ბათუმი

ბათუმი პირველია: საქართველოში ელექტროავტობუსები შემოდის

61
(განახლებულია 16:36 11.09.2019)
ბელარუსული ელექტროავტობუსები ბათუმში მარშრუტებზე რამდენიმე თვის შემდეგ გავლენ.

თბილისი, 11 სექტემბერი — Sputnik. საქართველოში მუნიციპალური ელექტროავტობუსები პირველად ბათუმში გაჩნდება, ნათქვამია კომპანია „ბათუმის ავტოტრანსპორტის" Facebook-გვერდზე გავრცელებულ განცხადებაში.

ავტობუსებს საქართველოს ბელარუსული სამრეწველო საწარმო Belkommunmash-ი მიაწვდის, რომელთანაც შეთანხმება გაფორმდა.

Представители компаний Автотранспорт Батуми и Белкоммунмаш подписали соглашение
კომპანია „ბათუმის ავტოტრანსპორტმა“ და ბელარუსულმა Belkommunmash-მა შეთანხმებას მოაწერეს ხელი.

პირველ ეტაპზე მუნიციპალური ავტოპარკი რვა ელექტროავტობუსით შეივსება. ისინი ქალაქში მარშრუტებზე რამდენიმე თვის შემდეგ გავლენ.

„მინდა მივულოცო ქალაქს, თითოეულ თქვენგანს, იმიტომ რომ დღეს რვა ერთეული ელექტროავტობუსის შეძენის შესახებ შეთანხმებას მოეწერა ხელი. ეს მუნიციპალური ავტოპარკის მნიშვნელოვანი განახლებაა. თქვენ იცით, რომ გასულ წელს ჩვენ „ევრო 5“ დიზელის საწვავზე მომუშავე 40 ავტობუსი შევიძინეთ", – განაცხადა ბათუმის მერმა ლაშა კომახიძემ.

მისი სიტყვებით, ამ დროისთვის ბათუმის ავტოპარკის დაახლოებით 30-35% განახლებულია. მერია ამ მიმართულებით დონორებთან მუშაობის გაგრძელებას გეგმავს.

აღმოსავლეთ ევროპის ენერგოეფექტურობისა და გარემოს დაცვის პარტნიორობის (E5P) ფონდმა ბათუმის ავტოპარკის განახლების პროექტისთვის 1,5 მლნ ევრო გამოყო, დაახლოებით 2,3 მლნ კი ევროპის რეკონსტრუქციის და განვითარების ბანკისგან (EBRD) შეღავათიანი სესხის სახით იქნა მიღებული.

ეკოლოგიურად ყველაზე სუფთა ავტობუსებზე სრულად გადასვლა იგეგმება თბილისშიც. ადრე დედაქალაქის მერმა კახა კალაძემ განაცხადა, რომ ეს პროცესი 2023 წელს დასრულდება.

საქართველოში ასევე იგეგმება ელექტროავტობუსების ამწყობი ქარხნის მშენებლობა. ქარხანას ქართული კომპანია Fregobus-ი ჩინურ კომპანია ZTE Corporation-სა და გერმანულ კომპანია EURABUS-თან ერთად გახსნის. Fregobus-ი საქართველოში წარმოებული ავტობუსების გაყიდვას ევროკავშირის ქვეყნებში გეგმავს.

61
თემები:
ტრანსპორტი საქართველოში (319)
შატილი

შატილამდე მისასვლელი გზა უსაფრთხო და კომფორტული გახდება

18
(განახლებულია 16:17 05.08.2020)
საერთო ჯამში, შატილის მიმართულებით მიმდინარე 12 პროექტის ფარგლებში რეაბილიტაცია ჩაუტარდება გზის 86 კილომეტრ მონაკვეთსა და 15 ხიდს

თბილისი, 5 აგვისტო - Sputnik. შატილის მიმართულებით გზის რეაბილიტაციის სამუშაოები ინტენსიურ რეჟიმში მიმდინარეობს, ნათქვამია საავტომობილო გზების დეპარტამენტის მიერ გავრცელებულ განცხადებაში.

დეპარტამენტის ცნობით, მიუხედავად გეოლოგიური გამოწვევებისა, წელს შატილის მიმართულების გზაზე სამუშაოები ფაქტობრივად არ გაჩერებულა.

„პროექტის მიზანია, შატილამდე მისასვლელ გზაზე ავტოტრანსპორტის გადაადგილება გახდეს ბევრად უსაფრთხო, ვინაიდან არსებული გზა არის გრუნტის, ხშირად ვითარდება მეწყრული პროცესები და ორი ავტომანქანისთვის გვერდის ავლა პრაქტიკულად შეუძლებელია“, -აღნიშნულია განცხადებაში.

უწყების ინფორმაციით, გზის რეაბილიტაციის დასრულების შემდეგ შატილის მიმართულებით გზის პარამეტრები გაუმჯობესდება, გაფართოვდება გზის სავალი ნაწილი, მოეწყობა ბაგიროვანი ზღუდარები და გადაადგილება გაცილებით უსაფრთხო და კომფორტული გახდება.

გზის რეაბილიტაციის ერთი მონაკვეთი, „მთის გზების“ პროექტის ფარგლებში, სნო-ჯუთა- როშკა-შატილი-ომალო-ხადორის ხეობა-ბაწარა-ახმეტას   საავტომობილო გზის მშენებლობის შემადგენელი ნაწილია.

„მთის გზების“ პროექტის პარალელურად, გზის რეაბილიტაციის ორი  პროექტი მსოფლიო ბანკის, სამი პროექტი კი  სახელმწიფო ბიუჯეტის დაფინანსებით მიმდინარეობს.

ყველაზე პრობლემური – თუშეთის გზა ორ წელიწადში უსაფრთხო გახდება>>

საერთო ჯამში, შატილის მიმართულებით მიმდინარე 12 პროექტის ფარგლებში რეაბილიტაცია ჩაუტარდება  86 კმ. გზასა და 15 ხიდს. აღნიშნული პროექტების განხორციელებაზე  59 მლნ ლარზე მეტი დაიხარჯება.

შატილი შუასაუკუნეების ციხე-სოფელია, რომელიც 60–ზე მეტ კოშკს აერთიანებს, მდებარეობს ზღვის დონიდან 1400 მეტრზე. 2007 წლიდან შატილის კოშკები იუნესკოს მსოფლიო კულტურული მემკვიდრეობის საცდელ ნუსხაშია შეტანილი.

18
თემები:
საქართველოს ეკონომიკა

განახლებული ილია ჭავჭავაძის გამზირი თბილისის ცენტრში - ფოტო

21
  • ილია ჭავჭავაძის გამზირი სარეაბილიტაციო სამუშაოების დასრულების შემდეგ მართლაც განსხვავებულად გამოიყურება
  • მთავარი სიახლე საზოგადოებრივი ტრანსპორტის ზოლის გზის შუა ნაწილში განთავსებაა
  • ახლა ჭავჭავაძის გამზირი ასე გამოიყურება
  • მოვლენათა ასე განვითარების გამო ბევრი ავტომობილისტი უკმაყოფილოა
  • ქალაქის ცენტრში საზოგადოებრივი ტრანსპორტის გზის შუა ნაწილში გაშვებით და გაჩერებების იქვე განთავსებით, მერიამ მნიშვნელოვნად შეამცირა დანარჩენი ტრანსპორტისათვის განკუთვნილი გზა
  • ავტობუსები და სამარშუტო ტაქსები მთელ გამზირზე ახლა უპირატესობით სარგებლობენ
  • გზის შუა ნაწილში განთავსებული გაჩერება
  • საზოგადოება თითქოს უკვე მიეჩვია სიახლეს - ქვეითების გადაადგილებისათვის ყველა გაჩერებასთან ზებრა გადასასვლელი დაიხაზა და შუქნიშანი განთავსდა
  • ხანდახან ამ გაჩერებებზე ისვენებენ კიდეც
  • საზოგადოებრივი ტრანსპორტი აქ შეფერხების გარეშე გადაადგილდება - სოცქსელებში წერენ, რომ თავისუფლების მოედნიდან ვაკის პარკემდე მისვლა ათ წუთშია შესაძლებელი
  • ვაკის პარკის შესასვლელი ასევე მოწესრიგდა
  • პარკის გვერდით, გზის ცენტრალურ ნაწილში დასვენების ზონა მოეწყო
  • გზებზე წესრიგს საპატრულო პოლიციის ეკიპაჟები იცავენ
  • დარღვევა აქ ძალზე იშვიათია, მაგრამ მოძრაობის სქემა ჯერ მხოლოდ ახლა ამოქმედდა
  • ჭავჭავაძის გამზირზე გაფართოვდა ტროტუარები
  • ახლა ტროტუარებზე მანქანის გაჩერება უკვე შეუძლებელია
  • ჭავჭავაძეზე ორივე მხარეს მოეწყო ორბორბლიანი ტრანსპორტის სამოძრაო ბილიკი
  • ზოგ ადგილზე ეს ბილიკი ტროტუარს უერთდება, მაგრამ ქვეითად მოსიარულეების სივრცე ამით არ ვიწროვდება
  • თუმცა ყველას არ ყოფნის ბილიკი და ისინი მეტი კომფორტისთვის ავტობუსის ზოლით სარგებლობენ
  • როგორც ჩანს, მიუხედავად თავდაპირველი პროტესტისა, საზოგადოება ეჩვევა ახალ რეალობას
  • და თითქოს საცობებიც შემცირდა
  • თბილისის მერია არ მალავს, რომ ამ ცვლილებების მიზანია, საზოგადოება პირადი ავტომობილებით სიარულს გადაეჩვიონ და ხშირად ისარგებლონ კომფორტული საზოგადოებრივი ტრანსპორტით
  • გამზირი მართლაც განსხვავებულად გამოიყურება. ფოტოზე - თბილისის სახელმწიფო უნივერსიტეტის მეორე კორპუსი
  • სარეაბილიტაციო სამუშაოების შედეგად ჭავჭავაძეზე საზოგადოებრივი საპირფარეშოები გაჩნდა, თუმცა მათ ჯერ ფუნქციონირება არ დაუწყიათ
ილია ჭავჭავაძის გამზირზე ჩატარებული მასშტაბური რეაბილიტაციის შედეგად ვაკე საგრძნობლად შეიცვალა. თუმცა ახალმა ავტობუსების ზოლმა, რომლებიც ქუჩის ცენტრში განთავსდა, ავტომობილისტების მხრიდან კრიტიკა დაიმსახურა

გამზირის რემონტის დროს გაფართოვდა ქვეითად სასიარულო ზონა და შემცირდა ტრანსპორტის სავალი ნაწილი. გამზირზე ასევე მოეწყო ორბორბლიანი ტრანსპორტის ბილიკები ორივე მხარეს. ავტობუსების გადაადგილების ზოლები და გაჩერებები მერიამ ქუჩის ცენტრალურ ნაწილში განთავსდა, ასევე დამონტაჟდა ბევრი შუქნიშანი, რათა ქვეითებმა კომფორთულად გადაკვეთოს გზის სავალი ნაწილი.

21
  • ილია ჭავჭავაძის გამზირი სარეაბილიტაციო სამუშაოების დასრულების შემდეგ მართლაც განსხვავებულად გამოიყურება
    © Sputnik / Viktor Kaminsky.

    ილია ჭავჭავაძის გამზირი სარეაბილიტაციო სამუშაოების დასრულების შემდეგ მართლაც განსხვავებულად გამოიყურება

  • მთავარი სიახლე საზოგადოებრივი ტრანსპორტის ზოლის გზის შუა ნაწილში განთავსებაა
    © Sputnik / Viktor Kaminsky.

    მთავარი სიახლე საზოგადოებრივი ტრანსპორტის ზოლის გზის შუა ნაწილში განთავსებაა

  • ახლა ჭავჭავაძის გამზირი ასე გამოიყურება
    © Sputnik / Viktor Kaminsky.

    ახლა ჭავჭავაძის გამზირი ასე გამოიყურება

  • მოვლენათა ასე განვითარების გამო ბევრი ავტომობილისტი უკმაყოფილოა
    © Sputnik / Viktor Kaminsky.

    მოვლენათა ასე განვითარების გამო ბევრი ავტომობილისტი უკმაყოფილოა

  • ქალაქის ცენტრში საზოგადოებრივი ტრანსპორტის გზის შუა ნაწილში გაშვებით და გაჩერებების იქვე განთავსებით, მერიამ მნიშვნელოვნად შეამცირა დანარჩენი ტრანსპორტისათვის განკუთვნილი გზა
    © Sputnik / Viktor Kaminsky.

    ქალაქის ცენტრში საზოგადოებრივი ტრანსპორტის გზის შუა ნაწილში გაშვებით და გაჩერებების იქვე განთავსებით, მერიამ მნიშვნელოვნად შეამცირა დანარჩენი ტრანსპორტისათვის განკუთვნილი გზა

  • ავტობუსები და სამარშუტო ტაქსები მთელ გამზირზე ახლა უპირატესობით სარგებლობენ
    © Sputnik / Viktor Kaminsky.

    ავტობუსები და სამარშუტო ტაქსები მთელ გამზირზე ახლა უპირატესობით სარგებლობენ

  • გზის შუა ნაწილში განთავსებული გაჩერება
    © Sputnik / Viktor Kaminsky.

    გზის შუა ნაწილში განთავსებული გაჩერება

  • საზოგადოება თითქოს უკვე მიეჩვია სიახლეს - ქვეითების გადაადგილებისათვის ყველა გაჩერებასთან ზებრა გადასასვლელი დაიხაზა და შუქნიშანი განთავსდა
    © Sputnik / Viktor Kaminsky.

    საზოგადოება თითქოს უკვე მიეჩვია სიახლეს - ქვეითების გადაადგილებისათვის ყველა გაჩერებასთან ზებრა გადასასვლელი დაიხაზა და შუქნიშანი განთავსდა

  • ხანდახან ამ გაჩერებებზე ისვენებენ კიდეც
    © Sputnik / Viktor Kaminsky.

    ხანდახან ამ გაჩერებებზე ისვენებენ კიდეც

  • საზოგადოებრივი ტრანსპორტი აქ შეფერხების გარეშე გადაადგილდება - სოცქსელებში წერენ, რომ თავისუფლების მოედნიდან ვაკის პარკემდე მისვლა ათ წუთშია შესაძლებელი
    © Sputnik / Viktor Kaminsky.

    საზოგადოებრივი ტრანსპორტი აქ შეფერხების გარეშე გადაადგილდება - სოცქსელებში წერენ, რომ თავისუფლების მოედნიდან ვაკის პარკემდე მისვლა ათ წუთშია შესაძლებელი

  • ვაკის პარკის შესასვლელი ასევე მოწესრიგდა
    © Sputnik / Viktor Kaminsky.

    ვაკის პარკის შესასვლელი ასევე მოწესრიგდა

  • პარკის გვერდით, გზის ცენტრალურ ნაწილში დასვენების ზონა მოეწყო
    © Sputnik / Viktor Kaminsky.

    პარკის გვერდით, გზის ცენტრალურ ნაწილში დასვენების ზონა მოეწყო

  • გზებზე წესრიგს საპატრულო პოლიციის ეკიპაჟები იცავენ
    © Sputnik / Viktor Kaminsky.

    გზებზე წესრიგს საპატრულო პოლიციის ეკიპაჟები იცავენ

  • დარღვევა აქ ძალზე იშვიათია, მაგრამ მოძრაობის სქემა ჯერ მხოლოდ ახლა ამოქმედდა
    © Sputnik / Viktor Kaminsky.

    დარღვევა აქ ძალზე იშვიათია, მაგრამ მოძრაობის სქემა ჯერ მხოლოდ ახლა ამოქმედდა

  • ჭავჭავაძის გამზირზე გაფართოვდა ტროტუარები
    © Sputnik / Viktor Kaminsky.

    ჭავჭავაძის გამზირზე გაფართოვდა ტროტუარები

  • ახლა ტროტუარებზე მანქანის გაჩერება უკვე შეუძლებელია
    © Sputnik / Viktor Kaminsky.

    ახლა ტროტუარებზე მანქანის გაჩერება უკვე შეუძლებელია

  • ჭავჭავაძეზე ორივე მხარეს მოეწყო ორბორბლიანი ტრანსპორტის სამოძრაო ბილიკი
    © Sputnik / Viktor Kaminsky.

    ჭავჭავაძეზე ორივე მხარეს მოეწყო ორბორბლიანი ტრანსპორტის სამოძრაო ბილიკი

  • ზოგ ადგილზე ეს ბილიკი ტროტუარს უერთდება, მაგრამ ქვეითად მოსიარულეების სივრცე ამით არ ვიწროვდება
    © Sputnik / Viktor Kaminsky.

    ზოგ ადგილზე ეს ბილიკი ტროტუარს უერთდება, მაგრამ ქვეითად მოსიარულეების სივრცე ამით არ ვიწროვდება

  • თუმცა ყველას არ ყოფნის ბილიკი და ისინი მეტი კომფორტისთვის ავტობუსის ზოლით სარგებლობენ
    © Sputnik / Viktor Kaminsky.

    თუმცა ყველას არ ყოფნის ბილიკი და ისინი მეტი კომფორტისთვის ავტობუსის ზოლით სარგებლობენ

  • როგორც ჩანს, მიუხედავად თავდაპირველი პროტესტისა, საზოგადოება ეჩვევა ახალ რეალობას
    © Sputnik / Viktor Kaminsky.

    როგორც ჩანს, მიუხედავად თავდაპირველი პროტესტისა, საზოგადოება ეჩვევა ახალ რეალობას

  • და თითქოს საცობებიც შემცირდა
    © Sputnik / Viktor Kaminsky.

    და თითქოს საცობებიც შემცირდა

  • თბილისის მერია არ მალავს, რომ ამ ცვლილებების მიზანია, საზოგადოება პირადი ავტომობილებით სიარულს გადაეჩვიონ და ხშირად ისარგებლონ კომფორტული საზოგადოებრივი ტრანსპორტით
    © Sputnik / Viktor Kaminsky.

    თბილისის მერია არ მალავს, რომ ამ ცვლილებების მიზანია, საზოგადოება პირადი ავტომობილებით სიარულს გადაეჩვიონ და ხშირად ისარგებლონ კომფორტული საზოგადოებრივი ტრანსპორტით

  • გამზირი მართლაც განსხვავებულად გამოიყურება. ფოტოზე - თბილისის სახელმწიფო უნივერსიტეტის მეორე კორპუსი
    © Sputnik / Viktor Kaminsky.

    გამზირი მართლაც განსხვავებულად გამოიყურება. ფოტოზე - თბილისის სახელმწიფო უნივერსიტეტის მეორე კორპუსი

  • სარეაბილიტაციო სამუშაოების შედეგად ჭავჭავაძეზე საზოგადოებრივი საპირფარეშოები გაჩნდა, თუმცა მათ ჯერ ფუნქციონირება არ დაუწყიათ
    © Sputnik / Viktor Kaminsky.

    სარეაბილიტაციო სამუშაოების შედეგად ჭავჭავაძეზე საზოგადოებრივი საპირფარეშოები გაჩნდა, თუმცა მათ ჯერ ფუნქციონირება არ დაუწყიათ

ანელი აწკარუნაშვილი

 „პრობლემა არაა, შეგიძლიათ ქართულად მესაუბროთ“- ქართული საკვირაო სკოლა დუბლინში        

0
(განახლებულია 16:38 05.08.2020)
რუბრიკაში „ქართველები უცხოეთში“ გაგაცნობთ ქალბატონს, რომელმაც ირლანდიაში ქართული საკვირაო სკოლა დააარსა.

ანელი აწკარუნაშვილი ოცი წელია რაც დუბლინში ცხოვრობს და მისი საკვირაო სკოლის დამსახურებაა ის, რომ იქ მცხოვრები ქართველი ბავშვები საქართველოსთან სულიერ კავშირს არ წყვეტენ. ირლანდიელებმა სწორედ ამ სკოლის დახმარებით გაიგეს ბევრი რამ ჩვენს ქვეყანაზე, რადგან სკოლა ამ წლების მანძილზე სხვადასხვა საინტერესო აქტივობითაც გამოირჩევა.

ანელი აწკარუნაშვილი
ანელი აწკარუნაშვილი

- ქალბატონო ანელი, როგორ დაიწყო თქვენი გზა საქართველოდან ირლანდიამდე?

- ირლანდიაში ჩამოსვლამდე თბილისში ვცხოვრობდი. პროფესიით დაწყებითი კლასების სპეციალისტი ვარ. სწავლის დამთავრების შემდეგ რამდენიმე თვეში მომიწია ირლანდიაში გადმოსვლა ოჯახთან ერთად და თითქმის ოცი წელია რაც დუბლინში ვცხოვრობ.

- უცხო გარემოსთან შეგუების მომენტი რთულად გაიარეთ?

- სიმართლე გითხრათ, აქ ჩამოსვლის დროს ამ ქვეყნის შესახებ ძალიან ცოტა რამ ვიცოდი. როგორც ბევრი ქართველისთვის, პირველი წლები არც ჩემთვის იყო ადვილი, ამის მიზეზი- უცხო გარემო, განსხვავებული კულტურა და წეს-ჩვეულებები დაენის ბარიერი იყო. თუმცა ეს სირთულეები უფრო მეტ სტიმულს მაძლევდა იმისთვის, რომ უცხო ქვეყნის რითმისთვის ფეხი ამეწყო...

ანელი აწკარუნაშვილი
ანელი აწკარუნაშვილი

- და როგორც ჩანს კარგადაც აუწყვეთ, დღეს თქვენ მიერ დაფუძნებული ქართული სკოლა პოპულარულია ირლანდიაში მცხოვრები ქართველებისთვის, როდის დააარსეთ ის?

- საგანმანათლებლო ცენტრი ,,ლამპარი” 2008 წლის ოქტომბერში დაარსდა. მე თავად სამი შვილი მყავს და ვცდილობდი, რომ მათ ქართული წერა-კითხვა ესწავლათ, თუმცა მივხვდი, რომ მხოლოდ ქართული წერა-კითხვის სწავლა არ იყო საკმარისი და ბავშვებს უფრო მეტი უნდა სცოდნოდათ თავისი ქვეყნის შესახებ. აქედან გაჩნდა იდეა, რომ გამეხსნა საკვირაო სკოლა. ეს იდეა ჩემს მეგობრებს გავუზიარე და ყველა ერთად გავერთიანდით მის გარშემო. თავდაპირველად სკოლაში მხოლოდ 15 მოსწავლე იყო, ძირითადად ჩემი და ჩემი მეგობრის შვილები, თუმცა შემდეგ გავიზარდეთ და ერთ დიდ ოჯახად ვიქეცით. დღეს დაახლოებით 40 მოსწავლეა სკოლაში და ქართული ენის გარდა ისწავლება საქართველოს ისტორია, რელიგიის ისტორია, ბუნება.

ანელი აწკარუნაშვილი
ანელი აწკარუნაშვილი

- თანამოაზრეებზე რას იტყვით?

- იმდროისთვის არ ვიყავით განებივრებული სახელმძღვანელოებით, არც ინტერნეტ-სივრცეში იძებნებოდა ბევრი ინფორმაცია. ხშირ შემთხვევაში პედაგოგებს თვითონ უხდებოდათ ინფორმაციის მოძიება და დამუშავება. სწორედ საოცარი და პროფესიონალი პედაგოგების: ქეთი ჯიღაურის, თეა ლიპარტელიანის, ეკა ფეიქრიშვილის და ჩვენი ყოფილი კოლეგების, ნუნუკა ავგაროზაშვილის, მაია აწკარუნაშვილის და თამუნა ჩიტიძის თავდაუზოგავი შრომის ნაყოფია ის, რომ ჩვენ დღეს საყვარელ საქმეს ვაკეთებთ და მომავალი თაობის აღზრდაში მცირედი წვლილი შეგვაქვს.

ანელი აწკარუნაშვილი
ანელი აწკარუნაშვილი

- ირლანდიელებს თუ გამოუთქვამთ თქვენს სკოლაში სწავლის სურვილი?

- ირლანდიელებს არა, თუმცა საკმაოდ ბევრი მოსწავლე გვყავს შერეული ოჯახებიდან. ერთ ფაქტს გავიხსენებ, გასული წლის დასაწყისში ახალი მოსწავლე მოვიდა სკოლაში, მამით ქართველი და დედით ირლანდიელი. როდესაც დედასთან საუბარი დავიწყე გამაჩერა და ქართულად მიპასუხა: პრობლემა არაა, შეგიძლიათ ქართულად მესაუბროთო. ჩემთვის ეს სასიამოვნო მოულოდნელობა იყო.

-  ქართველები ხომ ყველგან მსგავსებას ვეძებთ, ალბათ არც თქვენ ხართ გამონაკლისი?..

- იცით, ქართველებსა და ირლანდიელებს შორის ბევრი მსგავსება აღმოვაჩინე, პირველი ისაა, რომ მათ ჩვენს მსგავსად გასაოცარი მეგობრობა იციან. ჩამოსვლიდან ძალიან მალე შევიძინე ბევრი ირლანდიელი მეგობარი, რომლებთანაც დღესაც ვაგრძელებ ურთიერთობას. სირთულეების გადალახვაში გარკვეულწილად ისინიც დამეხმარნენ.

ანელი აწკარუნაშვილი
ანელი აწკარუნაშვილი

- რა ქართულ აქტივობას ახორციელებს თქვენი სკოლა?

-  აქტიურად ვიღებთ მონაწილეობას სხვადასხვა ღონისძიებებში, სადაც საშუალება გვეძლევა წარმოვადგინოთ ჩვენი ქვეყანა. ყოველ წელს სკოლაში იმართება ღონისძიება, სადაც გარდა ჩვენი თანამემამულეებისა,  ვიწვევთ ჩვენს ირლანდიელ მეგობრებს, ვაცნობთ ქართულ კულტურას, ტრადიციებს და ქართულ სამზარეულოს. მინდა დავამატო, რომ უკვე რამდენიმე წელია, რაც ამ ღონისძიებების დროს ხდება ჩვენი მოსწავლეების მიერ დამზადებული სხვადასხვა ნივთების გაყიდვა.  შემოსული თანხით საქართველოში ვეხმარებით მრავალშვილიან ოჯახებს. მართალია ეს ქველმოქმედება მცირედია თუმცა ჩვენთვის მნიშვნელოვანია ის, რომ პატარებმა სხვებზე ზრუნვა და სიკეთის კეთება ისწავლონ.

დიასპორის დღეებზე თბილისში
დიასპორის დღეებზე თბილისში

- სხვა ქვეყანაში მცხოვრებ ქართველ ბავშვებთან თუ გაქვთ კავშირი?

-ჩვენი ცენტრი ორიენტირებული არ არის მხოლოდ საგაკვეთილო პროცესზე, ჩვენი მიზანია, რომ აქ მყოფი ქართველი ბავშვები ერთმანეთს დავამეგობროთ. სწორედ ამიტომ ხშირად ვაწყობთ სასკოლო ტურებს როგორც ქვეყნის შიგნით ასევე ქვეყნის გარეთაც. 2016 წელს წელს სასკოლო ტურით ვიმყოფებოდით საფრანგეთში, პარიზში. იქ ვესტუმრეთ პარიზში არსებულ ქართული კულტურის კერას, სახელად „ლაზი“, სადაც ჩვენი მოსწავლეები შეხვდნენ იქ მცხოვრებ თანატოლებს და დაუვიწყარი დრო გაატარეს.

ანელი აწკარუნაშვილი
ანელი აწკარუნაშვილი

- დაარსების დღიდან რამდენი თაობის ქართველები აღზარდა თქვენმა სკოლამ?

- საკვირაო სკოლამ უკვე ქართველების სამი თაობა აღზარდა. ჩვენ ვცდილობთ მათთან კონტაქტი არ დავკარგოთ და სწორედ მათთვის ვატარებთ ხოლმე ლექცია-გაკვეთილებს. გარდა ჩვენი სკოლის პრდაგოგებისა, აქ ლექციებს უკითხავენ ასევე მოწვეული სტუმრები.

ანელი აწკარუნაშვილი
ანელი აწკარუნაშვილი

- პანდემიის დროს რა ხდებოდა თქვენს სკოლაში?

- პანდემიის დროს ჩვენ არ გავჩერებულვართ. ვატარებდით ონლაინ გაკვეთილებს. სწავლის პარალელურად ჭიათურის მხარეთმცოდნეობის მუზეუმთან ერთად ჩავატარეთ ონლაინ-ლექცია თემაზე: ,,სადაურსა სად წაიყვან...” ჩვენი უფროსი მოსწავლეები ასევე აქტიურად იყვნენ ჩართულები პირველი საერთაშორისო ონლაინ-სკოლის „გაკვეთილები საზღვრების გარეშე“ პროექტში. უზომოდ მადლიერი ვარ იმ ადამიანების, ვისაც მცირედი წვლილი მიუძღვის საკვირაო სკოლის არსებობაში, ესენი არიან:  M.Murray, ი. კოპლატაძე, Father D. Lonergan და საქართველოს საელჩოს ირლანდიაში. განსაკუთრებული მადლობა ბატონ გიორგი ზურაბაშვილს თანადგომისთვის, ახლო მომავალში სწორედ მისი უშუალო მხარდაჭერით ბევრ საინტერესო პროექტს ვგეგმავთ. ოქტომბერში ვაწყობთ შემოდგომის ფესტივალს, ჩვენებურად რთველს, სადაც ჩვენი მოსწავლეები და მათი აქაური თანატოლები გაეცნობიან  საქართველოს, როგორც ღვინისა და ვაზის სამშობლოს. ირლანდილებს ქართული ღვინის მრავალწლიან ისტორიას გავაცნობთ, ბავშვები თავის საყვარელ ქართულ ნუგბარს- ჩურჩხელებს ამოავლებენ.

ანელი აწკარუნაშვილი
ანელი აწკარუნაშვილი

- შორიდან ალბათ სხვაგვარად აღიქვით ის, რასაც სამშობლო ჰქვია?..

- სამშობლო ალბათ ყველაფერია: ბავშვობა, მეგობრები, ოჯახი... ჩემთვის სამშობლო სიყვარულია, ადგილია, სადაც გული სხვანაირად მიცემს. მიუხედავად იმისა, რომ თითქმის ყოველ ზაფხულს ჩავდივარ, ჩემი მზიანი და თბილი ქვეყანა ყოველთვის მენატრება. ირლანდიელი მეგობრები ხშირად მეკითხებიან: ვაპირებ თუ არა სამშობლოში დაბრუნებას? ჩემი პასუხი ასეთია: იმედი მაქვს, რომ ერთ დღეს საქართველოში აუცილებლად დავბრუნდები...

 

0
თემები:
ქართველები უცხოეთში