კაზინო

სუიციდზე აგებული ბიზნესი: დაიცავით თქვენი შვილები აზარტული თამაშებისგან

310
(განახლებულია 17:59 23.09.2019)
აზარტული თამაშების მთავარი სამიზნე ახალგაზრდები არიან, რადგან გამოუცდელი ადამიანების მოტყუება და მართვა უფრო მარტივია. სწორედ ამიტომ არის არასრულწლოვნებისთვის რეგისტრაცია უმარტივესი ონლაინ-სამორინეებზე. ნუ მისცემთ თქვენს შვილებს უფლებას ითამაშონ ფულზე, დაიცავით ისინი!

14 წლის იყო ჩემი მეგობარი, პირველად რომ ჩაერთო აზარტულ თამაშებში. ფეხბურთი უყვარდა სიგიჟემდე, მამამისი ხშირად გადაშლიდა ხოლმე ტოტალიზატორიდან წამოღებულ გაზეთებს და მისი თანდასწრებით ავსებდა ე.წ. ბილეთებს. თვითონაც დაინტერესდა, როცა უფროსი ბიჭებისგან გაიგო, რომ თურმე ფულის დადება შეიძლება და მერე მარტივად უფრო მეტის მოგება.

იმ დროისთვის ახალი აღმოჩენა იყო ონლაინ-კაზინოები, რეგისტრაცია არც მაშინ იყო სირთულე და არც დღეს არ წარმოადგენს რაიმე დაბრკოლებას არასრულწლოვნებისთვის. უპრობლემოდ დარეგისტრირდა. პირველივე ჯერზე გაუმართლა და ცოტაოდენი ფული მოიგო. ისე, სასწაული არ არის? ყველა ისტორია, რაც თამაშის დაწყებაზე მსმენია უმეტეს შემთხვევაში ასე იწყება. ბევრი თვლის, რომ ონლაინ-სამორინეებს გააჩნიათ ალგორითმი, რომლის მიხედვითაც ახალი დარეგისტრირებული მოთამაშეები მცირეოდენ თანხას იგებენ თავიდან, რომ თამაშს შეყვნენ და შემდეგ ბევრად მეტი წააგონ. არ ვიცი ეს რამდენად სიმართლეა, მაგრამ ერთი რამ უდავოა, ახალგაზრდები იღუპებიან, სანამ ჩვენ ხმას არ ვიღებთ. ქვეყანაში უკონტროლო თამაშია გაჩაღებული და მოთამაშეები ფულზე კი არა უკვე სიცოცხლეზე თამაშობენ.

2019 წლის მარტში „აზარტული თამაშების კვლევისა და ლუდომანიის პრევენციის ცენტრმა“ კვლევა ჩაატარა, რაშიც 10 სკოლის 500 მოსწავლე მონაწილეობდა. მონაწილეები 14-დან 18 წლამდე ახალგაზრდები იყვნენ. გამოკითხვით დადგინდა, რომ სკოლის მოსწავლეების 48% აზარტულ თამაშებს ეტანება.

წარმოგიდგენიათ? ჩვენი ქვეყნის ყოველი მეორე მოზარდი აზარტულ თამაშებშია ჩართული! ისინი ძირითადად ონლაინ-კაზინოების მომხმარებლები არიან. რადგან, როგორც უკვე ვთქვით, ამ პლატფორმაზე რეგისტრაცია არასრულწლოვნებისთვის უმარტივესია. ბავშვები სხვისი პირადობის მოწმობით შესაბამის ვებ-გვერდზე ისე რეგისტრირდებიან, რომ მოწმობის მფლობელმა ამის შესახებ შეიძლება ვერც ვერაფერი გაიგოს.

ონლაინ-კაზინოებში რეგისტრაციის კონტროლი აუცილებლად გასამკაცრებელია, რადგან, როგორც ვხედავთ, მხოლოდ კანონით აკრძალვა არანაირ შედეგს არ იძლევა. საჭიროა შეიქმნას მონიტორინგის ჯგუფი, რომელიც გააკონტროლებს თითოეული რეგისტრირებული მომხმარებლის ანგარიშს და დაადგენს, ნამდვილად სრულწლოვანია თუ არა ესა თუ ის მომხმარებელი.

ახალგაზრდებში განსაკუთრებული პოპულარობით სამაგიდო თამაშები და სლოტები სარგებლობს. სლოტები ყველაზე ძლიერი იარაღია კაზინოების ხელში და ყველაზე ხშირად სწორედ მისი რეკლამირება ხდება ხოლმე.

აზარტულ თამაშებს ნარკომანიის ერთ-ერთ სახედაც ხშირად მოიხსენიებენ, რადგან მას ძლიერი ფიზიკური და ფსიქოლოგიური დამოკიდებულება ახასიათებს, იგი გიჟურ ლტოლვას იწვევს თამაშის მიმართ. ერთადერთი, რაც ამ ორს განასხვავებს, არის ის, რომ აზარტული თამაშები ლეგალურია და მას რეგულაციებიც თითქმის არ ეხება. არადა ქვეყანაში, სადაც ასეთი მკაცრი ნარკოპოლიტიკა გვაქვს, ვერ წარმომიდგენია, როგორ შეიძლება ახალგაზრდები უკონტროლოდ თამაშობდნენ ფულზე.

თავიდან პატარა ასაკში, მცირე თანხით იწყება ყველაფერი. ერთი ან ორი ლარით. დამოკიდებულების ზრდასთან ერთად კი  „კუშებიც“ იზრდება და საბოლოოდ მთელი ფული და რესურსი მიაქვს. ფულის ამოწურვაც არ არის პრობლემა. ინტერნეტი სავსეა მიკროსაფინანსო ორგანიზაციებით, რომლებსაც შეუძლიათ თხუთმეტ წუთში სახლიდან გაუსვლელად ათას ლარამდე ოდენობის თანხა ნებისმიერ ადამიანზე გაასესხონ.

აზარტულ თამაშებზე დამოკიდებულებას ადამიანი სიღარიბემდე მიჰყავს. ნელ-ნელა დგება კრიზისული მომენტიც, რა დროსაც თამაშდამოკიდებულს სხვა გზა არ დარჩენია, გარდა გამოტყდომისა. ამ დროს ლუდომანები ოჯახის წევრებს ან უახლოეს მეგობრებს მიმართავენ და უყვებიან ყველაფერს პრობლემის შესახებ. მართალია, ადვილი მისაღები არ არის ეს ამბავი, მაგრამ ეიფორიას და პანიკას აზრი არ აქვს. როდესაც მოთამაშე თავის დამოკიდებულებაზე იწყებს საუბარს ახლობლებთან, ესე იგი უკვე ძალიან ცუდ მდგომარეობაშია და თქვენი დახმარება სჭირდება.

ჩემი რჩევა იქნება, რომ ჩვეულებრივად მივიღოთ ყველა თამაშზე დამოკიდებული, რომელიც საშველად მოგმართავთ. მას ისედაც აქვს ფობია იმისი, რომ აღიარებას ჩხუბი და არეულობა მოჰყვება. ამ შიშმა შეიძლება არასწორი გადაწყვეტილებებისკენ უბიძგოს. შველის თხოვნა კი წინ გადადგმული ნაბიჯია და ერთადერთი რეალური საშუალება დამოკიდებულებისგან თავის დაღწევის.

თუ აღიარებს, ესე იგი იაზრებს, რომ პრობლემა არსებობს და მისი მოგვარებაც სურს. შესაბამისად, მიიღეთ თქვენი შვილები და ნათესავები პრობლემის მიუხედავად და დაეხმარეთ ამ ყველაფრის დაძლევაში. ყურადღება მიაქციეთ განსაკუთრებით ახალგაზრდებს. არ დაუმალოთ ბავშვებს სამორინეების და სხვა ასეთი დაწესებულებების არსებობის შესახებ, იცოდნენ, რომ არსებობს და იცოდნენ რომ ცუდია. ადრეული ასაკიდან ბავშვისთვის სწორი ინფორმაციის მიწოდება თავიდან აარიდებს მასაც და მის ირგვლივ მყოფებსაც ამ დიდ და მოუგვარებელ პრობლემას, რასაც ლუდომანია ჰქვია.

 

310
პროკურატურის შენობა

მოკლული ფეხბურთელის ოჯახი ყველა დამნაშავის დასჯას ითხოვს

200
(განახლებულია 22:53 10.07.2020)
პროკურატურის ცნობით, 19 წლის ფეხბურთელის გარდაცვალების მიზეზი ასფიქსია გახდა - ახალგაზრდა წყალში დაიხრჩო

თბილისი, 10 ივლისი - Sputnik. გიორგი შაქარაშვილი მოკლეს, შემდეგ კი მდინარე არაგვში გადააგდეს - ეს ცალსახად დადასტურებულია ექსპერტიზის დასკვნით, განაცხადა დაღუპული ფეხბურთელის ბიძამ, მირიან ნიკოლაძემ პარასკევს გამართულ სპეციალურ ბრიფინგზე. 

19 წლის ფეხბურთელი გიორგი შაქარაშვილი 22 ივნისს, ოთხდღიანი ძებნის შემდეგ  მდინარე არაგვში გარდაცვლილი იპოვეს. იგი  მეგობრის წვეულების შემდეგ დაიკარგა, სადაც სტუმრებს შორის მასობრივი კონფლიქტი მოხდა. საქმემ   საზოგადოებაში თავიდანვე რეზონანსი გამოიწვია – მომხდარ ფაქტთან მაღალჩინოსნების მეგობრების შესაძლო კავშირის შესახებ გავრცელებული ხმების გამო.

 „საქართველოსპროკურატურამ უკვე გამოაქვეყნა ექსპერტიზის დასკვნა, ამ დასკვნას ოჯახი დიდიხანია ველოდით,  ეს იყო ერთ-ერთი გარდამტეხი ეტაპი გამოძიებაში. სწორედ ამ ექსპერტიზის დასკვნის საფუძველზე უნდა დაგვედასტურებინა ჩვენი პოზიცია, რამდენად რეალური იყო ოჯახის ვერსია გიორგის განზრახ მკვლელობასთან დაკავშირებით“, – განაცხადა მირიან ნიკოლაძემ.

მისი თქმით, გიორგის სიცოცხლეშივე მიაყენეს დაახლოებით 12 ფიზიკური დაზიანება, რაც ადასტურებს იმას, რომ მის მიმართ გამოიყენეს ფიზიკური ძალადობა, შემდეგ კი მდინარეში გადააგდეს. 

 „გამორიცხულია, რომ ეს დაზიანებები, რომელიც ექსპერტიზის დასკვნაშია აღნიშნული, მიადგეს ადამიანს თუნდაც იმ ფერდობზე დაგორებით, თუნდაც სირბილის, წაქცევის დროს, ეს არის წარმოუდგენელი. დაზიანებები მიყენებულია სახის არეში, ტანზე, ხელების მიდამოებში და ყველგან“, – განაცხადა მირიან ნიკოლაძემ. 

მისი თქმით, დღეიდან ოჯახს კატეგორიული პოზიცია ექნება - ყველა დამნაშავე უნდა მიეცეს სისხლის სამართლის პასუხისგებაში დამამძიმებელ გარემოებაში განზრახ მკვლელობისთვის.

 „პროკურატურის მიერ შემოთავაზებული კვალიფიკაცია, სისხლის სამართლის საქმის სწორი კვალიფიკაციაა.  თუმცა, ჩვენ ვითხოვთ კონკრეტული დამნაშავეების დასჯას  სისხლის სამართლის კოდექსის 109-ე მუხლით. შესაბამისად ველოდებით, როდის იქნება კონკრეტული ბრალდებები წარდგენილი გამოძიების ფარგლებში და როდის დაისჯებიან დამნაშავეები გიორგის განზრახ მკვლელობის გამო“, – განაცხადა ნიკოლაძემ.

საქართველოს პროკურატურამ 19 წლის ფეხბურთელის, გიორგი შაქარაშვილის გარდაცვალების საქმე გადააკვალიფიცირა – „დამამძიმებელ გარემოებებში ჯგუფურად განხორციელებული განზრახ მკვლელობა“.

საქმის დეტალები

პროკურატურის განცხადებით, 19 წლის ახალგაზრდის გარდაცვალების უშუალო მიზეზი გახდა ასფიქსია წყალში დახრჩობის შედეგად.

ამასთან, შაქარაშვილის სხეულზე ექსპერტიზის დროს აღმოჩნდა მრავლობითი ტრავმები, მიყენებული მკვრივი-ბლაგვი საგნის მოქმედებით, სიცოცხლისდროინდელი  დაზიანებები თავის არესა და სხეულზე. 

პროკურატურის განცხადებით, საქმეზე შინაგან საქმეთა სამინისტროში ინტენსიური გამოძიება გრძელდება. მიღებული ექსპერტიზის დასკვნიდან გამომდინარე, მაქსიმალურად სწრაფად და ეფექტიანად ჩასატარებელია მთელი რიგი საგამოძიებო და საპროცესო მოქმედებები, მათ შორის, შესაბამისი საექსპერტო კვლევით დასადგენია დასკვნაში აღნიშნულ დაზიანებათა წარმოშობის მექანიზმები და სხვა მნიშვნელოვანი გარემოებები. ამავდროულად, მისაღებია ბიოლოგიური, ქიმიური, ტრასოლოგიური, საინფორმაციო-ტექნოლოგიური და სხვა პირთა სასამართლო-სამედიცინო ექსპერტიზის დასკვნები.

უწყვეტ რეჟიმში მიმდინარეობს მოწმეთა გამოკითხვები და უკვე მოპოვებული ინფორმაციის ანალიზი.

საქმის სირთულიდან გამომდინარე, საქართველოს პროკურატურა კიდევ ერთხელ მოუწოდებს ყველას, თავი შეიკავონ გადაუმოწმებელი ინფორმაციის გავრცელებისგან.

გამოძიების ვერსიით, 18 ივნისს თბილისის ფეხბურთის კლუბ „საბურთალოს“ აკადემიის აღსაზრდელი 19 წლის გიორგი შაქარაშვილი მეგობართან ერთად იმყოფებოდა მცხეთაში, მეგობრის დაბადების დღის წვეულებაზე, სადაც მოხდა ჩხუბი. მოგვიანებით საქმის გარჩევა გაგრძელდა თბილისისკენ მომავალ ავტომაგისტრალზე, სადაც კონფლიქტის მონაწილეთა ერთმა ნაწილმა თბილისიდან „დამხმარე ძალა“ გამოიძახა. 

მოწმეთა მტკიცებით, გიორგიმ ჩხუბის ადგილი დატოვა და მდინარისკენ გაიქცა, რის შემდეგაც მისი კვალი იკარგება. რამდენიმე დღეში იგი გარდაცვლილი იპოვეს.

საქმეზე 17 პირი ძალადობისა და თავისუფლების მართლსაწინააღმდეგო აღკვეთის ბრალდებითაა დაკავებული. წინასასამართლო მოსმენა  31 ივლისს გაიმართება.

გამოძიება ფეხბურთელის გარდაცვალების საქმეზე მიმდინარეობდა სისხლის სამართლის კოდექსის სამი მუხლით: ჯგუფური ძალადობის ორგანიზება, ჯგუფურ ძალადობაში მონაწილეობა, თავისუფლების უკანონო აღკვეთა, ორი ან მეტი პირის მიმართ ჯგუფური ძალადობა. აღნიშნულ მუხლებს უკვე დაემატა 109-ე მუხლი - განზრახ ჯგუფური მკვლელობა დამამძიმებელ გარემოებაში.

200
თემები:
19 წლის გიორგი შაქარაშვილის მკვლელობის საქმე
აია–სოფია

აია-სოფიას ტაძარი მეჩეთად გადაკეთდა: პრეზიდენტმა ერდოღანმა ბრძანებულებას ხელი მოაწერა

143
(განახლებულია 21:35 10.07.2020)
მანამდე თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ მისი ქვეყანა უფლებამოსილია შეცვალოს ტაძრის სტატუსი და ის მეჩეთად აქციოს სხვა სახელმწიფოების დაუკითხავად.

თბილისი, 10 ივლისი – Sputnik. თურქეთის პრეზიდენტმა რეჯეფ თაიიფ ერდოღანმა განაცხადა, რომ ხელი მოაწერა ბრძანებულებას სტამბულში მდებარე წმინდა სოფიას ტაძრის (აია-სოფია) მეჩეთად გადაკეთების შესახებ. 

პარასკევს თურქეთის სახელმწიფო საბჭომ წმინდა სოფიას ტაძრის მუზეუმად გამოცხადების შესახებ 1934 წლის გადაწყვეტილება გააუქმა.

პარასკევს, დღისით თურქეთის პრეზიდენტმა ერდოღანმა Twitter-ის გვერდზე ბრძანებულების ფოტო გამოაქვეყნა.

„გადაწყვეტილია: აია-სოფია თურქეთის რელიგიის საკითხთა მმართველობაში გადავიდეს და ღვთისმსახურებისთვის გაიხსნას“, – ნათქვამია ბრძანებულებაში.

მანამდე თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ მისი ქვეყანა უფლებამოსილია შეცვალოს ტაძრის სტატუსი და ის მეჩეთად აქციოს სხვა სახელმწიფოების დაუკითხავად. 

© video: Ruptly .
Прямая трансляция - собор Святой Софии в Стамбуле

მომხდარმა ფაქტმა დიდი რეზონანსი გამოიწვია. უკმაყოფილება გამოთქვეს იუნესკოში, საბერძნეთში, რუსეთში, სხვადასხვა ორგანიზაციებსა და სახელმწიფოებში. 

ადრე კონსტანტინოპოლის პატრიარქმა ბართლომემ, რომლის რეზიდენციაც სტამბულში მდებარეობს, წუხილი გამოთქვა თურქეთის სახელმწიფო საბჭოს მიერ მიღებულ გადაწყვეტილებასთან დაკავშირებით და მოუწოდა „მთელი კაცობრიობისთვის“ კუთვნილი ტაძრის შენარჩუნებისკენ.

აია-სოფიას ტაძარი 537 წლის 27 დეკემბერს აკურთხეს. დაახლოებით ათასი წლის განმავლობაში ის იყო მსოფლიოში ყველაზე დიდი ტაძარი, მაგრამ შემდეგ ოსმალეთის იმპერიის მთავარ მეჩეთად იქცა. 1935 წლიდან მას მუზეუმის სტატუსი მიენიჭა, ხოლო 1985 წელს იგი იუნესკოს მსოფლიო მემკვიდრეობის ძეგლად აღიარეს.

143
სავსე მთვარე

მთვარის კალენდარი: 11 ივლისი რისი გაკეთება შეიძლება და რისი არა

0
(განახლებულია 11:46 09.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

11 ივლისი, შაბათი. ამ დღეს სატურნი მართავს. კლებადი მთვარე ვერძის ნიშანშია.

ესაა გულწრფელობის, სულიერი გარდასახვის, ეჭვების გადალახვის დღე. შესაძლებელია შინაგანი გარდასახვა. სასურველია თანამოაზრეების გვერდში ყოლა.

ამ დღეს ადამიანები კომუნიკაბელური და გულგახსნილი არიან. ნაყოფიერი მუშაობის შემთხვევაში შეიძლება გაჩნდეს კარიერული წინსვლის შესაძლებლობა.

რეკომენდებულია გუნდური მუშაობა, ფინანსური საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა, ახალი საქმეების დაწყება, ლიდერის თვისებების გამოვლენა.

არასასურველია შურისა და არაკეთილმოსურნეობის გამოჩენა, ვინმეზე ან რამე ვითარებაზე აყოლა, პასიურობა.

  • თმის შეჭრა, შეღებვა: ვერძის ნიშნის დროს სჯობს, თავი შეიკავოთ თმის შეჭრის ან შეღებვისგან. ნებისმიერ ქიმიურ პრეპარატს ამ დღეს უარყოფითი ზემოქმედება შეუძლია მოახდინოს იმუნიტეტზე.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

ფრჩხილების მოვლისთვის ნეიტრალური დღეა.

სახის ნიღბების სახით გამოიყენეთ მხოლოდ ნატურალური საშუალებები.

  • მებაღეობა: ამ დღეს სასურველია ბაღში მცენარის მიწისზედა ნაწილებთან მუშაობა, რადგან ქვედა ნაწილზე იზრდება ზეწოლა, მცენარის წვენი ფესვებისკენ მიდის. მცენარეები ამ დროს ისვენებენ და ცუდად იზრდებიან.

მთვარის კალენდარი მებაღეებისთვის: 2020 წლის ივლისი>>

არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.

0