გიორგი მარგველაშვილი

მარგველაშვილი: პატრიარქმა „კაგებეს“ გაუძლო და ეს კოღოს ნაკბენები ვერ შეარყევენ

192
საქართველოს მეოთხე პრეზიდენტი გიორგი მარგველაშვილი დღეს საქართველოს კათოლიკოს-პატრიარქს ილია მეორეს საპატრიარქოში შეხვდა

თბილისი, 31 ოქტომბერი - Sputnik. საქართველოს-კათოლიკოს-პატრიარქმა „კაგებეს“ გაუძლო და ეს კოღოს ნაკბენები ვერ შეარყევენ, განუცხადა საქართვერლოს ყოფილმა პრეზიდენტმა გიორგი მარგველაშვილმა ჟურნალისტებს საპატრიარქოს დატოვების შემდეგ.

მეუფე პეტრე პატრიარქს უყვიროდა - სამღვდელოებამ სინოდზე მომხდარის შესახებ ისაუბრა >>

დღეს წმინდა სინოდის სხდომა გაიმართა, რომლეზეც ჭყონდიდელი მიტროპოლიტი, მეუფე პეტრე მღვდელმთავრობიდან გადააყენეს. თავად მეუფე პეტრეს განცხადებით, აღნიშნულის მიზეზი ის გარემოება გახდა, რომ მან პატრიარქი მამათმავლობაში ამხილა. მოგვიანებით მან აღნიშნა, რომ თავად პატრიარქია „პედარასტიისა და მამათმავლობის ცოდვითაა შეპყრობილი".

„კაგებეს სპეცსამსახურები ცდილობდნენ, რომ მისი ღირებულებები შეეცვალათ, იმ ფონზე, როდესაც პატრიარქმა კაგებეს გაუძლო, ეს კოღოს ნაკბენები მისი რამენაირად შემრყევი არ არის“, - განაცხადა საქართველოს ყოფილმა პრეზიდენტმა გიორგი მარგველაშვილმა საპატრიარქოს დატოვების შემდეგ.

გიორგი მარგველაშვილი ილია მეორეს 31 ოქტომბრის საღამოს შეხვდა.

მისი განცხადებით, მას დახვდა კათოლიკოს-პატრიარქი, რომელსაც ბოლო 40 წელია იცნობს.

„მივხვდი, რომ მის უწმინდესობას გავლილი აქვს არაერთი მძიმე დღე ჩვენი ქვეყნისთვის ბრძოლაში. ის მტკიცედ დგას შეთითხნილი, მარტივი ინტრიგების ზემოთ. მე დავინახე პატრიარქი, რომელიც ვერ გატეხა ვერც „კაგებემ“ და ვერც სხვა სპეცსამსახურებმა. პატრიარქი არის მხნედ, ხედვა აქვს ხვალინდელი დღის და პერსპექტივის. ჩვენზეც, საზოგადოებაზეც ბევრი რამ არის დამოკიდებული, რომ რაღაცნაირად თვითგანადგურება არ განვახორციელოთ“, - განაცხადა გიორგი მარგველაშვილმა.

დღეს წმინდა სინოდის სხდომაზე მეუფე პეტრეს ჭყონდიდის მიტროპოლიტის წოდება ჩამოერთვა და სინოდიდან გარიცხეს. პეტრე ცაავას ასევე აეკრძალა მსახურება ტაძარში, მაგრამ ის მაინც მღვდლად რჩება.

უსუფაშვილი: ეკლესია უნდა ასხივებდეს სიყვარულს და არა იმას, რასაც ვხედავთ ბოლო ხანებში >>

„მიტროპოლიტ პეტრეს... აეკრძალოს მღვდელმოქმედება, განთავისუფლდეს ეპარქიის მმართველობისა და წმინდა სინოდის წევრობისაგან და გამწესებულ იქნას მონასტერში მოსანანიებლად“, - ნათქვამია სინოდის სხდომის ოქმში.

აღსანიშნავია, რომ სინოდზე უწმიდნესმა ბრძანა, რომ „მეუფე პეტრე იყო გამორჩეული მღვდელმთავარი, იგი იყო ახალშექმნილი ხევის პირველი ეპისკოპოსი და მეტად სამწუხაროა მისი ამგვარი ცვლილება“.

192
თემები:
საეკლესიო სკანდალი საქართველოში (31)
ნანუკა გუდავაძე, ბიძინა ივანიშვილი და ბერა ივანიშვილი

ბერა და ბერუკა ერთად ვარჯიშობენ - მუსიკოსი უსაყვარლეს ვიდეოს აქვეყნებს

654
(განახლებულია 14:51 31.07.2020)
მუსიკოსი ბერა ივანიშვილის ვაჟი სულ ცოტა ხნის წინ მოევლინა ქვეყანას, თუმცა უკვე დიდი პოპულარობით სარგებლობს.

პატარა ბერუკას მუსიკა მამამ უკვე შეაყვარა. ცოტა ხნის წინ ახალგაზრდა კომპოზიტორმა და შემსრულებელმა ვაჟთან ერთად ვიდეო გამოაქვეყნა, სადაც ისინი როიალზე უკრავენ. „ჩემი მომავალი პიანისტი, მის თითებს დააკვირდით“, – წერდა ახალბედა მამა. ბერამ შვილს „იავნანაც“ დაუწერა და ვიდეო, სადაც ამ მუსიკაზე ბერუკა იძინებს, სოციალურ ქსელში განათავსა. ახლა კი შვილთან ერთად ვარჯიშობს. ბერუკას, როგორც ჩანს, მამასთან ერთად ვარჯიში ძალიან მოსწონს.

View this post on Instagram

😂❤

A post shared by @ beraivanishvili_fanclub on

პარტია „ქართული ოცნების“ თავმჯდომარისა და საქართველოს ყოფილი პრემიერის ბიძინა ივანიშვილის ოჯახში პატარა ბერუკა 2019 წლის 29 ნოემბერს გაჩნდა. როგორც ცნობილია, ბერამ და ნანუკამ შვილს სახელი მათი სახელების შერწყმის შედეგად დაარქვეს. ბერ (ბერ-ა) + უკა (ნან-უკა). ცოტა ხნის წინ ბერამ და ნანუკამ Instagram-ზე ახალშობილის უსაყვარლესი ფოტოები გამოაქვეყნეს. გავრცელებული ინფორმაციით, ნანუკა გუდავაძემ სახლში იმშობიარა და მშობიარობას ნდო­ბით აღ­ჭურ­ვი­ლი მე­ა­ნი ესწრებოდა სა­ჩხე­რის სა­მე­დი­ცი­ნო ცენ­ტრი­დან.

კომპოზიტორი და შემსრულებელი ბერა ივანიშვილი ცნობილი ოჯახის შვილია. მიუხედავად იმისა, რომ პოლიტიკისგან შორს არის, კარიერის დასაწყისში მამის პარტიას სიმღერებს უძღვნიდა, ახლა კი მისი კომპოზიციები ნანუკა გუდავაძეს ეძღვნება. საზოგადოებისთვის უცნობია, თუ სად გაიცნეს ერთმანეთი ბერამ და ნანუკამ. სოციალურ ქსელში ცოლ-ქმარი დიდი აქტიურობითა და პოპულარობით გამოირჩევა. „ფორბსის“ მიერ გამოქვეყნებულ მილიარდერთა სიაში საქართველოდან მხოლოდ ბიძინა ივანიშვილი ირიცხება. „ქართული ოცნების“ ლიდერს ოთხი შვილი ჰყავს. მათ შორის საზოგადოებისთვის უფრო მეტად ცნობილი ბერა ივანიშვილია.

654
თემები:
სელებრითების ცხოვრება
სასწრაფო დახმარების მანქანა

კორონავირუსი საქართველოში: რამდენი შემთხვევა გამოვლინდა ბოლო დღე-ღამეში

117
(განახლებულია 10:06 13.08.2020)
გამოჯანმრთელდა 1068 ადამიანი, გარდაიცვალა – 17, კარანტინის რეჟიმში იმყოფება 7718, ხოლო სტაციონარებში ექიმების დაკვირვების ქვეშ 245 პაციენტია.

თბილისი, 13 აგვისტო — Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში ხუთით გაიზარდა და 1283-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის გამოჯანმრთელებულია 1068 ადამიანი, გარდაცვლილია – 17, კარანტინის რეჟიმში იმყოფება 7718, ხოლო სტაციონარებში ექიმების დაკვირვების ქვეშ 245 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა.

117
თემები:
COVID-19 საქართველოში