ნინო ჩხეიძე კახა კორახაშვილი

ნინო ჩხეიძე ქმარ-შვილთან ერთად ოდესაში ისვენებს ვარსკვლავური წყვილის უახლესი ფოტოები

241
(განახლებულია 15:59 08.10.2019)
ნინო ჩხეიძისა და ბიზნესმენ გიორგი კორახაშვილის წყვილს საზოგადოება დიდი ხანია იცნობს და თვალყურს ადევნებს. მათი პირადი ცხოვრება დიდი ხანია გამოწვევის წინაშე დგას, მიუხედავად ამისა, წლების წინ შექმნილი ოჯახი დღემდე მყარად დგას. ნინო ოდესაში „თბილისობის“ აღსანიშნად გაემგზავრა.

ქართული ესტრადის ერთ-ერთი პოპულარული მომღერალი გასტროლებით სხვადასხვა ქვეყანას ხშირად სტუმრობს. გადატვირთული გრაფიკის მიუხედავად, როგორც ჩანს, ნინო ჩხეიძე კორპორატიულ საღამოებსაც ამშვენებს. მისი ხმის ტემბრი და დამახასიათებელი  ჟღერადობის მუსიკა ბევრ ადამიანს მოსწონს. ამიტომ ნინო ისრაელს, უკრაინას, საბერძნეთსა და ყაზახეთს ხშირად სტუმრობს. მასაც ბევრი სხვა ადამიანის მსგავსად თვითმფრინავით სარგებლობა არ უყვარს, მაგრამ ქართული ესტრადის წარმომადგენელს სხვა გამოსავალი არ აქვს. მისი მეუღლე წლებია საზღვარგარეთ ცხოვრობს და, როგორც ნინო აღნიშნავს, მათ „ვირტუალური პირადი ცხოვრება“ აქვთ.

ნინო ჩხეიძე და მისი ოჯახი საზოგადოებაში დიდი პოპულარობით სარგებლობს. მისი და ქმრის ურთიერთობა განსაკუთრებით 2013 წლის მერე აინტერესებთ, როდესაც წყვილი ერთმანეთს დროებით დაშორდა. ცნობილი ოჯახის თანაცხოვრება მრავალ წელს ითვლის. ნინოს და ბიზნესმენ გიორგი კორახაშვილს უმშვენიერესი მარიამი 2002 წელს შეეძინათ, მაშინ, როდესაც მომავალი მომღერალი ჯერ კიდევ ტელე-ჟურნალისტიკის სპეციალობით სწავლობდა.

38 წლის მომღერალს შვილთან მეგობრული ურთიერთობა აკავშირებს. სატელევიზიო ინტერვიუებიდან კარგად ჩანს, რომ მარიამი სერიოზული და გაწონასწორებული გოგონაა. უყვარს უცხო ენების შესწავლა, სურს „დიჯეობა“. აღნიშნავს, რომ დედის რეპერტუარი არ მოსწონს და ქალაქურ ფოლკლორს არ უსმენს, მაგრამ აფასებს ადამიანებს, რომლებსაც უყვართ მუსიკის ეს ჟანრი.

ნინო და მარიამი ერთად მოგზაურობენ. დედა-შვილი გიორგი კორახაშვილს ევროპის სხვადასხვა კუთხეში აკითხავს. ამჯერად გიორგი კორახაშვილის ინიციატივით ნინო უკრაინაში, კერძოდ, ოდესაში გაემგზავრა. „თბილისობასთან“ დაკავშირებით გრანდიოზული კონცერტი რამდენიმე ლოკაციაზე ჩაატარეს და უკან, თბილისში დაბრუნდნენ... მაგრამ ისევ მამის გარეშე.

241
თემები:
სელებრითების ცხოვრება (2135)
თავდაცვის სამინისტროს განახლებული ავტოპარკი

თავდაცვის სამინისტროს ავტოპარკი FORD Ranger–ის 160 „პიკაპით“ შეივსო

2
(განახლებულია 18:16 29.09.2020)
ვაზიანის სამხედრო ბაზაზე ახალი ტექნიკის გადაცემის ცერემონიას საქართველოს თავდაცვის მინისტრი ირაკლი ღარიბაშვილი ესწრებოდა

თბილისი, 29 სექტემბერი – Sputnik. საქართველოს თავდაცვის სამინისტრომ ახალი ტექნიკის შესყიდვის პროგრამის ფარგლებში 160 ერთეული FORD Ranger-ის ტიპის 0.75 ტონა ტვირთამწეობის „პიკაპი“ შეისყიდა, ნათქვამია უწყების განცხადებაში.

თავდაცვის ძალების ავტოპარკის განახლება მინისტრ ირაკლი ღარიბაშვილის ინიციატივით აქტიურად მიმდინარეობს. უწყების ძირითად პრიორიტეტებს შორისაა სამხედრო მოსამსახურეების სოციალური პირობების გაუმჯობესება, ჯარის პოპულარიზება ახალგაზრდებს შორის, ასევე ქვეყნის თავდაცვისუნარიანობის ამაღლების მიზნით შეიარაღების განახლება.

საქართველომ ახალი უპილოტო საფრენი აპარატები შეიძინა>>

ახალი ტექნიკის გადაცემის ცერემონიას ღარიბაშვილი თავდაცვის ძალების მეთაურთან, გენერალ–მაიორ გიორგი მათიაშვილთან ერთად დაესწრო. ცერემონია ვაზიანის მეოთხე მექანიზებული ბრიგადის სამხედრო ბაზაზე შედგა.

თავდაცვის მინისტრის განცხადებით, ახალი ტექნიკა გააძლიერებს თავდაცვის ძალების პოტენციალს, გაზრდის მობილურობასა და ხელს შეუწყობს დასახული ამოცანების უფრო ეფექტურად შესრულებას.

თავდაცვის სამინისტროს ინფორმაციით, ახალი ავტომობილების შეძენა მომგებიანია ეკნომიის თვალსაზრისითაც: მოძველებული ტექნიკის შენახვა და რემონტი თავდაცვის ძალებს წელიწადში მილიონობით ლარი უჯდებოდა.

ახალი ავტომობილები თავდაცვის ძალების ქვედანაყოფებში გადანაწილდება.

ღარიბაშვილის ინიციატივით მოძველებული სპეცტექნიკა ეტაპობრივად ჩანაცვლდება სპეციალური დანიშნულების თანამედროვე ავტოსატრანსპორტო საშუალებებით, რომლებიც წარმოებულია ისეთი მსოფლიო გიგანტების მიერ, როგორიცაა გერმანული MAN, იტალიური IVECO და ამერიკული FORD.

სულ თავდაცვის სამინისტრო 500 ერთეულზე მეტი სპეცტექნიკის შეძენას გეგმავს.

2
თემები:
საქართველოს თავდაცვა
პატრული

ქართული პოლიცია არჩევნებისთვის ემზადება

26
(განახლებულია 17:14 29.09.2020)
ონლაინ–კურსი შსს–ს აკადემიის ელექტრონული სწავლების პლატფორმის მეშვეობით ხორციელდება და მასში მონაწილეობას 4000-ზე მეტი თანამშრომელი მიიღებს.

თბილისი, 29 სექტემბერი — Sputnik.  შინაგან საქმეთა სამინისტროს თანამშრომლები საპარლამენტო არჩევნების უსაფრთხო, თავისუფალ, სამართლიან და მშვიდ გარემოში ჩატარების უზრუნველსაყოფად ონლაინ–სწავლებას გადიან, ნათქვამია უწყების მიერ გავრცელებულ განცხადებაში. 

საქართველოში საპარლამენტო არჩევნები 31 ოქტომბერს გაიმართება. იმისთვის რომ იგი მშვიდ და სამართლიან გარემოში ჩატარდეს, შსს–ს აკადემიაში უწყების სტრუქტურული ერთეულების, ტერიტორიული ორგანოებისა და სხვა საპოლიციო ქვედანაყოფების თანამშრომლებისთვის სწავლება დაიწყო.

ონლაინ–კურსი აკადემიის ელექტრონული სწავლების პლატფორმის მეშვეობით ხორციელდება და მასში მონაწილეობას 4000-ზე მეტი თანამშრომელი მიიღებს.

ტრენინგის მიზანია სამართალდამცველების ცოდნის გაღრმავება და ცნობიერების ამაღლება, რათა პოლიციელებმა უზრუნველყონ საარჩევნო პროცესში მათზე დაკისრებული მოვალეობების ეფექტიანად შესრულება, საფრთხეებისა და რისკების დროული გამოვლენა, მათი შეფასება, პრევენციული ღონისძიებების განხორციელება და სამართალდარღვევაზე სწორი რეაგირება.

შინაგან საქმეთა მინისტრის ბრძანების თანახმად, რეგიონებში პოლიციის დეპარტამენტების სამოქმედო ტერიტორიებზე შეიქმნება სამართალდარღვევების პრევენციისა და მათზე რეაგირებისთვის პასუხისმგებელი ჯგუფები.

ამასთან,  სამსახურებრივი მოვალეობის შესრულების დროს, პოლიციელი ვალდებულია მკაცრად დაიცვას პოლიტიკური ნეიტრალობის პრინციპი.  ტრენინგის მონაწილეებს ასევე მიაწოდებენ ინფორმაციას ახალ კორონავირუსთან დაკავშირებით.

26
თემები:
საქართველოს საპარლამენტო არჩევნები 2020