ტაქსი

„არც შეერგება“- აეროპორტიდან ბახტრიონის ქუჩამდე ტურისტებს ტაქსიში 200 ლარი გადაახდევინეს

2664
(განახლებულია 18:54 14.08.2019)
სოციალურ ქსელში ტურისტებთან დაკავშირებული კიდევ ერთი უცნაური ისტორია ხდება ცნობილი

სოციალური ქსელის მომხმარებელი ერთ-ერთ ჯგუფში წერს, რომ ტურისტებს აეროპორტის ტაქსმა ბახტრიონის ქუჩამდე 200 ლარი გამოართვა. მისი თქმით, ტაქსის მძღოლმა ბარგის ჩამოტანის შემდეგ იქაურობა მალევე დატოვა.

შემთხვევის შესახებ კი დეიდაშვილთან სტუმრობისას შეიტყო, რომელიც ერთ-ერთ სასტუმროში ადმინისტრატორად მუშაობს.

„მივედი, ვლაპარაკობდით და მოვიდა ოჯახი - 3 ადამიანი. დედა, მამა და პატარა ბავშვი მოიყვანა თბილისის საერთაშორისო აეროპორტის ტაქსმა. აეროპორტიდან ბახტრიონის ქუჩამდე 200 ლარი ღირს მოსვლა? ძალიან გაღიზიანებული ვარ. იცოდეთ, არ იმგზავროთ მაგ ტაქსით. როდესაც მოიყვანა, ბარგი ჩამოალაგა და მოტყდა ეგრევე, გაქრა და წავიდა. შემიძლია გავიგო რომელი ტაქსისტი იყო? სულ ყელში უნდა ამოვადინო ის 200 ლარი. არც შეერგება ეგეთი ფული“,- წერს მომხმარებელი.

2664
თემები:
შემთხვევები საქართველოში (1951)
შორენა ბეგაშვილი

„აღმოვაჩინე რომ ვარ ფეხმძიმედ...“ - შორენა ბეგაშვილის რეზონანსული აღიარება

14
(განახლებულია 11:51 24.11.2020)
სექს-სიმბოლოს მორიგი სკანდალური აღიარება - რას ჰყვება შორენა ბეგაშვილი ცხოვრების ერთ-ერთ პერიოდზე? ნახეთ რა საიდუმლოს ახადა ფარდა ვარსკვლავმა

ია ფარულავას საავტორო გადაცემა „ფარულ კონვერტში“ შორენა ბეგაშვილმა რამდენიმე რეზონანსული განცხაება გააკეთა, მათ შორის ეპატაჟურმა ვარსკვლავმა დავით ბაგრატიონ-მუხრანელთან განვლილი ორი წელი გაიხსენა და აღნიშნა, რომ მის გვერდით ბედნიერებას ვერ იპოვიდა. შესაბამისად, სამეფო ოჯახს სკანდალების გარეშე ჩამოშორდა, რადგან დავით ბაგრატიონს „მეფობა“ სურდა და სამეფო ოჯახის წარდმომადგენელზე უნდა დაოჯახებულიყო. ამავდროულად, სექს-სიმბოლო აღნიშნავს, რომ მის მიმართ ბაგრატიონების შთამომავალი ჯენტლმენობითა და დიდი ვნებით იყო აღჭურვილი, რასაც შორენა პირველი ქმრისგან - ევას მამასგან ვერ გრძნობდა.

შორენა ბეგაშვილი აღმოჩნა ერთ-ერთი გამორჩეული სტუმარი, რომელმაც „ფარული კონვერტი“ გახსნა და იდუმალი კითხვა გაასაჯაროვა. მან უშიშრად განაცხადა, რომ დავიტ ბაგრატიონ-მუხრანელი გადაცემიდან გაიგებს სიმართლეს, რომელიც მის ფეხმძიმობას ეხება. ეს აღიარება ბაგრატიონების შთამომავლობას ეხება - შორენა ბგაშვილმა აბორტი ორსულობის მეოთხე თვეზე გაიკეთა. მისი ფეხმძიმობის შესახებ სამეფო ოჯახმა ამ დრომდე არაფერი იცოდა.

„როდესაც მეფისგან წამოვედი, აღმოვაჩნე, რომ მისგან ფეხმძიმედ ვარ. კი, ჩვენ გვქონდა დაუცველი სექსი. ვფიქრობ, იმ დროისთვის საუკეთესო გადაწყვეტილება მივიღე. მე თვითონ არასასურველი ვიყავი და რა სახელი ერქმეოდა ჩემ შვილს?! ნაყოფი საკმაოდ დიდი იყო და ჩვეულებრივ კლინიკაში აბორტი არ გამიკეთეს. სადაც ჩემმა მეგობარმა მიმიყვანა, იქ გავიკეთე. დაახლოებით მეოთხე თვეში ვიყავი და ამის მერე განვაცხადე, რომ ბავშვს აღარ გავაჩენდი...“, - განაცხადა შორენამ.

შორენა ბეგაშვილის ბიოგრაფია ფაქტობრივად ყველამ იცის. სექს-სიმბოლომ ეროტიკული ფილმებითა და ფოტომოდელობით მიიქცია ყურადღება და ახლა ერთ-ერთი ყველაზე პოპულარული ქალია საქართველოს ტელეინდუსტრიაში. როგორც თავად ჰყვება, რთული ცხოვრების მიუხედავად, ძალები მოიკრიბა, რუსთავიდან თბილისში ჩამოვიდა და კარიერა უამრავი სირთულის მიუხედავად აიწყო.

14
თემები:
სელებრითების ცხოვრება
ბრაილის შრიფტი

უსინათლო მოსწავლეები აუდიოფორმატის სახელმძღვანელოებით ისწავლიან

14
(განახლებულია 11:38 24.11.2020)
აღნიშნული რესურსებით მოსწავლეებს ინფორმაციის მიღება, როგორც ტექსტის სახით, ასევე, სახელმძღვანელოებში მოცემული ვიზუალური მასალების შეხებითაც შეეძლებათ.

თბილისი, 24 ნოემბერი - Sputnik. საქართველოში უსინათლო ბავშვებისთვის აუდიოფორმატის სახელმძღვანელოები გაჩნდება, იუწყება საქართველოს განათლების, მეცნიერების, კულტურისა და სპორტის სამინისტრო. 

სამინიტროს მხარდაჭერით, აუდიოფორმატში IV-VII კლასის ყველა გრიფირებული სახელმძღვანელო ინტეგრირდება. გახმოვანებული წიგნებით არა მხოლოდ მოსწავლეები, არამედ სხვა დაინტერესებული პირებიც ისარგებლებენ –სახელმძღვანელოები სამინისტროს ოფიციალურ ვებ-გვერდზეც განთავსდება.

როგორც უწყებაში განმარტავენ, განათლების ხარისხის ყველასათვის თანაბარი ხელმისაწვდომობა სამინისტროს ერთ-ერთ პრიორიტეტს წარმოადგენს.

„ამ მხრივ სამინისტროს უმნიშვნელოვანესი ამოცანაა მოსწავლეების საგანმანათლებლო რესურსებით უზრუნველყოფა, რათა მოხდეს ბავშვის რაც შეიძლება ინტენსიურად ჩაბმა სოციალურ ცხოვრებაში და მისი პიროვნების სრულფასოვანი, მათ შორის, კულტურული და სულიერი განვითარება“, - აღნიშნულია განცხადებაში.

საქართველოს განათლების სამინისტრომ უსინათლო და მცირემხედველ მოსწავლეებს  ბრაილის შრიფტით აწყობილი და რელიეფური ნახატებით დაბეჭდილი ახალი გრიფმინიჭებული სასკოლო სახელმძღვანელოები უკვე გადასცა. აღნიშნული რესურსები მოსწავლეებს დაეხმარება ინფორმაციის მიღებაში , როგორც ტექსტის სახით, ასევე, სახელმძღვანელოებში მოცემული ვიზუალური მასალების შეხებითაც.

14
თემები:
განათლება საქართველოში
ქალები მანქანის ძარაზე

ნაადრევი გაჭაღარავების ექვსი მიზეზი და მასთან ბრძოლის ოთხი ხერხი: ექსპერტების რჩევა

0
(განახლებულია 12:37 24.11.2020)
ექსპერტების თქმით, გენეტიკური მიდრეკილების გარდა, არსებობს კიდევ რამდენიმე მიზეზი, რის გამოც თმა შეიძლება ნაადრევად გაჭაღარავდეს

თბილისი, 24 ნოემბერი — Sputnik. ორგანიზმში ასაკობრივი ცვლილებების ერთ-ერთ ყველაზე აშკარა ნიშანად ჭაღარა თმა მიიჩნევა, თუმცა ეს პროცესი შეიძლება ადრეულ ასაკშიც დაიწყოს, ნათქვამია გამოცემა Milliet-ის პუბლიკაციაში, რომელშიც ნაადრევი გაჭაღარავების მიზეზები და ამ პროცესებთან ბრძოლის ოთხი გზაა დასახელებული.

როგორც მასალაშია ნათქვამი, ადრეულ ასაკში ჭაღარის გაჩენის ძირითადი მიზეზია ვიტამინ B12-ის დეფიციტი. გარდა ამისა, ამ ნივთიერების ნაკლებობამ შეიძლება თმის შეთხელება და ცვენაც გამოიწვიოს.

თმის პრობლემების გაჩენა შეუძლია ფარისებრი ჯირკვლის პათოლოგიებსაც. როგორც გამოცემა აღნიშნავს, ამ ორგანოს არასაკმარისად კარგი მუშაობა  გაჭაღარავებას, თმის მტვრევადობასა და ცხიმიანობას იწვევს.

ნაადრევი გაჭაღარავება ასევე შეიძლება განვითარდეს არასწორი კვების გამო. გამოცემა Milliet-ი აკონკრეტებს, რომ თმის მდგომარეობაზე გავლენას ახდენს ფერიტინის, კალციუმის, D ვიტამინის, სპილენძის, თუთიისა და რკინის დეფიციტი.

შესაძლებელია თუ არა სტრესის გამო ერთ ღამეში გაჭაღარავება: ოქსფორდის კვლევა>>

სტატიაში ხაზგასმით არის აღნიშნული, რომ მუდმივი სტრესი და შფოთვა  პიგმენტაციაზე პასუხისმგებელ ღეროვან უჯრედებზე ახდენს გავლენას, რამაც შეიძლება თმის გაჭაღარავება გამოიწვიოს.

გარდა ამისა, მნიშვნელოვან როლს ასრულებს გენეტიკური მიდრეკილებაც. ავტორები განმარტავენ, რომ ნაადრევი გაჭაღარავების ალბათობა იზრდება, თუკი მსგავსი რამ უკვე ჰქონდა რომელიმე ნათესავს.

ამასთან თმა შეიძლება გააჭაღარავოს მავნე ქიმიურმა პროდუქტებმაც.

სტატიის ავტორები ნაადრევ გაჭაღარავებასთან ბრძოლის ოთხ მეთოდს გვთავაზობენ:

  • ვიტამინ B12-ის დეფიციტის დასაძლევად რაციონში ჩართეთ კვერცხი, საქონლის ხორცი, თინუსი და ორაგული. ასევე სასურველია ყოველდღე კომბოსტოს, ნუშის, სტაფილოს წვენისა და ბროკოლის მიღება;
  • აუცილებელია მზის მავნე ზემოქმედებისაგან თმების  დაცვა და გარეთ გასვლისას თავსაბურავის გამოყენება;
  • უარი თქვით თმის საშრობებისა და მაშების გამოყენებაზე და თმა ფართო კბილებიანი სავარცხლით ან ჯაგრისით დაივარცხნეთ;
  • გაიკეთეთ თავის მასაჟი ქოქოსის ზეთით.

 

 

 

0
თემები:
სასარგებლო რჩევები