მშენებლობა რიკოთის უღელტეხილზე

მთავრობის ამბიციური გეგმა: წითელი ხიდიდან სარფამდე 4,5 საათში ჩახვალთ

116
(განახლებულია 16:55 14.08.2019)
საქართველოში აქტიურად მიმდინარეობს როგორც საერთაშორისო, ისე შიდასახელმწიფოებრივი მნიშვნელობის გზების მშენებლობა

თბილისი, 14 აგვისტო — Sputnik.  აღმოსავლეთი-დასავლეთის ავტომაგისტრალის დასრულების შემდეგ, წითელი ხიდიდან სარფამდე მგზავრობის დრო ორ საათამდე შემცირდება, განაცხადა საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ, საავტომობილო გზების დეპარტამენტის თავმჯდომარე ირაკლი ქარსელაძემ.

ამ დროისთვის  საერთაშორისო ავტომაგისტრალის ცალკეულ მონაკვეთებზე, მიმდინარეობს საერთო ჯამში 140 კილომეტრის  მშენებლობა  და ასევე შიდასახელმწიფოებრივი მნიშვნელობის გზების - მთლიანობაში 500 კილომეტრი სიგრძის- განახლება. აღნიშნულ სამუშაოებზე დასაქმებულია საქართველოს ცხრა ათასზე მეტი მოქალაქე.

სულ ქვეყანაში  არის შვიდი ათასი კილომეტრის შიდასახელმწიფოებრივი და საერთაშორისო მნიშვნელობის გზა, 1 600 ხიდი და 32 გვირაბი.

საქართველოს ძირითადი სატრანსპორტო არტერია

აღმოსავლეთი–დასავლეთის ავტომაგისტრალი, ანუ ევროპული სატრანზიტო გზა Е-60,  სიდიდით მეორე ევროპული სატრანზიტო დერეფანია, რომელიც იწყება ბრესტში (საფრანგეთი) და მთავრდება ირკეშტამში (ყირგიზეთი).

საქართველოში Е-60 იწყება აზერბაიჯანის საზღვართან და ფოთთან ახლოს მთავრდება.  საქართველოში დერეფნის სიგრძე 392 კილომეტრს შეადგენს.

„აღმოსავლეთი-დასავლეთის ავტომაგისტრალი ჩვენი მთავარი გამოწვევაა, რომელიც წითელი ხიდიდან იწყება და სარფამდე 430 კმ-ს შეადგენს. აქედან, 200 კილომეტრი ჩქაროსნული გზა უკვე აშენებულია. ახლა მანძილი 460 კილომეტრია, შემცირდება 30 კილომეტრით და თუ დღეს 8 საათი სჭირდება მგზავრობას, შემდეგ ორჯერ უფრო მოკლე დროში, 4-4,5 საათში გახდება შესაძლებელი სარფამდე ჩასვლა“, - აღნიშნა ქარსელაძემ.

მისი სიტყვებით,  რიკოთის უღელტეხილზე გზების სამშენებლო სამუშაოები იწყება, რომელიც აღმოსავლეთ და დასავლეთ საქართველოს დააკავშირებს.

„მომავალ კვირას, 20 რიცხვისთვის, რიკოთის პირველ მონაკვეთზე გაფორმდება შეთანხმება, და შესაბამისად, ყველაფერი მზადაა სამუშაოების ჩატარებაზე ნებართვის გაცემისთვის. რაც შეეხება მეოთხე მონაკვეთს, აგვისტოში ტენდერი გამოცხადდება და წლის ბოლომდე ეს ხელშეკრულებაც გაფორმდება“, - აღნიშნა ქარსელაძემ.

გარდა ამისა, უახლოეს ორ თვეში გაფორმდება ხელშეკრულება კიდევ ერთ უმნიშვნელოვანეს პროეტზე - ქვეშეთი-კობის 23 კმ-მდე გზისა და კავკასიაში უპრეცენდენტო პარამეტრების 15 მეტრის სიგანის 9 კმ-იანი გვირაბის მშენებლობაზეც. პროექტის ფარგლებში, სულ აშენდება 6 ხიდი და 5 გვირაბი. პროექტის დასრულების შემდეგ, 35 კმ-იანი გზა 12 კმ-ით შემცირდება და გადაადგილება 1 საათიანი მგზავრობის ნაცვლად 20 წუთში იქნება შესაძლებელი. ამ გზაზე სატრანზიტო მიმოსვლა წელიწადის ნებისმიერ დროს შეუფერხებლად იქნება შესაძლებელი.

მნიშვნელოვანი პროექტები


მიმდინარე წლის გეგმებში გათვალისწინებულია 550 კილომეტრი გზის  სარემონტო სამუშაოები. უწყების ცნობით, 2019 წლის პირველ ნახევარში ზუსტად იმ მოცულობის სამუშაოების ჩატარება გახდა შესაძლებელი, რაც 2018 წელს. სახელმწიფო ბიუჯეტიდან აღნიშნული პროექტისთვის განსაზღვრული 350 მილიონი ლარიდან 133 მლნ ლარი შესაბამისი სამუშაოების შესრულებისთვის კონტრაქტორებმა უკვე მიიღეს.

2019 წლის ექვს თვეში საავტომობილო გზების დეპარტამენტმა 541 მლნ ლარის ღირებულების 222 კონტრაქტი გააფორმა. აღნიშნული შეთანხმებების გაფორმების პირობებში შესაბამისი პროცედურების შედეგად უწყებამ სახელმწიფო სახსრებიდან 35 მლნ ლარის დაზოგვა მოახერხა.

ამ დროისთვის საავტომობილო  გზების დეპარტამენტი 237 პროექტს ახორციელებს, რომლის მოცულობაც 737 მლნ ლარია. მათგან 41 პროექტი უკვე დასრულებულია და წლის ბოლომდე კიდევ 70% დასრულდება.

 

116
თემები:
ტრანსპორტი საქართველოში (296)

ამერიკული დავები: აშშ-ის მოქალაქეებს თბილისში პოლიცია ამშვიდებდა - ვიდეო

103
მინეაპოლისში აფროამერიკელი ჯორჯ ფლოიდის გარდაცვალებასთან დაკავშირებით საპროტესტო აქცია გაიმართა თბილისის ცენტრში. იხილეთ Sputnik-საქართველოს ვიდეოში, როგორ მიმდინარეობდა აქცია

აქციის ორგანიზატორები იყვნენ საქართველოში მცხოვრები ამერიკელები, რომლებსაც რიგითი მოქალაქეებიც შეუერთდნენ. აქცია სოციალური ქსელი Facebook-ის მეშვეობით დაიგეგმა.

საპროტესტო აქციამ, რომელიც ჯორჯ ფლოიდის გარდაცვალებას მოყვა, სწრაფად მოიცვა მთელი ამერიკა, შემდეგ კი სხვა ქვეყნებშიც გავრცელდა. აშშ-ში დემონსტრანტებმა დაარბიეს მაღაზიები, დაწვეს ავტომობილები და პოლიციის შენობები.

ასობით ადამიანი გამოვიდა ხელში პლაკატებით “ვიგუდები“ და „არ არის სამართალი, არ არის მშვიდობა“ ნიდერლანდებში, ესპანეთში, არგენტინაში, დიდ ბრიტანეთში, გერმანიასა და სხვა ქვეყნებში.

103
ბათუმის რესპუბლიკური საავადმყოფო

კლინიკების, ლაბორატორიების და მედპერსონალის მომზადება: როგორ ებრძოდა საქართველო COVID-19-ს

53
2 აპრილიდან 22 მაისამდე ცხელ ხაზზე დარეკა დაახლოებით 16,2 ათასმა ადამიანმა, თუმცა ჰოსპიტალიზაცია მხოლოდ 7%-ს დასჭირდა

თბილისი, 4 ივნისი – Sputnik. საქართველოში 23 მაისისთვის ფიქსირდებოდა ინფიცირების დაახლოებით 15 ჯაჭვი და კორონავირუსზე 47,5 ათასი ტესტი გაკეთდა, ნათქვამია კორონავირუსის წინააღმდეგ მთავრობის მიერ გატარებული ღონისძიებების ანგარიშში.

საქართველოში კორონავირუსის პირველი შემთხვევა 26 თებერვალს დაფიქსირდა. იმ დროისათვის ქვეყანას უკვე ყველაფერი გააჩნდა საშიში ინფექციის გამოსავლენად, მათ შორის ტესტები.

მთავრობის მონაცემებით, უკვე თებერვლიდან თბილისსა და რეგიონებში შეირჩა 3,3 ათას პაციენტზე გათვლილი 29 კლინიკა, რომლებიც პაციენტების მიღებაში ეტაპობრივად ჩაერთო.

გარდა ამისა, კიდევ ათასი საწოლი იყო მობილიზებული პაციენტებისთვის მაღალი ტემპერატურით, რომლებიც მიმართავდნენ ე.წ. ცხელების ცენტრებს.

ანგარიშში აღნიშნულია, რომ მოქალაქეები მაღალი ტემპერატურის შემთხვევაში აქტიურად მიმართავდნენ მედიკოსებს. 2 აპრილიდან 22 მაისამდე ცხელ ხაზზე დარეკა დაახლოებით 16,2 ათასმა ადამიანმა, თუმცა ჰოსპიტალიზაცია მხოლოდ 7%-ს დასჭირდა.

კორონავირუსის გავრცელება

ოფიციალური ინფორმაციით, 22 მაისამდე საქართველოში ინფიცირების დაახლოებით 15 ჯაჭვი გამოვლინდა. მაქსიმალური ჯაჭვი 40 ადამიანს მოიცავდა. ყველაზე მსხვილი კლასტერები იყო თეთრიწყაროს, ბოლნისის და ქობულეთის მუნიციპალიტეტებში. ეს მუნიციპალიტეტები გამოცხადდა საკარანტინე ზონად, რათა დაავადების გავრცელება მთელს ქვეყანაში არ მომხდარიყო.

ეპიდემიოლოგები დაავადებულთა გამოვლენის გარდა მათი კონტაქტების მოძიებით იყვნენ დაკავებული. მათ მთლიანობაში 3500 კონტაქტი მოიძიეს, მოახდინეს მათი იზოლაცია და დაკვირვებისთვის კარანტინში გადაიყვანეს.

ამ პერიოდში ქვეყანაში დაახლოებით 47,6 ათასი ტესტი ჩატარდა. მთელი ქვეყნის მასშტაბით ტესტირებას 22 ლაბორატორია ახორციელებდა.

ტესტები ექიმებსაც უტარდებოდა. დადასტურებული შემთხვევების 13% მედიკოსები არიან.

მედპერსონალის ინფიცირებისგან დასაცავად მათ სხვა კლინიკებში მუშაობა აეკრძალათ, პერსონალი ორ კვირაში ერთხელ იცვლებოდა, ყოველი ცვლის დაწყების წინ და ბოლოს ტესტირებას გადიოდა.

როგორ ემზადება საქართველოს მთავრობა კორონავირუსის მეორე ტალღისთვის >>

ონლაინ-კონსულტაციებისთვის მობილიზებული იყვნენ სამედიცინო უნივერსიტეტის მეხუთე და მეექვსე კურსის სტუდენტები, რომლებიც მოსახლეობას კონსულტაციებს უწევდნენ და ეხმარებოდნენ.

დღეისათვის საქართველოში კორონავირუსით ინფიცირების 801 შემთხვევა გამოვლინდა. გამოჯანმრთელდა 644 ადამიანი, 13 პაციენტი გარდაიცვალა.

53
თემები:
COVID-19 საქართველოში
ვალუტის გაცვლის პუნქტი

ლარის კურსი 5 ივნისს

0
(განახლებულია 07:23 05.06.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0575 ლარით გამყარდა.

თბილისი, 5 ივნისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 2,9841 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ 0,0575 ლარით გამყარდა.

ლარის კურსი 5 ივნისს
ლარის კურსი 5 ივნისს
0
თემები:
ლარის კურსი დღეს