პეტრას ციხე

2020 წლისთვის პეტრას ციხეს ტურისტებისთვის კეთილმოაწყობენ

88
(განახლებულია 15:08 06.09.2019)
ციხე, რომელიც ბიზანტიის იმპერატორმა იუსტინიანემ ააგო, მალე ახალი ტურისტული ატრაქცია გახდება.

თბილისი, 6 სექტემბერი — Sputnik. პეტრას ბიზანტიური ციხე, რომლის კარგად შენახული ნანგრევები ქობულეთის მუნიციპალიტეტის სოფელ ციხისძირის ტერიტორიაზე მდებარეობს, მალე ტურისტული ობიექტი გახდება, რომელიც ყველა საერთაშორისო სტანდარტს დააკმაყოფილებს, ნათქვამია აჭარის მთავრობის პრეს-სამსახურის მიერ გავრცელებულ განცხადებაში.

ციხე ბიზანტიის იმპერატორმა იუსტინიანემ ააგო. ხანგრძლივი ალყის შემდეგ კარგად გამაგრებული ქალაქი სპარსელებმა ჩაიგდეს ხელში. სპარსელებმა ომი წააგეს, მაგრამ, მიუხედავად ამისა, ბიზანტიელებმა ციხე დაანგრიეს.

ინფრასტრუქტურის კეთილმოწყობის შედეგად ციხის ტერიტორიაზე მოეწყობა შშმ პირებზე ადაპტირებული ბილიკები, გაჩნდება ვიზიტორთა ცენტრი, კაფე, საექსპოზიციო სივრცე და ავტოსადგომი.

„უახლოეს დღეებში პეტრას ციხეზე ჩვენ ვიწყებთ მსხვილმასშტაბიან ინფრასტრუქტურულ პროექტს. მოწესრიგდება ინფრასტრუქტურა, რაც მაქსიმალურად იქნება ადაპტირებული ტურისტებზე. გაჩნდება ახალი სივრცეები. პროექტის დასრულების შემდეგ მივიღებთ კულტურული მემკვიდრეობის ძეგლს, რომელიც იქნება ახალი საერთაშორისო სტანდარტის შესაბამისი ტურისტული ობიექტი", – განაცხადა აჭარის მთავრობის მეთაურმა თორნიკე რიჟვაძემ.

სამუშაოები, სავარაუდოდ, 2020 წელს დასრულდება. პროექტის ბიუჯეტი 1 750 ათასი ლარია.

პეტრა — ეგრისის სამეფოს ისტორიული ციხე-სიმაგრეა. აღნიშნული ტერიტორია, რომელსაც გააჩნდა უნიკალური სამხედრო-სტრატეგიული და სავაჭრო-ეკონომიკური მდებარეობა, ისტორიულად ლაზების დასახლებას წარმოადგენდა.

88
თემები:
ქართული კულტურული მემკვიდრეობის ძეგლები (56)
ამირან გამყრელიძე

სვანეთში ჩატარებული 600 ტესტის შედეგი ცნობილია - რამდენს გამოუვლინდა ინფექცია

40
ეპიდემიოლოგები აგრძელებენ მაღალმთიანი რეგიონის მოსახლეობის აქტიურ კვლევას, რათა ვირუსის შემდგომი გავრცელება აღკვეთონ

თბილისი, 12 აგვისტო — Sputnik. სვანეთში სამშაბათს აღებული ტესტების ნაწილის შედეგები ცნობილია - 600 შემთხვევიდან Covid-19 დაუდასტურდა მხოლოდ ერთ პირს, რომელიც მესტიის მუნიციპალიტეტის სოფელ ლენჯერში ცხოვრობს, განაცხადა დაავადებათა კონტროლის ცენტრის ხელმძღვანელმა ამირან გამყრელიძემ.

სვანეთიდან 900-ზე მეტი ადამიანი საკარანტინო სივრცეებშია დაბინავებული >>

მისი თქმით, დილიდან მესტიის მუნიციპალიტეტის 16 დასახლებულ პუნქტში ეპიდემიოლოგების 16 ჯგუფი მუშაობდა, აქედან ორი - უშგულში. კონცენტრირებული მუშაობა მიმდინარეობს მესტიაში და რამდენიმე სოფელში.

„დღეს დასრულდა 600 ნიმუშის ტესტირება და იქიდან მხოლოდ ერთი დადებითია. ისიც უკავშირდება ლენჯერის კლასტერს. ჯერჯერობით, ვიდრე დარჩენილი კიდევ 300 ნიმუშის პასუხი იქნება, შეგვიძლია, ვთქვათ რომ ინფექცია ძირითადად კონცენტრირებულია ამ თემის ერთ-ერთ დასახლებაში. ამიტომ, იმ დასახლებაში მკაცრი საკარანტინო ზომები ტარდება, შესვლა-გამოსვლა სრულად აკრძალულია“, - განაცხადა გამყრელიძემ.

მისი თქმით, რამდენიმე საათში სამშაბათს აღებული ტესტებიდან დარჩენილი 300 ტესტის პასუხიც იქნება ცნობილი, შემდგომ - დღეს აღებული 800 ტესტის პასუხები. ამის შემდეგ კი ცხადი გახდება ეპიდსიტუაცია მუნიციპალიტეტში.

გამყრელიძემ ასევე განაცხადა, რომ დღეს მესტიის საავადმყოფოში გაიგზავნა სწრაფი ტესტირების აპარატი, რომელიც პასუხს იძლევა 45 წუთში, მაგრამ მისი გამტარუნარიანობა ისეთი მაღალი არაა, როგორც კლასიკურ PCR-ტესტს, ეს აპარატი ერთ ჯერზე მხოლოდ 4 ნიმუშის ტესტს აკეთებს. ამიტომ ამ აპარატზე გაკეთდება მხოლოდ იმ ნიმუშების ტესტები, რომლებიც სწრაფ დიაგნოსტიკას მოითხოვს.

დაავადებათა კონტროლის ცენტრი სვანეთში 4 ათასამდე მცხოვრების ტესტირებას გეგმავს, შემდეგ კი სამოქმედო გეგმა დაისახება.

მესტიის მუნიციპალიტეტში, სადაც 10 აგვისტოდან საკარანტინე შეზღუდვები მოქმედებს, მოსახლეობის ფართომასშტაბიანი ტესტირება კორონავირუსზე მიმდინარეობს.

მესტიის მოსახლეობა 2018 წლის 1 იანვრისთვის 9 511 ადამიანს შეადგენს. მუნიციპალიტეტში 132 დასახლებული პუნქტია, მათ შორის ქალაქის ტიპის ერთი დასახლება - მესტია.

40
თემები:
COVID-19 საქართველოში
გიორგი გახარია

გახარია: არჩევნების ან სწავლის დაწყების თარიღების გადატანის საფუძველი არ არსებობს

105
გიორგი გახარია მიიჩნევს, რომ ეპიდემიოლოგიური სიტუაცია ქვეყანაში, ბოლო დროს მისი უმნიშვნელო გაუარესების მიუხედავად, იმდენად საგანგაშო არ არის, რომ სწავლის დაწყების ან არჩევნების თარიღები გადაიწიოს

თბილისი, 12 აგვისტო – Sputnik. საქართველოს პრემიერ-მინისტრი გიორგი გახარია საპარლამენტო არჩევნების და სკოლებში სასწავლო პროცესის გადატანის ვერანაირ საფუძველს ვერ ხედავს.

საზოგადოება მიიჩნევს, რომ კორონავირუსის პანდემიას ზეგავლენის მოხდენა გარკვეულ პროცესებზე შეუძლია, მათ შორის 31 ოქტომბრისთვის დანიშნულ საპარლამენტო არჩევნების ჩატარებაზე და 15 სექტემბერს სასწავლო პროცესის დაწყებაზე.

„დღეის მდგომარეობით, არანირი პირობა, რომ სწავლა გადაიდოს და 15 სექტემბრიდან ბავშვებმა საკლასო ოთახებში არ დაიწყონ განათლების მიღება, არ არსებობს. დღეს ასეთი მოცემულობა არ არსებობს. ასევე, არ არსებობს არანირი საფუძველი არჩევნების ჩატარების თარიღის ცვლილებაზე სასაუბროდ“, – განუცხადა პრემიერმა ჟურნალისტებს.

ამ შეშფოთებას თავისი მიზეზი აქვს - ჯერ სვანეთში, შემდეგ ყაზბეგში კორონავირუსის აფეთქება. COVID-19-ის შესაძლო მეორე ტალღის შესახებ ქართველი ეპიდემიოლოგებიც საუბრობენ.

ბოლო მონაცემებით, ინფიცირებულთა საერთო რაოდენობა შეადგენს 1 278-ს, აქედან გამოჯანმრთელდა 1 258, ხოლო 17 გარდაიცვალა.

105
თემები:
COVID-19 საქართველოში