ლიკა სუხიაშვილის ქალიშვილი ელენე

„დღეში რამდენჯერმე ემართება კრუნჩხვა“ : ორი წლის ელენეს საზოგადოების დახმარება სჭირდება

2665
(განახლებულია 16:05 22.10.2019)
ორი წლის ელენე წინამძღვრიშვილს ექიმებმა უიშვიათესი დაავადება - ვესტის სინდრომი დაუდგინეს. აღნიშნული სინდრომი საკმაოდ მძიმე და ძნელად სამართავ კრუნჩხვით სინდრომებს მიეკუთვნება.

 

ვესტის სინდრომი, ანუ ინფანტილური სპაზმი მძიმე ზეგავლენას ახდენს ბავშვის ფსიქო-მოტორულ განვითარებაზე. ამ დროს, ბავშვის ფსიქიკური განვითარება ძლიერ ჩამორჩება და ეს ჩამორჩენა პროგრესირებად ხასიათს ატარებს.

პატარა ელენეს დღის განმავლობაში კრუნჩხვა რამდენჯერმე ემართება. არის უკონტაქტო, ვერ ჯდება, ვერ იჭერს თავს, ვერ იღებს საკვებს. მისი საკვები რაციონი მხოლოდ ფაფებისგან შედგება. ელენეს საქართველოში მკურნალობა შეუძლებელია, ამიტომ პატარა საზღვარგარეთ საჭიროებს მკურნალობას. ბავშვის მდგომარეობის შესახებ, მისი დედა ლია სუხიაშვილი  გვესაუბრა, რომელიც საზოგადოებას დახმარებას სთხოვს, რადგან ოჯახს ბილეთის შეძენის საშუალებაც არ აქვს, რომ პატარა სამკურნალოდ წაიყვანონ. მისი მდგომარეობა კი დღითიდღე მძიმდება.

ლიკა სუხიაშვილის ქალიშვილი ელენე
ლიკა სუხიაშვილის ქალიშვილი ელენე

- 2017 წლის 12 ივლისს, პეტრე-პავლობის ბრწყინვალე დღესასწაულზე მოევლინა ჩემი მესამე შვილი ელენე ამ ქვეყანას. დაბედებიდან მესამე დღეს დაეწყო კიდურების კანკალი. გადაიყვანეს კლინიკაში. იქ ბავშვი ოთხი კვირის განმავლობაში იმყოფებოდა და გამოგვიშვეს, როგორც სრულიად ჯანმრთელი. ბავშვი სამ თვემდე იყო აქტიური, შემდეგ დაეწყო კრთომები, წავიყვანე ნევროპათოლოგთან და იქიდანაც დამშვიდებულები გამოვედით. დაუნიშნა მასაჟები. მესამე მასაჟის მერე ბავშვი გახდა უკონტაქტო და წავიყვანე იაშვილის კლინიკაში ელექტროენცეფალოგრაფიული (ეეგ) კვლევის ჩასატარებლად და დაგვტოვეს კიდეც კლინიკაში. გადავუღეთ ტომოგრაფია და ბავშვს დაუსვეს დიაგნოზი გენერალიზებული ეპილეფსია, ვესტის სინდრომით. ვუკეთებდით სინაქტენ დეპოს და ვსვამდით წამალ საბრილს, რომელიც საქართველოში არ იშოვება.

ლიკა სუხიაშვილის ქალიშვილი ელენე
ლიკა სუხიაშვილის ქალიშვილი ელენე

- დღეს როგორია მისი ჯანმრთელობის მდგომარეობა?

- დღეს ბავშვის მდგომარეობა უმძიმესია. აქვს ისევ შეტევები. მიუხედავად იმისა, რომ არის ორი წლის, არ რეაგირებს საერთოდ. ვერ იჭერს თავს, ვერ ზის, სიარულზე  და თამაშზე ხომ ლაპარაკი ზედმეტია. ძალიან მიჭირს ამ ყველაფრის თქმა...

- დღეს რა მედიკამენტებს აძლევთ და მკურნალობის რა კურსს გადის?

- ამჟამად ვიღებთ მუდმივ სამ მედიკამენტს და ეტაპობრივად ვიკეთებთ ჰორმონს. გავდივართ რეაბილიტაციის კურს.

ლიკა სუხიაშვილი მეუღლესთან ერთად
ლიკა სუხიაშვილი მეუღლესთან ერთად

- თქვენ როგორ უმკლავდებით ამ მდგომარეობას, ვინ გეხმარებათ ბავშვის მოვლაში?

-  არ იცის ღეჭვა. რაც ბავშვს სჭირდება მედიკამენტები თუ საკვები (მხოლოდ ფაფებზეა), ყველაფერს მე ვუკეთებ. მის მოვლაში არავინ მეხმარება, ოჯახში მხოლოდ მე ვარ დიასახლისი და ყველაფერი ჩემს კისერზე გადადის.

- რა საფრთხეს უქმნის მისი ახლანდელი მდგომარეობა პატარას? რა რისკები არსებობს?

- გულყრის დროს შეიძლება კომაში ჩავარდეს, კომაში ჩავარდნა კი სიკვდილის ტოლფასია. დღეში რამდენიმეჯერ აქვს შეტევა და ეს შეტევები ტვინის უჯრედებს კლავს. ბავშვი დღითიდღე უკან მიდის.

- მისი საზღვარგარეთ წაყვანა არ გიცდიათ?

- ხსნას მხოლოდ ამაში ვხედავთ. რა თქმა უნდა ძალიან მინდა, მაგრამ ბილეთების თანხაც კი არ მაქვს სხვა ხარჯებზე, რომ არაფერი ვთქვა. ვართ ბედის ანაბარა.

ლიკა სუხიაშვილი მეუღლესთან ერთად
ლიკა სუხიაშვილი მეუღლესთან ერთად

- როგორც დედა, რას ეტყოდით საზოგადოებას?

- ყველა დედამ იცის რა მძიმეა შვილის უიმედო მდგომარეობაში ყურება, თან რომ ვერაფერს ვერ შველი. აქ ექიმები არანაირ იმედს არ გვაძლევენ. ყოველი დაღამებული ღამის მეშინია და ტირილში ვათენებ. ვლოცულობ დილით ისევ გაახილოს ციმციმა თვალები. უკვე ვეღარ ვუძლებ ამხელა ტკივილს. ჩემი უფროსი შვილები დედისგან მიტოვებულად გრძნობენ თავს, რადგან მათთვის არც კი მცალია. გთხოვთ გულთან მიიტანოთ ჩემი შვილის მდგომარეობა. მე თქვენი დახმარების იმედი მაქვს.  გთხოვთ გადამირჩინოთ შვილი.

ვისაც გაქვთ სურვილი, დაეხმაროთ პატარა ელენეს, შეგიძლიათ თანხა ჩარიცხოთ ანგარიშის ნომერზე:

საქართველოს ბანკი: GE66BG0000000161964014 მიმღები ლია სუხიაშვილი

პირადი ნომერი: 01004010340

ტელ: 5 71 00 53 60

2665
სასწრაფო დახმარების მანქანა

საქართველოში კორონავირუსის სამი ახალი შემთხვევა გამოვლინდა

13
(განახლებულია 10:32 28.05.2020)
გამოჯანმრთელდა 573 ადამიანი, გარდაიცვალა – 12, კარანტინის რეჟიმში იმყოფება 3076, ხოლო სტაციონარებში დაკვირვების ქვეშ 250 პაციენტია.

თბილისი, 28 მაისი – Sputnik. საქართველოში ახალი კორონავირუსი 738 ადამიანს დაუდგინდა, აღნიშნულია საქართველოს მთავრობის სპეციალურ ვებგვერდზე stopcov.ge.   

გამოჯანმრთელდა 573 ადამიანი, გარდაიცვალა – 12, კარანტინის რეჟიმში იმყოფება 3076, ხოლო სტაციონარებში დაკვირვების ქვეშ 250 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

13
თემები:
COVID-19 საქართველოში
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 28 მაისს

11
(განახლებულია 19:16 27.05.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 28 მაისი — Sputnik. სააქციო საზოგადოება „თელასი" იუწყება, რომ 28 მაისს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ნაძალადევის რაიონი

10:00 საათიდან 17:00 საათამდე შეზღუდვა შეეხება: გურამიშვილის გამზირის მაცხოვრებლებს.

 

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

11
თემები:
თბილისის მერია
Неделя моды Mercedes Benz Fashion Week Tbilisi

დავეხმაროთ ხელოვნებას: საქართველო შეუერთდა კამპანიას Culture is not cancelled

0
(განახლებულია 09:44 28.05.2020)
კორონავირუსის პანდემიის პერიოდში ხელოვნების სფერო ისევე, როგორც ეკონომიკა და ტურიზმი, ძალიან დაზარალდა

თბილისი, 28 მაისი — Sputnik. საქართველო შეუერთდა კამპანიას Culture is not cancelled, რომელიც ხელოვნების სფეროს მხარდაჭერას ითვალისწინებ, წერს კულტურული პორტალი at.ge.

Culture is not cancelled – ესაა მოწოდება, რომელიც კულტურული სექტორის სოლიდარობასა და მხარდაჭერას ქადაგებს. სხვადასხვა ორგანიზაციას, დაწესებულებასა და კულტურის წარმომადგენლებს შეუძლიათ ამ ლოზუნგის გამოყენება, რათა COVID-19–ის პანდემიას საკუთარი შემოქმედებით უპასუხონ.

„კარანტინი“ ფიროსმანის გმირებისთვის – მხატვრის ხედვა>>

მაგალითად მსობრივი ინფორმაციის საშუალებებს შეუძლიათ შემოქმედ ადამიანებს წარუდგინონ პლატფორმა მათი ხელოვნების დემონსტრაციისთვის, მათ შორისაა, მაგალითად, ონლაინ–გამოფენები, ფოტოალბომები, ფილმების პრემიერები და სხვ.

საქართველოში ამ კამპანიას შეუერთდნენ Mercedes-Benz Fashion Week TBILISI, LUMEN და IPS. კამპანიის მხარდაჭერის მიზნით, Mercedes-Benz Fashion Week TBILISI–ის ორგანიზებით თბილისში, რუსთაველის გამზირზე და სხვა ადგილებზე შენობები განათდა.

„პანდემიის გამო ერთ-ერთი ჯგუფი, ვინც ყველაზე მეტად დაზარალდა, ხელოვნების სფეროს წარმომადგენლები, მუსიკოსები, დიზაინერები, ფოტოგრაფები, მხატვრები და ა.შ. არიან. განსაკუთრებით მძიმე მდგომარეობაში აღმოჩნდნენ ქართველი ხელოვანები, რომლებსაც სახელმწიფოსგან კომპენსაციები არ მიუღიათ“, – აღნიშნა Mercedes-Benz Fashion Week TBILISI–ს კრეატიულმა დირექტორმა და დამფუძნებელმა სოფო ჭყონიამ.

უფრო ადრე საქართველოს კულტურის სხვადასხვა სფეროს წრმომადგენლებმა შექმნეს პეტიცია, რომელშიც მთავრობასა და შესაბამის სტრუქტურებს სთხოვეს სათანადო ყურადღების მიქცევა კრიზისულ ვითარებაზე, რომელიც პანდემიასთან დაკავშირებით შეიქმნა და დაეხმარონ ხელოვან ადამიანებს. ინიციატივის ავტორებმა წარადგინეს თავიანთი გეგმა და რიგი მოთხოვნები შემოქმედებითი კრიზისის დასაძლევად.

სურვილებს შორისაა: დაუყოვნებლივი ფინანსური დახმარების პაკეტი ხელოვანთათვის, კულტურის სფეროში უშტატოდ მომსახურე ადამიანების, ასევე, განსაკუთრებული საჭიროებების მქონე ხელოვანების, ახალგაზრდების, უმცირესობების მხარდაჭერა სოციალური შეღავათებით; საშემოსავლო გადასახადებისა და ქონების გადასახადის შეჩერება შემდეგი 12 თვის განმავლობაში, საბანკო კრედიტების გადავადების გაგრძელება კიდევ ექვსი თვით და სხვ.

0
თემები:
საქართველო და კულტურა