საქართველოს კომპიუტერული სპორტის ფედერაცია

პროფესიონალურ სპორტში გადაზრდილი ბავშვური თამაში რა არის კიბერსპორტი?

292
(განახლებულია 19:00 23.10.2019)
ერთ დროს ჯერ კიდევ უაზრო, ბავშვების საქმედ მიჩნეული გასართობი დღეს უკვე სერიოზულ ბიზნეს-ინდუსტრიად იქცა და ბავშვები პროფესიონალი ათლეტები გახდნენ, რომლებიც თვეში ათასობით დოლარს გამოიმუშავებენ.

ბავშვობაში, როცა ინტერნეტ-თამაშების გარდა არაფერი გვაინტერესებდა, კომპიუტერებთან საათობით ვისხედით და მშობლები უსაქმურებს გვეძახდნენ, ვერაფრით წარმოვიდგენდით, რომ სულ რამდენიმე წელიწადში ჩვენი საყვარელი გასართობი სერიოზული საქმიანობა გახდებოდა, სადაც ძალიან დიდი კაპიტალი იტრიალებდა. მაშინ არავის ჯეროდა, რომ უამრავ ქვეყანაში ინტერნეტ-თამაშები ოფიციალური სპორტი გახდებოდა. ხალხი ვერ ხვდებოდა იმ დროს, თორემ ჩვენ უსაქმურები კი არა, თურმე, კიბერ-სპორტსმენები ვყოფილვართ.  

სიტყვა კიბერსპორტი, ანუ ელექტრონული სპორტი, პოპულარულ ვიდეო-თამაშებში ორგანიზებულ და კონკურენტულ გარემოში შეჯიბრს გულისხმობს. ამ სპორტში მთელ მსოფლიოში მილიონობით ადამიანია ჩართული და ათასობით ჩემპიონატი ტარდება. ჩვეულებრივ ტურნირებში მონაწილეობა ყველა მსურველს შეუძლია. თუმცა არსებობს პროფესიონალური ლიგებიც, სადაც მხოლოდ პროფესიონალი მოთამაშეები და გუნდები დაიშვებიან. პროფესიონალ მოთამაშედ ქცევა კი დიდ ძალისხმევასთან არის დაკავშირებული. ელექტრონულ სპორტში ჩართული ადამიანები ვარჯიშობენ ზუსტად იმავე სიხშირითა და ინტენსიურობით, როგორც, მაგალითად, კალათბურთის, ფეხბურთის ან სხვა ტრადიციული სპორტის სახეობებში ვხვდებით ხოლმე.

საქართველოს კომპიუტერული სპორტის ფედერაცია
საქართველოს კომპიუტერული სპორტის ფედერაცია

ალბათ გინახავთ ხალხით გადაჭედილი სტადიონები ფეხბურთის მატჩის დროს. კიბერსპორტის პროფესიონალური ლიგის შეხვედრები დიდად არ განსხვავდება მისგან. უამრავი ადამიანი ერთ დარბაზში იყრის თავს, რათა თავიანთ საყვარელ გუნდს უგულშემატკივრონ. მათ წინ დიდი სცენაა, სადაც მოთამაშეები კომპიუტერებს უსხედან. მოთამაშეების უკან კი უზარმაზარი ეკრანია, სადაც თამაშის მიმდინარეობას ხალხი ზუსტად იმავე ემოციებით და განცდებით ადევნებს თვალს, როგორიც სხვა ჩვეულებრივი სპორტის გულშემატკივრებს უჩნდებათ ხოლმე. ასეთი თამაშები მსოფლიოს ყველა კუთხეში ტარდება, ასევე ხდება მათი ონლაინ-სტრიმინგი, ანუ ონლაინ-ტრანსლაცია სხვადასხვა პლატფორმაზე. მაყურებლების დიდი რაოდენობის გამო კიბერსპორტი მსხვილი კომპანიების ყურადღების ქვეშ მოექცა, რამაც თამაშების სფეროში უკვე რეალური და რეგულარული შემოსავლის წყარო გააჩინა, გაიზარდა დაინტერესებულთა რიცხვიც და კონკურენციის დონემ სპორტის ამ სახეობაში საგრძნობლად აიწია.

ინტერნეტ-სპორტს დიდი აუდიტორია ჰყავს, ძირითადად, ახალგაზრდები. გარდა იმისა, რომ ეს აუდიტორია კეთილსინდისიერ სპონსორებს იზიდავს, გამოჩნდნენ ისეთ კომპანიებიც, რომლებმაც ამ საზოგადოებას მხოლოდ ფულადი მოგების მიზნით იყენებენ. 

ასეთმა კომპანიებმა შექმნეს ვებ-საიტები, რომლებიც ტოტალიზატორებისგან არაფრით განსხვავდება და სადაც კიბერსპორტის მოყვარულებს შეუძლიათ თავიანთ საყვარელ გუნდებზე ფსონები გააკეთონ. ამგვარ საიტებს არავინ აკონტროლებს და რეგისტრაცია შეუძლია უკლებლივ ყველა ასაკის ადამიანს. აქ მთავარი ხრიკი ისაა, რომ ადამიანები პირდაპირ ფულზე არ თამაშობენ, თუმცა ისინი ნამდვილი ფულით გარკვეულ ნივთებს ყიდულობენ კონკრეტული კიბერთამაშისთვის, შემდეგ კი ფსონად დებენ იმის იმედით, რომ უფრო ძვირიან ნივთებს მოიგებენ.

საქართველოს კომპიუტერული სპორტის ფედერაცია
საქართველოს კომპიუტერული სპორტის ფედერაცია

ეს ვებ-საიტები დღემდე თავისუფლად ფუნქციონირებენ. ამიტომ თუ თქვენი შვილი ჩართულია კომპიუტერულ თამაშებში სერიოზულ დონეზე, აუცილებლად აკონტროლეთ იგი. აკონტროლეთ არა მარტო იმიტომ, რომ ზემოხსენებულმა უსინდისო კომპანიებმა არ ჩაითრიონ აზარტულ თამაშებში, არამედ იმიტომაც, რომ ინტერნეტ-თამაშებმა შეიძლება მოზარდს მთელი თავისი დრო წაართვას და სხვა უფრო მნიშვნელოვან საქმეებს მოწყვიტოს. ამიტომ დაუწესეთ თქვენს შვილებს გარკვეული შეზღუდვები, რა პერიოდშიც იგი „ივარჯიშებს“ ხოლმე. არ შეიძლება დღე და ღამე თამაში. რაც არ უნდა გასაკვირი იყოს, ევროპის რამდენიმე ქვეყანაში არსებობს კიბერ-სპორტსმენების სკოლა, სადაც მშობლებს გამიზნულად შეჰყავთ შვილები, რათა სწორედ თამაში ისწავლონ. აქ ბავშვები, თამაშის სპეციფიკის ათვისებასთან ერთად, დროის სწორად გადანაწილებასაც ეჩვევიან.

მსოფლიო კიბერსპორტის ჩქარი განვითარების ფონზე ამ მხრივ საქართველოშიც სერიოზული წინსვლა შეინიშნება. ჩვენ ქვეყანაში 2002 წლიდან ფუნქციონირებს საქართველოს კომპიუტერული სპორტის ფედერაცია, რომელსაც სხვადასხვა თამაშებში არაერთი ტურნირი აქვს ჩატარებული. მათ დაარსებიდან რვა მსოფლიო ოლიმპიადის შესარჩევი ტურნირი, ასევე ოთხი მსოფლიო ჩემპიონატის შესარჩევი ტურნირი, ორი ევროპის პირველობის შესარჩევი, ცხრა საქართველოს ჩემპიონატი, სამი სასკოლო ოლიმპიადა და ასამდე საკლუბო ჩემპიონატი ჩაატარეს. ამავე ფედერაციის ორგანიზებით 2004 წლიდან ქართული კიბერ-სპორტსმენები 11-ჯერ გავიდნენ საერთაშორისო ოლიმპიადაზე.

ელექტრონულ სპორტს უკვე შეუჩერებელი კულტურული ძვრები მოჰყვა და ზრდას კიდევ უფრო სწრაფი ტემპით აგრძელებს. ეს პროცესი უკვე დიდი ხანია შეუქცევადი გახდა და, ჩემი აზრით, ამ კულტურის გლობალურ ფენომენად ქცევა პრაქტიკულად გარდაუვალია. ამიტომ თუ თქვენი შვილი ხშირად თამაშობს კომპიუტერულ თამაშებს, ამის გამო ძალიანაც ნუ დასჯით. რა იცით, იქნებ მომავალ კიბერ-ათლეტს ზრდით.

 

292
დისტანციური სწავლება

თუ შვილის სკოლაში გაშვება არ გსურთ: განათლების სამინისტროს ინსტრუქცია მშობლებისთვის

43
(განახლებულია 19:14 30.09.2020)
ბოლო პერიოდში ქვეყანაში კორონავირუსით ინფიცირების შემთხვევების მომატების გამო, მშობლების ნაწილი შვილების სკოლებში გაშვებას უფრთხის

თბილისი, 30 სექტემბერი — Sputnik. იმ მოსწავლეთა მშობლებმა, რომლებსაც არ სურთ შვილების სკოლებში გაშვება პანდემიის პირობებში და დისტანციური სწავლებით აპირებენ სარგებლობას, ან განაცხადი უნდა შეავსონ განათლების სამინისტროს საიტზე და ან სკოლას უნდა მიმართონ, ნათქვამია უწყების ვებგვერდზე.

საუბარია თბილისის, ზუგდიდის, ქუთაისისა და რუსთავის სკოლების I-VI კლასების მოსწავლეებზე.

როგორც უწყებაში აღნიშნავენ, დისტანციური სწავლების გამოცდილება საქართველოს სკოლებში ჯერ კიდევ გასული სასწავლო წლიდან არსებობს. დისტანციური სწავლების შედეგად 600 ათასზე მეტ მოსწავლესა და 55 ათასზე მეტ მასწავლებელს უკვე გააქტიურებული აქვთ სპეციალური პროფილები საგანმანათლებლო ონლაინ–პროგრამებში.

სამინისტროს მხარდაჭერით, მათ აქვთ შესაძლებლობა, სრულად ისარგებლონ შეთავაზებული ონლაინ–ინსტრუმენტებით — Microsoft Office 365-ით, რომელიც აერთიანებს Microsoft TEAMS–ს, OneNote–სა და სხვა პროგრამებსა და დანართებს.

დისტანციური სწავლების კიდევ ერთი ძირითადი რესურსი საქართველოში არის „ტელესკოლა“. საგანმა ნათლებლო ტელეპროექტის ბადეში ყველა საფეხურის საგნები შედის. ამასთან მაქსიმალურადაა გათვალისწინებული განსაკუთრებული საჭიროებების მქონე მოსწავლეთა ინტერესებიც.     

საქართველოს მთავრობის გადაწყვეტილებით, ზოგადსაგანმანათლებლო სკოლების I–VI კლასების მოსწავლეები სკოლებს 1 ოქტომბერს დაუბრუნდებიან.

43
თემები:
განათლება საქართველოში
ვინც პირბადიანია, ის დაცულია

ვინც პირბადიანია, ის დაცულია

56
(განახლებულია 20:47 30.09.2020)
საქართველოში კორონავირუსით ინფიცირებულთა რაოდენობის მკვეთრი ზრდა დაიწყო. მოსახლეობის გარკვეული ნაწილი იმდენად უფრთხის დაავადებას, რომ პირბადეს ქუჩაშიც იყენებს.
ვინც პირბადიანია, ის დაცულია

პირბადეების დეფიციტი საქართველოში არ არის, ფასებიც, გაზაფხულთან შედარებით, შემცირდა. მიუხედავად ამისა, ყველას არ შეუძლია იმდენი ნიღბის ყიდვა, რომ რეგულარულად იცვალოს – დღეში რამდენჯერმე. ხშირად ადამიანები ერთსა და იმავე ნიღაბს რამდენიმე დღის განმავლობაში ატარებენ, ზოგი კვირების განმავლობაშიც. სპეციალისტების აზრით, პირბადეების ასეთი გამოყენება ადამიანს დაავადებისგან ვერ დაიცავს.

დაინფიცირების რისკის შესამცირებლად საჭიროა წესების დაცვა: პირველ რიგში, ორ საათზე მეტხანს ნუ ატარებთ ერთსა და იმავე ნიღაბს, ცვალეთ რეგულარულად და ნუ შეეხებით ნიღბის ზედაპირს, სადაც შესაძლოა ვირუსი იყოს.

56
აბანოთუბანი

საქართველოში ვერავინ წაგვაჩხუბებს: სომხებსა და აზერბაიჯანლებს მშვიდობის იმედი აქვთ

0
(განახლებულია 21:00 30.09.2020)
საქრთველოს აზერბაიჯანული და სომხური დიასპორების წარმომადგენლებს ეჭვიც არ ეპარებათ, რომ კონფლიქტის თავიდან არიდებას შეძლებენ

თბილისი, 30 სექტემბერი — Sputnik. მთიან ყარაბაღში შეიარაღებულმა შეტაკებებმა გარკვეული მღელვარება გამოიწვია საქართველოს სომხურ და აზერბაიჯანულ დიასპორებში, რომლებმაც საპროტესტო აქციებიც კი გამართეს ჩვენს ქვეყააში.

აზერბაიჯანელებმა ბაქოს პოზიციის მხარდამჭერი აქცია თბილისში მდებარე საელჩოს წინ ჩაატარეს, რა დროსაც აზერბაიჯანის სახელმწიფო ჰიმნი შეასრულეს და წუთიერი დუმილით პატივი მიაგეს კონფლიქტში დაღუპულთა ხსოვნას.

აქციის მონაწილეებთან გავიდა აზერბაიჯანის საელჩოს პირველი მდივანი საქარტველოში ანარ რასულოვი, რომელმაც მადლობა გადაუხადა ახალგაზრდობას მხარდაჭერისთვის.

მთიან ყარაბაღს სოლიდარობა გამოუცხადა ჯავახეთის სომხურმა მოსახლეობამ. მათ საქართველო–თურქეთის საერთაშორისო მნიშვნელობის გზაც კი გადაკეტეს, რათა ხელი შეეშალათ სატვირთო ავტომობილების მოძრაობისთვის, რომლებითაც, მათი თქმით,  თურქეთს იარაღი გადააქვს აზერბაიჯანში.    

ორივე მხარის აქციები ქართული პოლიციის მკაცრი კონტროლით მიმდინარეობდა. არცერთი პროტესტი არ გადაზრდილა კონფლიქტში ან რაიმე სახის აგრესიულ შეჯახებაში. ამ დროისათვის ქვეყანაში ამ კუთხით სრული სიმშვიდეა.

მშვიდობის კუნძული

მეგობრები, მეზობლები, თანაკლასელები და ნათესავებიც კი — სომხებისა და აზერბაიჯანელების ადამიანური ურთიერთობები საქართველოში პოლიტიკას არასდროს დაუჩრდილავს. თბილისური ეზოები ყოველთვის იყო ერთგვარი მულტიკულტურული მიქსი, რომელიც ქმნიდა კიდეც საქართველოს დედაქალაქის განუმეორებელ კოლორიტს.

მარნეულის მუნიციპალიტეტის ხოჯორნის თემში კი არსებობს სოფელი წოფი, რომლის შესახებაც შეიძლება ბევრს არც სმენია. ამ სოფელში გვერდი–გვერდ ცხოვრობენ აზერბაიჯანელები და სომხები, რომლებსაც არაფერი აქვთ ერთმანეთთან გასაყოფი და სადავო.

„ქარიშხალს ავიცდენთ“

ფონდ „სამოქალაქო ინტეგრაციის“ აღმასრულებელ დირექტორ ზაურ ხალიევს მიაჩნია, რომ

საქართველოში მცხოვრებ ეთნიკურ აზერბაიჯანლებსა და სომხებს კონფლიქტისთვის თავის არიდება მარტივად შეუძლიათ — უბრალოდ, თითოეულმა მათგანმა უნდა გააცნობიეროს, რომ ის უპირველესად საქართველოს მოქალაქეა.

„ადამიანებმა უნდა გაიგონ, რომ ისინი საქართველოს მოქალაქეები არიან და ყველაფერს საქართველოს პოზიციიდან უნდა შეხედონ — ეს ჩვენი ვალია. ომს არავისთვის არ მოუტანია კარგი. მერწმუნეთ, სჯობს არ დატოვოთ ისეთი კვალი, რომლის მეხსიერებიდან ამოშლაც ძალიან ძნელი იქნება“, — ამბობს ხალიევი.

მისი თქმით, საქართველოს სომხებმა და აზერბაიჯანლებმა მოახერხეს გადაეტანათ მძიმე 90–იანები და მდგომარეობიდან ღირსეულად გამოსულიყვნენ. და საერთოდ, ხალიევს მიაჩნია, რომ საქართველო ამ ორი ეთნოსის მშვიდობიანი თანაცხოვრების საუკეთესო მაგალითია.

ზაურ ხალიევს სოლიდარობას უცხადებს საზოგადო მოღვაწე, სომხური დიასპორის  ერთ–ერთი ლიდერი, საქართველოს პარლამენტის ექს–დეპუტატი ვან ბაიბურთი.

„ჩვენ გამოვიარეთ ყველაზე მწვავე 90–იანი წლები. კონფლიქტის ნაპერწკალი მაშინ საქართველოს არ შეხებია. მაშინ მე და სულეიმან სულეიმანოვი, საქართველოს აზრებაიჯანელთა კავშირის თავმჯდომარე. გაზეთ „გურჯისტანის“ მთავარი რედაქტორი, ქართველ მეგობრებთან ერთად დავდიოდით ქვემო ქართლში, რომ მშვიდობა ყოფილიყო. ნურც იოცნებებს ნურავინ, რომ შეძლებს საქართველოს მოქალაქეების, სომხებისა და აზერბაიჯანლების წაჩხუბებას. ჩვენ შევძლებთ ქარიშხლის აცდენას“, — ამბობს ბაიბურთი.

ექს–დეპუტატის თქმით, საქართველო ტოლერანტობის მაგალითია მთელი მსოფლიოსთვის და სხვადასხვა ეთნიკურ ჯგუფებს შორის განხეთქილების შეტანის მცდელობა ვერაფერს მოიტანს.

სომხური დიასპორის წარმოადგენელმა ასევე მოუწოდა საქართველოს ყველა მცხოვრებს, თავი შეიკავონ „თეატრალიზებული აქციებისა“ და მკვეთრი გამონათქვამებისგან.

ქართული ნეიტრალიტეტი

მთიან ყარაბაღში ვითარების გამწვავების შემდეგ თბილისმა  სომხეთსა და აზერბაიჯანს თავშეკავებისა და მოლაპარაკებათა მაგიდასთან დაბრუნებისკენ მოუწოდა.

ქვეყნის პრემიერ–მინისტრმა გიორგი გახარიამ კი განაცხადა, რომ საქართველო მზადაა, თბილისში უმასპინძლოს ბაქოსა და ერევნის წარმომადგენლებს კონფლიქტის უსწრაფესად დარეგულირების მიზნით. მთავრობის მეთაურის ამ ინიციატივას მმართველმა პარტიამ მხარი დაუჭირა.

გარდა ამისა, საქართველომ უარი უთხრა სომხეთსაც და აზერბაიჯანსაც იარაღის ტრანზიტზე ჩვენი ქვეყნის ტერიტორიაზე. ხელისუფლება ხაზს უსვამს, რომ რეგიონში მშვიდობის დამყარება — ეს საერთო ინტერესის თემაა.

0
თემები:
მთიან ყარაბაღში ვითარება გამწვავდა – შეიარაღებული შეტაკება 2020