრზე ვრჩები, მაგრამ გადაბარებასთან მიმართებაში პრობლემა რომ მქონოდა, მაშინ წავიდოდი კომპრომისზე“, – აღნიშნა მეუფე პეტრემ და კითხვაზე, რა გეგმა ექნება მომავალში, დასძინა, რომ „გონივრული მოქმედების გეგმა ექნება“.

წმინდა სინოდმა ხუთშაბათს მეუფე პეტრეს მიტროპოლიტის წოდება ჩამოართვა, რადგან მან სრულიად საქართველოს კათოლიკოს-პატრიარქს ილია მეორეს მამათმავლობის მფარველობაში დასდო ბრალი. მამა პეტრეს განცხადებით, მან სინოდისგან მოწმეების წარდგენისთვის დრო მოითხოვა, თუმცა ამაზე უარი მიიღო.

მომხდართან დაკავშირებით საქართველოს საპატრიარქომ იმავე დღეს გაავრცელა ოფიციალური განმარტება. წმინდა სინოდის წევრებმა განაცხადეს, რომ ქართულ ეკლესიას პატრიარქის ასეთი შეურაცხყოფა, როგორიც მას მამა პეტრემ მიაყენა, არ უნახავს. ილია მეორემ, თავის მხრივ, სინანული გამოთქვა იმასთან დაკავშირებით, რომ მამა პეტრე, რომელიც განსაკუთრებული მღვდელმსახური იყო, ასე შეიცვალა.

ნიკა ლატარია

 

368
თემები:
საეკლესიო სკანდალი საქართველოში (31)
ადამიანები ხიდზე

რას ფიქრობენ ქართველები რუსეთზე ამერიკული კვლევა

35
(განახლებულია 12:05 13.08.2020)
ქართველთა უმრავლესობა მხარს უჭერს ქართულ-რუსულ დიალოგს და აღნიშნავს, რომ ქვეყნებს შორის ურთიერთობები სასურველია, საუკეთესო იყოს.

თბილისი, 13 აგვისტო – Sputnik. აშშ-ის საერთაშორისო რესპუბლიკური ინსტიტუტის (IRI) გამოკითხვამ აჩვენა, რომ ქართველთა 75% რუსეთთან შემდგომი დიალოგის მომხრეა.

საქართველოს ყოველი მესამე მცხოვრები ხმას „ქართულ ოცნებას“ მისცემს – IRI-ს გამოკითხვა>>

კითხვაზე „მხარს უჭერთ თუ არა საქართველოსა და რუსეთს შორის შემდგომ დიალოგს“, გამოკითხულთა 40% -მა უპასუხა, რომ სრულად უჭერენ მხარს, 35% კი ამას მხარს ნაწილობრივ უჭერს.

გამოკითხულთა მხოლოდ 14%-ია დიალოგის წინააღმდეგი, ნაწილობრივ წინააღმდეგია 8%. რესპონდენტთა 3% -მა უარი თქვა პასუხის გაცემაზე.

ამავე დროს, საქართველოში გამოკითხულთა 84% მიიჩნევს, რომ საქართველოსა და რუსეთს შორის არსებული ურთიერთობა ცუდია, 6% ფიქრობს, რომ კარგია,  ხოლო 8%  ნეიტრალურად მიიჩნევს.

ამავე გამოკითხვის თანახმად, ქართველთა 71% მიიჩნევს, რომ ურთიერთობები სომხეთთან კარგია, 14%  ფიქრობს, რომ ნეიტრალურია და  10% - ცუდი.

რომელი უცხოური ენაა ყველაზე პოპულარული საქართველოში – ამერიკული კვლევის შედეგები>>

აზერბაიჯანთან კარგი ურთიერთობია, მიიჩნევს გამოკითხულთა 68%, ნეიტრალურია - 13%, ხოლო 14% ფიქრობს, რომ ცუდია.

35
თემები:
ქართულ–რუსული ურთიერთობები
პრემიერი გიორგი გახარია

სტიქიით დაზარალებულ რაჭაში ინფრასტრუქტურა 2021 წლის გაზაფხულამდე სრულად აღდგება

47
(განახლებულია 11:31 13.08.2020)
რაჭა-ლეჩხუმისა და ქვემო სვანეთის რეგიონის 12 სოფელი 29 ივლისს მოსულმა უხვმა ნალექმა გარესამყაროს მოწყვიტა

თბილისი, 13 აგვისტო - Sputnik. სტიქიის მასშტაბიდან გამომდინარე, ინფრასტრუქტურის კაპიტალურ, სრულფასოვან აღდგენას დასჭირდება დრო, დაახლოებით 2021 წლის გაზაფხულამდე, განაცხადა საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე.

28–29 ივლისს უამინდობისა და კოკისპირული წვიმების გამო რაჭა-ლეჩხუმისა და ქვემო სვანეთის რეგიონის 12 სოფელი – 2 ათასზე მეტი ადამიანი გარე სამყაროს მოწყვეტილი აღმოჩნდა. სტიქიის შედეგად დაზიანდა 10 ხიდი, 8 ადგილზე ჩაინგრა  ცენტრალური გზის სავალი ნაწილი, ასევე რამდენიმე მონაკვეთი ონიდან შოვის მიმართულებით და შიდა სასოფლო გზები.

მთავრობის მეთაურის განცხადებით, სტიქიის შედეგების აღმოფხვრა  და  სარეაბილიტაციო სამუშაოები ახლაც მიმდინარეობს.

„დღეის მონაცემებით, ყველა სოფელს მიეწოდება როგორც წყალი, ისე - ელექტროენერგია. თუმცა, კაპიტალური სამშენებლო სამუშაოები გრძელდება და დღეს ჩვენ უნდა ვიმსჯელოთ ამ სამუშაოებისთვის, საგზაო მიმართულებით, დამატებითი თანხების გამოსაყოფად“, - განაცხადა გიორგი გახარიამ.

შინაგან საქმეთა სამინისტროს სასაზღვრო პოლიციის ვერტმფრენებმა მოქალაქეების დასახმარებლად 63 გაფრენა განახორციელეს. სტიქიის ზონიდან გამოყვანილია 706 მოქალაქე, ხოლო იქ დარჩენილებისთვის შეტანილია 608 სასურსათო კალათა, 12 500 კილოგრამი პურის ფქვილი, 6310 ლიტრი საწვავი, 9485 ლარის ღირებულების მედიკამენტები.

47
ვაშლი ხის ტოტზე

ყურძნის შემდეგ ვაშლი: მთავრობამ ვაშლის შესყიდვის სუბსიდირება გადაწყვიტა

0
(განახლებულია 12:15 13.08.2020)
პრემიერის განცხადებით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა

თბილისი, 13 აგვისტო - Sputnik. ყველა ის კომპანია, რომელიც ჩაერთვება სპეციალურად ვაშლის დაბინავების მიზნით შექმნილ შემსყიდველ შტაბში, სუბსიდირებას მიიღებს დამატებითი 10 თეთრის რაოდენობით, განაცხადა საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე.

„რქაწითელი" და „კახური მწვანე": მთავრობა რთვლის სუბსიდირებას გეგმავს>>

პრემიერის  განცხადებით, ეკონომიკური კრიზისის ფარგლებში მთავრობა  სექტორულად ეხმარება სხვადასხვა დარგს და, მათ შორის, განსაკუთრებულ ყურადღებას სოფლის მეურნეობას აქცევს.

„ძირითადი მიზანი გახლავთ, რომ ჩვენი ფერმერების არც ერთი გრამი პროდუქტი ​დაუბინავებელი არ უნდა დარჩეს. ამ მოტივით იყო განპირობებული ჩვენი დახმარება მევენახეებისთვის და მოგეხსენებათ, მთავრობა ასუბსიდირებს ყურძნის შესყიდვას წელს და შემდეგი ნაბიჯი, რომელსაც ჩვენ გადავდგამთ, ეს იქნება ვაშლი“, - აღნიშნა გახარიამ.

მისი განმარტებით,  საერთაშორისო ბაზრებზე წელს ვაშლის ფასი საკმაოდ დაეცა და ამიტომ, სოფლის მეურნეობის სამინისტროს რეკომენდაციით, მთავრობამ მიიღო გადაწყვეტილება არასტანდარტული ვაშლის შესყიდვის 10 თეთრით სუბსიდირების შესახებ. საბოლოოდ, ფერმერებისთვის ვაშლის ფასი იქნება არანაკლებ 22 თეთრისა.

„ეს ძალზე მნიშვნელოვანია რეგიონისთვის, ამიტომ აქ გვმართებს სწორი და ეფექტური მუშაობა. ეს პროგრამა გაგრძელდება 2020 წლის დეკემბრამდე“, – განაცხადა გიორგი გახარიამ.

ივლისში ცნობილი გახდა, რომ მთავრობა ქართული ყურძნის ჯიშების „რქაწითელისა" და „კახური მწვანის" სუბსიდირებას განახორციელებს.

პრემიერის თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

0
თემები:
საქართველოს სოფლის მეურნეობა