მაია ჯაბუა

„შენ რომ გიყურებ, წლების მომატების არ მეშინია“ მაია ჯაბუა შეუდარებლად გამოიყურება

506
(განახლებულია 19:12 11.09.2019)
ყველასათვის ცნობილი და საყვარელი მაია ჯაბუა ტელეეკრანებზე ნაკლებად ჩდება. „მზიურის“ ერთ-ერთი კაშკაშა ვარსკვლავი შეუდარებლად გამოიყურება. სოციალურ ქსელში თაყვანისმცემლები აღფრთოვანებას არ მალავენ.

მისი რეპერტუარი სხვადასხვა გადაცემებში ნაკლებად ჟღერს, სამაგიეროდ საუკეთესო მეგობარ ეკა კახიანთან ერთად ვოკალური სტუდია დააარსა და პატარა მოსწავლეებს მუსიკალურ გზაზე აყენებს.

მაია ჯაბუამ კარიერა ჯერ კიდევ მაშინ დაიწყო, როდესაც მოსწავლე პიონერები სკოლისკენ მიიჩქაროდნენ. „მზიურიც“ ამ პერიოდში დაარსდა. ცნობილმა მომღერალმა სიმღერა 6 წლის ასაკში დაიწყო. ბევრმა არ იცის, რომ მაია ჯაბუა ინგლისური ენის სპეციალისტია, მაგრამ თბილისის სახელმწიფო უნივერსიტეტში მიღებული დიპლომი არასდროს გამოუყენებია. „მზიურში“ მაია ჯაბუას გამოჩენას საზოგადოება დღემდე ვერ ივიწყებს. მისი შესრულებული სიმღერა "მეორე ლეგენდა" ახლანდელმა თაობამაც კი ზეპირად იცის.

მაია ჯაბუა
მაია ჯაბუა

მაია სამი შვილის დედაა. მაიას 30 წლის თორნიკე, 21 წლის ლიზა და 13 წლის ნიკუშა ჰყავს. მათ შორის დედის კარიერას ლიზა ყენია მიჰყვა. მან ქართულ შოუ-ბიზნესში საკუთარი ნიშა მოიპოვა და თავი ისე დაიმკვირდა, რომ საზოგადოება ლიზა ყენიას სახელით იცნობს და არა როგორც „მაიას შვილს“. პოპულარული გოგონა სატელევიზიო ინტერვიუებში ამბობს, რომ მაია ჯაბუა სამაგალითო დედაა და მას რჩევებს არა მხოლოდ მისი დედმამიშვილები, არამედ ლიზას მეგობრებიც კი ეკითხებიან.

მიუხედავად რთული პირადი ცხოვრებისა და რამდენიმე განშორებისა, მაია ჯაბუა თავს ბედნიერ ქალად თვლის. თანატოლ მომღერლებთან შედარებით სოციალურ ქსელში დიდი აქტიურობით არ გამოირჩევა, მაგრამ მის ან ლიზას მიერ გამოქვეყნებულ საერთო ფოტოებს დიდი გამოხმაურება მოსდევს. „მაია ჯაბუას გარეგნობას დრო ვერაფერს აკლებას“ – ასე ამბობენ მოკაშკაშე ვარსკვლავის მეგობრები.

ცოტა რამ მაია ჯაბუას ბიოგრაფიიდან... 1971–1986 წლებში ყოფილ პიონერთა და მოსწავლეთა სასახლის ვოკალურ ჯგუფში მღეროდა; იყო ამავე სასახლესთან არსებულ ბავშვთა ვოკალურ ანსამბლ “მზიურში”. 1986 წლიდან საქართველოს სახელმწიფო ფილარმონიის სოლისტია. პირველი მისი გასტროლი ჰოლანდიაში იყო. იმ დროინდელი საქართველოსთვის ეს წარმოუდგენელი შემთხვევა აღმოჩნდა. აღსანიშნავია, რომ მომღერალს 2016 წლის იანვარში სახელმწიფო ფილარმონიის წინ მისი სახელობის ვარსკვლავი გაუხსნეს.

506
თემები:
სელებრითების ცხოვრება (1944)
კიევი

უკრაინამ საქართველო „მწვანე ზონის“ ქვეყნების სიაში დააბრუნა

48
(განახლებულია 21:40 10.08.2020)
ადრე საქართველო „წითელი ზონის“ ქვეყნების სიაში შედიოდა, მაგრამ უკრაინის ჯანდაცვის სამინისტრო ქვეყნების სიას 7 დღეში ერთხელ აახლებს

თბილისი, 10 აგვისტო - Sputnik. კიევმა 10 აგვისტოდან საქართველო „მწვანე ზონაში“ დააბრუნა, რის წყალობითაც ქვეყნის მოქალაქეებს უკრაინაში დაუბრკოლებლად გამგზავრება შეუძლიათ.

1 აგვისტოდან უკრაინაში ამოქმედდა „მწვანე“ და „წითელი“ ზონების ქვეყნების ახალი კლასიფიკაცია, რომელიც საზღვარგარეთიდან ქვეყანაში დაბრუნების შემდეგ თვითიზოლაციის ან ტესტის ჩაბარების აუცილებლობას განსაზღვრავს. თავდაპირველად საქართველო „წითელ ზონაში“ მოხვდა.

„წითელ სიაში“ უკრაინას შეჰყავს სახელმწიფოები, სადაც ბოლო 14 დღის განმავლობაში 100 ათას მოქალაქეზე ინფიცირების ახალი შემთხვევების რაოდენობა უკრაინის ანალოგიურ მაჩვენებელს აღემატება. ან კიდევ თუ ქვეყნებში ინფიცირებულთა რაოდენობის მატება ბოლო 14 დღეში 30%-ით აჭარბებს წინა 14 დღის ანალოგიურ მაჩვენებელს. მანამდე უკრაინა კლასიფიკაციისას ეფუძნებოდა ყოველ 100 ათას მოქალაქეზე აქტიურ ინფიცირებულთა რაოდენობას.

„მწვანე ზონის“ ქვეყნებში მოხვდნენ ასევე შვედეთი, პორტუგალია, ხორვატია, ბელარუსი, დიდი ბრიტანეთი, თურქეთი, სლოვენია, ეგვიპტე და იტალია.

როდის გაიხსნება საქართველოსა და რუსეთს შორის სახმელეთო საზღვარი? >>

„წითელი ზონის“ 127 ქვეყანას შორის არიან: აშშ, რუსეთი, კანადა, საფრანგეთი, პოლონეთი, დანია, ნორვეგია, ლიტვა, ბულგარეთი, აზერბაიჯანი.

უკრაინის ჯანდაცვის სამინისტრო სიას 7 დღეში ერთხელ აახლებს. ბოლოს სია 31 ივლისს განახლდა. 

48
თემები:
COVID-19-ის პანდემია მსოფლიოში
ბლოკპოსტი ლენჯერთან

მესტიაში ჩარჩენილ ტურისტებს კარანტინში გადაიყვანენ

58
(განახლებულია 21:27 10.08.2020)
მესტიის მუნიციპალიტეტის სოფლებში საკარანტინო შეზღუდვები, რომლებიც სოფლებს შორის გადაადგილების აკრძალვასაც მოიცავს, 28 დღის განმავლობაში იმოქმედებს

თბილისი, 10 აგვისტო – Sputnik. მესტიის მუნიციპალიტეტში ჩარჩენილ ტურისტებს ტურიზმის ეროვნული ადმინისტრაცია საკარანტინო სივრცეში გადაიყვანს, განაცხადა სამეგრელო-ზემო სვანეთის გუბერნატორის მოადგილემ, ნინო ვიბლიანმა.

გასულ დღე-ღამეში საქართველოში კორონავირუსის 25 ახალი შემთხვევა დაფიქსირდა, აქედან 17 მესტიის მუნიციპალიტეტზე მოდის. ვირუსის გავრცელების მაქსიმალურად აღკვეთის მიზნით ხელისუფლებამ საკარანტინო შეზღუდვების დაწესება გადაწყვიტა.

„შექმნილი ვითარებიდან გამომდინარე ეპიდემიოლოგთა რამდენიმე ჯგუფი მუშაობს. ხდება იდენტიფიცირება და ბიოლოგიური მასალის, ნიმუშის აღება. ამ ეტაპისთვის 300-ზე მეტი ბიოლოგიური ნიმუშია აღებული. ხვალიდან კვლავ განახლდება სამუშაოები. შინაგან საქმეთა სამინისტროს თანამშრომლები საზოგადოებრივ წესრიგს და უსაფრთხოებას უზრუნველყოფენ“, - განაცხადა ნინო ვიბლიანმა.

ნინო ვიბლიანის თქმით, მუნიციპალიტეტში სასურსათო მარაგების დეფიციტი არ შეიქმნება.

„ჯერჯერობით საკვებთან დაკავშირებით პრობლემა არ არის. თუმცა, თუ დადგება საშიშროება და საჭიროება, ყველა უზრუნველყოფილი იქნება პროდუქტით. მარაგები შემოტანილი იქნება მუნიციპალიტეტში“, - განაცხადა ნინო ვიბლიანმა.

რეგიონულ საკითხებში პრემიერ-მინისტრის მრჩევლის, სოზარ სუბარის თქმით, რეგიონებში ზომების გამკაცრება პერიოდულად ხდება, რათა მკაცრი ზომების მიღება მთელს ქვეყანაში არ გახდეს საჭირო.

„დარწმუნებული ვართ, რომ მესტიის მოსახლეობა გამოგვყვება და სრულად ითანამშრომლებს ხელისუფლებასთან, ჯანდაცვის სპეციალისტებთან, რომ მალე დავამარცხოთ მცირე ლოკალური აფეთქება“, - განაცხადა სუბარმა.

უწყებათაშორისი საკოორდინაციო საბჭოს მიერ მიღებული გადაწყვეტილების საფუძველზე, მაღალი ეპიდემიოლოგიური რისკის გამო იზღუდება შესვლა-გამოსვლა მესტიის მუნიციპალიტეტში: დაბა მესტიის, ბეჩოს, ეცერის, იდლიანის, იფარის, კალას, ლატალის, ლახამულის, ლენჯერის, მულახის, ნაკრას, უშგულის, ფარის, ცხუმარის, წვირმის, ჭუბერისა და ხაიშის ადმინისტრაციულ ერთეულებში. იზღუდება გადაადგილება როგორც მესტიის მუნიციპალიტეტის მიმართულებით, ასევე მესტიის მუნიციპალიტეტიდან.  მუნიციპალიტეტში შესვლა შესაძლებელი იქნება მხოლოდ ადგილობრივი მოსახლეობისთვის, გამოსვლის შემთხვევაში კი - მოქალაქეები ვალდებული იქნებიან, გაიარონ კარანტინი. უშგულსა და ლენჯერში საკარანტინო შზღუდვები დაწესდა, რაც აღნიშნულ დასახლებებსა და მესტიის მუნიციპალიტეტის სხვა სოფლებს შორის გადაადგილების შეზღუდვას გულისხმობს.

მესტიის მუნიციპალიტეტის სოფლებში საკარანტინო შეზღუდვები 28 დღის განმავლობაში იმოქმედებს.

 

58
თემები:
COVID-19 საქართველოში
დაკავებები ბელარუსში

ბელარუსის ქალაქებში კვლავ დაძაბულობაა: სპეცრაზმი ხალხის დაკავებას განაგრძობს

0
მილიციის ხელმძღვანელობამ ბელარუსის დედაქალაქის ქუჩებში კვლავ სპეცტექნიკის გამოყვანის გადაწყვეტილება მიიღო

თბილისი, 10 აგვისტო - Sputnik. შინაგან საქმეთა სამინისტროს თანამშრომლები არასანქცირებული აქციების დროს საზოგადოებრივი წესრიგის დარღვევას აღკვეთავენ, განაცხადეს ორშაბათს შსს-ში, იუწყება Sputnik-ბელარუსი.

საგანგებო დანიშნულების რაზმის („ომონის“) თანამშრომლები განაგრძობენ დაკავებებს, ყველა გამვლელს დოკუმენტებს და ზურგჩანთებს უმოწმებენ. რაიონში მობილიზებულია მილიციის ძალები, მორიგეობს ორი სახანძრო მანქანა. მიუხედავად ამისა, რაიონში ადამიანების მცირე ჯგუფები იყრიან თავს.

„მილიციის თანამშრომლები დღესაც მუშაობენ გაძლიერებული რეჟიმით. გარდა ამისა, მინსკის ქუჩებში მართლსაწინააღმდეგო ქმედებების თავიდან აცილების მიზნით სპეცტექნიკაა მობილიზებული“, - განუცხადა Sputnik-ს ბელარუსის შსს-ს წარმომადგენელმა ოლგა ჩემოდანოვამ.

მინსკში პროტესტის დროს სამართალდამცველებს გუშინ სპეცტექნიკის, მათ შორის, წყლის ჭავლის გამოყენებაც მოუხდათ.

ეს წუთია ცნობილი გახდა, რომ საგამოძიებო კომიტეტმა მასობრივი არეულობის ფაქტებზე 21 სისხლის სამართლის საქმე აღძრა. ზოგიერთი მუხლით გამოყენებულმა სანქციებმა შესაძლოა 15 წლით თავისუფლების აღკვეთას მიაღწიოს. გამომძიებლებმა დააზუსტეს, რომ გუშინ დაკავებულია 80-ზე მეტი პირი. მათი უმრავლესობა ახალგაზრდები არიან, რომლებიც ალკოჰოლური ან ნარკოტიკული საშუალებების ზემოქმედების ქვეშ იმყოფებოდნენ.

0
თემები:
მსოფლიო დღეს