ფორსაჟის რეჟისორმა ცხოველთა თავშესაფარი დაათვალიერა

„ფორსაჟის" ექშნ-სცენების რეჟისორმა თბილისში ცხოველთა თავშესაფარი მოინახულა

114
(განახლებულია 19:54 03.09.2019)
გადაღების ადგილებს ცხოველები მოაშორეს, პროცესის დასრულების შემდეგ კი მათ ჩვეულ გარემოში დააბრუნებენ.

თბილისი, 3 სექტემბერი — Sputnik. ყოფილმა კასკადიორმა, ამჟამად მძაფრსიუჟეტიანი ჰოლივუდური ფილმი „ფორსაჟი 9"-ის ექშნ-სცენების რეჟისორმა გადამღები ჯგუფის რამდენიმე წევრთან ერთად თბილისში არსებული ცხოველების მუნიციპალური თავშესაფარი დაათვალიერა.

მსახიობმა სპირო რაზატოსიმ (Spiro Razatos), რომელიც ასევე იყო „ფორსაჟი 8"-ის რეჟისორის დამხმარე, თავშესაფარში ძაღლები მოინახულა, რომლებიც მათი უსაფრთხოების მიზნით კინოლოკაციის ტერიტორიაზე შეკრიბეს და დროებით თავშესაფარში მოათავსეს.

Режиссер экшн сцен Форсажа навестил приют для животных в Тбилиси
"ფორსაჟის" რეჟისორმა ცხოველთა თავშესაფარი მოინახულა

გადაღებების პროცესის დასრულების შემდეგ ცხოველებს ჩვეულ გარემოში დააბრუნებენ.

როგორც ცხოველთა მონიტორინგის სააგენტო აცხადებს, სტუმრები თავშესაფრის მუშაობის სპეციფიკას გაეცნენ. სააგენტოს დირექტორმა ვახტანგ ლომჯარიამ კი მათ საქართველოში მიუსაფარი ცხოველების პოპულაციის მართვის პოლიტიკა გააცნო და ცხოველების კეთილდღეობისათვის განხორციელებული პროექტების შესახებ უამბო.

გარდა ამისა, სპირო რაზატოსიმ ცხოველებისთვის საკვები და სათამაშოები მიიტანა.

Режиссер экшн сцен Форсажа навестил приют для животных в Тбилиси
"ფორსაჟის" რეჟისორმა ცხოველთა თავშესაფარი მოინახულა

საქართველოში ცნობილი ფრენჩაიზის გადაღებები საქართველოს ეკონომიკისა და მდგრადი განვითარების სამინისტროს პროგრამის „აწარმოე საქართველოში" პროექტის „გადაიღე საქართველოში" ფარგლებში ხორციელდება.

როგორც ცნობილია, ამერიკული ბლოკბასტერი „ფორსაჟი 9"-ის გადაღებები (Fast and Furious) სახელმწიფო ბიუჯეტს 32 მლნ ლარით შეავსებს. თანხაში შედის ტექნიკის, შენობების იჯარა და დასაქმებული პერსონალის ანაზღაურება.

114
ვაკის პარკი

მშობლების საყურადღებოდ! დარეგისტრირდით და მიიღეთ 200–ლარიანი დახმარება

9
(განახლებულია 10:31 15.08.2020)
ერთჯერადი ფინანსური დახმარების მისაღებად მშობლებმა ონლაინ–რეგისტრაცია მიმდინარე წლის 1 დეკემბრამდე უნდა გაიარონ

თბილისი, 15 აგვისტო  — Sputnik. საქართველოში 17 წლის ჩათვლით ბავშვებისთვის 200-ლარიანი დახმარების მისაღებად მშობლები სპეციალურ პორტალზე რეგისტრაციის გავლას 15 აგვისტოდან შეძლებენ. 

საქართველოს პრემიერ-მინისტრმა გიორგი გახარიამ 6 აგვისტოს მთავრობის სხდომაზე მოსახლეობის დახმარების ახალი ეტაპის დაწყების შესახებ განაცხადა, რომლის ფარგლებშიც 18 წელს ქვემოთ ასაკის ყველა მოზარდი სახელმწიფოსგან 200 ლარის ფარგლებში ერთჯერად დახმარებას მიიღებს. ფულად დახმარებას ბავშვის მშობლები ან მათი კანონიერი წარმომადგენლები შეძლებენ.

მიმდინარე წლის 1 დეკემბრამდე ერთჯერადი დახმარების მისაღებად აუცილებელია დარეგისტრირება პორტალზე  daxmareba.moh.gov.ge.

მშობელმა ელექტრონულ პორტალზე შემდეგი სახის ინფორმაცია უნდა განათავსოს:

1. ბავშვის სახელი, გვარი, დაბადების თარიღი, პირადი ნომერი

2. მშობლის/კანონიერი წარმომადგენლის სახელი, გვარი, პირადი ნომერი

3. მშობლის/კანონიერი წარმომადგენლის სახელზე კომერციულ საბანკო დაწესებულებაში გახსნილი საბანკო ანგარიშის რეკვიზიტები (ბანკის ანგარიშის ნომერი)

4. საკონტაქტო მობილური, რომელზეც მოკლე ტექსტური შეტყობინებები გაიგზავნება.

თუ მშობელი ელექტრონულ პორტალზე რეგისტრაციის გავლას ვერ ახერხებს, მან უნდა მიმართოს სოციალური მომსახურების სააგენტოს ნებისმიერ ტერიტორიულ ერთეულს; საქართველოს რეგიონული განვითარებისა და ინფრასტრუქტურის სამინისტროს და ადგილობრივ თვითმმართველობებს; იუსტიციის სახლებსა და საზოგადოებრივ ცენტრებს ან „ლიბერთი ბანკის“ ფილიალებს.

რეგისტრაციის გავლის შესაბამისი ინსტრუქცია ხელმისაწვდომია ჯანდაცვის სამინისტროს ვებგვერდზე www.moh.gov.ge.

9
თემები:
COVID-19 საქართველოში
ტესტი

კორონავირუსი საქართველოში: რამდენი შემთხვევა გამოვლინდა ბოლო დღე-ღამეში

16
(განახლებულია 10:46 15.08.2020)
გამოჯანმრთელდა 1088 ადამიანი, გარდაიცვალა – 17, კარანტინის რეჟიმში იმყოფება 7597, ხოლო სტაციონარებში ექიმების დაკვირვების ქვეშ 261 პაციენტია.

თბილისი, 15 აგვისტო — Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის გამოჯანმრთელებულია 1088 ადამიანი, გარდაცვლილია – 17, კარანტინის რეჟიმში იმყოფება 7597, ხოლო სტაციონარებში ექიმების დაკვირვების ქვეშ 261 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა. 

16
თემები:
COVID-19 საქართველოში