ნუკი კოშკელიშვილი

„თუ მართლა გინდათ დაკლება, სცადეთ“ ნუკი კოშკელიშვილის დაპირებული დიეტის რეცეპტი

539
(განახლებულია 14:29 23.08.2019)
ცოტა ხნის წინ მოდელმა და ტელეწამყვანმა თავის Instagram-ზე დააანონსა, რომ ხელმომწერებს გაუმხელდა როგორ მიაღწია სასურველ ნიშნულს.

ტელეწამყვანმა და მოდელმა ნუკი კოშკელიშვილმა დიეტამდე მასაჟებსა და ცელულიტის მოყინვის პროცედურასაც მიმართა. მოდელმა ქალბატონებს ურჩია კონკრეტული პიროვნებაც, ვინც მას სპეციალური რაციონი შეურჩია. ასევე აღნიშნა, რომ კარგი იქნება, თუ ქალბატონები თავისი ჯანმრთელობის მდგომარეობის გათვალისწინებით გაარკვევენ, რომელი რაციონი სჭირდებათ.

აქვე აღნიშნა ისიც, რომ წონაში დასაკლებად მისი მეუღლეც მივიდა, რომელსაც განსხვავებული რაციონი დაუნიშნეს, რადგან ანალიზების მიხედვით ბევრი რამ განისაზღვრება.

აი, რას წერს ნუკი, ამავდროულად თავის რეცეპტს გვიმხელს, რომელიც გამოსცადა და წარმატებით დაიკლო:

„პირდაპირ გეუბნებით, სასწაულები არ ხდება, უნდა მართლა გქონდეს ნებისყოფა, რომ შედეგი მიიღო. მე ყველა დიეტა ვცადე რაც კი არსებობს და არაფერს მაძლევდა.

მივედი დიეტოლოგთან და მას შემდეგ დაიძრა ჩემი საქმე. თავიდან ადვილია, მერე უფრო და უფრო რთულდება. მე კიდევ ძალიან მაგრად მომიხდა ეს მოყინვა და ანტიცელულიტური მასაჟი. მე საერთოდ ძალიან თონთლო ვარ წელს ქვემოთ და ცელულიტიანი, ხოდა ამ მასაჟებმა ამილაგა ყველაფერი.

დაგიწერთ მე რა დამიწერა ლაშამ და თუ გინდათ დაიცავით, თუმცა გირჩევთ მიხვიდეთ და თქვენთვის პერსონალურ პროგრამას შეგირჩევთ.

პირველი ათი დღე:
დილას
10 სთზე 100 გ ხაჭო + 150 გ ხილი
1 საათზე ერთი კვერცხი + ყველი + 200 გ ბოსტნეული
4 საათზე მოხარშული ხორცი 150 გ + ბოსტნეულის სუპი
7 საათზე 1 ნაჭერი ყველი + ორი კიტრი
9 საათზე 300 გ კეფირი
ყველაფერი უმარილოდ და უშაქროდ – ეს პირველი 10 დღე

მერე
10- 1 ც იოგურტი
13- 300 გ ხილი
16- 150 გ ხორცი, 1 ნაჭერი ყველი, 2 ც კიტრი
19- 250 გ ბოსტნეულის სალათი
21- 300 მლ კეფირი
ყველაფერი უშაქროდ და უმარილოდ, დღის განმავლობაში მინიმუმ 2 ლიტრი წყალი – ეს შემდეგი 10 დღე გაგრძელება“, – წერს ტელეწამყვანი.

539
თემები:
სელებრითების ცხოვრება (2120)
ხატია წერეთელი

„ცხვირი მოვიჭერი...“ - ხატია წერეთელმა ახალი „ჩელენჯი“ წამოიწყო - ფოტო

83
(განახლებულია 15:11 25.09.2020)
ხატია წერეთელი სოციალურ ქსელში შოკის მომგვრელ ფოტოს აქვეყნებს. მომღერალს ფოტოზე ცხვირი აქვს შეხვეული. ნახეთ რა შეემთხვა მას

მომღერალმა ხატია წერეთელმა ორი დღის წინ ფოტოსურათი გამოაქვეყნა, საიდანაც ირკვევა, რომ ცხვირის პლასტიკური ოპერაცია გაიკეთა. მომღერლის თქმით, ცხვირის ის 2 მილიმეტრი მოიჭრა, რომელიც საზოგადოებას ასე აწუხებდა, ახლა კი ის ცხვირები აწუხებს, რომლებსაც მის პირად ცხოვრებაში ყოფენ, შესაბამისად, ახალ „ჩელენჯს“ იწყებს და საზოგადოებას იწვევს.

ცოტა ხნის წინ მომღერალმა კიდევ ერთი თამამი განცხადება გააკეთა და სოციალურ ქსელში დაწერა, რომ ანორექსიას ებრძვის. მომღერალმა აღნიშნა, რომ უჭირს წონასწორობის დაცვა და მხედველობაც უქვეითდება და ბევრჯერ ჰქონდა ამ დაავადების გამო მძიმე წუთები ცხოვრებაში.

ხატია წერეთელი საზოგადოებამ მას შემდეგ გაიცნო, რაც მსმენელმა მისი ეროტიკული ხასიათის კლიპი ქართული ბაზრისთვის - „შენთან სექსი მაგარია“ იხილა. კლიპი მართლაც რომ პროვოკაციული აღმოჩნდა, ხატია კი ერთ-ერთ ინტერვიუში ამბობდა, რომ ის საყვარელ „ვალენტინს“ მიუძღვნა, რომელზეც ყურებამდეა შეყვარებული.

კლიპში მონაწილე იმედა ვახტანგიშვილმა და ხატია წერეთელმა დაადასტურეს, რომ პარტნიორები იყვნენ და ერთად ყოფნა მოსწონდათ, თუმცა ამ ურთიერთობას შეყვარებულების სახელს მაინცდამაინც არ არქმევდნენ.

83
თემები:
სელებრითების ცხოვრება (2120)
ტესტირება კორონავირუსზე

ქვეყნის მასშტაბით 19 კრიტიკული პაციენტია ინფიცირების შემთხვევები რეგიონების მიხედვით

42
(განახლებულია 11:30 26.09.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 296-ით გაიზარდა და 4960-ს მიაღწია, გამოჯანმრთელდა 1819 ადამიანი, გარდაიცვალა 27 პაციენტი.

თბილისი, 26 სექტემბერი – Sputnik. საქართველოში ბოლო 24 საათში გამოვლენილი კორონავირუსის 296 ახალი შემთხვევიდან 166 აჭარას უკავშირდება, განაცხადა თბილისის ინფექციური საავადმყოფოს ბოქსირებული განყოფილების უფროსმა მარინა ენდელაძემ.  

რაც შეეხება სხვა რეგიონებს, მაჩვენებლები ასეთია: იმერეთში – 55, თბილისში - 41, სამეგრელო-ზემო სვანეთში - 18, გურიაში – 9, ქვემო ქართლში – 3, სამცხე-ჯავახეთში – 1, კახეთში - 1.

დანარჩენი შემთხვევები სხვადასხვა რეგიონზე ნაწილდება.

ენდელაძის განცხადებით, დღევანდელი მონაცემებით, ინფიცირებული პაციენტებიდან 19-ის მდგომარეობა კრიტიკულია, მათ შორის 17 მართვით სუნთქვაზე იმყოფება.

„3 149 პაციენტი გადის მკურნალობას, უმეტესობა სტაციონარში, ასევე იმყოფებიან სასტუმროებში სამედიცინო მედპერსონალის მეთვალყურეობის ქვეშ. ძალიან მცირე რაოდენობით არიან ბინაზე თვითიზოლაციაში და იმყოფებიან პირველადი ჯანდაცვის რგოლის ექიმებისა და იმფექციონისტების მეთვალყურეობის ქვეშ“, – განაცხადა ენდელაძემ.

საქართველოში ახალი კორონავირუსის დადასტურებულ შემთხვევათა რაოდენობა 4960-ს მიაღწია, გამოჯანმრთელებულთა რაოდენობას დაემატა 60 ადამიანი.

ამ დროისათვის სულ გამოჯანმრთელდა 1819 ადამიანი, გარდაიცვალა – 27, კარანტინის რეჟიმში იმყოფება 5584, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 781 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

 

42
თემები:
COVID-19 საქართველოში
თხილის წარმოება საქართველოში

საქართველოდან თხილის ექსპორტი კვლავ იზრდება

0
(განახლებულია 10:55 26.09.2020)
კორონავირუსის პანდემიით გამოწვეული სირთულეების მიუხედავად, მიმდინარეობს უცხოურ ბაზრებზე ქართული თხილის ორგანიზებული მიწოდება

თბილისი, 26 სექტემბერი — Sputnik. საქართველოდან ამ დროისთვის უკვე 4 436 ტონა თხილია ექსპორტირებული, რაც 74%-ით აღემატება წინა წლის ანალოგიური პერიოდის მაჩვენებელს, იუწყება საქართველოს გარემოს დაცვისა და სოფლის მეურნეობის სამინისტრო.

„კორონავირუსის პანდემიით შექმნილი ვითარების მიუხედავად, ექსპორტიორებთან და თხილის მწარმოებელთა ასოციაციებთან აქტიური მუშაობის შედეგად, საექსპორტო ბაზრებზე ხარისხიანი პროდუქციის მიწოდება ორგანიზებულად მიმდინარეობს“, - აცხადებენ სამინისტროში.

video : Sputnik / Anna Anastasiadi, Vladimir Umikashvili
“ოქროს მოსავალი“ - საქართველოში თხილის ტრიუმფალური კრეფა დაიწყო

უწყების ინფორმაციით, ქართული თხილის ექსპორტი ძირითადად ევროპის ქვეყნებში ხორციელდება.

კერძოდ, გერმანიაში (1392,9 ტონა), იტალიაში (808,8 ტონა), ჩეხეთში (280,3 ტონა), ესპანეთში (165 ტონა), პოლონეთში (192 ტონა), საფრანგეთში (125 ტონა), ლიეტუვაში (143.7 ტონა), საბერძნეთში (34,7 ტონა), ავსტრიაში (22 ტონა), ესტონეთში (22 ტონა) და ლატვიაში (21 ტონა).

ქართული თხილი ექსპორტზე გადის ასევე შემდეგ ქვეყნებში: სომხეთი (255,8 ტონა), რუსეთი (268.0 ტონა), უკრაინა (83,7 ტონა), ბელარუსი (102.5 ტონა), ბრაზილია (74,0 ტონა), მექსიკა (53,0 ტონა) და დიდი ბრიტანეთი (22 ტონა).

უწყების ინფორმაციით, წელს თხილის დაბინავების პროცესში ჩართულია 30-ზე მეტი საწარმო.

0
თემები:
საქართველოს სოფლის მეურნეობა