მაკო გომური

„შრამი რომ არა, ვერც კი გაარჩევდით“ მაკო გომურს ხელოვნური თვალი ჩაუსვეს

2068
(განახლებულია 14:05 30.08.2019)
20 ივნისს მაკო გომური სამსახურის შემდეგ ღამით სახლში ბრუნდებოდა, როდესაც პარლამენტის შენობის წინ აქციის დარბევის დროს პოლიციელების ნასროლი ტყვია თვალში მოხვდა.

18 წლის მაკო გომურმა, რომელმაც 20 ივნისს პარლამენტთან აქციის დაშლის დროს თვალში მოხვედრილი რეზინის ტყვიის გამო თვალი დაკარგა, გერმანიაში ოპერაცია გაიკეთა და ხელოვნური თვალი ჩაისვა. ფოტოს თავად მაკო სოციალურ ქსელში აქვეყნებს.

20 ივნისს მაკო გომური სამსახურის შემდეგ ღამით სახლში ბრუნდებოდა, როდესაც პარლამენტის შენობის წინ აქციის დარბევის დროს პოლიციელების ნასროლი ტყვია თვალში მოხვდა. გოგონას ექიმებმა თვალი ვერ შეუნარჩუნეს.
იმ საღამოს პარლამენტთან აქციის დროს მომიტინგეების ნაწილმა შენობაში შეჭრა სცადა. სპეცრაზმმა აქციის დაშლა დაიწყო და რამდენჯერმე გამოიყენა ცრემლმდენი გაზი, წყლის ჭავლი და რეზინის ტყვიები. შედეგად საავადმყოფოში გადაიყვანეს 240 ადამიანი, მათგან 80 სამართალდამცველი, 30-ზე მეტი ჟურნალისტი.
2068
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
შადრევანი ქუთაისის ცენტრალურ მოედანზე

ქუთაისში ხმაურის და ფოიერვერკების მოყვარულებს დააჯარიმებენ

26
მოთხოვნები არ ვრცელდება სამუშაო ადგილებზე და მათთან დაკავშირებულ ხმაურზე, ასევე საავიაციო, სარკინიგზო, საზღვაო და საავტომობილო ინფრასტრუქტურაზე

თბილისი, 31 მაისი - Sputnik. ქუთაისის მუნიციპალიტეტში ღამის საათებში პიროტექნიკის გამოყენება აიკრძალება, ხოლო ხმაურის დასაშვები ნორმების გადაჭარბება გაკონტროლდება, შესაბამისი დადგენილება მუნიციპალიტეტის საკრებულომ მიიღო.

დოკუმენტი მუნიციპალიტეტის ტერიტორიაზე აკუსტიკური ხმაურის დასაშვები ნორმების გადამეტებასთან და ღამის საათებში პიროტექნიკური ნაკეთობების გამოყენებასთან დაკავშირებულ ადმინისტრაციულ სამართალდარღვევებზე რეაგირების წესებსა და გაფრთხილების ფორმებს განსაზღვრავს.

ღამის საათებში იგულისხმება დრო 23:00 საათიდან 08:00 საათამდე.

დადგენილების თანახმად, გამონაკლისი დაიშვება ახალი წლის სადღესასწაულო დღეებზე (31 დეკემბრის 21:00 საათიდან 2 იანვრის 23:00 საათამდე და 13 იანვრის 21:00 საათიდან 14 იანვრის 23:00 საათამდე), საქართველოს სახელმწიფოებრივი დამოუკიდებლობის აღდგენის აქტის მიღების დღესა (9 აპრილი) და საქართველოს დამოუკიდებლობის დღეზე (26 მაისი).

გარდა ამისა, აკუსტიკური ხმაურის დასაშვები ნორმები გაკონტროლდება.

ამ წესის მოთხოვნები არ ვრცელდება სამუშაო ადგილებზე და სამუშაო გარემოში წარმოქმნილ ხმაურზე, საავიაციო, სარკინიგზო, საზღვაო და საავტომობილო ინფრასტრუქტურაზე, დღის საათებში მიმდინარე სამშენებლო და სარემონტო სამუშაოებზე, ადგილობრივი თვითმმართველობის ორგანოსთან შეთანხმებულ დასვენების, კულტურისა და სპორტის საჯარო ღონისძიებებზე, საღმრთო მსახურების ჩატარებაზე, სხვადასხვა რელიგიური წეს-ჩვეულებებისა და ცერემონიების დროს განხორციელებულ აქტივობებზე.

უცხოურ თვითმფრინავებს საქართველოს აეროპორტებში, შესაძლოა, ხმაური აეკრძალოთ >>

ადმინისტრაციულ სამართალდარღვევაზე რეაგირებას უზრუნველყოფს ზედამხედველობის სამსახური, რომელიც გასცემს გაფრთხილებებს და გამოწერს ჯარიმებს. დამრღვევი ჯარიმის გასაჩივრებას ქუთაისის მუნიციპალიტეტის მერთან შეძლებს. მერის მიერ მიღებული გადაწყვეტილება შესაძლებელია გასაჩივრდეს ქუთაისის საქალაქო სასამართლოში.

26
თემები:
საქართველოს რეგიონები
რუხის კლინიკა

ტრაილერის მძღოლის კლასტერიდან ორი არასრულწლოვანი გამოჯანმრთელდა

33
ზუგდიდის ინფექციურ საავადმყოფოში დღეს კორონავირუსზე ტესტი 78 ადამიანს ჩაუტარდა, არცერთ მათგანს კორონავირუსი არ აღმოაჩნდა.

თბილისი, 31 მაისი - Sputnik. რუხის მულტიპროფილურ კლინიკას 2 არასრულწლოვანი გამოჯანმრთელებული პაციენტი ჰყავს და ორივე მათგანი ე.წ. ტრაილერის მძღოლის კლასტერია. ამის შესახებ ინფორმაციას ზუგდიდის საზოგადოებრივი ჯანდაცვის ცენტრში ადასტურებენ.

ცენტრის ცნობით, ზუგდიდის ინფექციურ საავადმყოფოში დღეს 78 ნიმუში გაიტესტა, მათ შორის 13  პაციენტი, 42 სამედიცინო პერსონალი, 4 პირი, რომელიც თვითიზოლაციაში იმყოფება, ხოლო 19 - კარანტინში მყოფი. არცერთ მათგანს კორონავირუსი არ აღმოაჩნდა.

საქართველოში ამ დროისათვის კორონავირუსით ინფიცირების 783 დადასტურებული  შემთხვევაა. გამოჯანმრთელდა 605 ადამიანი, გარდაიცვალა – 12, კარანტინის რეჟიმში იმყოფება 3031, ხოლო სტაციონარებში დაკვირვების ქვეშ 262 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის. საქართველოში დღეს კორონავირუსის 26 ახალი შემთხვევა გამოვლინდა. ექსპერტები ვარაუდობენ, რომ ასეთი ნახტომისებური ზრდა მკაცრი შეზღუდვების მოხსნას უკავშირდება.

ნიკა ლატარია

33
თემები:
COVID-19 საქართველოში
ციხისძირში ახალი ტურისტული კომპლექსის მშენებლობა დაიწყო

ციხისძირში ახალი ტურისტული კომპლექსის მშენებლობა დაიწყო

0
პროექტში განხორციელებული ინვესტიციების მთლიანი მოცულობა 70 მილიონ ლარს შეადგენს. კომპლექსის მშენებლობაში ჩართული იქნება 200 ადამიანი.

თბილისი, 31 მაისი - Sputnik. ციხისძირში კომპლექს Bamboo Beach-ის მშენებლობა საქართველოს ტურიზმის ინდუსტრიაში ერთ-ერთი ყველაზე შესამჩნევი პროექტი გახდება, ამის შესახებ ეკონომიკის მინისტრმა ნათია თურნავამ განაცხადა.

მინისტრის თქმით, განსაკუთრებით მნიშვნელოვანია, რომ მშენებლობა დაიწყო იმ დროს, როდესაც ტურიზმის გლობალური ინდუსტრია სერიოზულ პრობლემებს გადააწყდა.

ეკონომიკის სამინისტროს განცხადებით, ნათია თურნავამ მიიღო მონაწილეობა სასტუმრო კომპლექსის მშენებლობაში, რომელიც 2021 წლისთვის უნდა დასრულდეს. პროექტი მოიცავს პრემიუმ-კლასის 521 აპარტამენტს და Marriott International-ის საერთაშორისო ბრენდ სასტუმრო Аloft -ის 119 სასტუმრო ნომერს მოიცავს.

როგორც თურნავამ აღნიშნა, პროექტში განხორციელებული ინვესტიციების მთლიანი მოცულობა 70 მილიონ ლარს შეადგენს. კომპლექსის მშენებლობაში ჩართული იქნება 200 ადამიანი. მისი თქმით, საერთაშორისო სასტუმრო ბრენდი Аloft წარმოდგენილია მსოფლიოს 25 ქვეყანაში, ახლა კი საქართველოშიც.

„ეს პროექტი სიმბოლურია, რადგან იწყება მაშინ, როდესაც ბევრ ქვეყანაში სასტუმროები იხურება. ჩვენთვის ესაა იმის სიმბოლო, რომ მიუხედავად ყველა გამოწვევისა – პანდემიისა, გლობალური ეკონომიკური კრიზისისა და ა.შ., ჩვენი ტურიზმის ინდუსტრია არა თუ გადარჩება, არამედ იმაზე უფრო მეტად ძლიერი იქნება, ვიდრე აქამდე იყო“, - განაცხადა ეკონომიკის მინისტრმა.

მისი თქმით, განვლილ პერიოდში საქართველომ შეიძინა ახალი, უნიკალური კონკურენტული უპირატესობა. აქედან გამომდინარე, აბსოლუტურად სწორია, რომ დღეს ახალ სასტუმროებს საფუძველი ჩაეყარა.

ციხისძირში მდებარე კომპლექს Bamboo Beach-ის ინფრასტრუქტურა მოიცავს: ნავსადგომს, ღია და დახურულ საცურაო აუზებს, აკვაპარკს, ზიპლაინს, საბავშვო გასართობ მოედანს, სპა და ფიტნეს ცენტრს, საკონფერენციო დარბაზს, ღია და დახურულ ავტოსადგომებს, რესტორნებსა და ბარებს. კომპლექსი განთავსდება სანაპიროს პირველ ზოლში, რომელიც შემოფარგლულია ბამბუკის ტყით.

საზღვრები არ გაიხსნება: რას ნიშნავს ტურისტული სეზონის გახსნა საქართველოში >>

ციხისძირი - პატარა საკურორტო დასახლება შავი ზღვის სანაპიროზე. მდებარეობს ბათუმიდან 15 კილომეტრში და ქობულეთიდან 8 კილომეტრში. ციხისძირი ცნობილია იმითაც, რომ მის ტერიტორიაზე მდებარეობს უძველესი ბიზანტიური პეტრას ციხის ნანგრევები.

0
თემები:
ტურიზმი საქართველოში