ნანუკა ჟორჟოლიანი

ნანუკა ჟორჟოლიანის გადაცემა „მთავარ არხზე“ არ გავა რა გადაწყვეტილება მიიღო ტელეწამყვანმა

16048
(განახლებულია 16:22 29.08.2019)
ახალი ტელეკომპანია „მთავარი არხი“ მაუწყებლობას 9 სექტემბერს დაიწყებს.

თბილისი, 29 აგვისტო — Sputnik. ტელეწამყვანი ნანუკა ჟორჟოლიანი „ნანუკას შოუს“ აღარ წაიყვანს, მისი მომავალი გადაცემა სოციალური თემატიკის იქნება, განაცხადა თავად ნანუკა ჟორჟოლიანმა ნიკა გვარამიას „ფეისბუქ–Live“-ში.

როგორც ნანუკამ აღნიშნა, „მთავარ არხზე“, რომელიც მაუწყებლობას 9 სექტემბრიდან დაიწყებს, „ყვითელი“ გადაცემები აღარ იქნება.

„მექნება სოციალური გადაცემა და ვისაუბრებთ ადამიანების პრობლემებზე, და, რა თქმა, უნდა იქნება პირდაპირი ეთერი“, – აცხადებს ნანუკა ჟორჟოლიანი.

ახალი ტელეკომპანია „მთავარი არხი“ მაუწყებლობას 9 სექტემბერს დაიწყებს. „მთავარი არხი“ მაუწყებლობას „კომედი არხის“ სიხშირეზე ტელეკომპანია „იბერიას“ შენობიდან განახორციელებს. საღამოს საინფორმაციო გამოშვებას (21:00) ერქმევა „მთავარი“ და მას დიანა ჯოჯუა და პაატა იაკობაშვილი წაიყვანენ.

ბიზნესმენ ქიბარ ხალვაშის მიერ „რუსთავის 2“-ის გადაფორმებიდან ერთი თვის თავზე არხიდან გაათავისუფლეს საინფორმაციო სამსახურის უფროსი ნოდარ მელაძე, საზოგადოებრივი და პოლიტიკური თოქ-შოუს მთავარი პროდიუსერი გიორგი ლაფერაშვილი, პოლიტიკური გადაცემების წამყვანები გიორგი გაბუნია და ეკა კვესიტაძე, გასართობი გადაცემის ავტორი და წამყვანი ნანუკა ჟორჟოლიანი. ახალმა დირექტორმა პაატა სალიამ მათი გათავისუფლების მიზეზად „ინტერესთა კონფლიქტი" და „შიდა ომები" დაასახელა.

ამ გადაწყვეტილების შემდეგ ტელეკომპანია საინფორმაციო გადაცემა „კურიერის" ძირითადმა გუნდმა დატოვა. „რუსთავი 2“ ასევე დატოვეს რამდენიმე პროდიუსერმა, გადაცემების „შაბათის შუადღის“ და „კვირის სხვა შუადღის“ წამყვანებმა, გადაცემა „პოსტ-სკრიპტუმის“ გუნდმა და რეგიონულმა ჟურნალისტებმა.

ტელეკომპანია „რუსთავი 2"-ის მფლობელი ქიბარ ხალვაში არხზე საინფორმაციო მაუწყებლობის აღდგენას სექტემბრიდან ვარაუდობს.

1994 წელს დაფუძნებულმა ტელეკომპანია "რუსთავი 2"-მა არაერთხელ შეიცვალა მფლობელი. ხალვაშმა 2015 წელს სასამართლოში სარჩელი შეიტანა და განაცხადა, რომ წინა ხელისუფლებამ 2006 წელს მას ტელეკომპანია წაართვა. რამდენიმე წლის განმავლობაში ბიზნესმენმა საქმე სამივე ინსტანციის სასამართლოში მოიგო. ამის შემდეგ საქმის განხილვა გაგრძელდა ევროპის ადამიანის უფლებათა სასამართლოში, რომელმაც საქართველოს სასამართლოს საქმისწარმოებაში დარღვევები ვერ აღმოაჩინა.

ხალვაშმა ტელეკომპანია 18 ივლისს ევროპის ადამიანის უფლებათა სასამართლოს გადაწყვეტილების საფუძველზე დაიბრუნა. მალევე თანამდებობიდან გაათავისუფლა კომპანიის გენერალური დირექტორი ნიკა გვარამია, რომელიც, ხალვაშის აზრით, „რუსთავი 2"-ს მხოლოდ პოლიტიკურ ინსტრუმენტად იყენებდა.

16048
თემები:
დავა „რუსთავი 2"-ის ირგვლივ (194)
კორონავირუსზე შემოწმება გარდაბნის რაიონში

სოფელ ყარაჯალარში მკაცრი კარანტინი მოიხსნა

14
(განახლებულია 10:15 10.08.2020)
სოფელში 17–დღიანი მკაცრი კარანტინის შემდეგ მოიხსნა ბლოკპოსტები და დღეიდან მოსახლეობას თავისუფლად გადაადგილება შეუძლია

თბილისი, 10 აგვისტო - Sputnik. გარდაბნის მუნიციპალიტეტის სოფელ ყარაჯალარი გუშინ გვიან ღამით გაიხსნა – მთავრობამ ყველა შეზღუდვა მოხსნა.

როგორც Rustavi 2 იუწყება, სოფელში მოსახლეობის რამდენიმედღიანი გაფართოებული ტესტირება დასრულდა. მუნიციპალიტეტის მერის რამაზ ბუდაღაშვილის ინფორმაციით, PCR–ტესტირება ჩაუტარდა 1500–მდე ადამიანს. ტესტი დადებითი მხოლოდ ორ შემთხვევაში აღმოჩნდა. დღეს კიდევ 120 ნიმუშის შედეგებს ელოდებიან.

დღესდღეობით გარდაბნის მუნიციპალიტეტში კორონავირუსის 71 დადასტურებული შემთხვევა ფიქსირდება და აქედან 42 სოფელ ყარაჯალარშია.

გამოჯანმრთელდა 10 ადამიანი.

ვირუსის გავრცელების აღსაკვეთად ყარაჯალარში მკაცრი კარანტინის რეჟიმი 24 ივლისს გამოცხადდა.

ბოლო მონაცემებით, საქართველოში ამჟამად კორონავირუსით ინფიცირებული 1250 ადამიანია. ბოლო დღე–ღამეში ნახტომისებრი ზრდა დაფიქსირდა – გამოვლინდა 25 ახალი შემთხვევა.

გამოჯანმრთელდა 1010 ადამიანი, გარდაიცვალა – 17.

14
თემები:
COVID-19 საქართველოში
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 10 აგვისტოს

72
(განახლებულია 12:46 09.08.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 10 აგვისტო — Sputnik. სააქციო საზოგადოება „თელასი" იუწყება, რომ 7 აგვისტოს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ნაძალადევის რაიონი

10:30 საათიდან 18:00 საათამდე შეზღუდვა შეეხება: ზღვისუბნის დასახლების X, Xა, Xბ კვარტლების, თემქის დასახლების IV, X, Xა, Xბ კვარტლების, გურამიშვილის გამზირის, ცოტნე დადიანის, ჭყონდიდელის, მექანიზაციის, თორნიკე ერისთავის და ხევძმარის ქუჩების მოსახლეობას.

დიდუბის რაიონი

10:00 საათიდან 18:00 საათამდე შეზღუდვა შეეხება: დიღმის მასივის I, III, IV, V კვარტლების, აკაკი ბელიაშვილის და მიქელაძის ქუჩების მოსახლეობას.

ისნის რაიონი

10:30 საათიდან 18:00 საათამდე შეზღუდვა შეეხება: ბერი გაბრიელ სალოსის გამზირის, ვაზისუბნის I მიკორრაიონის, ვაზისუბნის დასახლების, მხატვრების დასახლების, შანდორ პეტეფის, ხელოვანთა, შალვა მშველიძის და ნიკო მუსხელიშვილის ქუჩების მოსახლეობას.

გლდანის რაიონი

10:00 საათიდან 18:00 საათამდე შეზღუდვა შეეხება: მუხიანის II, IVბ მიკრორაიონების (ნაწილობრივ) მოსახლეობას.

11:00 საათიდან 14:00 საათამდე შეზღუდვა შეეხება: მუხიანის III, IVა მიკრორაიონების 

მოსახლეობას.

11:00 საათიდან 13:00 საათამდე შეზღუდვა შეეხება: სოფელი გლდანის, გლდანის მასივის III, IIIა, V მიკრორაიონების, ქერჩის, ხევისპირის, წყაროთუბნის, დავით ჯაბიძის, ფარსმან II ქველის, მარინა ტაბატაძის, გრაფ შულენბურგის და მწვანე ქუჩების მოსახლეობას.

14:00 საათიდან 17:00 საათამდე შეზღუდვა შეეხება: თიანეთის გზატკეცილის, გლდანის ხევის დასახლების, საბაშვილის, მიქატაძის და კანდელაკის ქუჩების მოსახლეობას.

ჩუღურეთის რაიონი

10:00 საათიდან 18:00 საათამდე შეზღუდვა შეეხება: ხეხილ-სანერგე მეურნეობის, ხუდადოვის, ანასტასია თუმანიშვილი-წერეთლის, რაულ ეშბას, ცაიშის, რეხის, გაბისკირიას, ალექსანდრე ყანჩელის და მახათას ქუჩების მოსახლეობას.

ვაკის რაიონი

10:00 საათიდან 12:00 საათამდე შეზღუდვა შეეხება: თაყაიშვილი ქუჩის მოსახლეობას.

11:00 საათიდან 18:00 საათამდე შეზღუდვა შეეხება: არაყიშვილის, ირაკლი აბაშიძის და ფალიაშვილის ქუჩების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: სოფელი დიღმის, დიდი დიღმის I მიკრორაიონის, ვეფხისტყაოსნის, თინათინის, პეტრე იბერის, მეფე მირიანის და გიორგი ბრწყინვალის ქუჩების მოსახლეობას.

11:00 საათიდან 17:00 საათამდე შეზღუდვა შეეხება: ვაჟა-ფშაველას გამზირის და პეტრე ქავთარაძის ქუჩის მოსახლეობას.

12:00 საათიდან 17:00 საათამდე შეზღუდვა შეეხება: ალექსიძის ქუჩის მოსახლეობას.

სამგორის რაიონი

10:00 საათიდან 18:00 საათამდე შეზღუდვა შეეხება: ნაკადულის ქუჩის მოსახლეობას.

14:00 საათიდან 16:00 საათამდე შეზღუდვა შეეხება: გარდაბნის გზატკეცილის, კახეთის გზატკეცილის და ემირ ბურჯანაძის ქუჩის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

72
თემები:
თბილისი დღეს