ჯანდაცვის სამინისტრო

რაზე შეთანხმდნენ ჯანდაცვის სამინისტრო და აქციის მონაწილე დევნილები

65
ჯანდაცვის სამინსიტროში საპროტესტო აქციის მონაწილე დევნილებს დროებითი თავშესაფრით უზრუნველყოფას შეჰპირდნენ

თბილისი, 25 ოქტომბერი - Sputnik. დევნილები, რომლებიც საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან აქციებს მართავდნენ, სახელმწიფოსგან დროებით თავშესაფარს მიიღებენ, იუწყება საზოგადოებრივი მაუწყებლის პირველი არხი.

ჯანდაცვის სამინისტროში 40-მდე დევნილ ოჯახს დროებითი თავშესაფრით დაკმაყოფილებას შეჰპირდნენ, რომელთა დაკანონებას ისინი, სურვილის შემთხვევაში, შეძლებენ, ხოლო სხვები კი კუთვნილ ბინებს დაელოდებიან.

დევნილები თბილისში მიტინგს მართავენ, სამინისტრო კი მათ განცხადების დაწერისკენ მოუწოდებს>>

„ეს დიდი გამარჯვებაა. სამინისტრო მზადაა, მისცეს მათ თავშესაფარი, ვიდრე ეს ადამიანები მიიღებენ უკვე თავიანთ კუთვნილ საცხოვრებელ ფართებს“, – განაცხადა „ნაციონალური მოძრაობის“ აფხაზეთის ორგანიზაციის თავმჯდომარე ბესო შენგელიამ.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ფოიეში ბინების გადაცემის მოთხოვნით საპროტესტო აქცია ერთი თვე მიმდინარეობდა.

აქციის მონაწილეები ჯანდაცვის სამინისტროს კომისიის მოქმედ წევრებს, რომლებიც ფართების განაწილების საკითხებს განიხილავენ, კორუფციაში ადანაშაულებდნენ. ისინი მოითხოვდნენ ახალი კომისიის შექმნას  და ბინებით დროულად დაკმაყოფილებას.

ჯანდაცვის სამინისტრო, თავის მხრივ, აცხადებდა, რომ აქციის მონაწილეთა უმრავლესობას ბინის მისაღებად საკმარისი ქულა არ ჰქონდა და, შესაბამისად, საცხოვრებელი ფართები მათზე მაღალი ქულის მქონე დევნილ ოჯახებზე გადანაწილდა. უწყების ცნობით, გარდა ამისა, აქციის მონაწილე პირთა ნაწილს კერძო საკუთრება აღმოაჩნდა, ნაწილი რეგიონშია დარეგისტრირებული, რამდენიმე ოჯახს კი აპლიკაცია არ ჰქონდა შევსებული და, შესაბამისად, სამინისტრო მათ საცხოვრებელ ფართს ვერ გადასცემდა.

ჯანდაცვის სამინისტროსთან აქცია გრძელდება: დევნილებმა მინისტრის კაბინეტში შეჭრა სცადეს>>

სამინისტროსთან შეთანხმების მიღწევის შემდეგ, დევნილები საპროტესტო აქციებს უკვე აღარ გამართავენ.

65
თემები:
სოციალური სფერო საქართველოში (162)
ეკატერინე ტიკარაძე

ტიკარაძე თანახმაა, რომ ეკონომიკური საქმიანობის დაიწყოს

18
ჯანდაცვის მინისტრი მიიჩნევს, რომ ქვეყანაში არსებული სიტუაცია ეკონომიკური საქმიანობის თანდათანობით გაფართოების საშუალებას იძლევა

თბილისი, 25 მაისი – Sputnik. საქართველოში ეპიდემიოლოგიური სიტუაცია იძლევა იმის საშუალებას, რომ დაიწყოს ეკონომიკური საქმიანობა და თანდათან ის უფრო მასშტაბური გახდეს, განაცხადა ჯანდაცვის მინისტრმა ეკატერინე ტიკარაძემ.

ჯანდაცვის მინისტრი: საქართველო ერთ-ერთი პირველი მიიღებს ვაქცინას >>

„დღევანდელი ეპიდსიტუაცია საქართველოში არის დამაკმაყოფილებელი, რაც გულისხმობს იმას, რომ ინფექციის გავრცელების კოეფიციენტი არის 0,59%. ეს გვაძლევს იმის საშუალებას, რომ ნელ-ნელა დავიწყოთ ეკონომიკური აქტივობები და უფრო მასშტაბური გავხადოთ ის“, – აღნიშნა ჯანდაცვის მინისტრმა.

ეპიდსიტუაციის გაუმჯობესებასთან დაკავშირებით, ქვეყანაში საგანგებო მდგომარეობის რეჟიმი და ზოგიერთი შეზღუდვა მოიხსნა.

ამ დროისათვის კორონავირუსით ინფიცირების 731 შემთხვევაა გამოვლენილი. გამოჯანმრთელდა 526 ადამიანი, გარდაიცვალა 12.

სამი მოქალაქე საქართველოში სამკურნალოდ სხვა ქვეყნებიდან ჩამოიყვანეს.

კარანტინში იმყოფება 3076, სტაციონარებში მეთვალყურეობის ქვეშ 300 პაციენტია.

საქართველოში საგანგებო მდგომარეობა 21 მარტიდან 22 მაისამდე მოქმედებდა და კორონავირუსის გავრცელების საფრთხის გამო დაწესდა. საქართველოს ხელისუფლებამ გადაწყვიტა აღარ გააგრძელოს საგანგებო მდგომარეობის რეჟიმი, თუმცა ზოგიერთი შეზღუდვა ძალაში 15 ივლისამდე დატოვა.

საქართველოში კორონავირუსით ინფიცირების პირველი შემთხვევა 26 თებერვალს გამოვლინდა.

18
თემები:
COVID-19 საქართველოში
გიორგი გახარია

ხმები გახარიას გადადგომის შესახებ: პოლიტიკური სპეკულაცია თუ რეალური საკადრო გადაადგილებები

55
(განახლებულია 19:09 25.05.2020)
საზოგადოებაში ყველაზე ხშირად მომავალ პრემიერად ჯანდაცვის მინისტრი ეკატერინე ტიკარაძე და სახელმწიფო უსაფრთხოების სამსახურის უფროსი გრიგოლ ლილუაშვილი სახელდება.

თბილისი, 25 მაისი – Sputnik.  ქართულ მასმედიაში რამდენიმე კვირის განმავლობაში საქართველოს პრემიერ–მინისტრ გიორგი გახარიას თანამდებობიდან შესაძლო გადადგომის შესახებ ინფორმაცია პერიოდულად ვრცელდება. 

გიორგი გახარიას ადგილმონაცვლედ ერთბაშად რამდენიმე კანდიდატი სახელდება. ყველაზე ხშირად კი მომავალი პრემიერის თანამდებობაზე ჯანდაცვის მინისტრი ეკატერინე ტიკარაძე და სახელმწიფო უსაფრთხოების სამსახურის უფროსი გრიგოლ ლილუაშვილი სახელდება.

თუმცა, თავად ტიკარაძე აცხადებს, რომ მთავრობაში საკადრო ცვლილებების შესახებ საუბარი არ მიდის.

მან მაღალი შეფასება მისცა პრემიერ გახარიას საქმიანობას და აღნიშნა, რომ „იგი წარმატებით ხელმძღვანელობს ქვეყანას“.

 „მთავრობაში (საკადრო) ცვლილებებთან დაკავშირებით არანაირი ინფორმაცია არ მაქვს. გუნდში პრემიერის ცვლილების თაობაზე დისკუსია და კომუნიკაცია არ მიმდინარეობს. იგი ძალზე წარმატებით უძღვება ქვეყანას და ამავე სულისკვეთებით გააგრძელებს. რაც შეეხება ჩემს კანდიდატურას, არანაირი კომუნიკაციას არ ყოფილა“ , – განაცხადა ტიკარაძემ ტელეკომპანია „რუსთავი 2“–თან.

ხმები პრემიერის ცვლილების შესახებ უფრო მწვავედ შეაფასა პარლამენტის ვიცე–სპიკერმა გია ვოლსკიმ.

მისი სიტყვებით, გავრცელებული ინფორმაცია „პოლიტიკური სპეკულაციაა“, რომლის უკანაც დაინტერესებული პოლიტიკური ძალები დგანან. 

 „როგორც კი არჩევნების პერიოდი მოდის და ქვეყანაში მნიშვნელოვანი პროცესები ხდება, რასაკვირველია, იწყება საუბარი დაბალ, საშუალო და მაღალ დონეზე საკადრო ცვლილებებთან დაკავშირებით. ვფიქრობ, რომ შეიძლება რაღაც ცვლილებები მოხდეს. მაგალითად, დაინიშნა ახალი ელჩები, უნდა ველოდოთ შერიგების საკითხებში სახელმწიფო მინისტრის ცვლილებას. რაც შეეხება ინფორმაციას პრემიერ- მინისტრის პოსტთან დაკავშირებით, მთლიანად პოლიტიკურ სპეკულაციას წარმოადგენს, რომლის უკანაც დაინტერესებული პოლიტიკური ძალები დგანან.  ჩემი აზრით, გიორგი გახარია საკმაოდ წარმატებული პრემიერ- მინისტრია, თავდადებული თავისი ქვეყნისთვის და საკმაოდ კომპეტენტური ყველა მიმართულებით, ასე რომ, შესანიშნავი კადრი ჰყავს სახელმწიფოს,"- განაცხადა გია ვოლსკიმ.

ამასთან, ამ კვირაში პრემიერი გახარია 27 და 29 მაისს პარლამენტში დეპუტატების წინაშე საგანგებო მდგომარეობის პერიოდში გაწეული საქმიანობის შესახებ ანგარიშით წარდგება.

და მაინც, მთავრობაში გარკვეული საკადრო გადაადგილებები უკვე დაიწყო. ამ დღეებში ცნობილი გახდა, რომ ვაკანტური ხდება შერიგებისა და  თანასწორობის საკითხებში სახელმწიფო მინისტრის თანამდებობა – ქეთევან ციხელაშვილი ვენაში საქართველოს ელჩად ინიშნება.

55
თბილისის ინფექციური საავადმყოფო

თავსხმა წვიმამ თბილისის ინფექციური საავადმყოფოს ერთ-ერთი შენობა დატბორა

0
თბილისის ინფექციური საავადმყოფოს ისედაც გაპარტახებული და ამორტიზებული შენობა სტიქიამ კიდევ უფრო დააზიანა

თბილისი, 25 მაისი - Sputnik. თავსხმა წვიმამ თბილისის ინფექციური საავადმყოფოს ადმინისტრაციული შენობა დატბორა, იუწყება ტელეარხი Rustavi2.

წვიმა, სეტყვა, წყალდიდობა – საქართველოში უამინდობა გრძელდება >>

წყალმა შენობაში დაზიანებული სახურავიდან შეაღწია. კლინიკის პერსონალის თქმით, დატბორვა მათ სრულფასოვან მუშაობას უშლის ხელს. მედიკოსების თქმით, მათ აუცილებლად სჭირდებათ სხვა შენობაში გადასვლა, წინააღმდეგ შემთხვევაში, მსგავსი პრობლემების გამო კლინიკა ნორმალურად მუშაობას ვერ გააგრძელებს.

„განა შეიძლება, რამდენჯერაც გაწვიმდება, იმდენჯერ ქვეყნის ერთ-ერთი ყველაზე მნიშვნელოვანი დაწესებულება და მისი სერვერი დაიტბოროს და ჩვენ წყალდიდობის პირობებში მუშაობა გვიწევდეს?!“, - განაცხადა საავადმყოფოს აღმასრულებელმა დირექტორმა შოთა გოგიჩაიშვილმა.

ტერიტორია, რომელზეც კლინიკა მდებარეობს, 2009 წელს გაიყიდა. ის კომპანია „ავერსი-ფარმამ“ შეიძინა. ამის შემდეგ ცენტრის თანამშრომლებს არაერთხელ დაუჩივლიათ, რომ პაციენტების სამკურნალოდ სათანადო ინფრასტრუქტურა არ გააჩნიათ და ვერც შენობას არემონტებენ, ვინაიდან ის კერძო მფლობელობაშია. ობიექტი იმ პირობით გაიყიდა, რომ ინფექციური საავადმყოფო ახალ ფართსა და შენობას მიიღებდა, მაგრამ მას შემდეგ წლები გავიდა, დაპირება კი დაპირებად დარჩა - ცენტრი იძულებულია ძველ ადგილზე უუფლებოდ დარჩეს.

სტიქია რაჭაში: ადიდებულმა მდინარემ გზა დატბორა >>

ინფექციური საავადმყოფოს კოლექტივმა არაერთხელ გამართა საპროტესტო აქცია. 2019 წლის ნოემბერში ისინი „ავერსის“ მიერ ტერიტორიაზე ერთ-ერთი შენობის დემონტაჟის წინააღმდეგ გამოვიდნენ.

ამჟამად ინფექციური საავადმყოფო საყოველთაო ყურადღების ცენტრშია - სწორედ მან დაიწყო კორონავირუსით ინფიცირებულთა მიღება და დღემდე ქვეყანაში COVID-19-ის მკურნალობის ფლაგმანია.

0
თემები:
შემთხვევები საქართველოში