გლდანის ციხის პატიმრებს იუსტიციის სამინისტროში დაასაქმებენ

© Pixabay / ErikaWittliebციხის გალავანი
ციხის გალავანი - Sputnik საქართველო
გამოწერა
გლდანის ციხის პატიმრები სამოქალაქო აქტების ჩანაწერების (დაბადება, ქორწინება, განქორწინება, გარდაცვალებისა და სხვა აქტების) ციფრულ ფორმატში გადაყვანით დაკავდებიან.

თბილისი, 31 ოქტომბერი – Sputnik. საქართველოს იუსტიციის სამინისტრომ გლდანის №8 ციხის ათი პატიმარი დაასაქმა, იუწყება პირველი არხი.

საქართველოს იუსტიციის სამინისტრო 34 ყოფილი პატიმრის ბიზნეს-იდეას დააფინანსებს >>

პროექტი 1 ნოემბერს დაიწყება. მსჯავრდებულები სახელმწიფო სერვისების განვითარების სააგენტოს ინფორმაციის ციფრულ ფორმატში გადაყვანით დაკავდებიან. მათ მომზადების კურსი უკვე გაიარეს. პატიმრების ყოველთვიური ანაზღაურება 300 ლარს შეადგენს.

წაშალე ახალგაზრდობის შეცდომები! ქართველ პატიმრებს ტატუებს მოაშორებენ - Sputnik საქართველო
წაშალე ახალგაზრდობის შეცდომები! ქართველ პატიმრებს ტატუებს მოაშორებენ

„იუსტიციის სამინისტროს პრიორიტეტი არის პენიტენციურ სისტემაში მსჯავრდებულთა რეაბილიტაცია–რესოციალიზაციაზე ზრუნვა. მოგეხსენებათ, გლდანის საპყრობილეში უკვე გვაქვს ერთი პროექტი, რომლის ფარგლებშიც შვიდი მსჯავრდებული სოფლის მეურნეობის სფეროშია დასაქმებული. დღეს იწყება მეორე პროექტი ამავე პენიტენციურ დაწესებულებაში და ის არის უპრეცედენტო, რადგან პატიმრები საჯარო სამსახურში დასაქმდნენ“, – განაცხადა იუსტიციის მინისტრმა თეა წულუკიანმა.

სახელმწიფო სერვისების განვითარების სააგენტო სამოქალაქო აქტების ჩანაწერების (დაბადება, ქორწინება, განქორწინება, გარდაცვალებისა და სხვა აქტების) ციფრულ ფორმატში გადაყვანით 2014 წლიდან არის დაკავებული. ყოველწლიურად ელექტრონულ ბაზას მინიმუმ 1 მილიონი სამოქალაქო აქტი ემატება.

ყველა ახალი ამბავი
0