ტელეკომპანია Rustavi2-ის შენობა

„რუსთავი2“-ის საინფორმაციოს ახალი უფროსი: წასული ჟურნალისტების ნაწილს არხზე დაბრუნება სურს

315
(განახლებულია 18:02 27.08.2019)
არხის საინფორმაციოს ახალი უფროსი სარედაქციო დამოუკიდებლობის ევროპული სტანდარტის დამკვიდრებას გეგმავს

თბილისი, 26 აგვისტო - Sputnik. „რუსთავი2“-ის საინფორმაციოს ახალმა უფროსმა, ირაკლი იმნაიშვილმა განაცხადა, რომ ნიუსრუმში 800-მდე ადამიანი დახვდა და არხიდან წასული ჟურნალისტების ნაწილს დაბრუნება სურს, იუწყება პირველი არხი.

ტელეარხ „რუსთავი2“-ის საინფორმაციოს ახალი უფროსი დღეს არხის გენერალურმა დირექტორმა, პაატა სალიამ წარადგინა.

„შეიძლება თქვენ გგონიათ, რომ ეს ნიუსრუმი არის ცარიელი. დღეს როდესაც შემოვედით, აქ დახვდა თითქმის 800-მდე ადამიანი და ასევე, რაც მოვისმინე ადამიანებისგან არის ის, რომ ნაწილი ჟურნალისტებისა, რომლებიც წავიდნენ, სურთ დაბრუნება. უბრალოდ, ამ ემოციური ზეწოლის გამო არიან ამ მდგომარეობაში. დგანან არჩევანის ზღვარზე – გააკეთონ ემოციური გადაწყვეტილება წნეხის გამო, თუ მიიღონ პროფესიული გადაწყვეტილება“, - განაცხადა იმნაიშვილმა.

იმნაიშვილმა, რომელიც ადრე ტელეკომპანია „მზეში“ მუშაობდა, გაიხსენა დიდ ბრიტანეთში ყოფნის 14 წლიანი პერიოდი და განაცხადა, რომ სურს საქართველოში ჟურნალისტიკის ევროპული სტანდარტი დაამკვიდროს. ცნობილია, რომ დიდ ბრიტანეთში ის ტელეკომპანია BBC-ში მუშაობდა.

„გამიმართლა, რომ დღესაც ვმუშაობ მსოფლიოში ყველაზე ავტორიტეტულ მედიასაშუალებაზე და ამ 14 წლის განმავლობაში სულ მინდოდა საქართველოში ჩამომეტანა ჟურნალისტური სტანდარტი, უპრეცენდენტო გარანტია სარედაქციო დამოუკიდებლობის, რომელიც დასავლურ მედიაში არსებობს“, - განაცხადა იმნაიშვილმა.

მისი თქმით, მოლაპარაკებები მის დანიშვნასთან დაკავშირებით ფინალურ სტადიაზეა.

„უნდა შეიქმნას სარედაქციო ჩარჩო ხელშეკრულება, იყოს გაწერილი რეგლამენტი, რომელსაც ექნება იურიდიული ძალა. ეს იქნება კონტრაქტი მფლობელებსა და საინფორმაციო სამსახურს შორის. ეს კონტრაქტი მისცემს აქ მომუშავე ჟურნალისტებს დაიცვან თავისი თავი და სარედაქციო დამოუკიდებლობა“, - განაცხადა ირაკლი იმნაიშვილმა.

ქიბარ ხალვაშის მიერ „რუსთავის 2“-ის გადაფორმებიდან ერთი თვის თავზე არხიდან გაათავისუფლეს საინფორმაციო სამსახურის უფროსი ნოდარ მელაძე. შვებულებიდან დაბრუნების შემდეგ კი გაათავისუფლებენ საზოგადოებრივი და პოლიტიკური თოქ-შოუს მთავარ პროდიუსერს გიორგი ლაფერაშვილს, პოლიტიკური გადაცემების წამყვანებს გიორგი გაბუნიასა და ეკა კვესიტაძეს და გასართობი გადაცემის ავტორსა და წამყვანს ნანუკა ჟორჟოლიანს. ახალმა დირექტორმა პაატა სალიამ მათი გათავისუფლების მიზეზად „ინტერესთა კონფლიქტი" და „შიდა ომები" დაასახელა.

ამ გადაწყვეტილების შემდეგ ტელეკომპანია საინფორმაციო გადაცემა „კურიერის" ძირითადმა გუნდმა დატოვა. „რუსთავი 2“ ასევე დატოვეს რამდენიმე პროდიუსერმა, გადაცემების „შაბათის შუადღის“ და „კვირის სხვა შუადღის“ წამყვანებმა, გადაცემა „პოსტ-სკრიპტუმის“ გუნდმა და რეგიონულმა ჟურნალისტებმა.

ტელეკომპანია „რუსთავი 2"-ის მფლობელი ქიბარ ხალვაში არხზე საინფორმაციო მაუწყებლობის აღდგენას სექტემბრიდან ვარაუდობს.

1994 წელს დაფუძნებულმა ტელეკომპანია "რუსთავი 2"-მა არაერთხელ შეიცვალა მფლობელი. ხალვაშმა 2015 წელს სასამართლოში სარჩელი შეიტანა და განაცხადა, რომ წინა ხელისუფლებამ 2006 წელს მას ტელეკომპანია წაართვა. რამდენიმე წლის განმავლობაში ბიზნესმენმა საქმე სამივე ინსტანციის სასამართლოში მოიგო. ამის შემდეგ საქმის განხილვა გაგრძელდა ევროპის ადამიანის უფლებათა სასამართლოში, რომელმაც საქართველოს სასამართლოს საქმისწარმოებაში დარღვევები ვერ აღმოაჩინა.

ხალვაშმა ტელეკომპანია 18 ივლისს ევროპის ადამიანის უფლებათა სასამართლოს გადაწყვეტილების საფუძველზე დაიბრუნა. მალევე თანამდებობიდან გაათავისუფლა კომპანიის გენერალური დირექტორი ნიკა გვარამია, რომელიც, ხალვაშის აზრით, „რუსთავი 2"-ს მხოლოდ პოლიტიკურ ინსტრუმენტად იყენებდა.

315
თემები:
დავა „რუსთავი 2"-ის ირგვლივ (194)
თბილისის აეროპორტი

AirBaltic–მა საქართველოში ფრენები განაახლა

27
(განახლებულია 13:31 06.08.2020)
თბილისის საერთაშორისო აეროპორტმა ლატვიის დედაქალაქიდან პირველი მგზავრები მიიღო – ავიაკომპანია რეისებს Airbus A220–სა და A300–ის მარკის თვითმფრინავებით შეასრულებს.

თბილისი, 6 აგვისტო  — Sputnik.  AirBaltic–მა საქართველოში რეგულარული ფრენები განაახლა – რიგიდან  თბილისში 126 მგზავრი ჩამოფრინდა, თბილისიდან რიგაში კი 141 მგზავრი გაფრინდა,  იუწყება თბილისის შოთა რუსთაველის სახელობის საერთაშორისო აეროპორტის ოპერატორი TAV Georgia. 

საქართველოში ჩამოსულ მგზავრებს თბილისის აეროპორტში საჩუქრად დამცავი პირბადეები და ავიაკომპანიის ლოგო გადასცეს.

AirBaltic–ი  რეისებს Airbus A220–სა და A300–ის მარკის თვითმფრინავებით შეასრულებს.

ლატვური ავიაკომპანია ფრენებს 20 აგვისტოდან კვირაში ორჯერ განახორციელებს.

რეისები რიგიდან თბილისში ყოველ ოთხშაბათს, თბილისიდან რიგაში კი ხუთშაბათს შესრულდება.

20 აგვისტოს შემდეგ რეგულარული რეისების სიხშირე გაიზრდება და კვირაში ორჯერ შესრულდება. რიგიდან თბილისში რეისები ყოველ ოთხშაბათს და კვირას, თბილისიდან რიგაში ხუთშაბათს და ორშაბათს შესრულდება.

რიგა სამი საერთაშორისო მიმართულებიდან ერთ–ერთია, რომელთანაც აგვისტოდან საჰაერო მიმოსვლა აღდგება.

2 აგვისტოდან Lufthansa–მ მიუნხენი–თბილისი–მიუნხენის მიმართულებით რეგულარული ფრენები განაახლა, 8 აგვისტოდან კი  Air France რეგულარულ რეისებს პარიზი–თბილისი–პარიზის მიმართულებით განახორციელებს. 

საქართველო ევროკავშირის არაწევრი იმ უსაფრთხო ქვეყნების სიაში დარჩა, რომლის მოქალაქეებს შენგენის ზონის ქვეყნებში მოგზაურობა შეუძლიათ. უსაფრთხო ქვეყნების სიაში, საქართველოს გარდა, ასევე შევიდნენ ალჟირი, ავსტრალია, კანადა. იაპონია, მაროკო, ახალი ზელანდია, რუანდა, სამხრეთ კორეა, ტაილანდი, ტუნისი და ურუგვაი. 

კორონავირუსის პანდემიის გამო ევროპის ქვეყნებმა თავიანთი საზღვრები ევროკავშირის არარეზიდენტებისთვის მარტში დაკეტეს. პირველი სიის მომზადების შემდეგ (30 ივნისს) იქ მოხვედრილი ქვეყნებისთვის საზღვრები 1 ივლისიდან ნაწილობრივად გაიხსნა.

იმ ქვეყნების განსაზღვრის კრიტერიუმები, რომლებისთვისაც ევროკავშირი რეკომენდაციას გასცემს, რომ მოიხსნას მოქმედი შეზღუდვა საზღვრების გადალახვაზე, ითვალისწინებს ეპიდემიურ ვითარებას, ვირუსის გავრცელების აღსაკვეთად გატარებულ ზომებს, მათ შორის ფიზიკურ დისტანცირებას, ასევე ეკონომიკურ და სოციალურ მდგომარეობას.

საქართველოსთვის საზღვრები გახსნეს შვეიცარიამ, უნგრეთმა, გერმანიამ, ლატვიამ, საფრანგეთმა, ესპანეთმა, ნიდერლანდებმა, იტალიამ და სხვა ქვეყნებმა.

საქართველომ, თავის მხრივ, საზღვრები ყოველგვარი პირობების გარეშე ხუთი ქვეყნისთვის გახსნა, ესენია: გერმანია, საფრანგეთი, ლატვია, ლიეტუვა და ესტონეთი.

 

27
თემები:
COVID-19 საქართველოში
გიორგი გახარია

როდის შეხვდება პრემიერი ბაჩალიაშვილის ოჯახს: პრემიერმა დრო დაასახელა

36
(განახლებულია 14:05 06.08.2020)
თამარ ბაჩალიაშვილის ოჯახი პრემიერ–მინისტრთან შეხვედრას მოითხოვს,  რათა მიიღოს პასუხი დაგროვილ კითხვებზე და პირადად მთავრობის მეთაურისგან მოისმინოს, რომ საქმეს გამოიძიებენ.

თბილისი, 6 აგვისტო  — Sputnik.  საქართველოს პრემიერ–მინისტრი გიორგი გახარია მზად არის გარდაცვლილი თამარ ბაცალიაშვილის ოჯახის წევრებს შეხვდებს, თუმცა, გამოძიების დასრულების შემდეგ, განაცხადა გახარიამ მთავრობის სხდომის შემდეგ გამართულ ბრიფინგზე. 

23 წლის თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს (ის პროგრამისტი იყო) და წინასწარი ვერსიის – თვითმკვლელობის არ სჯერა. 

გოგონას მშობლები გამოძიებაში აშშ-ის ძიების ფედერალური ბიუროს (FBI) ჩართვას და პრემიერ–მინისტრთან შეხვედრას მოითხოვს,  რათა მიიღოს პასუხი დაგროვილ კითხვებზე და პირადად მთავრობის მეთაურისგან მოისმინოს, რომ საქმეს გამოიძიებენ.

„მე, მშობლებთან ერთად ყოველ დღე ველოდები გამოძიების შედეგებს. რა თქმა უნდა, მას შემდეგ, რაც გამოძიება დასრულდება, ოჯახთან შეხვედრის არანაირი პრობლემა არ მაქვს“, – განაცხადა გახარიამ.

მან გარდაცვლილი გოგონას ოჯახის წევრებს სამძიმარი გამოუცხადა და აღნიშნა, რომ მსგავსი ფაქტები ქვეყნისთვის ტრაგედიაა.

36
მოხუცი მამაკაცი

ვინ ბერდება უფრო სწრაფად: მეცნიერებმა პირდაპირი კავშირი დაადგინეს

0
(განახლებულია 12:38 06.08.2020)
სტენფორდელმა და ჰარვარდელმა მეცნიერებმა განიხილეს ბავშვობაში არახელსაყრელი გარემოების კატეგორიები: სასტიკი მოპყრობა, ძალადობა, სიღარიბე და ასევე მზრუნველობის არარსებობა

თბილისი, 6 აგვისტო ― Sputnik. ადამიანები, რომლებზეც ბავშვობაში ძალადობდნენ, მიდრეკილები არიან არა მარტო ფსიქონევროლოგიური აშლილობების, არამედ სხვა დაავადებებისადმიც — დიაბეტისა და კიბოს ჩათვლით, ნათქვამია სტენფორდისა და ჰარვარდის მკვლევართა შრომაში, რომელიც ამერიკელ ფსიქოლოგთა ასოციაციის საიტზეა გამოქვეყნებული.

მეცნიერები ხაზს უსვამენ, რომ, გარდა ზემოთ ნახსენები დაავადებებისა, ბავშვობაში ძალადობას პირდაპირი კავშირი აქვს დაბერების პროცესის სიჩქარესთან.

მეცნიერთა კვლევამ აჩვენა, რომ სასტიკი მოპყრობის ან ძალადობის მსხვერპლ ბავშვებში ბილოგიური დაბერების ნიშნები უფრო სწრაფად იჩენს თავს, ვიდრე მათში, ვინც მსგავს პრობლემას არ შეჯახებია.

ნაშრომში სტენფორდელი და ჰარვარდელი სწავლულები ბიოლოგიური დაბერების სამ ნიშანს ააანალიზებენ: ადრეული სქესობრივი მომწიფებას, უჯრედულ სიბერესა და ცვლილებებს ტვინის სტრუქტურაში. ირკვევა, რომ ეგრეთ წოდებული საბავშვო ტრავმის შედეგები სამივე ნიშანთან პირდაპირ კავშირშია.

„ჩვენი კვლევები აჩვენებს, რომ ძალადობის გამოცდილებას შეუძლია ორგანიზმის ბიოლოგიურ დონეზე დაბერების დაჩქარება“, — აცხადებს ნაშრომის თანაავტორი, პროფესორი კეტ მაკლაფლინი.

მეცნიერებმა დაახლოებით 80 კვლევა შეისწავლეს, რომლებშიც 116 ათას ადამიანს ჰქონდა მონაწილეობა მიღებული. ამასთან მათ ცალკე განიხილეს ბავშვობაში არახელსაყრელი გარემოების კატეგორიები: სასტიკი მოპყრობა, ძალადობა, სიღარიბე და ასევე მზრუნველობის არარსებობა.

დადგინდა, რა უნდა შეერიოს პლაზმას ორგანიზმის გასაახალგაზრდავებლად – სენსაციური კვლევა>>

მეცნიერებმა დაადგინეს, რომ ისინი, ვისაც ბავშვობაში სასტიკად ეპყრობოდნენ ან ძალადობა ჰქონდათ გადატანილი, უფრო სწარაფად აღწევდნენ სექსუალურ სიმწიფეს და ამასთან ჰქონდათ დაჩქარებული დაბერების ნიშნები უჯრედულ დონეზე. ხოლო მათ, ვინც ღარიბ ოჯახში იზრდებოდა ან ვისზეც მშობლები არ ზრუნავდნენ, ადრეული დაბერების ნიშნები არ გამოვლენიათ.

 

 

0
თემები:
მსოფლიო და მეცნიერება