პატრული

კვიციანსა და აქციის მონაწილეებს შორის ინციდენტზე გამოძიება ძალადობის მუხლით დაიწყო

77
(განახლებულია 15:58 08.09.2019)
პარლამენტთან შეკრებილი აქციის მონაწილეები გიორგი გახარიას პრემიერ-მინისტრად დამტკიცების წინააღმდეგ გამოდიან.

თბილისი, 8 სექტემბერი — Sputnik. შინაგან საქმეთა სამინისტრომ საქართველოს პარლამენტის დეპუტატის, ოპოზიციური პარტია „საქართველოს პატრიოტთა ალიანსის" წევრ ემზარ კვიციანის მონაწილეობით პარლამენტთან მომხდარ ინციდენტთან დაკავშირებით გამოძიება ძალადობის მუხლით დაიწყო, ნათქვამია უწყების მიერ გავრცელებულ განცხადებაში.

კვიციანმა მრავალრიცხოვანი ჟურნალისტებისა და ოპერატორების თანდასწრებით აქციის მონაწილეებს სიტყვიერი შეურაცხყოფა მიაყენა, რომლებიც პარლამენტის შენობიდან გამოსულ დეპუტატს სტვენით დახვდნენ. ამასთან, კვიციანი შეეცადა ფიზიკურად გასწორებოდა მათ, რაშიც პოლიციამ შეძლებისდაგვარად შეუშალა ხელი. დეპუტატი პოლიციასაც უყვიროდა და სთხოვდა მისთვის ხელი არ შეეშალათ.

საბოლოოდ პოლიციამ დეპუტატი ავტომობილში ჩასვა და შემთხვევის ადგილიდან გაიყვანა.

აქციის ერთ-ერთმა მონაწილე ნოდარ რუხაძემ პარლამენტს კვიციანისთვის სადეპუტატო უფლებამოსილების შეწყვეტისკენ, შსს-ს კი დეპუტატისთვის პასუხისმგებლობის დაკისრებისკენ მოუწოდა, რამეთუ დეპუტატმა უბრალო მოქალაქეებზე ხელი აღმართა.

შსს-მ გამოძიება საქართველოს სსკ-ს 126-ე მუხლით დაიწყო.

„გამოძიების ფარგლებში, ჩატარდება ყველა საგამოძიებო მოქმედება, გამოიკითხებიან ინციდენტში მონაწილე პირები, ასევე, მოხდება არსებული ვიდეოჩანაწერების შესწავლა, რის შემდეგაც ქმედებას მიეცემა შესაბამისი სამართლებრივი შეფასება", -აღნიშნულია განცხადებაში.

პარლამენტთან შეკრებილი აქციის მონაწილეები გიორგი გახარიას პრემიერ-მინისტრად დამტკიცების წინააღმდეგ გამოდიან.

კვიციანის პარტიამ ადრე განაცხადა, რომ მხარს არ დაუჭერს პარლამენტში წარდგენილ საქართველოს მთავრობის ახალ შემადგენლობას, რამდენადაც მათ გახარიას სამთავრობო პროგრამა არ მოსწონთ, თუმცა, საკანონმდებლო ორგანოდან გამოსულ დეპუტატს აქციის მონაწილეები სტვენით დახვდნენ.
„პატრიოტთა ალიანი" ეს არის პარტია, რომელიც რუსეთთან ურთიერთობების დალაგების მომხრეა და რომლის დეპუტატებიც პერიოდულად მიემგზავრებიან მოსკოვში და რუს დეპუტატებთან მართავენ შეხვედრებს. რაც შეეხება დღევანდელი აქციის მონაწილეებს, ისინი ანტირუსული ლოზუნგებით აქციებს სისტემატურად მართავენ.

„საქართველოს პატრიოტთა ალიანსი"  8 სექტემბერს, 16:00 საათზე საკუთარ მომხრეებს სპორტის სასახლეში ელოდება, ხოლო  ქუჩის აქციების დაწყებას კი რესპუბლიკის მოედანზე 15 სექტემბრიდან აანონსებს.

77
ნინი ბადურაშვილი

ნინი ბადურაშვილი ლელა წურწუმიას ქმრის მოკვლისკენ მოუწოდებს რა მოხდა მათ შორის?

398
(განახლებულია 14:11 31.07.2020)
ნინი ბადურაშვილმა სოციალურ ქსელში ლელა წურწუმიას საჯაროდ მიმართა. ნახეთ, რას სთხოვს ლელა წურწუმიას ბადურაშვილი.

ქართულ შოუბიზნესში არ არსებობს მომღერალი, რომელიც მამულაშვილი-წურწუმიას ოჯახს არ ემეგობრება. მიუხედავად ამისა, ქართული სცენის წარმატებულ შემსრულებლებს შორის ინტრიგები არ წყდება. ნინი ბადურაშვილმა ლელა წურწუმიას სოციალური ქსელით საჯაროდ მამულიჩას მოკვლის თხოვნით მიმართა.

View this post on Instagram

A post shared by Kakhi Mamulashvili.Mamulicha (@mamulicha888) on

აღნიშნული თხოვნა კი კახა მამულაშვილის დამაინტრიგებელ ქმედებას მოჰყვა. პოპ-დივას პროდიუსერმა ნინის ძველი სურათი გამოუქვეყნა. ამ ფოტოზე ბადურაშვილის სახეცვლილება კარგად ჩანს. მამულიჩამ გასაჯაროებული სურათი ასე დაასათაურა: „გახსოვდეს ლოყები შენი. ვაიმე, დედიკო, დედა. მაპატიე, ბადურ. დამედოსავით".

ნინი ბადურაშვილმა მამულიჩას ქმედება უპასუხოდ არ დატოვა. ის ჯერ ხუმრობით შემოიფარგლა, შემდეგ კი ლელა წურწუმიას ქმრის მოკვლის თხოვნით მიმართა. „გთხოვ, ფოტო კიდე სადმე გამოაქვეყნე", – მიმართა გაბრაზებულმა ბადურაშვილმა მამულიჩას.

View this post on Instagram

thanks to @itallook_tbilisi for this amazing dress 🙏💛 #tvimedi #primeshow photos by @savemoment_studio 📸

A post shared by Nini badurashvili (@ninibadurashvili) on

ლელა წურწუმია: „მე მოვკლავდი, თვითონ ხო დახატულია“. ლელა წურწუმიას ასეთ პასუხს ნინის შოკისმომგვრელი თხოვნა მოჰყვა: „მოკალი, გთხოვ“. ძველი და ახალი ფოტოებიდან ჩანს, რომ ნინი ბადურაშვილი რადიკალურად შეიცვალა. მამულიჩამ მის დიდ ლოყებზე გააკეთა აქცენტი, რამაც მსახიობი, მომღერალი და ტელეწამყვანი გააღიზიანა.

View this post on Instagram

A post shared by Nini badurashvili (@ninibadurashvili) on

როგორც ჩანს, თავად პროდიუსერმაც საგრძნობლად დაიკლო წონაში, რასაც ლელა წურწუმიას დამცინავი კომენტარიც მოჰყვა. ძველ ფოტოს ახალთან თუ შეადარებთ, კარგად ჩანს, რომ ნინი ბადურაშვილს რამდენიმე ოპერაცია აქვს გაკეთებული, მათ შორის ცხვირის პლასტიკა და ყვრიმალებისა და ტუჩის კონტურის კორექცია.

View this post on Instagram

A post shared by Nini badurashvili (@ninibadurashvili) on

ლელა და მისი პროდიუსერი და მეუღლე კახა მამულაშვილი ერთ-ერთი ყველაზე პოპულარული წყვილია. მათი ერთმანეთის გარეშე წარმოდგენა რთულია. ლელას პარალელურად მამულიჩაც გამოირჩევა სოციალურ ქსელში აქტიურობით. მის გვერდზე ხშირად ჩნდება ვარსკვლავებთან გადაღებული სახალისო ფოტო-ვიდეოები. ეს უკანასკნელი ფოტოც მამულიჩამ არქივიდან გაასაჯაროვა.

398
თემები:
სელებრითების ცხოვრება
ბათუმი

დაგეგმეთ დასვენება ზღვისპირეთში: როდიდან გამოიდარებს საქართველოში

39
(განახლებულია 15:34 03.08.2020)
საქართველოს დედაქალაქში უნალექო ამინდებია მოსალოდნელი. 4–6 აგვისტოს თბილისში პლუს 29–31, 7–8 აგვისტოს კი 34 გრადუსამდე სითბოა ნავარაუდევი.

თბილისი, 3 აგვისტო  — Sputnik.  საქართველოში გამოიდარებს – 9 აგვისტომდე ხანმოკლე წვიმები მხოლოდ ქვეყნის ცალკეულ რაიონებშია მოსალოდნელი, ნათქვამია გარემოს დაცვის ეროვნული სააგენტოს განცხადებაში. 

 „3 აგვისტოს დღის მეორე ნახევრიდან საქართველოს უმეტეს ნაწილში გამოიდარებს. ქვეყნის ცალკეულ რაიონებში ხანმოკლე წვიმები 9 აგვისტომდეა ნავარაუდევი. 4–6 აგვისტოს ჰაერის ტემპერატურა დაბლობში პლუს 27–32, 7–8 აგვისტოს კი პლუს 30–35 გრადუსია ნავარაუდევი“, – ნათქვამია განცხადებაში.

საქართველოს დედაქალაქში უნალექო ამინდებია მოსალოდნელი. 4–6 აგვისტოს თბილისში პლუს 29–31, 7–8 აგვისტოს კი 34 გრადუსამდე სითბოა ნავარაუდევი.

39
თემები:
ამინდის ზუსტი პროგნოზი თბილისში
ტედროს ადანომ გებრეისუსი

„შესაძლოა არც არასდროს შეიქმნას“: ჯანმო COVID-19-ის იდეალური საშუალების შესახებ

0
(განახლებულია 16:15 03.08.2020)
ჯანმოს გენერალური დირექტორი იმედს არ კარგავს, რომ მსოფლიოში მიმდინარე კლინიკური გამოცდები რამდენიმე ეფექტურ ვაქცინას გამოავლენს

 თბილისი, 3 აგვისტო ― Sputnik. ამ დროისათვის კორონავირუსის წინააღმდეგ იდეალური პრეპარატი არ არსებობს და შესაძლოა არც არასდროს შეიქმნას, განაცხადა ჯანდაცვის მსოფლიო ორგანიზაციის გენერალურმა დირექტორმა ტედროს ადანომ გებრეიესუსმა.

მისი თქმით, ახლა არაერთი ვაქცინა გადის კლინიკური გამოცდების მესამე ფაზას და არსებობს იმედი, რომ მსოფლიო „რაღაც რაოდენობის ეფექტურ ვაქცინას მიიღებს“.

„მაგრამ ამ მომენტისთვის არ არსებობს იდეალური საშუალება და გამორიცხული არ არის, რომ მან არც არასდროს იარსებოს“, ― განაცხადა ჯანმოს გენერალურმა დირექტორმა ორშბათს გამართულ ბრიფინგზე.

ჯანდაცვის მსოფლიო ორგანიზაციის ბოლო მონაცემებით, ვირუსის აფეთქების მომენტიდან დღემდე მსოფლიოში კორონავირუსით ინფიცირების 17 889 134 შემთხვევაა გამოვლენილი, საიდანაც 686 145 კაცი გარდაიცვალა.

 

0
თემები:
COVID-19-ის პანდემია მსოფლიოში