სრულიად საქართველოს კათოლიკოს-პატრიარქი ილია მეორე

ილია მეორე: ჩვენ ყველაფერი უნდა გავაკეთოთ მშვიდობის დამკვიდრებისთვის

146
(განახლებულია 15:17 01.11.2019)
სრულიად საქართველოს კათოლიკოს-პატრიარქმა მღვდელმსახურებს მოუწოდა, რომ ერთმანეთს ტვირთი კი არ დაუმძიმონ, არამედ შეუმსუბუქონ.

თბილისი, 1 ნოემბერი — Sputnik. სრულიად საქართველოს კათოლიკოს-პატრიარქმა ილია მეორემ წმინდა სინოდს მოუწოდა, ყველაფერი გააკეთონ ქვეყანაში სიმშვიდისა და მშვიდობისთვის, ნათქვამია საპატრიარქოს განცხადებაში.

რატომ ჩამოართვეს მიტროპოლიტ პეტრეს წოდება - საპატრიარქოს განცხადება>>

წმინდა სინოდის ბოლო სხდომა თანამედროვე საქართველოს ისტორიაში ყველაზე სკანდალური აღმოჩნდა. ერთ-ერთმა ყველაზე ავტორიტეტულმა მღვდელმსახურმა, ჭყონდიდის მიტროპოლიტმა, მეუფე პეტრემ პატრიარქი მამათმავლობის ცოდვის დაფარვაში დაადანაშაულა. ის სინოდის სხდომაზე მღვდელმთავრობიდან გადააყენეს.

„ჩვენ ყველაფერი უნდა გავაკეთოთ – როგორც ეკლესიაში, ასევე ქვეყანაში – მშვიდობის დამკვიდრებისათვის. ჩვენ არ უნდა მივცეთ საბაბი საზოგადოებას, დაბრკოლდეს ეკლესიისა და სარწმუნოების მიმართ. ჩვენ ყველაფერი უნდა გავაკეთოთ, რომ ერი არ დაბრკოლდეს ჩვენი ქცევისა და გამოსვლების გამო", – ბრძანა ილია მეორემ.

ამასთან, პატრიარქმა მღვდელმთავრებს სიფრთხილისკენ მოუწოდა.

„ყოველ მღვდელმთავარს აქვს დადებული ფიცი ღვთისა და პატრიარქის წინაშე ერთგულებისა და ამ ფიცის დარღვევის შემთხვევაში იგი დიდ ცოდვას იდებს საკუთარ თავზე", – აღნიშნა ილია მეორემ.

პატრიარქმა ასევე ბრძანა, რომ სინოდის ამოცანა ვინმეს დასჯა არ არის.

„დღეს ჩვენ აქ შევიკრიბეთ არა იმისათვის რომ ვინმე დავსაჯოთ, არამედ იმისათვის, რომ დავეხმაროთ ერთმანეთს. ჩვენ კი არ უნდა დავუმძიმოთ ერთმანეთს ტვირთი, არამედ უნდა შევუმსუბუქოთ. მიუხედავად იმისა, რომ ჩემთვის არაერთხელ დაუმძიმებიათ ჯვარი, მე არასოდეს მიფიქრია ვინმეს დასჯა. მე მუდამ მხოლოდ თქვენს დახმარებაზე ვფიქრობ. მე აღვიზარდე ისეთ ოჯახში, სადაც მუდამ იყო დიდი კრძალვა ღვთისადმი და თანაგრძნობა მოყვასისადმი. ჩვენი ოჯახი არაერთხელ იფარავდა დევნილ სამღვდელოებას", – ბრძანა პატრიარქმა.

ამჟამად მეუფე პეტრე ჭყონდიდის ეპარქიაში იმყოფება, სადაც გუშინ, ღამით მას მხარდაჭერის გამოცხადების მიზნით მრევლი ელოდება.

ვინ არის მეუფე პეტრე ცაავა>>

სინოდის გადაწყვეტილებით, მამა პეტრეს მღვდელმსახურება აეკრძალა. ის მოსანანიებლად მონასტერში უნდა წავიდეს.

146
თემები:
საეკლესიო სკანდალი საქართველოში (31)
პრემიერი გიორგი გახარია

სტიქიით დაზარალებულ რაჭაში ინფრასტრუქტურა 2021 წლის გაზაფხულამდე სრულად აღდგება

28
(განახლებულია 11:31 13.08.2020)
რაჭა-ლეჩხუმისა და ქვემო სვანეთის რეგიონის 12 სოფელი 29 ივლისს მოსულმა უხვმა ნალექმა გარესამყაროს მოწყვიტა

თბილისი, 13 აგვისტო - Sputnik. სტიქიის მასშტაბიდან გამომდინარე, ინფრასტრუქტურის კაპიტალურ, სრულფასოვან აღდგენას დასჭირდება დრო, დაახლოებით 2021 წლის გაზაფხულამდე, განაცხადა საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე.

28–29 ივლისს უამინდობისა და კოკისპირული წვიმების გამო რაჭა-ლეჩხუმისა და ქვემო სვანეთის რეგიონის 12 სოფელი – 2 ათასზე მეტი ადამიანი გარე სამყაროს მოწყვეტილი აღმოჩნდა. სტიქიის შედეგად დაზიანდა 10 ხიდი, 8 ადგილზე ჩაინგრა  ცენტრალური გზის სავალი ნაწილი, ასევე რამდენიმე მონაკვეთი ონიდან შოვის მიმართულებით და შიდა სასოფლო გზები.

მთავრობის მეთაურის განცხადებით, სტიქიის შედეგების აღმოფხვრა  და  სარეაბილიტაციო სამუშაოები ახლაც მიმდინარეობს.

„დღეის მონაცემებით, ყველა სოფელს მიეწოდება როგორც წყალი, ისე - ელექტროენერგია. თუმცა, კაპიტალური სამშენებლო სამუშაოები გრძელდება და დღეს ჩვენ უნდა ვიმსჯელოთ ამ სამუშაოებისთვის, საგზაო მიმართულებით, დამატებითი თანხების გამოსაყოფად“, - განაცხადა გიორგი გახარიამ.

შინაგან საქმეთა სამინისტროს სასაზღვრო პოლიციის ვერტმფრენებმა მოქალაქეების დასახმარებლად 63 გაფრენა განახორციელეს. სტიქიის ზონიდან გამოყვანილია 706 მოქალაქე, ხოლო იქ დარჩენილებისთვის შეტანილია 608 სასურსათო კალათა, 12 500 კილოგრამი პურის ფქვილი, 6310 ლიტრი საწვავი, 9485 ლარის ღირებულების მედიკამენტები.

28
საბავშვო ბაღი

თბილისის საბავშვო ბაღებში დასაქმებულთა ხელფასები იზრდება

69
(განახლებულია 11:18 13.08.2020)
თბილისის საბავშვო ბაგა-ბაღების მართვის სააგენტოს ხელმძღვანელის, კახაბერ გვანცელაძის განცხადებით, თბილისის ბაღებში თანამდებობრივი სარგო სხვადასხვა პოზიციაზე 10-დან 20 პროცენტამდე მოიმატებს.

თბილისი, 13 აგვისტო – Sputnik. ახალი სააღმზრდელო წლიდან დედაქალაქის საბავშვო ბაღებში დასაქმებული ყველა თანამშრომელი გაზრდილ ხელფასს მიიღებს, იუწყება საზოგადოებრივი მაუწყებლის პირველი არხი.

საბავშვო ბაღების აღმზრდელ-პედაგოგებს სექტემბრიდან ხელფასები გაეზრდებათ>>

თბილისის საბავშვო ბაგა-ბაღების მართვის სააგენტოს ხელმძღვანელის, კახაბერ გვანცელაძის განცხადებით, შრომითი ანაზღაურების ზრდა საქართველოს მთავრობის გადაწყვეტილების შესაბამისად ხორციელდება.

„დედაქალაქის მერთან ერთად წლის დასაწყისშივე დავიწყეთ მუშაობა ბიუჯეტის დაგეგმვაზე და მოხარული ვარ, რომ უკვე სექტემბერში არა მხოლოდ აღმზრდელები, არამედ ბაღში დასაქმებული 10 ათას 800-ივე თანამშრომელი გაზრდილ ხელფასს აიღებს“, – განაცხადა გვანცელაძემ.

მისი თქმით, თბილისის ბაღებში თანამდებობრივი სარგო სხვადასხვა პოზიციაზე 10-დან 20 პროცენტამდე მოიმატებს.

კახაბერ გვანცელაძის განცხადებით, ხელფასების მატების შედეგად, სახელფასო ფონდი წლიურად 8 მლნ 086 ათას 773 ლარით გაიზრდება.

პრემიერ-მინისტრმა გიორგი გახარიამ შარშან ნოემბერში განაცხადა, რომ 2020 წლიდან სკოლის პედაგოგების პარალელურად, ანაზღაურება საშუალოდ 100 ლარით გაეზრდებათ საბავშვო ბაღების მასწავლებლებსაც.

69
თემები:
თბილისი დღეს