საქართველოს პრეზიდენტი სალომე ზურაბიშვილი ამაზონის ტროპიკულ ტყეებში ხანძარს ეხმაურება და წერს, რომ საქართველო დედამიწის გადასარჩენ ბრძოლას უერთდება.
Georgia’s heart is burning with the #AmazonRainforest. We join the struggle to save our planet and call to #ActForTheAmazon. pic.twitter.com/SK7PfjrevS
— Salome Zourabichvili (@Zourabichvili_S) August 23, 2019
„საქართველოს გული იწვის ამაზონის ტროპიკულ ტყეებთან ერთად. ვუერთდებით ბრძოლას ჩვენი დედამიწის გადასარჩენად და მოვუწოდებთ ყველას, ამაზონის გადასარჩენად ვიმოქმედოთ“, – წერს სალომე ზურაბიშვილი Twitter-ის საკუთარ გვერდზე.
ამაზონის ტროპიკულ ტყეებში ხანძარი მძვინვარებს. წლის დასაწყისიდან იქ 74-ზე მეტი ხანძრის კერა დაფიქსირდა, რაც გასული წლის მაჩვენებელს 85%-ით აღემატება.
20 აგვისტოს ხანძრის კვამლმა ქალაქ სან-პაულუს მიაღწია. ამაზონის ტყეებში ხანძრის გამო მთელი მსოფლიო განიცდის, Twitter-ზე ჰეშთეგი #PrayforAmazonia შეიქმნა, ჰოლივუდის მსახიობმა ლეონარდო დი კაპრიომ კი ამ ფაქტს Instagram-ზე პოსტი მიუძღვნა.