ქართული სამზარეულო

ქართველი კულინარები შვედეთში European Street Food Awards-ზე მიდიან

95
(განახლებულია 18:59 24.09.2019)
ქართველი კულინარები ევროპელებზე შთაბეჭდილების მოხდენას შოთის პურითა და ტყემლით აპირებენ.

თბილისი, 24 სექტემბერი — Sputnik. მსოფლიოს 15 ქვეყნის კულინარები შვედეთის ქალაქ მალმეში შეიკრიბებიან, სადაც 28 სექტემბერს მონაწილეობას მიიღებენ ქუჩის საკვების ფესტივალ European Street Food Awards 2019-ის ფინალში, განაცხადეს „Sputnik–საქართველოსთან" ფესტივალის ქართველმა მონაწილეებმა.

საქართველოს გასტრონომიულ ღონისძიებაზე წარადგენს თბილისური ბარი Chacha Time-ის გუნდი, რომელიც ცნობილია ტრადიციულ ქართული სამზარეულოსა და ალკოჰოლური სასმელის შერწყმის საკუთარი თანამედროვე ხედვით.

Chacha Time თბილისში 15 სექტემბერს გამართული ქუჩის საკვების ფესტივალის შედეგებით შეირჩა. კონკურსს ესწრებოდნენ European Street Food Awards-ის წარმომადგენლები, რომლებმაც საკუთარი გამარჯვებული გამოავლინეს და მას ფინალის საგზური გადასცეს.

„სიმართლე გითხრათ, ჩვენ არც ვიცოდით, გამარჯვებულს თუ რა ჯილდო ელოდა. ჩვენთვის მთავარი მონაწილეობაა. საქართველო ხომ პირველად იღებს მონაწილეობას ქუჩის საკვების საერთაშორისო ფესტივალში. საინტერესოა უბრალო ევროპელების რეაქციების ნახვა, როგორ შეაფასებენ ჩვენ სამზარეულოს, მით უმეტეს, რომ ირგვლივ ასეთი დიდი კონკურენციაა", – განაცხადეს „Sputnik–საქართველოსთან" გუნდის მონაწილეებმა.

ქართული გუნდიდან ორგანიზატორები ელოდებიან განსაკუთრებული რეცეპტით მომზადებულ მწვადს ტყემლით და შოთის პურს, რომელსაც პირდაპირ სტუმრების წინაშე გამოაცხობენ, ასევე ლობიოს და ბადრიჯნის ხვეულებს.

კომპეტენტური ჟიური, ასევე რიგითი გურმანები, რომლებიც "ხალხის არჩევანს" გააკეთებენ, გამარჯვებულს რამდენიმე ნომინაციაში გამოავლენენ: საუკეთესო ძირითადი, ვეგეტარიანული კერძი, საუზმე, დესერტი, ასევე სუპერ კატეგორია – საუკეთესო საუკეთესოთა შორის.

95
თემები:
გემრიელი სამზარეულო (90)
ამირან გამყრელიძე

გახსნის თუ არა საზღვარს საქართველო სომეხი ტურისტებისთვის გამყრელიძის პასუხი

8
(განახლებულია 14:54 02.06.2020)
საქართველო ტურისტებს 1 ივლისიდან ელოდება, მაგრამ პირველ ეტაპზე „მწვანე ზონის“ სტატუსის მქონე ქვეყნებიდან, სადაც კორონავირუსის გავრცელების დონე მინიმალურია

თბილისი, 2 ივნისი — Sputnik. საქართველოს არ შეუძლია საზღვრების გახსნა ტურისტებისთვის იმ ქვეყნებიდან, სადაც კორონავირუსით დაინფიცირების მაღალი მაჩვენებელია, მათ შორისაა სომხეთი, განაცხადა  TV-Pirveli–ს ეთერში დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ.

Forbes-ის შეფასება: მოხვდა თუ არა საქართველო ტურისტებისთვის უსაფრთხო ქვეყნების სიაში>>

მისი თქმით, საქართველოში ჩამოსვლა 1 ივლისიდან შეუძლიათ ტურისტებს მხოლოდ „მწვანე ზონის“ სტატუსის მქონე ქვეყნებიდან. ტურიზმის ეროვნული ადმინისტრაცია ამ მიმართულებით მუშაობს. იმ ქვეყნებთან, სადაც კორონავირუსის გავრცელების დონე მინიმალურია, ორმხრივი შეთანხმებები გაფორმდება.

„პირველ რიგში, რა თქმა უნდა, ჩვენ ტურისტულ არხებსა და გზას ვერ გავაღებთ იმ ქვეყნების მოქალაქეებისთვის, სადაც ინფიცირების მაღალი მაჩვენებელია“, – განაცხადა გამყრელიძემ.

წამყვანის შეკითხვაზე, შედის თუ არა ამ ქვეყნების სიაში სომხეთი, გამყრელიძემ უპასუხა, რომ უპირობოდ შედის და საქართველოს ტურისტებისთვის ამ ქვეყნიდან თავისი კარის გახსნა არ შეუძლია.

გამყრელიძის განცხადებით, მუშავდება გარკვეული პროცედურები. კერძოდ, როგორი ტესტი უნდა გაიაროს ტურისტმა, სანამ საქართველოში ჩამოვა. მსგავსი წესები უკვე ბევრმა ქვეყანამ შემოიღო. მაგალითად, საქართველოს მოქალაქეები, რომლებიც სამკურნალოდ თურქეთში მიდიან, უნდა გაიარონ „პისიარ“ (PCR) ტესტი საზღვრის გადაკვეთამდე არაუმეტეს 48 საათით ადრე.

ასევე, თვითონ საქართველოში სპეციალისტები გარკვეულ მეთვალყურეობას გაუწევენ ჩამოსულ ტურისტებს.

გამყრელიძემ აღნიშნა, რომ საქართველომ შეძლო ოქროს შუალედის პოვნა შეზღუდვების შერბილებასა და ჯანდაცვის სისტემის სწრაფ რეაგირებას შორის.

თბილისი ევროპის ყველაზე უსაფრთხო ტურისტულ მიმართულებებად დასახელდა>>

ბოლო ინფორმაციით, სომხეთში კორონავირუსის შემთხვევებმა ათი ათასს გადააჭარბა, გარდაიცვალა 158 ადამიანი. ამ დღეებში ცნობილი გახდა, რომ კორონავირუსი აქვს სომხეთის პრემიერ–მინისტრს ნიკოლ ფაშინიანსა და მისი ოჯახის წევრებს.

საქართველო ტურისტები საზღვრებს 1 ივლისიდან ხსნის. წინასწარი ინფორმაციით, ე. წ. უსაფრთხო, ანუ „მწვანე დერეფანი“, პირველ რიგში, გაიხსნება ტურისტებისთვის ისრაელიდან, ავსტრიიდან, ჩეხეთიდან და უკრაინიდან.

8
თემები:
COVID-19 საქართველოში
სამედიცინო აღჭურვილობა კორონავირუსის სამკურნალოდ

რომელ ჯაჭვს უკავშირდება კორონავირუსის ახალი შემთხვევები საქართველოში

14
(განახლებულია 14:17 02.06.2020)
ამ დროისთვის კლინიკებში, რომლებიც კორონავირუსის მქონე პაციენტებს იღებენ, მკურნალობს 150 ინფიცირებული, ხოლო დაავადებულთა რიცხვმა 796–ს მიაღწია.

თბილისი, 2 ივნისი — Sputnik. კორონავირუსის ორი ახალი შემთხვევა მარნეულის რაიონის სოფელ მარეთს უკავშირდება, განუცხადა ჟურნალისტებს თბილისის ინფექციური საავადმყოფოს სამედიცინო დირექტორმა მარინა ეზუგბაიამ.

არსებული ინფორმაციით, კორონავირუსი ერთი ოჯახის ორ წევრს გამოუვლინდა. ინფექცია გუშინ დადასტურდა. ინფიცირებული არასრულწლოვნები არიან.

ინფექციურმა საავადმყოფომ 1 ივნისს კორონავირუსის დადასტურებული დიაგნოზით სამი პაციენტი მიიღო, მეოთხე პაციენტს საეჭვო სიმპტომები აქვს და მისი შედეგები ცნობილი უახლოეს პერიოდში გახდება. ეს პაციენტები ე.წ საბურთალოს კლასტერს უკავშირდებიან და ერთი ოჯახის წევრები არიან.

ამჟამად ინფექციურ საავადმყოფოში 58 ინფიცირებული პაციენტი მკურნალობს.

ეზუგბაიამ ასევე განაცხადა, რომ ინფექციურ საავადმყოფოში კორონავირუსის მქონე პრობლემური პაციენტები აღარ არიან, სამი მძიმე პაციენტის მდგომარეობა მკვეთრად გაუმჯობესდა.

კლინიკაში ორი არასრულწლოვანი მკურნალობს.

„საბურთალოს კლასტერის“ გამო ნუცუბიძის ტერიტორია იკეტება? – ეპიდემიოლოგების განმარტება>>

ეზუგბაიას თქმით, გამოჯანმრთელებული პაციენტების რაოდენობამ საქართველოში 80%–ს  მიაღწია. კლინიკებში, რომლებიც კორონავირუსის მქონე პაციენტებს იღებენ, 150 ინფიცირებული მკურნალობს.

„მიუხედავად იმისა, რომ რამდენიმე დღის წინ გვქონდა გარკვეულწილად მატება, ახალი წყაროს გაჩენამ გამოიწვია გარკვეულწილად შიში, რომ შეიძლება სიტუაცია უმართავი გამხდარიყო, მაგრამ დღევანდელი მონაცემებით შეიძლება ვთქვათ, რომ კვლავ კონტროლს ემორჩილება ჩვენთან ყველაფერი“, – აღნიშნა ეზუგბაიამ.

მისი თქმით, ე.წ. საბურთალოს კლასტერის პირველ პაციენტს ჰქონდა ბევრი კონტაქტი, მაგრამ ყველა უკვე დადგენილია.

ეზუგბაიამ კიდევ ერთხელ მოუწოდა მოქალაქეებს, მისდიონ რეკომენდაციებს, რათა მდგომარეობა არ გაუარესდეს.

პირველ საუნივერსიტეტო კლინიკაში 9 პაციენტი მკურნალობს. აქედან კორონავირუსი დაუდასტურა სამს. რეანიმაციულ განყოფილებაშია 1 პაციენტი.

საქართველოს მთავრობის სპეციალურ ვებ-გვერდზე stopcov.ge განთავსებული ბოლო მონაცემებით, საქართველოში ახალი კორონავირუსი 796 ადამიანს დაუდგინდა.

გამოჯანმრთელდა 634 ადამიანი, გარდაიცვალა – 12, კარანტინის რეჟიმში იმყოფება 2508, ხოლო სტაციონარებში დაკვირვების ქვეშ 300 პაციენტია.

საქართველოში კორონავირუსის ორი ახალი შემთხვევა გამოვლინდა>>

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა.

14
თემები:
COVID-19 საქართველოში