მამა და შვილი

რა შემთხვევაში ხდება მშობლის უფლების ჩამორთმევა და აღდგენა

287
(განახლებულია 15:25 28.08.2019)
მშობლებს შვილების მიმართ თანაბარი უფლება-მოვალეობები აქვთ, ხოლო ბავშვს აქვს უფლება ცხოვრობდეს და იზრდებოდეს ოჯახურ გარემოში.

სამოქალაქო კოდექსი მშობლებს არასრულწლოვანი შვილების მიმართ უამრავ უფლება-მოვალეობას აკისრებს. ისინი ვალდებული არიან იზრუნონ მათ ფიზიკურ, გონებრივ, სულიერ თუ სოციალურ განვითარებაზე და აღზარდონ საზოგადოების ღირსეულ წევრად. წინააღმდეგ შემთხვევაში, შესაძლოა, მას მშობლის უფლებაც კი ჩამოერთვას.

დღევანდელ სტატიაში აგიხსნით, რა შემთხვევაში ხდება მშობლის უფლების ჩამორთმევა და რა პროცედურები მიმდინარეობს სამართლებრივად. ასევე, რა სამართლებრივი შედეგები მოსდევს მშობლის უფლების ჩამორთმევას.

საქართველოს სამოქალაქო კოდექსი ითვალისწინებს მშობლის უფლებებისა და მოვალეობების შეზღუდვას, შეჩერებასა და ჩამორთმევას.

მშობლის უფლებებისა და მოვალეობების შეზღუდვა

გაითვალისწინეთ, მშობლის უფლებები და მოვალეობები შეიძლება შეიზღუდოს მხოლოდ სასამართლოს გადაწყვეტილებით. ამასთან, თუ ბავშვის ორივე მშობელს შეეზღუდა მშობლის უფლება ან მოვალეობა, ასეთი ბავშვის მიმართ დგინდება მეურვეობა და მზრუნველობა.

მშობლის ყველა სხვა უფლების შეზღუდვის დროს, რამდენადაც შესაძლებელია, მას უნარჩუნდება ბავშვის რჩენის ვალდებულება.  კანონმდებლობის თანახმად, აქ საალიმენტო მოვალეობები იგულისხმება.

მშობლის უფლებებისა და მოვალეობების შეჩერება

გაითვალისწინეთ, მშობლებს უჩერდებათ მშობლების უფლება – იყვნენ შვილის წარმომადგენლები სასამართლოზე, სადაც განიხილება ბავშვის აღზრდის და, განქორწინების შემთხვევაში, არასრულწლოვანი შვილის საცხოვრებელი ადგილის შესახებ საკითხები.

ასევე, თუ მშობლები თანახმა არიან გააშვილონ ბავშვი, მათი ყველა უფლება ჩერდება.

იმ შემთხვევაში, თუ ბავშვი ნაპოვნია და უცნობია მისი და მისი მშობლების ვინაობა და ადგილსამყოფელი, მშობლების უფლებები ჩერდება, ვიდრე მათ ვინაობას არ დაადგენენ.

მშობლის უფლებებისა და მოვალეობების ჩამორთმევა

მშობლის უფლებებისა და მოვალეობების ჩამორთმევა უკანასკნელი ზომაა, რის შესახებაც გადაწყვეტილება სასამართლოს გამოაქვს მეურვეობისა და მზრუნველობის ორგანოს, ან 14 წელს მიღწეული ბავშვის ინიციატივით.

მშობელს ყველა უფლება და მოვალეობა ჩამოერთმევა, თუ:

1. სისტემატურად თავს არიდებს მშობლის მოვალეობების შესრულებას;

2. არაჯეროვნად იყენებს მშობლის უფლებებს – ბავშვს უხეშად ექცევა, მასზე უარყოფით გავლენას ახდენს ამორალური საქციელით;

3. ქრონიკული ალკოჰოლიკი ან ნარკომანია;

4. ბავშვი ჩააბა ანტისაზოგადოებრივ ქმედებაში (მათ შორის მათხოვრობა, მაწანწალობა);

5. რომლის შვილიც მიტოვებულადაა აღიარებული.

გაითვალისწინეთ, მშობლის უფლებამოვალეობაჩამორთმეული პირი კარგავს ნათესაობაზე დამყარებულ ყველა უფლებას იმ შვილთან ურთიერთობაში, რომლის მიმართაც მას ჩამორთმეული აქვს მშობლის უფლება და მოვალეობა.

შვილი, რომლის მშობელსაც ჩამოერთვა მშობლის უფლება და მოვალეობა, ინარჩუნებს ამ მშობლის მიმართ ნათესაობიდან გამომდინარე ქონებრივ უფლებებს, მათ შორის მემკვიდრეობის მიღების უფლებას.

სამოქალაქო კოდექსის მიხედვით, ბავშვი, რომლის ორივე მშობელს ჩამოერთვა მშობლის უფლებები, უნდა იქნეს შვილად აყვანილი, ან მას უნდა დაენიშნოს მეურვე ან მზრუნველი. 

მშობლის უფლებებისა და მოვალეობების აღდგენა

კანონმდებლობა განიხილავს რამდენიმე შემთხვევას, როდესაც შესაძლებელი ხდება მშობლის უფლებებისა და მოვალეობების აღდგენა. აღდგენა შეიძლება მხოლოდ სასამართლო წესით, ბავშვის, ერთ-ერთი მშობლის ან მეურვეობისა და მზრუნველობის ორგანოს ინიციატივით.

მშობლის უფლებებისა და მოვალეობების აღდგენა შეიძლება მხოლოდ იმ შემთხვევაში, თუ:

1. აღმოჩნდება, რომ მშობლის უფლების შეზღუდვის ან ჩამორთმევის საფუძველი აღარ არსებობს;

2. პირისათვის მშობლის უფლებებისა და მოვალეობების აღდგენისას სასამართლო ითვალისწინებს ბავშვის სურვილსაც, თუ მას შეუსრულდა ათი წელი;

3. მშობლის უფლებები და მოვალეობები ავტომატურად აღდგება შეჩერების ვადის ამოწურვის შემდეგ.

გაითვალისწინეთ, თუ ბავშვი სხვამ იშვილა, მის მიმართ არ დაიშვება მშობლის უფლებებისა და მოვალეობების აღდგენა, გარდა იმ შემთხვევისა, თუ შვილად აყვანა ბათილად იქნა ცნობილი.

287
დაცარიელებული მცხეთა

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/26 მაისი

78187
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა

თბილისი, 26 მაისი - Sputnik. საგანგებო მდგომარეობის რეჟიმის მიხსნის შემდეგ კორონავირუსით ინფიცირებულთა რაოდენობის ზრდის თავიდან აცილების მიზნით, საქართველოს მთავრობამ შეზღუდვების და აკრძალვების ნაწილი ძალაში დატოვა. ეს შესაძლებელი გახდა პარლამენტის მიერ დამტკიცებული ცვლილებებით კანონში „საზოგადოებრივი ჯანმრთელობის შესახებ“. ახლა მთავრობას მიენიჭა უფლება შემოიღოს შეზღუდვები საგანგებო მდგომარეობის რეჟიმის მოხსნის შემდეგ.

ცვლილებები 15 ივლისამდე იმოქმედებს.

მთავარი მოქმედი შეზღუდვების ჩამონათვალი:

  • დაკეტილია რესტორნები, სასტუმროები, ფეხსაცმლისა და ტანსაცმლის მაღაზიები, სავაჭრო მოლები, სპორტდარბაზები;
  • რესტორნები მუშაობენ, მაგრამ მათი კერძების დაგემოვნება შესაძლებელია მხოლოდ გამოწერით, ფეხსაცმლისა და ტანსაცმლის მაღაზიებს ვაჭრობა ონლაინ შეუძლიათ;
  • ტაქსის მძღოლისთვის სავალდებულოა პირბადის ტარება, ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;

მთავრობის პრესსპიკერმა ირაკლი ჩიქოვანმა საქართველოს ყველა მოქალაქეს მოქმედი რეკომენდაციების დაცვისკენ მოუწოდა.

 

ტრანსპორტი

  • აკრძალულია საერთაშორისო სამგზავრო სახმელეთო და საზღვაო მიმოსვლა;
  • აკრძალულია პირდაპირი საერთაშორისო რეგულარული რეისები, ჩარტერულის გარდა, რომელიც ინიშნება მხოლოდ საქართველოს მოქალაქეთა დაბრუნების მიზნით;
  • აკრძალულია სარკინიგზო ტრანსპორტით მგზავრთა გადაყვანა;
  • აკრძალულია საქალაქთაშორისო და მუნიციპალიტეტების ტერიტორიაზე მგზავრთა გადაყვანა სამარშრუტო ტაქსებითა და ავტობუსებით;
  • აკრძალულია საზოგადოებრივი ტრანსპორტით, მათ შორის, მეტროპოლიტენითა და საბაგიროთი გადაადგილება.

საზოგადოებრივი ცხოვრება

  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;

ეკონომიკური საქმიანობა

  • აკრძალულია რესტორნებში, ბარებში, კაფეებსა და სასადილოებში მომხმარებლის ადგილზე კვების მომსახურება;
  • აკრძალულია ფეხსაცმლისა და ტანსაცმლის მაღაზიების მუშაობა;
  • აკრძალულია სავაჭრო ცენტრების და ბაზრობების მუშაობა, აგრარული ბაზრობების გარდა;
  • აკრძალულია სპორტული, კულტურული და გასართობი ღონისძიებების ორგანიზება და გამართვა;
  • აკრძალულია ვალუტის გადამცვლელი პუნქტების მუშაობა;
  • აკრძალულია სპორტულ-გამაჯანსაღებელი აქტივობები და პროცედურები.

ამ მომენტისათვის ინფიცირებულთა რაოდენობა 731 ადამიანს შეადგენს, აქედან 526გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათაშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3076, სტაციონარებში მეთვალყურეობის ქვეშ კი 300 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კომენდანტის საათის და კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
78187
თემები:
COVID-19 საქართველოში
ეკატერინე ტიკარაძე

ტიკარაძე: ქვეყანაში ეპიდსიტუაცია ეკონომიკური საქმიანობის დაწყების საშუალებას იძლევა

81
(განახლებულია 21:49 25.05.2020)
ჯანდაცვის მინისტრი მიიჩნევს, რომ ქვეყანაში არსებული სიტუაცია ეკონომიკური საქმიანობის თანდათანობით გაფართოების საშუალებას იძლევა

თბილისი, 25 მაისი – Sputnik. საქართველოში ეპიდემიოლოგიური სიტუაცია იძლევა იმის საშუალებას, რომ დაიწყოს ეკონომიკური საქმიანობა და თანდათან ის უფრო მასშტაბური გახდეს, განაცხადა ჯანდაცვის მინისტრმა ეკატერინე ტიკარაძემ.

ჯანდაცვის მინისტრი: საქართველო ერთ-ერთი პირველი მიიღებს ვაქცინას >>

„დღევანდელი ეპიდსიტუაცია საქართველოში არის დამაკმაყოფილებელი, რაც გულისხმობს იმას, რომ ინფექციის გავრცელების კოეფიციენტი არის 0,59%. ეს გვაძლევს იმის საშუალებას, რომ ნელ-ნელა დავიწყოთ ეკონომიკური აქტივობები და უფრო მასშტაბური გავხადოთ ის“, – აღნიშნა ჯანდაცვის მინისტრმა.

ეპიდსიტუაციის გაუმჯობესებასთან დაკავშირებით, ქვეყანაში საგანგებო მდგომარეობის რეჟიმი და ზოგიერთი შეზღუდვა მოიხსნა.

ამ დროისათვის კორონავირუსით ინფიცირების 731 შემთხვევაა გამოვლენილი. გამოჯანმრთელდა 526 ადამიანი, გარდაიცვალა 12.

სამი მოქალაქე საქართველოში სამკურნალოდ სხვა ქვეყნებიდან ჩამოიყვანეს.

კარანტინში იმყოფება 3076, სტაციონარებში მეთვალყურეობის ქვეშ 300 პაციენტია.

საქართველოში საგანგებო მდგომარეობა 21 მარტიდან 22 მაისამდე მოქმედებდა და კორონავირუსის გავრცელების საფრთხის გამო დაწესდა. საქართველოს ხელისუფლებამ გადაწყვიტა აღარ გააგრძელოს საგანგებო მდგომარეობის რეჟიმი, თუმცა ზოგიერთი შეზღუდვა ძალაში 15 ივლისამდე დატოვა.

საქართველოში კორონავირუსით ინფიცირების პირველი შემთხვევა 26 თებერვალს გამოვლინდა.

81
თემები:
COVID-19 საქართველოში
მისტიკა

ზოდიაქოს ნიშნები, რომლებსაც მომავლის განჭვრეტის უნარი გააჩნიათ

0
(განახლებულია 15:08 25.05.2020)
ასტროლოგები გამოყოფენ ზოდიაქოს ოთხ ნიშანს, რომელთა წარმომადგენლებს სხვებზე ხშირად შეუძლიათ მომავლის წინასწარმეტყველება და ცხოვრების სხვადასხვა სფეროში მოახლოებული ცვლილებების შეგრძნება

თითოეულ ადამიანს აქვს თავისი უნიკალური თვისება და ნიჭი. ზოდიაქოს ამ ოთხ ნიშანს შესწევს უნარი, შეაფასოს მომავალი და პროგნოზები გააკეთოს.

ქალწული

ქალწულები ერთ–ერთი ყველაზე ბრძენი ხალხია. მათი წინასწარ განჭვრეტის უნარი აუხსნელ წინათგრძნობებს ეფუძნება. ხანდახან ეს ცხოვრებისეული გამოცდილებაა, ხანდახან კი, უბრალოდ, გამართლება და ინტუიცია. ასეა თუ ისე, ქალწულებს ვარსკვლავები ხშირად ეხმარებიან მოვლენების ჰორიზონტს მიღმა მზერაში.

ქალწულები უკვე ბავშვობიდან ამბობენ ხშირად: „ხომ ვამბობდი“, რაც ასე არ უყვართ გარშემომყოფებს. იქმნება შეგრძნება, რომ ამ ადამიანებმა ისეთი რამ იციან, რაც სხვა არავინ იცის. ანტენასავით არიან, რომელიც სამყაროს გასაიდუმლოებულ და დაშიფრულ გზავნილებს იღებენ. ამასთან, ისინი კარგად გრძნობენ ადამიანებს – ყოველთვის იციან, ვის უნდა ენდონ და ვის – არა.

მორიელი

მორიელებს მომავლის განჭვრეტის უნარი ზოდიაქოს ყველა ნიშანზე მეტად აქვთ განვითარებული, რადგან ვარსკვლავები და პლანეტები მათ საოცარი ინტუიციით აჯილდოებენ. ეს ადამიანები პრობლემებსა და უიამოვნებებს მათ გამოჩენამდე დიდი ხნით ადრე გრძნობენ. თუ მორიელი გეუბნებათ, რომ რაღაც ცუდი უნდა მოხდეს, სჯობს, ეს სიტყვები არ უგულებელყოთ.

ამ ნიშნის წარმომადგენლები მხოლოდ ცუდს არ წინასწარმეტყველებენ – კარგი ამბების განჭვრეტაც შეუძლიათ. მათ უმართლებთ სასიყვარულო წინასწარმეტყველებებში. წინასწარ გრძნობენ საბედისწერო შეხვედრას, რომ გაიცნობენ თავიანთ საყვარელ ადამიანს, რომელიც ყველაფერს უკეთესობისკენ შეცვლის. ისინი ხშირად წინასწარ გრძნობენ ასევე უსიამოვნებებს სამსახურში, დიდი პრობლემების დაწყების მოახლოებას მთელი მსოფლიოს მასშტაბით.

თხის რქა

თხის რქების ნიჭი შორსაა მაგიისა და ინტუიციისგან. ის მხოლოდ მათ მდიდარ ცხოვრებისეულ გამოცდილებას, დაკვირვების უნარსა და გარშემომყოფებისგან მიღებულ ცოდნას ეფუძნება. ისინი არ წყვეტენ სწავლას, დეტალურად არჩევენ სხვის შეცდომებს. სწავლობენ არა მხოლოდ საკუთარ შეცდომებზე, არამედ ისრუტავენ ყველაფერს, რასაც ახლობლები, მეგობრები თუ გარშემომყოფები უზიარებენ მათ.

ეს თხის რქებს საშუალებას აძლევს, განჭვრიტონ მომავალი, რადგან ბევრი იციან ცხოვრების ზოგიერთ სფეროსა და ასპექტებზე. მათ შეუძლიათ წინასწარ ამოიცნონ მოვლენები და ადამიანების ქცევები, რაც ამ ნიშნის წარმომადგენლებს ეხმარება წარმატების შენარჩუნებაში, პატივისცემის მოპოვებაში.

მერწყული

მერწყულები თხის რქებს ჰგვანან, რადგან არც ისინი წყვეტენ სწავლას ნებისმიერ ასაკში. მძლავრი სწრაფვა ცოდნის მიღებისკენ მათ ეხმარება ადამიანური ქცევის ზღვრების შესწავლაში. მერწყულებს სჩვევიათ მათთვის საინტერესო სფეროში ყველა წვრილმანის გააზრება. ეს აძლევს შესაძლებლობას, რომ უფრო უკეთესად, ხშირად და მკაფიოდ იწინასწარმეტყველონ მომავალი.

როგორც ასტროლოგები აღნიშნავენ, მერწყულებს ასევე ნიჭიერი ადამიანების ამოცნობის განსაკუთრებული ალღო აქვთ. იოლად საზღვრავენ, ვინ იქნება წარმატებული და ვინ – არა.

0