შორენა ბეგაშვილი

შორენა ბეგაშვილმა ახალგაზრდობის სურათი გამოაქვეყნა - მისი სილამაზე აღფრთოვანებას იწვევს

5330
(განახლებულია 10:24 28.10.2019)
შორენა ბეგაშვილი „რუსთავი 2"- ს დაუბრუნდა. მალე არხის ეთერში მსახიობის საავტორო გადაცემა „შორენას ეფექტი" გამოვა. როგორც სექს-სიმბოლო აღნიშნავს, დაინტერესებული მაყურებლის ყველაზე კრიტიკულ კითხვებს გულახდილად უპასუხებს. მანამდე კი, თინეიჯერობის მორიგ ფოტოს აქვეყნებს...

სასოწარკვეთილი ახალგაზრდობის მიუხედავად, როგორც შორენა აღნიშნავს, მისი სიძლიერე გადატანილმა პრობლემებმა განაპირობა. ყველას კარგად ახსოვს შორენა ბეგაშვილის პირადი ცხოვრების დეტალები, ქალიშვილის ჯანმრთელობის მდგომარეობა, კარიერული პროგრესი თუ კაბების რაოდენობა. ადამიანები მას აკრიტიკებენ, თუმცა თბილისში ის ქმნის ტრენდს. ბოლო დროს საზოგადოება შორენას პლასტიკურ ოპერაციებზე აქტიურად საუბრობს. ადამიანების გავრცელებული ჭორების საპირისპიროდ შარმიანი მსახიობი ახალგაზრდობის სურათების გამოქვეყნებას არ წყვეტს.

რუსთავში დაბადებული და გაზრდილი მსახიობი, რთული ცხოვრების მიუხედავად, ფეხზე დამოუკიდებლად წამოდგა. მსახიობმა საკუთარი სახსრებით წარმატებული კარიერა შეიქმნა. მისი  საუკეთესი მეგობრები ქართველი ვარსკვლავები არიან, რომლებიც შორენას ყველა რთულ სიტუაციასა თუ ლხინში ზურგს უმაგრებენ. რამდენიმე ხნის წინ შორენა ბეგაშვილმა იუსტიციის სახლიდან განქორწინების მოწმობა გამოაქვეყნა. მსახიობი ბიზნესმენ ირაკლი ნანაძესთან დაშორებაზე ხმამაღლა არ საუბრობს და მედიას თავს არიდებს.

„ინსტაგრამის სთორიზე" გაზიარებულ ფოტოს შორენას ნორჩი სახე და ბუნებრივი გამომეტყველება კარგად ეტყობა. მსახიობს იმ დროისთვის მოდური წითელი თავსახვევი, ყვავილბიანი კაბა და ვარდისფერი ხელჩანთა ამშვენებს. სავარაუდოდ, ფოტო ევას მამის გაცნობის პერიოდშია გადაღებული. ახლა საზოგადოება შორენას მიერ დაანონსებულ გადაცემას მოუთმენლად ელის.

5330
თემები:
სელებრითების ცხოვრება (1760)
ავტოსაგზაო შემთხვევა კახეთში

სპეცოპერაცია კახეთში: რა ბრალდებით დააკავეს 22 წლის მამაკაცი

7
(განახლებულია 10:38 05.06.2020)
პოლიციამ ეჭვმიტანილის  პირადი და ავტომობილის ჩხრეკისას საბრძოლო მასალა და ასაფეთქებელი მოწყობილობა ამოიღო.

 

თბილისი, 5 ივნისი - Sputnik.  კახეთის პოლიციის დეპარტამენტის თანამშრომლებმა, ოპერატიული ინფორმაციის საფუძველზე, ცეცხლსასროლი იარაღის უკანონო შეძენა–შენახვა–ტარების ბრალდებით ერთი ადამიანი დააკავეს, ნათქვამია შსს–ს ვებგვერდზე გავრცელებულ განცხადებაში.

ეჭვმიტანილი მაშინ დააკავეს, როდესაც იგი თელავი–გურჯაანის დამაკავშირებელ გზაზე ავტომობილით გადაადგილდებოდა. პოლიციამ 22 წლის მამაკაცის  პირადი და ავტომობილის ჩხრეკისას საბრძოლო მასალა და ასაფეთქებელი მოწყობილობა ამოიღო.

გამოძიება სსკ–ის 236-ე მუხლის მე-3 და მე-4 ნაწილებით მიმდინარეობს, რაც ცეცხლსასროლი იარაღის, საბრძოლო მასალისა და ასაფეთქებელი მოწყობილობის მართლსაწინააღმდეგო შეძენა-შენახვა-ტარებას გულისხმობს. ბრალდებულს ოთხიდან შვიდ წლამდე ვადით თავისუფლების აღკვეთა ემუქრება.

7
თემები:
კრიმინალი საქართველოში
გიორგი წერეთელი და თამილა მარეხაშვილი

გიორგი წერეთელმა ახალი რჩეული საზოგადოებას წარუდგინა და სიმღერაც მიუძღვნა - ვიდეო

17
(განახლებულია 16:15 04.06.2020)
ცნობილი სარესტორნო წყვილის ლოლა და გიორგი წერეთლების ოჯახი გასულ წელს დაინგრა. რაც შეეხება შემოქმედებით საქმიანობას, გიორგი მომღერალმა აჩი ფურცელაძემ ჩაანაცვლა

მომღერალმა გიორგი წერეთელმა საკუთარ დაბადების დღეზე, რომელსაც თითქმის მთელი ქართული შოუბიზნესი ესწრებოდა, ყველას სიურპრიზი გაუკეთა და თავისი ცხოვრების ახალი სიყვარული, თამილა მარეხაშვილი, საზოგადოებას ოფიციალურად წარუდგინა. საყვარელ ქალს სიმღერაც მიუძღვნა.

გიორგის თავისი რჩეული საქმეშიც ეხმარება. ის მომღერლის პიარითა და ბიზნესის მენეჯმენტით არის დაკავებული. განქორწინებულია და ჰყავს ერთი ქალიშვილი. გიორგისაც პირველი ქორწინებიდან ვაჟი ჰყავს. მშობლების ბედნიერებას შვილებიც იზიარებენ.

ცნობილი სარესტორნო წყვილის ლოლა და გიორგი წერეთლების ოჯახი გასულ წელს დაინგრა. რაც შეეხება შემოქმედებით საქმიანობას, გიორგი მომღერალმა აჩი ფურცელაძემ ჩაანაცვლა, თუმცა ერთ-ერთ ინტერვიუში ლოლა ამბობდა, რომ გიორგი არის მისთვის ადამიანი, რომელსაც ვერავინ ჩაანაცვლებს. „აჩის აქვს ადგილი სიმღერაში, გიორგის როგორც ჰქონდა თავისი ადგილი სიმღერებში, ასე არის და იქნება“, – ამბობდა მომღერალი.

მომღერლებმა გიორგი წერეთელმა და ლოლიტამ ხუთწლიანი თანაცხოვრების შემდეგ 2014 წელს გადაწყვიტეს ურთერთობისთვის ოფიცალური სახე მიეცათ და ხელი რიტუალების სასახლეში მოაწერეს. როგორც გიორგი ამბობს, შეყვარებული წყვილისთვის ხელმოწერა პრიორიტეტული არ ყოფილა, ამისთვის მათ მიზეზი ჰქონდათ.

17
თემები:
სელებრითების ცხოვრება (1760)