ლევან სურგულაძე

რა ელის დაგროვებით პენსიებს: სააგენტოს ხელმძღვანელი განმარტავს

241
(განახლებულია 12:50 15.10.2019)
საპენსიო ფონდში დაგროვებული თანხა, საბანკო დეპოზიტებზე განთავსების გარდა, ასევე ჩაიდება ფასიან ქაღალდებში, განაცხადა საპენსიო სააგენტოს ხელმძღვანელმა.

თბილისი, 15 ოქტომბერი — Sputnik. საქართველოს მოქალაქეების დაგროვებული პენსიები ქართული კომერციული ბანკების საზღვარგარეთის დეპოზიტებზე განთავსდება, განაცხადა საქართველოს საპენსიო სააგენტოს დირექტორმა ლევან სურგულაძემ პირველი არხის ეთერში.

დაგროვებითი პენსიის სისტემა საქართველოში 1 იანვრიდან ამოქმედდა. შემუშავებული სქემის მიხედვით, 24 ათას ლარამდე წლიური ნომინალური შემოსავლის შემთხვევაში მოქალაქის საპენსიო ანგარიშზე ყოველთვიური ანაზღაურების 6% ირიცხება – 2%-ს მოქალაქე თავად იხდის, 2%-ს – მისი დამქირავებელი და 2%-ს – სახელმწიფო. 24 ათას ლარზე მეტი წლიური ნომინალური შემოსავლის შემთხვევაში (60 ათას ლარამდე) სახელმწიფო საპენსიო ფონდში მხოლოდ 1%-ს გადარიცხავს. 60 ათას ლარზე მეტის შემთხვევაში სახელმწიფო ამ სქემაში აღარ მონაწილეობს.

„ახლა ინტენსიური მუშაობა მიმდინარეობს საბანკო ხელშეკრულებებზე სხვადასხვა ბანკებთან. ეს უნდა გავიაროთ. შესაბამისად, ბანკებთან საბოლოოდ უნდა შევთანხმდეთ და როგორც კი ხელშეკრულებების გავლა დასრულდება, თანხების განთავსება მაშინვე მოხდება. იქ სარგებელი გაცილებით მაღალი იქნება, ვიდრე დღეს ერიცხება, დაახლოებით 11-12 პროცენტის ფარგლებში. ამ ეტაპზე დანაზოგებს დახლოებით ცხრა მილიონამდე სარგებელი დაერიცხათ. გრძელვადიან საბანკო დეპოზიტებზე დაახლოებით 260 მილიონი ლარი განთავსდება", – განაცხადა სურგულაძემ.

ამას გარდა, როგორც მან აღნიშნა, დეპოზიტებზე განთავსების შემდეგ დაგროვებული პენსიები ასევე ჩაიდება ფასიან ქაღალდებში, კერძოდ, სურგულაძის განცხადებით, საუბარია ობლიგაციებზე.

სურგულაძის თქმით, სააგენტოს საინვესტიციო საბჭო განიხილავს თანხის საერთაშორისო ბაზრებზე განთავსების შესაძლებლობას.

1 აპრილიდან 31 მაისის ჩათვლით საპენსიო სისტემის დატოვება შეეძლოთ ადამიანებს, რომლებსაც 2018 წლის 6 აგვისტომდე უკვე შეუსრულდათ 40 ან მეტი წელი. ფონდიდან გასვლის უფლება სულ 294,9 ათას ადამიანს ჰქონდა. დაგროვებითი საპენსიო სქემიდან გასული ადამიანების რაოდენობა მთლიანად დარეგისტრირებული ადამიანების რაოდენობის დაახლოებით 10% შეადგინა.

როგორც საპენსიო ფონდში აცხადებენ, რეფორმას ორი მნიშვნელოვანი მიზანი აქვს. ერთი გრძელვადიანია და მოქალაქეების საპენსიო ასაკში უზრუნველყოფას გულისხმობს. მეორე კაპიტალის ადგილობრივი ბაზრის განვითარებაა.

241
თემები:
სოციალური სფერო საქართველოში (163)
შსს-ს შენობა

გიორგი გახარიამ და ვახტანგ გომელაურმა დაღუპული პოლიციელების მემორიალი გვირგვინით შეამკეს

7
(განახლებულია 13:29 31.05.2020)
ღონისძიების მონაწილეებმა წუთიერი დუმილით პატივი მიაგეს სამსახურებრივი მოვალეობის შესრულების დროს დაღუპული პოლიციელების ხსოვნას

თბილისი, 31 მაისი - Sputnik. შინაგან საქმეთა მინისტრმა, ვახტანგ გომელაურმა, პრემიერ-მინისტრ გიორგი გახარიასთან ერთად, პოლიციის დღესთან დაკავშირებით, სამსახურებრივი მოვალეობის დროს დაღუპული პოლიციელების მემორიალი გვირგვინით შეამკო, ნათქვამია უწყების მიერ გავრცელებულ განცხადებაში.

მემორიალი სამინისტროს ტერიტორიაზე მდებარეობს.

„ცერემონია საპატიო ყარაულის თანხლებით გაიმართა. შინაგან საქმეთა სამინისტროს განსაკუთრებულ დავალებათა დეპარტამენტის ორკესტრმა საქართველოს სახელმწიფო ჰიმნი შეასრულა“, - ნათქვამია განცხადებაში.

ღონისძიების მონაწილეებმა წუთიერი დუმილით პატივი მიაგეს სამსახურებრივი მოვალეობის შესრულების დროს დაღუპული პოლიციელების ხსოვნას.

პოლიციელის პროფესიულ დღესთან დაკავშირებით, შინაგან საქმეთა მინისტრის სახელით, სამინისტროს 5 ათასამდე თანამშრომელს სხვადასხვა სახის ჯილდო გადაეცა.

პოლიციის დღე, რომელიც 2010 წელს დაარსდა, ბოლო წლებში 31 მაისს აღინიშნება.

7
სოფო ნიჟარაძე

სოფო ნიჟარაძეს უსიმპატიურესი ძმა ჰყავს - ნახეთ როგორ ჰგავს დას

4
(განახლებულია 11:21 31.05.2020)
დასთან შედარებით ირაკლი ნიჟარაძეს საჯაროდ გამოსვლა არ ხიბლავს. თუმცა, მედიის ყურადღება არა ერთხელ მიიქცია. უსიმპატიურესი მამაკაცის ფოტოები სოციალურ ქსელში გავრცელდა. გავს თუ არა უმცროსი ძმა გამოჩენილ მომღერალს?

ტელეკომპანია „რუსთავი 2“- ის ყოფილი ფინანსური დირექტორი ცნობილი მომღერლის სოფო ნიჟარაძის ძმა იყო. არხის რეორგანიზაციის დროს ირაკლი ნიჟარაძემ დაკავებული თანამდებობა დატოვა და სამსახურიდან წავიდა. არხის ყოფილი ფინანსური დირექტორი პოპულარულ დასთან შედარებით მის გვერდით სულ რამდენჯერმე გამოჩნდა. პირველად საზოგადოებამ ირაკლი სოფოსთან ერთად სიმღერისას შენიშნა, როდესაც ყველასთვის მოულოდნელად ირაკლიმ დასთან ერთად „გარეპა“.

და-ძმამ რამდენიმე წლის წინ დიდი დარტყმა მიიღო. 2013 წელს მათ შეხმატკბილებულ ოჯახში, როგორც სოფო ამბობდა, ტრაგედია დატრიალდა. ამ პერიოდში სოფო მეგა-შოუ „ცეკვავენ ვარსკვლავების“ მონაწილე იყო. მომღერალი ამ  ტკივილს და უსაყვარლესი მამის მოულოდნელ გარდაცვალებას ვერ გაუძლო და პროექტი საკუთარი ნებით დატოვა. მან მამის გარდაცვალების შესახებ პარკეტზე გასვლამდე ნახევარი საათით ადრე შეიტყო. მოუშუშებელი ტკივილი ოჯახის წევრებისა და განსაკუთრებით ძმის დახმარებით გადაიტანა. სოფოსა და მის ძმას ირაკლის შუედარებელი ურთიერთობა აკავშირებთ. საერთო ტკივილი კი, უფრო აერთიანებთ.

მრავალ ნომინაციაში გამარჯვებული მომღერალი საზღვარგარეთის დიდ სცენებს სირთულეების გარეშე იპყრობს. სოფო ნიჟარაძე შეუდარებელ ფორმაშია. ის რამდენიმე პროექტის ჟიურის წევრობა მოხდენილად შეითვისა და ერთ-ერთი გამორჩეული და სამართლიანი წევრი გახდა. 2017 წელს ულამაზესი მომღერალი საუკეთესო მომღერალ ქალად აღიარეს სიმღერით „მაპატიე“. სოფო იშვიათად ანებივრებს სოცქსელის მომხმარებლებს ბუნებრივი ფოტოებით, ვინაიდან მისი ცხოვრების დიდი ნაწილი კონცერტებთანაა დაკავშირებული და გრიმით ყოფნა უწევს.

 

 

4
თემები:
სელებრითების ცხოვრება