ამოცანის ამოხსნა

ქართველი მოსწავლე პრესტიჟული ოლიმპიადის „დიდების დარბაზში" მოხვდა

86
(განახლებულია 20:31 30.09.2019)
„დიდების დარბაზის" ლაურეატები ხდებიან ბავშვები მთელი მსოფლიოდან, რომლებსაც ინფორმატიკის საერთაშორისო ოლიმპიადის ორი მედალი აქვთ.

თბილისი, 30 სექტემბერი - Sputnik. თბილისის ფიზიკა-მათემატიკის კომაროვის სახელობის სკოლის მე-12 კლასის მოსწავლე ნიკოლოზ ბირკაძე ინფორმატიკის საერთაშორისო ოლიმპიადის „დიდების დარბაზში" მოხვდა, ნათქვამია სკოლის Facebook-გვერდზე გავრცელებულ განცხადებაში.

ინფორმატიკის საერთაშორისო ოლიმპიადა (IOI) იუნესკოს ეგიდით 1989 წლიდან ტარდება და ის არის ერთ-ერთი ყველაზე პრესტიჟული ინტელექტუალური შეჯიბრება მთელი მსოფლიოს უფროსკლასელებისთვის.

ამ ოლიმპიადაზე მოსწავლეები გადიან ორ ხუთსაათიან ტურს, რომლის დროსაც თითოეულმა მონაწილემ უნდა ამოხსნას სამი ამოცანა და დაწეროს პროგრამა ორგანიზატორთა მიერ დადგენილი პირობების შესაბამისად.

ოლიმპიადაზე „დიდების დარბაზის“ ლაურეატის ტიტულის ენიჭებათ ბავშვებს მთელი მსოფლიოდან, რომლებმაც ინფორმატიკის საერთაშორისო ოლიმპიადის ორი მედალი დაიმსახურეს. ბირკაძეს დღეისათვის ამ ოლიმპიადაზე ორი ოქროს და ერთი ვერცხლის მედალი აქვს მიღებული.

„კომაროვის სკოლა ულოცავს ნიკას მორიგ აღიარებას და მომავალ წარმატებებს უსურვებს!“ – ნათქვამია სკოლის განცხადებაში.

ქართველ მოსწავლეს საკმაოდ ბევრი ჯილდო აქვს. ნიკოლოზ ბირკაძეს კომპიუტერული ინფორმატიკის ოლიმპიადის მედლების გარდა, კიდევ ორი ვერცხლის და ერთი ბრინჯაოს მედალი აქვს, რომელიც მან მათემატიკის საერთაშორისო ოლიმპიადაზე მიიღო. ჟაუტიკიკოვის საერთაშორისო ოლიმპიადაზე მან ერთი ოქროს მედალი აიღო ინფორმატიკაში, ევროპის ახალგაზრდულ ოლიმპიადაზე მიიღო ოქროს მედალი და პირველი ადგილი დაიკავა.

ინფორმატიკის ოლიმპიადაზე ცენტრალური ევროპის ქვეყნების მოსწავლეებს შორის ნიკა ბირკაძემ მიიღო ერთი ოქროს მედალი და რუმინეთის მათემატიკის მასტერ-კლასში ერთი ვერცხლის მედალი დაიმსახურა.

86
თემები:
განათლება საქართველოში (271)
სალომე გოგიაშვილი

„კაცი რომ კაცთან დაწვება, მაგათი...“ სალომე გოგიაშვილი სკანდალურ ვიდეოს აქვეყნებს

872
(განახლებულია 14:24 31.07.2020)
ტელესახემ კორონავირუსის პირობებში სამსახიობი ნიჭი გამოავლინა. ნახეთ, რა ვიდეოს აქვეყნებს სალომე გოგიაშვილი.

სალომე გოგიაშვილი სულისშემძვრელი განცხადებებით გამოირჩევა. მის გარშემო სკანდალების ტალღა არ წყდება. ტელეწამყვანის ცხოვრება განსაკუთრებით აქტუალური მას შემდეგ გახდა, რაც გოგიაშვილმა „ნანუკას შოუში“ განაცხადა, როგორ დატოვა ყოფილმა ქმარმა ბავშვებთან ერთად ღია ცისქვეშ და პირწმინდად გაძარცვა.

View this post on Instagram

Namdvili bedniereba aris es❤️ ika 6 🎂

A post shared by Salome Gogiashvili (@salomegog) on

სა­ლო­მეს ოთხი შვილი ჰყავს – მაშო, ციბუკა, იკა და დუდა. როგორც თავად ამბობს, დროს ყველაფრისთვის პოულობს, ბავშვებთან ურთიერთობასაც ახერხებს, მეუღლესთან განმარტოებასაც, რომელთანაც სულ ცოტა ხნის წინ შექმნა ახალი ოჯახი, ასევე საკუთარ ბიზნესზე ზრუნვასაც.

View this post on Instagram

❤️

A post shared by Salome Gogiashvili (@salomegog) on

პანდემიის დროს სელებრითები განსაკუთრებულად გააქტიურდნენ. მათი მეშვეობით უამრავი ადამიანი პოზიტიურ განწყობაზეა. ცნობილი სახეები ხშირად ვიდეორგოლებს TikTok-ის საშუალებით აქვეყნებენ. სალომე გოგიაშვილმა სხვადასხვა პერსონაჟი განასახიერა. ამ პერიოდის მანძილზე პოზიტიური გმირების განსახიერების გამო სალომეს „ფოლოვერების“ რაოდენობა მკვეთრად მოემატა. თაყვანისმცემლები თავად სთხოვენ ამა თუ იმ პოპულარული ვიდეოს რესპონდენტის იმიჯის მორგებას. აშკარაა, რომ ტელესახეს ეს საუკეთესოდ გამოსდის.

View this post on Instagram

🤣✊🥳😂❤️ didi pauza ki gamovida

A post shared by Salome Gogiashvili (@salomegog) on

ყოფილი ტელეწამყვანი სალომე გოგიაშვილი „ინსტაგრამის“ პირად გვერდზე TikTok-დან სახალისო ვიდეოს აქვეყნებს, სადაც ის ცნობილი ვიდეოს შარჟს აკეთებს. სალომეს ხელმომწერები ითხოვენ, აღარ გაჩერდეს და რეგულარულად განაგრძოს ვიდეოების გადაღება, რადგან ძალიან ახალისებთ.

872
თემები:
სელებრითების ცხოვრება
მარინა ეზუგბაია

ეზუგბაია: კორონავირუსის ახალი შემთხვევებიდან უმეტესობა შემოტანილია

48
(განახლებულია 15:31 06.08.2020)
ამ დროისთვის ქვეყანაში კორონავირუსით ინფიცირებულთა რაოდენობამ 1206-ს მიაღწია. გამოჯანმრთელდა 987 ადამიანი, გარდაიცვალა – 17.

თბილისი, 6 აგვისტო – Sputnik. საქართველოში ბოლო დღე-ღამეში კორონავირუსის 9 ახალი შემთხვევიდან შვიდი შემოტანილია, განუცხადა ჟურნალისტებს თბილისის ინფექციური საავადმყოფოს სამედიცინო დირექტორმა მარინა ეზუგბაიამ. 

 

„ცხრიდან შვიდი შემთხვევა იმპორტირებულია. მათგან სამი, სატვირთოს მძღოლია. ორ შემთხვევაში ინფიცირების წყარო უცნობია, მიმდინარეობს ეპიდემიოლოგიური კვლევა", –  განაცხადა მარინა ეზუგბაიამ.

მისი თქმით, ამ დროისთვის COVID–ცენტრებში 240 პაციენტი მკურნალობს, გამოჯანმრთელებულთა რაოდენობა 81%–ს შეადგენს.

 

რაც შეეხება უშუალოდ ინფექციურ საავადმყოფოს, კლინიკაში კორონავირუსის დიაგნოზით 38 პაციენტი მკურნალობს. 

საქართველოს მთავრობის სპეციალურ ვებ-გვერდზე stopcov.ge განთავსებული ახალი ინფორმაციის თანახმად, ამ დროისთვის კორონავირუსით ინფიცირებულთა რაოდენობამ 1206-ს მიაღწია. გამოჯანმრთელდა 987 ადამიანი, გარდაიცვალა – 17.

კარანტინის რეჟიმში იმყოფება 7071, ხოლო სტაციონარებში ექიმების დაკვირვების ქვეშ 294 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

48
თემები:
COVID-19 საქართველოში