კახა კალაძე და ანუკი არეშიძე

ანუკი არეშიძე მეხუთე შვილს ელოდება? დიზაინერი დუმილს არღვევს

11710
(განახლებულია 19:12 10.10.2019)
დიზაინერმა და თბილისის მერის მეუღლემ ანუკი არეშიძემ დიდი ვნებათაღელვა გამოიწვია. იზაბელ მარანტის მიერ შექმნილ მოსასხამში ანუკის წამოზრდილი მუცელი დაეტყო.

თბილისის ულტრამოდური მერის კახა კალაძის ცოლი გამორჩეულია სილამაზითა და დახვეწილობით. ოთხი შვილის მშობლები ბევრს მოგზაურობენ. ანუკის ოფიციალური გვერდი საინტერესო ფოტო-ვიდეოებითაა სავსე. საკმარისია მის გვერდზე შეხვიდეთ, სახასიათო სურათები ძალიან დაგაინტერესებთ და აღმოაჩენთ, რომ ანუკი არა მხოლოდ სტილით, არამედ მიკრობლოგის საინტერესო კუთხით წარმოჩენას ცდილობს.

მუდამ ელეგანტური, ტრენდული და რეტრო სტილი ანუკის განუყოფელი ნაწილია. ყოფილი მოდელი ნებისმიერი ზომისა თუ ფერის სამოსს თანაბრად იხდენს. მას უამრავი მიმდევარი ჰყავს როგორც სოციალურ ქსელში, ასევე რეალურ ცხოვრებაში. ანუკის ბრენდი თბილისსა და მაღალი მოდის ქალაქებში ძალიან პოპულარულია. გარდა კაბებისა, დიზაინერმა აქსესუარების შექმნა დაიწყო.

ბოლო პერიოდში ანუკი არეშიძის ფოტოებზე მისი ზურგი უფრო დომინირებს. უკანა ხედით გადაღებული ფოტოები ბევრ მოწონებას იმსახურებს, მაგრამ ამავდროულად თაყვანისმცემლებს გაურკვევლობაში აგდებს. პარიზისა და მილანის მოდის კვირეულიდან გამოქვეყნებულმა ფოტოებმა კი კიდევ უფრო მეტი გაუგებრობა გამოიწვია.

ანუკიმ მოდური ჩვენებების ფარგლებში უმშვენიერეს ბრენდულ კაბებს შორის რამდენიმე საკუთარი ხელით შექმნილი სამოსი მოირგო. იზაბელ მარანტის მოსასხამში გამოწყობილ დიზაინერს წამოზრდილი მუცელი ეტყობა, რამაც საზოგადოების დიდი ყურადღება მიიქცია. მისი ფეხმძიმობით დაინტერესებულ „ფოლოვერებს“ ანუკი გულახდილად პასუხობს, რომ კაბა იმგვარადაა გამოჭრილი, თითქოს წამოზრდილ მუცელს უჩენს. მიუხედავად ამისა, თაყვანისმცემლები ანუკის ულოცავენ და ბავშვს ჯანმრთელობას უსურვებენ. ტაბლოიდებს კი ისღა დარჩენიათ, რომ მოვლენების განვითარებას დაელოდონ.

მიუხედავად ანუკის პასუხისა, ქუჩაში მის გამოჩენას თბილისში ახალი ჭორი მოჰყვა იმის შესახებ, რომ ცნობილი დიზაინერი და ქალაქის მერი რიგით მეხუთე შვილს ელოდებიან. დიზაინერს კითხვა ფეხმძიმობის შესახებ „ინსტაგრამის“ ერთ-ერთმა მომხმარებელმაც დაუსვა: „ანუკი, ისევ ფეხმძიმედ ხართ?“, „OMG, არა. კაბის „ზბორია“ მართლა, მართლა“. ააჭრელეს ყველაფერი, მეხუთე შვილს ელოდებაო“.

11710
თემები:
სელებრითების ცხოვრება (1718)
კესარია აბრამიძე

კესარია აბრამიძე ბუნებრივ სილამაზეს არ მალავს - ტრანსგენდერი ქალის შესაშური გარეგნობა

16
(განახლებულია 15:00 28.05.2020)
ფოტომოდელმა მორიგი უმაკიაჟო სურათი გამოაქვეყნა. მისი ბუნებრივი სილამაზე გაგაოცებთ. კესარია აბრამიძის შეუდარებელი „ლუქი“ სოცქსელიდან

სკანდალური, ეპატაჟური, ინტრიგებით აღსავსე – საზოგადოება კესარია აბრამიძეს ამ სიტყვებით მოიხსენიებს. მიუხედავად ამისა, ყველასათვის ცნობილი ქართველი ფოტომოდელი გაღიზიანებას აღარ იწვევს. წლების წინ მის მიმართ გამოჩენილმა აგრესიის ტალღამ კესარიას იმედები გაუცრუა და ის დიდი ხნის მანძილზე ტელეეკრანებზე აღარ ჩნდებოდა. მისი ცხოვრებით უამრავი ადამიანი ინტერესდება და ამას კესარიას სოციალური ქსელის მოწონებებიც ამტკიცებს.

კესარიას თქმით, მას პლასტიკური ოპერაციები არ გაუკეთებია. თაყვანისმცემლებს მის სიტყვებში ეჭვი შეეპარათ. ამიტომ ფოტომოდელმა დედის სურათი გამოაქვეყნა და ყველაფერი ნათელი გახდა. აღსანიშნავია, რომ კორონავირუსის გამო, სახლში დარჩენილმა ტრანსგენდერმა შთაგონების წყარო იპოვა. მისი გვერდი სხვადასხვა გემოვნებიანი გარდასახვით აჭრელდა. მიუხედავად პროფესიონალურად გაკეთებული მაკიაჟისა, ბუნებრივმა სურათმა ყველა რეკორდი მოხსნა. რას წერენ თაყვანისმცემლები და როგორ ეხმაურებიან მას?

View this post on Instagram

A post shared by Kesaria Abramidze (@kesariaabramidze_official) on

„ეს ადამიანი მიყვარს მისი უბოროტო ხასიათით“; „სამყარომ იცის, რომ ისედაც ულამაზესი ხარ!“; „ნუ სიტყვებიც არ მყოფნის... რა ვუწოდო ამ სილამაზეს?“,- აღფრთოვანებას ვერ მალავენ მამაკაცები და ქალბატონები. მის გვერდზე პოზიტიური კომენტარები არ წყდება. კესარიას მთელ სახეს ულამაზესი ჭორფლი ამშვენებს. როგორც ჩანს, ტრანსგენდერ ქალს საკუთარ გარეგნობაში ჭორფლი არ მოსწონს და მაკიაჟით იფარავს.

View this post on Instagram

A post shared by Kesaria Abramidze (@kesariaabramidze_official) on


საქართველოში, მიუხედავად დიდი კრიტიკისა, ტრანსგენდერი ქალების მიმართ დიდ ყურადღებას იჩენენ. კესარია აბრამიძის ტელეეკრანებზე გამოჩენამ გაუგებრობა და აგრესია გამოიწვია. იყო პერიოდი, როდესაც ფოტომოდელი მედიას აღარ ეკონტაქტებოდა. ახლა ყველაფერი შეიცვალა. სილამაზის, ელეგანტურობისა და დახვეწილობის შენარჩუნება კესარია აბრამიძის უმთავრესი მიზანია. ცნობილ ქართველ ტელესახეს ვიზაჟის სკოლის დაარსება სურს. მაკიაჟის ხრიკებს პროფესიონალივით ეუფლება. მისი გარეგნობით აღტაცებულები რეალურ თუ ვირტუალურ სივრცეში კომპლიმენტებს არ იშურებენ. სოციალურ ქსელში კესომ „ფოლოვერები“ გამოიწვია. დაინტერესებულები ფოტომოდელს ეხმაურებიან და რჩევებს სთხოვენ. კესარიას თითოეული ლუქი სექსუალობითა და პიკანტურობით გამოირჩევა, მაგრამ ბუნებრივი, უმაკიაჟო სახე უფრო მეტი გამოხმაურებით გამოირჩევა.

16
თემები:
სელებრითების ცხოვრება (1718)
წვიმა თბილისში

წვიმა, სეტყვა და წყალდიდობა: საქართველოში ამინდი გაუარესდება

89
(განახლებულია 15:16 28.05.2020)
სინოპტიკოსები საქართველოს მთელ ტერიტორიაზე წვიმიან და საკმაოდ გრილი ამინდს პროგნოზირებენ. მთიან ზონაში შესაძლებელია მეწყრულ-ღვარცოფული პროცესები განვითარდეს.

თბილისი, 28 მაისი – Sputnik.  საქართველოს მთელ ტერიტორიაზე ამინდი კვლავ გაუარესდება – ქვეყნის უმეტეს რაიონებში 29–30 მაისს მოსალოდნელია წვიმა ელჭექით, ზოგან ძლიერი და სეტყვა, ნათქვამია გარემოს დაცვის ეროვნულის ააგენტოს განცხადებაში.

„მოსალოდნელია დასავლეთის მიმართულების ძლიერი ქარი. ზღვაზე შტორმი  2-3 ბალს მიაღწევს“, – ნათქვამია განცხადებაში.

ძლიერი ნალექის გამო მთის ზონებში შესაძლებელია მეწყრულ-ღვარცოფული პროცესები განვითარდეს.

„ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები,  მთიან ზონებში კი მეწყრულ - ღვარცოფული პროცესების ჩასახვა–გააქტიურება გამოიწვიოს“, – ნათქვამია უწყების განცხადებაში.

89
თემები:
ამინდი საქართველოში