საეკლესიო ზარები

საეკლესიო სკანდალი ეპარქიის სასულიერო პირები მიტროპოლიტის რეზიდენციაში იკრიბებიან

207
(განახლებულია 17:40 01.11.2019)
მღვდელმსახურები, რომლებმაც მამა პეტრეს (ცაავა) მხარი დაუჭირეს, ეპარქიის მიტროპოლიტის რეზიდენციაში განმარტებებს ელოდებიან.

თბილისი, 1 ნოემბერი — Sputnik. ჭყონდიდის ეპარქიაში შემავალი ეკლესიების მღვდელმსახურები მამა პეტრეს (ცაავა) მიმართ წმინდა სინოდის მიერ გამოტანილი სასჯელის განმარტების მოლოდინში მარტვილში, მიტროპოლიტის რეზიდენციაში იკრიბებიან, განუცხადა „Sputnik-საქართველოს" მარტვილის წმინდა ამბროსი აღმსარებლის მამათა მონასტრის წინამძღვარმა მამა ანდრიამ (სარია).

რატომ ჩამოართვეს მიტროპოლიტ პეტრეს წოდება - საპატრიარქოს განცხადება>>

წმინდა სინოდმა ხუთშაბათს მამა პეტრეს (ცაავა) ჩამოართვა მიტროპოლიტის წოდება, სინოდის წევრობა და მონანიებისთვის მონასტერში გაგზავნა. ამის მიზეზი ის გახდა, რომ მან სრულიად საქართველოს კათოლიკოს-პატრიარქს ილია მეორეს მამათმავლობის მფარველობაში დასდო ბრალი. მამა პეტრეს განცხადებით, მან სინოდისგან მოწმეების წარდგენისთვის დრო მოითხოვა, თუმცა ამაზე უარი მიიღო.

„ჩვენ არ ვეგუებით უსამართლობას... ჩვენი მოთხოვნა იქნება – როგორც საჭიროა და ჯერ არს, ისე იქნეს განხილული ყველა საკითხი და არა აღტკინებებით და გულის ემოციებით. მოდი, ასე ვთქვათ, დროებით მმართველს ვაცალოთ ჩამოსვლა, როცა ჩამოვა, მერე თქვენც გაიგებთ მას რისი უფლება და მოვალეობები ექნება და ჩვენ როგორ ვუყურებთ მას", – განაცხადა მამა ანდრიამ.

მისი თქმით, მიუხედავად სინოდის გადაწყვეტილებისა, პეტრე (ცაავა) მაინც მეუფეა.

„ჯერ მათ პასუხი უნდა მოგვცენ. როგორც თავად მეუფე ამბობს, თუ ის იმსახურებს სასჯელს, ის დაისჯება, თუ არა, დაისჯება ის, ვისზეც ის ლაპარაკობს", – აღნიშნა მამა ანდრიამ.

მარგველაშვილი: პატრიარქმა „კაგებეს“ გაუძლო და ეს კოღოს ნაკბენები ვერ შეარყევენ>>

მან აღნიშნა, რომ მამა პეტრეს მომხრეებს აქვთ საპასუხო რეაქციის შესაძლებლობა.

„ცოდვა უნდა ამოიძირკვოს და არა დაიმალოს. დარწმუნებული ვარ, რომ ეპისკოპოსების 99%-მა ამის შესახებ იცოდა, მაგრამ ისინი ამბობენ – რა ვქნათ, ეს უნდა დავმალოთ", – განაცხადა იღუმენმა დანიელმა.

ამავდროულად გათავისუფლების შესახებ განცხადება დაწერა სალხინოში ამბროსი აღმსარებლის სახელობის საგანმანათლებლო სკოლა–გიმნაზიის პრორექტორმა მამუკა დანელიამ. მისი თქმით, სკოლა მამა პეტრემ დააფუძნა და ის მისი პატრონაჟით ფუნქციონირებდა.

„ეს სკოლა არის სპეციფიკური, აქ სწავლობენ შეჭირვებული, ობოლი ბავშვები. ის აბსოლუტურად უსასყიდლოდ ფუნქციონირებს. აქ ბავშვები იკვებებიან… მას შემდეგ, რაც გავიგე, რომ მეუფე პეტრე არ იქნება ამ სკოლის ხელმძღვანელი, ჩემს თავს მე აქ ვერ ვხედავ", – განაცხადა დანელიამ.

ამჟამად თავად მამა პეტრე სკოლაში ბავშვებთან გამოსამშვიდობებლად არის წასული.

ნიკა ლატარია

207
თემები:
საეკლესიო სკანდალი საქართველოში (31)
საბავშვო ბაღი

თბილისის საბავშვო ბაღებში დასაქმებულთა ხელფასები იზრდება

14
(განახლებულია 11:18 13.08.2020)
თბილისის საბავშვო ბაგა-ბაღების მართვის სააგენტოს ხელმძღვანელის, კახაბერ გვანცელაძის განცხადებით, თბილისის ბაღებში თანამდებობრივი სარგო სხვადასხვა პოზიციაზე 10-დან 20 პროცენტამდე მოიმატებს.

თბილისი, 13 აგვისტო – Sputnik. ახალი სააღმზრდელო წლიდან დედაქალაქის საბავშვო ბაღებში დასაქმებული ყველა თანამშრომელი გაზრდილ ხელფასს მიიღებს, იუწყება საზოგადოებრივი მაუწყებლის პირველი არხი.

საბავშვო ბაღების აღმზრდელ-პედაგოგებს სექტემბრიდან ხელფასები გაეზრდებათ>>

თბილისის საბავშვო ბაგა-ბაღების მართვის სააგენტოს ხელმძღვანელის, კახაბერ გვანცელაძის განცხადებით, შრომითი ანაზღაურების ზრდა საქართველოს მთავრობის გადაწყვეტილების შესაბამისად ხორციელდება.

„დედაქალაქის მერთან ერთად წლის დასაწყისშივე დავიწყეთ მუშაობა ბიუჯეტის დაგეგმვაზე და მოხარული ვარ, რომ უკვე სექტემბერში არა მხოლოდ აღმზრდელები, არამედ ბაღში დასაქმებული 10 ათას 800-ივე თანამშრომელი გაზრდილ ხელფასს აიღებს“, – განაცხადა გვანცელაძემ.

მისი თქმით, თბილისის ბაღებში თანამდებობრივი სარგო სხვადასხვა პოზიციაზე 10-დან 20 პროცენტამდე მოიმატებს.

კახაბერ გვანცელაძის განცხადებით, ხელფასების მატების შედეგად, სახელფასო ფონდი წლიურად 8 მლნ 086 ათას 773 ლარით გაიზრდება.

პრემიერ-მინისტრმა გიორგი გახარიამ შარშან ნოემბერში განაცხადა, რომ 2020 წლიდან სკოლის პედაგოგების პარალელურად, ანაზღაურება საშუალოდ 100 ლარით გაეზრდებათ საბავშვო ბაღების მასწავლებლებსაც.

14
თემები:
თბილისი დღეს
ნანუკა გუდავაძე, ბიძინა ივანიშვილი და ბერა ივანიშვილი

ბერა და ბერუკა ერთად ვარჯიშობენ - მუსიკოსი უსაყვარლეს ვიდეოს აქვეყნებს

690
(განახლებულია 14:51 31.07.2020)
მუსიკოსი ბერა ივანიშვილის ვაჟი სულ ცოტა ხნის წინ მოევლინა ქვეყანას, თუმცა უკვე დიდი პოპულარობით სარგებლობს.

პატარა ბერუკას მუსიკა მამამ უკვე შეაყვარა. ცოტა ხნის წინ ახალგაზრდა კომპოზიტორმა და შემსრულებელმა ვაჟთან ერთად ვიდეო გამოაქვეყნა, სადაც ისინი როიალზე უკრავენ. „ჩემი მომავალი პიანისტი, მის თითებს დააკვირდით“, – წერდა ახალბედა მამა. ბერამ შვილს „იავნანაც“ დაუწერა და ვიდეო, სადაც ამ მუსიკაზე ბერუკა იძინებს, სოციალურ ქსელში განათავსა. ახლა კი შვილთან ერთად ვარჯიშობს. ბერუკას, როგორც ჩანს, მამასთან ერთად ვარჯიში ძალიან მოსწონს.

View this post on Instagram

😂❤

A post shared by @ beraivanishvili_fanclub on

პარტია „ქართული ოცნების“ თავმჯდომარისა და საქართველოს ყოფილი პრემიერის ბიძინა ივანიშვილის ოჯახში პატარა ბერუკა 2019 წლის 29 ნოემბერს გაჩნდა. როგორც ცნობილია, ბერამ და ნანუკამ შვილს სახელი მათი სახელების შერწყმის შედეგად დაარქვეს. ბერ (ბერ-ა) + უკა (ნან-უკა). ცოტა ხნის წინ ბერამ და ნანუკამ Instagram-ზე ახალშობილის უსაყვარლესი ფოტოები გამოაქვეყნეს. გავრცელებული ინფორმაციით, ნანუკა გუდავაძემ სახლში იმშობიარა და მშობიარობას ნდო­ბით აღ­ჭურ­ვი­ლი მე­ა­ნი ესწრებოდა სა­ჩხე­რის სა­მე­დი­ცი­ნო ცენ­ტრი­დან.

კომპოზიტორი და შემსრულებელი ბერა ივანიშვილი ცნობილი ოჯახის შვილია. მიუხედავად იმისა, რომ პოლიტიკისგან შორს არის, კარიერის დასაწყისში მამის პარტიას სიმღერებს უძღვნიდა, ახლა კი მისი კომპოზიციები ნანუკა გუდავაძეს ეძღვნება. საზოგადოებისთვის უცნობია, თუ სად გაიცნეს ერთმანეთი ბერამ და ნანუკამ. სოციალურ ქსელში ცოლ-ქმარი დიდი აქტიურობითა და პოპულარობით გამოირჩევა. „ფორბსის“ მიერ გამოქვეყნებულ მილიარდერთა სიაში საქართველოდან მხოლოდ ბიძინა ივანიშვილი ირიცხება. „ქართული ოცნების“ ლიდერს ოთხი შვილი ჰყავს. მათ შორის საზოგადოებისთვის უფრო მეტად ცნობილი ბერა ივანიშვილია.

690
თემები:
სელებრითების ცხოვრება