ახალგაზრდები რუსთაველის გამზირზე

საქართველოში ახალგაზრდობის სააგენტო იქმნება

124
(განახლებულია 20:56 30.08.2019)
ახალი უწყება შეიმუშავებს ქვეყნის ახალგაზრდული პოლიტიკის სტრატეგიას და მის რეალიზებას გაუწევს კოორდინაციას

 

თბილისი, 30 აგვისტო - Sputnik. ახალი უწყება - ახალგაზრდობის სააგენტო - საქართველოში მთავრობის დადგენილების საფუძველზე იქმნება, რომელიც საქართველოს საკანონმდებლო მაცნის ვებგვერდზე გამოქვეყნდა.

როგორც სააგენტოს წესდებაშია აღნიშნული, უწყების შექმნის მიზანია ახალგაზრდული პოლიტიკის სტრატეგიის შემუშავება, მისი განხორციელება და კოორდინაცია.

ამასთან, სააგენტოს ამოცანები იქნება ახალგაზრდობის განვითარებისთვის შესაბამისი გარემოს შექმნა, პოტენციალის რეალიზება და სხვადასხვა ცხოვრებისეულ ასპექტში მისი ჩართვა. 

გარდა ამისა, სააგენტო განავითარებს და მხარს დაუჭერს მოხალისეთა ინსტიტუტს, აქტუალურ საკითხებზე ინფორმირებულობის დონის ამაღლებას, სამოქალაქო უფლებების შესახებ გადაწყვეტილებების მიღებაში ახალგაზრდობის მონაწილეობას.

უწყება დაკავებული იქნება ასევე უცხოეთში არაფორმალური და ფორმალური  განათლების განვითარებით, ახალგაზრდული ეკონომიკის გაძლიერებით, ახალგაზრდებისთვის ხელსაყრელი ეკონომიკური სისტემის შექმნით, მათი ინიციატივების მხარდაჭერით, ახალგაზრდების დასაქმების ხელშეწყობით.

ახალი უწყება ანგარიშვალდებული იქნება მთავრობის წინაშე, მის ხელმძღვანელს კი საქართველოს პრემიერ-მინისტრი დანიშნავს.

სააგენტოს უფლებამოსილება იქნება ასევე ახალგაზრდული პოლიტიკის ჩამოყალიბება და მის განხორციელებაში მონაწილეობა, მთავრობის დახმარება ახალგაზრდობასთან დაკავშირებული სამოქმედო გეგმის შემუშავებაში.

სააგენტო შექმნის პროგრამებსა და რეკომენდაციებს ჯანსაღი ცხოვრების წესის დანერგვის შესახებ და ხელს შეუწყობს პროფილური კლუბებისა და სტუდიების ჩამოყალიბებას არაფორმალური ინფორმაციის წასახალისებლად.

გარდა ამისა, ახალგაზრდობის სააგენტოს კომპეტენცია იქნება საზოგადოებრივი ორგანიზაციების, სტუდენტური თვითმმართველობების, ახალგაზრდული არასამთავრობო ორგანიზაციების დახმარება, ახალგაზრდობისთვის სერვისების შემუშავება.

124
თემები:
საქართველოს მთავრობა (71)
ლიკუნა ხაჭაპურიძე

ნახეთ რომელი ცნობილი ადვოკატის შვილია მოდელი ლიკუნა ხაჭაპურიძე ფოტოები

1551
(განახლებულია 18:24 08.08.2020)
მოდელ ლიკუნა ხაჭაპურიძეზე საქართველოში ერთ-ერთი ყველაზე მაღალი მოთხოვნაა. გოგონა განსაკუთრებით პოპულარული მას შემდეგ გახდა, რაც მისი და სერიალ „გაქცევის“ ვარსკვლავ დომენიკ პარსელის რომანტიკულ ურთიერთობაზე გახდა ცნობილი.

ქართველი მოდელი ლიკუნა ხაჭაპურიძე სამოდელო კარიერაში მისმა მეგობარმა და სტილისტმა არტურ ავაკოვმა აღმოაჩინა. დღეისათვის ის ერთ-ერთი წარმატებული მოდელია.

შარშან სერიალ „გაქცევის“ ვარსკვლავი დომენიკ პარსელი საქართველოში იმყოფებოდა. გავრცელდა ინფორმაცია, რომ ის აქ გადასაღებად ჩამოვიდა, სინამდვილეში კი თავის მეგობარს, ქართველ მოდელს ლიკუნა ხაჭაპურიძეს სტუმრობდა და მას გადაღებებზე გაჰყვა, რის შედეგადაც ფოტოობიექტივშიც აღმოჩნდა.

როგორც ლიკუნა ერთ-ერთ ინტერვიუში ამბობდა, დომენიკ პარსელს ხუთი წლის წინ „ინსტაგრამზე“ მისწერა და მას შემდეგ მეგობრობენ. თავად მსახიობმა გადაწყვიტა ჩამოსულიყო და ლიკუნა პირადად გაეცნო. როგორც ლიკუნა ამბობს, დომენიკი ყველას ეუბნებოდა, რომ მას ქართველი მოდელის ცოლად შერთვა სურს, თუმცა ლიკუნამ მეგობრობა არჩია, მიზეზი კი 26-წლიანი ასაკობრივი სხვაობა აღმოჩნდა. „აქ რომ იყო, 49 წლის გახდა, მე – 23-ის. ჰოროსკოპით ორივე მერწყულები ვართ და ერთმანეთს ვგავართ, მაგრამ, ალბათ ეგეც ასაკის ბრალია, ცოტა სიგიჟეები აკლდა“, – ამბობდა მოდელი.

მოდელი შეყვარებულია. ბოლო დროს ხშირად აქვეყნებს ერთობლივ ფოტოებს და განსაკუთრებით Instagram-ის „სთორებში“ აქტიურობს, სადაც საყვარელ ადამიანს სიყვარულს უხსნის. მოდელის რჩეული ქართველი სანდრო ჭანტურიაა. წყვილმა ცოტა ხნის წინ ერთად ყოფნის ერთი წლის იუბილე აღნიშნა.

მოდელს მშობლებზე მასმედიასთან არასდროს უსაუბრია, თუმცა ერთ-ერთ ინტერვიუში აღნიშნა, რომ ძალიან ტრადიციული და მკაცრი ოჯახი აქვს და ცდილობს ყველაფერი გაითვალისწინოს, მაგრამ მთლად არ გამოსდის. ლიკუნას მამა ცნობილი ადვოკატი შალვა ხაჭაპურიძეა. ის არაერთი გახმაურებული საქმის ადვოკატი იყო და ბიზნესმენ ბადრი პატარკაციშვილთან დაახლოებული პირიც. თუ ფოტოებით ვიმსჯელებთ, ლიკუნა დედას – დიანა ხოფერიას უფრო ჰგავს.

1551
თემები:
სელებრითების ცხოვრება
პოლიცია

თამარ ბაჩალიაშვილის ძმა: არ დავუშვებ მამაჩემის ღირსება შელახონ

386
(განახლებულია 16:30 08.08.2020)
გუშინ მედიაში გავრცელდა  ინფორმაცია, რომ 2012 წელს  თამარ ბაჩალიაშვილმა ოჯახში ძალადობის თაობაზე მამის წინააღმდეგ პოლიციაში ჩვენება მისცა.

 

თბილისი, 8 აგვისტო - Sputnik. არ დავუშვებ მამაჩემისა და ჩემი ოჯახის ღირსება შელახონ,  განაცხადა ჟურნალისტებთან გარდაცვლილი თამარ ბაჩალიაშვილის ძმამ გიორგი ბაჩალიაშვილმა.

გუშინ მედიაში გავრცელდა  ინფორმაცია, რომ 2012 წელს  თამარ ბაჩალიაშვილმა ოჯახში ძალადობის თაობაზე მამის წინააღმდეგ პოლიციაში ჩვენება მისცა.  მის ჩვენებაში  დეტალურად არის მოთხრობილი იმის შესახებ, თუ როგორ ძალადობდა მამამისი ჯუმბერ ბაჩალიაშვილი ფიზიკურად დედაზე, თეონა თამაზაშვილზე. ამ ფაქტის გამო ჯუმბერ ბაჩალიაშვილს შემაკავებელი ორდერი გამოუწერეს, შემდეგ კი ოჯახური ძალადობისთვის ბრალი წარუდგინეს. თუმცა, მამაკაცი გირაოს სანაცვლოდ გათავისუფლდა. 

როგორც  გიორგი ბაჩალიაშვილმა განაცხადა, მან  გადაწყვიტა, ეპასუხა იმ ადამიანებისთვის, რომლებიც მისი ოჯახის ღირსების შელახვით არიან დაკავებული.

„არ დავუშვებ, რომ მამაჩემის ღირსება შელახონ. ბევრი ჭორი გავრცელდა მასზე, როგორც მოძალადე კაცზე. ჩემს დასთან ერთად 21 წელი ვიზრდებოდი. არც მე და არც თამარს მამაჩემისგან ყურადღება არ მოგვკლებია, არც დედაჩემისგან. ვინც დაკავებულია კლავიატურის კაკუნით, მობრძანდეს ჩემს სახლთან, დამიკაკუნოს და გავცემ სათანადო პასუხს“,- განაცხადა თამარ ბაჩალიაშვილის ძმამ ტელეკომპანია Imedi–ის ეთერზე.

თავად გარდაცვლილი გოგონას მამა ამტკიცებს, რომ ინციდენტს, რომელიც მრავალი წლის წინ მოხდა, გოგონას ფსიქოლოგიურ მდგომარეობაზე გავლენა არ მოუხდენია.

მასმედიის ცნობით, არსებობს 2012 წლის სამედიცინო დასკვნაც, რომელშიც საუბარია გოგონას მძიმე ფსიქოლოგიური მდგომარეობის შესახებ. დოკუმენტი  მამის წინააღმდეგ გამოძიებისთვის მიცემული ჩვენებიდან ერთი თვის შემდეგ არის შედგენილი.

23 წლის თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს (ის პროგრამისტი იყო) და წინასწარი ვერსიის – თვითმკვლელობის არ სჯერა. 

ბაჩალიაშვილის საქმის გამოძიება ორი მუხლით მიმდინარეობს – „თავისუფლების უკანონო აღკვეთა“ და „თვითმკვლელობამდე მიყვანა“.

386
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

0
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0