ოფისში

დღის თემა: საქართველოში შესაძლოა ორ სამსახურში მუშაობა აიკრძალოს

223
საქართველოს მმართველი პარტია ამზადებს ცვლილებებს საქართველოს შრომის კოდექსში, რომლის თანახმად, შესაძლოა, სამუშაო დროის ხანგრძლივობა არ უნდა აღემატებოდეს კვირაში 40 საათს, რამაც ბიზნეს-სექტორის მხრიდან კრიტიკა გამოიწვია

გასულ პარასკევს ცნობილი გახდა, რომ საქართველოს პარლამენტი მალე დაიწყებს საქართველოს შრომის კოდექსში შესატანი ცვლილებების განხილვას, რომლის თანახმად, საქართველოში შემცირდება სამუშაო დღე, დაწესდება შეზღუდვები და აკრძალვა ზეგანაკვეთურ სამუშაოზე და შეთავსებით მუშაობაზე.

მედია: თეიმურაზ გორჯესტანმა მუშაობა ელისეის სასახლეში დაიწყო >>

ამასთან, კანონში იქნება მითითებული მინიმალური ხელფასი, ასევე განისაზღვრება შეზღუდვები შრომითი ხელშეკრულებების დადების და შეწყვეტის შესახებ.

რას ემსახურება კანონპროექტი?

ცვლილებების ინიციატორმა, მმართველი პარტიის „ქართული ოცნება - დემოკრატიული საქართველოს” დეპუტატმა დიმიტრი ცქიტიშვილმა განაცხადა, რომ კანონი დაიცავს როგორც სტაჟიორების, ასევე დეკრეტულ შვებულებაში მყოფთა უფლებებს.

„კანონპროექტი არ კრძალავს რამდენიმე ადგილზე მუშაობას. კანონპროექტი უკრძალავს დამსაქმებელს იძულებით, სამსახურიდან გაგდების მუქარით ან ნებისმიერი სხვა ფორმით აიძულოს დასაქმებული, დადგენილზე და შეთანხმებულზე მეტი ამუშაოს... კანონი ემსახურება ცალსახად უფრო მაღალი სტანდარტების დანერგვას შრომით ურთიერთობებში, განსაკუთრებული აქცენტით დასაქმებულების ინტერესების დაცვაზე“, – აცხადებს ცქიტიშვილი.

მისი თქმით, კანონპროექტი ემსახურება დისკრიმინაციის აღმოფხვრას, ზეგანაკვეთური სამუშაოს ანაზღაურების გაზრდას, აგრეთვე შესვენებების, უქმეების და შვებულებების უზრუნველყოფას.

„იმისათვის, რომ ეს კანონი იყოს ქმედითი, შემუშავებულია ზედამხედველი ორგანოს – შრომის ინსპექციის კანონი და კანონში გათვალისწინებულია აღსრულების მექანიზმები, მათ შორის სანქციები“, – აცხადებს ცქიტიშვილი.

მოწინააღმდეგენი

კანონპროექტი ბიზნეს-ომბუდსმენმა ირაკლი ლექვინაძემ გააკრიტიკა.

„ვფიქრობთ, რიგი ცვლილებები გაართულებს ბიზნესის წარმოების პროცესს და ურთიერთობებს დასაქმებულსა და დამსაქმებელს შორის.  კანონის პროექტში ჩადებულია  საკანონმდებლო ნორმები ისეთ შრომით საკითხებზე, რომლებიც უშუალოდ დამსაქმებლისა და დასაქმებულის შეთანხმების ნაწილი უნდა იყოს და ამ საკითხებში საკანონდებლო ვალდებულებების ჩადება, შეზღუდვების დაწესება არალეგალური შრომის ბაზრის გააქტიურების მოტივატორი იქნება“, - განაცხადა ლექვინაძემ.

ბიზნეს ომბუდსმენს აქვს განსაკუთრებული პრეტენზია ზეპირი ხელშეკრულებების გაუქმებისა და ზეგანაკვეთური მუშაობის რეგულირების მიმართ.

„ეს ის კრიტიკული  საკითხები, რომლებიც უნდა დაკორექტირდეს. გამომდინარე იქედან, რომ ამ ცვლილებების ამოქმედების შემთხვევაში ერთი მხრივ, კერძო სექტორს ახალი ვალდებულებები ეკისრება და მძიმდება ბიზნესის მდგომარეობა. მეორეს მხრივ, იზღუდება დასაქმებული – თვითონ გადაწყვიტოს, როგორ შეათანხმოს თავის დამსაქმებელთან სამუშაო პროცესი თუ პირობები, რომელიც მისთვის შეიძლება, იყოს მისაღები ან არ იყოს მისაღები”- აცხადებს ბიზნესომბუდსმენი.

სიფრთხილით ეკიდებიან პროექტს ეკონომიკისა და მდგრადი განვითარების სამინისტროშიც.

„მნიშვნელოვანია, რომ დაცული იყოს ბალანსი ბიზნესსა და დასაქმებულების უფლებებს შორის, ანუ მაქსიმალურად იყოს გათვალისწინებული როგორც დასაქმებულის, ასევე დამსაქმებლის უფლებები,“ – განაცხადა მინისტრის მოადგილემ, ეკატერინე მიქაბაძემ.

რას ამბობს ხალხი?

მოსახლეობა უკვე აქტიურად განიხილავს დაგეგმილ ცვლილებებს სოციალურ ქსელში. უმეტესობისთვის, დაბალი ხელფასის გამო სამსახურების შეთავსების აკრძალვის ვარიანტი მიუღებელია.

„არავის არ უხარია ორ სამსახურში მუშაობა, ხელფასი გადაუხადეთ ნორმალური და ყველა დაკმაყოფილდება ერთ სამუშაო ადგილს“, - წერს მომხმარებელი Irma Pataraia.

ამავდროულად, მოსახლეობა არ არის მოხარული კანონპროექტის ავტორების მიერ მინიმალური ხელფასის დაწესების გეგმით. სოციალური ქსელების მომხმარებელთა უმეტესობა თვლის, რომ მცირე ბიზნესში ვერ შეძლებენ ასეთი ხელფასის გადახდას, ამიტომ ქვეყანაში ბევრი არალეგალური სამუშაო ადგილი გაჩნდება.

223
თემები:
სოციალური სფერო საქართველოში (164)
განო მელითაური

„აზრზე არ არის არავინ რა გზა გავიარე...“ - განო მელითაურმა ერთდროულად ორი ადამიანი დაკარგა

175
(განახლებულია 13:09 06.06.2020)
განო მელითაური სოციალურ ქსელში იმ მძიმე დღეებზე წერს, რაც გამოიარა და რომლის შესახებაც საზოგადოებამ აქამდე არ იცოდა

თბილისი, 6 ივნისი — Sputnik. პიარტექნოლოგი და ყოფილი ტელეწამყვანი განო მელითაური სოციალურ ქსელში ბებიისა და ასევე ყოფილი დედამთილის - გარდაცვლილი მსახიობის, კოტე თოლორდავას დედის გარდაცვალებას ემოციურად იხსენებს.

აღმოჩნდა, რომ მან ბებია და ლენა ერთ დღეს დაკარგა და მათი დაკრძალვა მის დაბადების დღეს დაემთხვა, რაც ძალიან ემოციური იყო.

„კოტეს დავპირდი, რომ ლენას მივხედავდი რაც არ უნდა მომხდარიყო. ბევრმა ლენასიანმა და ბებოსიანმა მატკინა გული. უბრალოდ აზრზე არ არის არავინ, მე რა გზა გავიარე 2015-2016 წლებში. მე მიყვარს ჩემი ცხოვრება და ძალას მაძლევენ ადამიანები, ვინც ჩემი გადარჩენა მოახერხეს მაშინ, ყოველი დღე, რომელიც ჩემი დის, კოტეს, ლენას და ბებოს ტრაგედიის მერე სიყვარულით, ახალი სიცოცხლით და ბედნიერებით თენდება, მაგალითია, რომ არასოდეს არ უნდა დავნებდეთ“, - წერს განო.

განო მელითაური გასულ ზაფხულს მეოთხე შვილის დედა გახდა. მისი მეუღლე კახაბერ გაგნიძეა, რომელთან ერთადაც განომ საერთო ბიზნესი წამოიწყო. პატარას მშობლებმა რენე დაარქვეს. განო მელითაური მედიასთან პირად ცხოვრებაზე არ საუბრობს, თუმცა აღნიშნავს, რომ გვერდით ღირსეული ადამიანი ჰყავს.

განო მელითაურს სამი შვილი დარჩა პირველი მეუღლისგან, მსახიობ კოტე თოლორდავასგან, რომელიც 2015 წლის 11 აპრილს, აღდგომის წინა დღეს მოსკოვში გარდაიცვალა. მსახიობი იქ ფილმის გადაღებაზე იმყოფებოდა.

მოგვიანებით ოჯახის წევრებმა და მეგობრებმა გაასაჯაროეს ექსპერტიზის დასკვნა, სადაც აღნიშნული იყო, რომ თოლორდავა ინფარქტით გარდაიცვალა და გარდაცვლილის სისხლში ნარკოტიკული ნივთიერებები არ აღმოჩნდა. კოტეს გარდაცვალებისას განო ორსულად იყო და წყვილის მესამე შვილი ლოლიტა მამის გარდაცვალების შემდეგ მოევლინა ქვეყანას.

175
თემები:
სელებრითების ცხოვრება
ბიომასალა ტესტისთვის

COVID-19 საქართველოში: ინფიცირებულთა 82%-ზე მეტი გამოჯანმრთელდა

33
(განახლებულია 11:58 06.06.2020)
საქართველოში ყოველდღიურად იზრდება პაციენტების რიცხვი, რომლებმაც ახალი ტიპის კორონავირუსი დაამარცხეს

თბილისი, 6 ივნისი — Sputnik. ქართველმა მედიკოსებმა ერთ დღე-ღამეში კორონავირუსისგან 13 პაციენტი გამოაჯანმრთელეს, ნათქვამია სამთავრობო ვებგვერდზე stopcov.ge.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/2 ივნისი >>

ამ დროისათვის კორონავირუსის დიაგნოზი 808 ადამიანს დაუსვეს, აქედან 663 (82,05%) გამოჯანმრთელდა. ეპიდემიის დაწყებიდან დღემდე გარდაიცვალა 13 ადამიანი.

ამ დროისათვის COVID-19-სგან 132 პაციენტი მკურნალობს. ამგვარად, ქვეყანაში გამოჯანმრთელებული პაციენტების რაოდენობა ამჟამინდელ ინფიცირებულებს ხუთჯერ და მეტად აჭარბებს.

კარანტინის რეჟიმში იმყოფება 2424, ხოლო სტაციონარებში დაკვირვების ქვეშ 304 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

33
თემები:
COVID-19 საქართველოში
სიტუაცია ბაქოში კორონავირუსის გამო

ბაქოში მკაცრი კარანტინის რეჟიმი გამოცხადდა

0
(განახლებულია 12:56 06.06.2020)
აზერბაიჯანის მინისტრთა კაბინეტის გადაწყვეტილებით, მკაცრი კარანტინის რეჟიმი 8 ივნისის 06:00 საათამდე იქნება ძალაში

თბილისი, 6 ივნისი - Sputnik. დღეიდან ბაქოში, სუმგაითში, განჯა, ლენქორანში, აფშერონის რაიონში საყოველთაო იზოლაციის რეჟიმი ამოქმედდა, იუწყება Sputnik-აზერბაიჯანი მინისტრთა კაბინეტზე დაყრდნობით.

მკაცრი კარანტინის რეჟიმი 8 ივნისის 06:00 საათამდე იქნება ძალაში.

მოსახლეობამ საქართველო-აზერბაიჯანის დამაკავშირებელი მაგისტრალი გადაკეტა >>

შეჩერდა საქმიანობა ყველა სფეროში, მათ შორის ვაჭრობის სფეროში. გამონაკლისს შეადგენს გარკვეული საჯარო სტრუქტურები, სამედიცინო დაწესებულებები, კომუნალური სამსახურები, სოციალური მომსახურების საწარმოები, ელექტროენერგიის მწარმოებელი საწარმოები, სამელიორაციო სამსახურები, კავშირგაბმულობის მომსახურება, ტელევიზია, ტვირთგადაზიდვები, მილსადენის ინფრასტრუქტურის მუშაობის უზრუნველყოფაში ჩართული საწარმოები, საწარმოები, რომელთა საქმიანობის შეჩერება შეუძლებელია გარკვეული მიზეზების გამო, ნავთობისა და გაზის მოპოვება, გაყიდვა, შენახვა და გადამუშავება, ასევე სტრუქტურები, რომლებიც გაჩერებულ ობიექტებზე უსაფრთხოებას უზრუნველყოფენ.

დანარჩენ მოქალაქეებს მითითებულ დროს სახლების დატოვება ეკრძალება.

გამონაკლისის სახით სახლიდან გასვლა შესაძლებელია სიცოცხლისა და ჯანმრთელობისთვის უშუალო საფრთხის შემთხვევაში, ასევე უახლოესი ნათესავის დაკრძალვაზე. ამ შემთხვევებში სახლიდან გასვლის ნებართვას მოქალაქეებს ქვეყნის ში8ნაგან საქმეთა სამინისტრო გასცემს.

აკრძალულია ყველა სახის ტრანსპორტის გადაადგილება, სასწრაფო დახმარების, სპეცტექნიკის და იმ სტრუქტურების სამსახურებრივი მანქანების გარდა, რომელთა ფუნქციონირება დაშვებულია.

იმ დაწესებულებების და ობიექტების თანამშრომლები, რომელთა საქმიანობაც დაშვებულია, სახლების დატოვებას მხოლოდ იმ შემთხვევაში შეძლებენ, თუ მათმა დამსაქმებლებმა ელექტრონული ნებართვების პორტალში სათანადო მონაცემები შეიყვანეს.

თებერვლის ბოლოდან აზერბაიჯანში კორონავირუსით ინფიცირების სულ 6860 შემთხვევა გამოვლინდა, ბოლო 24 საათში - 338. აქედან 3871 ადამიანი გამოჯანმრთელდა, 82 პაციენტი გარდაიცვალა.

აღნიშნულ პერიოდში ქვეყანაში კორონავირუსზე 328 385 ტესტი გაკეთდა.

0
თემები:
COVID-19-ის პანდემია მსოფლიოში