მათხოვარი თბილისის ქუჩაში

წითელი ჯვარი თბილისში ღარიბებს დაეხმარება

722
(განახლებულია 16:52 14.09.2019)
სასწრაფო დახმარების სამსახური და წითელი ჯვარი გაჭირვებულ ადამიანებზე ინფორმაციას გაცვლიან

თბილისი, 14 სექტემბერი — Sputnik. თბილისის სასწრაფო სამედიცინო დახმარების ცენტრმა და საქართველოს წითელი ჯვრის საზოგადოებამ ხელი მოაწერეს მემორანდუმს, რომლის მთავარი მიზანია მოსახლეობის ღარიბი ფენების ჯანმრთელობასა და კეთილდღეობაზე ზრუნვა, იუწყება წითელი ჯვრის პრესსამსახური.

რომელი სოფლების მოსახლეობა მიიღებს წამლებს ერთ ლარად >>

მემორანდუმის თანახმად, სასწრაფო დახმარების სამსახური წითელ ჯვარს მიაწვდის ინფორმაციას სოციალურად დაუცველი პირის სტატუსის მქონე და მარტოხელა ადამიანების შესახებ, რომლებსაც ესაჭიროებათ ზრუნვა, მოვლა და კვალიფიციური დამხმარე პირი.

„თანამშრომლობის ფარგლებში, მხარეები იღებენ პასუხისმგებლობას, ერთმანეთს გაუზიარონ ინფორმაცია და მისცენ რეკომენდაციები”, - ნათქვამია წითელი ჯვრის განცხადებაში.

ინფორმაციის გაცვლა მოხდება მხოლოდ დახმარების საჭიროების მქონე მოქალაქეების თანხმობით, კანონის სრული დაცვით.

დღეს საქართველოში დაახლოებით 122 ათასი ოჯახი იღებს სოციალურ დახმარებას, რაც ოჯახების საერთო რაოდენობის  11,4%-ს წარმოადგენს.

სამედიცინო დახმარება საქართველოში ყველასთვის ხელმისაწვდომია, მოსახლეობის ნაწილი კერძო სადაზღვევო მომსახურებით სარგებლობს, ხოლო უმეტესი ნაწილი -სახელმწიფო საყოველთაო ჯანდაცვის პროგრამით.

ზურაბიშვილი: მიუღებელია, რომ ქვეყანაში ასე იღუპებოდნენ ადამიანები >>

საქართველოში მოქმედებს საყოველთაო ჯანდაცვის პროგრამა, რომელიც ექვს ჯგუფს მოიცავს: მიზნობრივი ჯგუფები (5 წლამდე ბავშვები, პენსიონერები, შშმ პირები, პედაგოგები და სოციალურად დაუცველი პირები), მაღალი შემოსავლების მქონე მოქალაქეები, საშუალო შემოსავლის მქონე პირები, 70000-დან 100000-მდე სარეიტინგო ქულის მქონე მოქალაქეები, მოზარდები (6-დან 18 წლამდე) და დაბალი, არარეგულარული შემოსავლის მქონე მოქალაქეები.

ჯგუფიდან გამომდინარე, მთავრობა სრულად ან ნაწილობრივ ანაზღაურებს მკურნალობის ხარჯებს.

722
თემები:
სოციალური სფერო საქართველოში (163)
შსს-ს შენობა

შინაგან საქმეთა მინისტრმა და პრემიერ-მინისტრმა პოლიციის თანამშრომლები დააჯილდოვეს

5
პოლიციელის პროფესიულ დღესთან დაკავშირებით, შინაგან საქმეთა მინისტრის სახელით, სამინისტროს 5 ათასამდე თანამშრომელს სხვადასხვა სახის ჯილდო გადაეცა

თბილისი, 31 მაისი - Sputnik. შინაგან საქმეთა მინისტრმა, ვახტანგ გომელაურმა და საქართველოს პრემიერ-მინისტრმა, გიორგი გახარიამ პოლიციის დღისადმი მიძღვნილ ღონისძიებაზე პოლიციის თანამშრომლები მედლებით დააჯილდოვეს, ნათქვამია უწყების მიერ გავრცელებულ განცხადებაში.

საქართველოს პრემიერ-მინისტრმა გიორგი გახარიამ პოლიციელებს მიულოცა და აღნიშნა, რომ ემსახურო შენს ქვეყანას და მოქალაქეს, დაიცვა მისი ჯანმრთელობა, სიცოცხლე, მშვიდი ყოველდღიური ცხოვრება, ამაზე უფრო დიდი ღირსება არ არსებობს.

„ჩემთვის დიდი პატივია და საამაყოა, მქონდეს შესაძლებლობა, კიდევ ერთხელ მივულოცო პოლიციის დღე თითოეულ თქვენგანს. ყველა ის პოლიციელი და შსს-ს ყველა თანამშრომელი, რომელმაც თავი გაწირა, როგორც კრიმინალთან ბრძოლაში, ასევე ქვეყნის ინტერესების, ერთიანობის, დაცვის კონტექსტში, ყველა უნდა გვახსოვდეს, ყველას პატივი უნდა მივაგოთ, ყველას ოჯახებზე უნდა ვიზრუნოთ, ყველას შვილებს უნდა მივხედოთ“, - განაცხადა გახარიამ.

ვახტანგ გომელაურმაც უწყების თანამშრომლებს მათი პროფესიული დღესასწაული მიულოცა და კორონავირუსის პანდემიის დროს მათი თავდადებული სამსახური აღნიშნა.

„ეს სამი თვე, საგანგებო რეჟიმზე ვიყავით გადასული, ვართ კიდევაც, ვაგრძელებთ. თვეები ოჯახში არ ყოფილხართ, ადგილებზე იყავით დარჩენილი, თითქმის ყველა რეგიონში. იყო შემთხვევები, ბატონო პრემიერო, როდესაც შვილი შეეძინათ, ერთ-ერთი გვყავს - სულხანი და დიდი ხნის განმავლობაში ნანახი არ ჰყავდა შვილი“, - განაცხადა ვახტანგ გომელაურმა.

საქართველოს პრემიერ-მინისტრმა, გიორგი გახარიამ I ხარისხის მედალი – „განსაკუთრებული დამსახურებისათვის“ ქვემო ქართლის პოლიციის დეპარტამენტის დირექტორს, პოლიციის პოლკოვნიკ ლაშა გოგნიაშვილს პირადად გადასცა. II ხარისხის მედალი – „განსაკუთრებული დამსახურებისათვის“ კი გადაეცათ სამინისტროს სხვადასხვა სტრუქტურული დანაყოფის თანამშრომლებს: საინფორმაციო-ანალიტიკური დეპარტამენტი – ოთარ ჭელიძე, საზოგადოებრივი უსაფრთხოების მართვის ცენტრი “112” – ავთანდილ ჩიტაძე, საგანგებო სიტუაციების მართვის სამსახური – მანუჩარ მარგიანი, საპატრულო პოლიციის დეპარტამენტი – ალექსანდრე ბირთველიშვილი, განსაკუთრებულ დავალებათა დეპარტამენტი – რამაზ თარაშვილი, ცენტრალური კრიმინალური პოლიციის დეპარტამენტი – ბაკურ კურტანიძე, თბილისის პოლიციის დეპარტამენტი – ტარიელ ალავიძე, საექსპერტო-კრიმინალისტიკური დეპარტამენტი – ალექსანდრე დადიანიძე, დაცვის პოლიციის დეპარტამენტი – კარლო ურუშაძე.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/29 მაისი >>

პოლიციელის პროფესიულ დღესთან დაკავშირებით, შინაგან საქმეთა მინისტრის სახელით, სამინისტროს 5 ათასამდე თანამშრომელს სხვადასხვა სახის ჯილდო გადაეცა.

პოლიციის დღე, რომელიც 2010 წელს დაარსდა, ბოლო წლებში 31 მაისს აღინიშნება.

5
კახა მამულაშვილი ნიკოლოზ მამულაშვილი

„მე და მაროს დაქალები ბათუმისკენ“ - მამულიჩა შვილის მეგობრებთან ერთად მოგზაურობს

37
(განახლებულია 11:11 31.05.2020)
კახა მამულაშვილმა ერთადერთი ქალიშვილის და მისი ერთგული მეგობრების განებივრება დაიწყო. პოპ-დივას პროდიუსერმა მარიამი და გოგონები ზღვისპირა ქალაქისკენ გააშურა

მიუხედავად იმისა, რომ მარიამ მამულაშვილის მშობლები გაწერილი გრაფიკით მუშაობენ, გოგონასთვის თავისუფალი დროის მონახვა არ უჭირთ. წლების მანძილზე მარიამი ბებია-ბაბუასთან ცხოვრობდა. თუმცა, როგორც თავად აღნიშნავს, ამ ყველაფერმა მშობლების მიმართ უფრო თბილად განაწყო. გოგონა სტუდენტობამდე სულ ერთი ნაბიჯით დარჩა. სოციალური ქსელიდან ირკვევა, რომ მარიამი ფოტოგრაფიითაა გატაცებული. ის საკუთარი ხელით შექმნილ დედის შავ-თეთრ პორტრეტებს ხშირად ასაჯაროებს.

View this post on Instagram

1-2-3-4

A post shared by Kakhi Mamulashvili.Mamulicha (@mamulicha888) on

კორონავირუსის პანდემიის გამო ლელა წურწუმიას დაგეგმილი კონცერტები რამდენიმე თვით გადაიდო. ამიტომ, ოჯახი ისევ გაერთიანდა. ვირუსის მიზეზით თვითიზოლირებულმა ლელამ მოტოციკლეტის მართვაც კი ისწავლა. ახლა კი, მოგზაურობის დრო დადგა. ქვეყანაში შიდა ტურიზმი ნელ-ნელა ფხიზრლდება, ქვეყანა ჩვეულ რიტმს უბრუნდება. ამაში კი ქვეყნის მოქალაქეების როლი განსაკუთრებულად მნიშვნელოვანია. მამულიჩამ მარიკოს სამეგობრო წრე შეკრიბა და ბათუმში დროის გასატარებლად ჩაიყვანა. ასე გამოიყურებიან მამა და ქალიშვილის დაქალები...

View this post on Instagram

მე და მაროს დაქალები ბათუმისკენ👌

A post shared by Kakhi Mamulashvili.Mamulicha (@mamulicha888) on

ქართველი პოპ-დივა და მისი პროდიუსერი მრავალი წელია ოფიციალურად დაქორწინებული არიან. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს. ლელას და მის მეორე ნახევარს თაყვანისმცემლების არმია ჰყავთ. მამულიჩას და ლელას ყველაზე მეტად ის ახარებთ, რომ მათ მიერ ჩაწერილ სიმღერებს ახალგაზრდები და მათი თაობის ადამიანები ერთნაირად დიდი სიამოვნებით უსმენენ.

View this post on Instagram

A post shared by Kakhi Mamulashvili.Mamulicha (@mamulicha888) on

ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს. მამულიჩას პირველი უიღბლო და ხანმოკლე ქორწინებიდან ერთი ვაჟი – ნიკოლოზი ჰყავს. სულ ცოტა ხნის წინ პროდიუსერი ბაბუა გახდა. წარმოუდგენელია – ლელა წურწუმია 51 წლისაა. საქართველოში ერთადერთი ქალი შემსრულებელია, რომელმაც სოლო-კარიერის მანძილზე 12 ალბომი გამოუშვა. აღსანიშნავია მამულიჩას შრომისმოყვარეობა. ლელას კონცერტებს დღემდე მისი ქმარი კურირებს. ბნელი 90-იანების დასაწყისში დაწყებული ბრწყინვალე კარიერა დღემდე წარმატებით გრძელდება.


37
თემები:
სელებრითების ცხოვრება