მოსამართლის ჩაქუჩი

ხის კეტით მოკლული კაცი: რა განაჩენი გამოუტანა სასამართლომ დამნაშავეს

127
(განახლებულია 16:27 13.08.2019)
გამოძებით დადგინდა, რომ ურთიერთშელაპარაკება მანქანების სადგომების გამო დაიწყო

თბილისი, 13 აგვისტო — Sputnik. ქუთაისის საქალაქო სასამართლომ განზრახ მკვლელობისთვის ბრალდებული პირი დამნაშავედ ცნო, ნათქვამია საქართველოს პროკურატურის მიერ გავრცელებულ განცხადებაში.

სასამართლოში გამოკვლეული მტკიცებულებებით დადგინდა, რომ დამნაშავემ, შელაპარაკების ნიადაგზე, საკუთარ თანამშრომელს თავის არეში ხის კეტი რამდენჯერმე ჩაარტყა, რის შედეგადაც დაზარალებული შემთხვევის ადგილზევე გარდაიცვალა.

შემთხვევა 2018 წლის 14 ნოემბერს ზესტაფონში მოხდა.

სამართალდამცავებმა დამნაშავე იმ დღესვე დააკავეს.

აღნიშნულ ფაქტზე დაკავებულს ბრალდება სსკ-ის 108-ე მუხლით (განზრახ მკვლელობა) წარედგინა და აღკვეთის ღონისძიების სახით შეეფარდა რვა წლით პატიმრობა.

127
თემები:
კრიმინალი საქართველოში (990)
შორენა ბეგაშვილი

შორენა ბეგაშვილს პირდაპირ ეთერში სიურპრიზი მოიწყვეს - ვიდეო

16
(განახლებულია 13:00 09.07.2020)
შორენა ბეგაშვილი 38 წლის გახდა. მოდელსა და ტელეწამყვანს კოლეგებმა სიურპრიზი მოუწყვეს, რამაც ბეგაშვილი ძალიან ააღელვა

შორენა ბეგაშვილს 38 წელი შეუსრულდა და თაყვანისმცემლებს დაბადების დღის ულამაზესი ფოტოები დაუღალავად გაუზიარა. მის ოფიციალურ გვერდზე არ წყდება კეთილი სურვილები და მისალოცი ბარათები. შორენამ Instagram-ზე ვიდეო გამოაქვეყნა, სადაც ჩანს უზარმაზარი ბრილიანტისთვლიანი ბეჭედი ვარდების ფონზე.

View this post on Instagram

❤️

A post shared by Shorena Begashvili (@shorenabegashviliofficial) on

მეორე ფოტოზე შორენა უამრავი ვარდის და ბუშტის ფონზე დგას. სავარაუდოდ, საჩუქრების ავტორი მისი ახალი პარტნიორი - კრიმინალური ავტორიტეტი ლაშა ბარათელია, რომელმაც რამდენიმე დღის წინ გრანდიოზული სიურპრიზი შორენას იუბილარ შვილს ევას გაუკეთა და ძვირადღირებული ავტომობილი აჩუქა.

View this post on Instagram

❤️

A post shared by Shorena Begashvili (@shorenabegashviliofficial) on

ბეგაშვილი, რომელიც „რადიო იმედზე“ გადაცემა „17:17 შორენა ბეგაშვილთან ერთად“ წამყვანია, კოლეგებმა სიუპრიზი მოუწყვეს და გადაცემის მიმდინარეობისას ანთებული ტორტით შევიდნენ ეთერში. რადიოწამყვანისთვის სიურპრიზი მოულოდნელი აღმოჩნდა და ემოციები ვერ დამალა.

View this post on Instagram

@radioimedi ❤️❤️❤️❤️❤️❤️

A post shared by Shorena Begashvili (@shorenabegashviliofficial) on

სააგენტო „ნიუპოსტის“ ინფორმაციით, მოდელი ე.წ. კანონიერ ქურდზე, თურქეთში მცხოვრებ ლაშა ბარათელზეა შეყვარებული და სწორედ მის გამო დაანგრია ბიზნესმენ ირაკლი ნანაძესთან ფარულად შექმნილი ოჯახი. სააგენტოს ინფორმაციით, ბარათელი მოდელს ძვირადღირებული საჩუქრებით ნანაძესთან ქორწინების დროსაც ხშირად ანებივრებდა.

View this post on Instagram

A post shared by Shorena Begashvili (@shorenabegashviliofficial) on

მოდელსა და ტელეწამყვან შორენა ბეგაშვილს პირად ცხოვრებაზე საჯაროდ საუბარი არ უყვარს. ის რომ მეორე ქორწინებაში იმყოფებოდა, საზოგადოებამ მხოლოდ მაშინ გაიგო, როდესაც ბეგაშვილმა იუსტიციის სახლიდან განქორწინების მოწმობა გამოაქვეყნა.

16
თემები:
სელებრითების ცხოვრება
ქრისტინე იმედაძე

ქრისტინე იმედაძე დედასთან ერთად პირველად გამოჩნდა - ნახეთ როგორ გვანან დედა-შვილი

82
(განახლებულია 16:04 09.07.2020)
ქრისტინე იმედაძე უმშვენიერეს დედასთან ერთად პოზირებს. მომღერალმა რამდენიმე წლის წინ გადაღებული სურათი გამოაქვყნა. როგორ გამოიყურება ტელესახის დედა?

მომღერალი და ტელეწამყვანი ქრისტინე იმედაძე დიდი პოპულარობით სარგებლობს. მის პირად ცხოვრებას ადამიანები ინტენსიურად განიხილავენ. იმედაძე რამდენიმე სკანდალით არის ცნობილი, მის გათხოვებასა და დაშორებაზე დღემდე საუბრობენ. ყოფილმა ბალერინამ მომღერლობა ისურვა, შემდეგ ტელეეკრანებზე გადაინაცვლა, ახლა კი დიზაინერობას წარმატებით ჩასჭიდა ხელი. საკუთარი ძალებით დიზაინერული სახლი „სამი“ დააფუძნა და ქალბატონებს გემოვნებიან ტანისამოსს უქმნის. ხელოვნებისადმი სიყვარული მას დედამ ჩაუნერგა.

ირმა გოგლიძე პროფესიით ხელოვნებათმცოდნეა. ქრისტინეს დედა წლების მანძილზე ხელოვნების ინსტიტუტში მუშაობდა, თუმცა რთული პერიოდის გამო მან საყვარელი სამსახური მიატოვა. მოგვიანებით ირმა გოგლიძემ სამკაულების შექმნით დაინტერესდა. სულ ერთი წლის წინ  კოლექციის შექმნა დაიწყო, რომელიც წარმატებულ ქართველ ქალბატონებს ამშვენებს. მის კოლექციებში სხვადასხვა ქვა დომინირებს, რომლებსაც, როგორც თავად ყვება, მოგზაურობის დროს პოულობს და საქმის გასაგრძელებლად ჩამოაქვს. ირმა გოგლიძეს რამდენიმე გამოფენაც ჰქონდა. ცნობილი ქართველი მსახიობის სილამაზე და ტანწერწეტობა გენეტიკამაც განსაზღვრა. დედა-შვილი ერთმანეთს ძალიან ჰგავს.

იმედაძის კარიერა მაშინ დაიწყო, როდესაც ნინი ბადურაშვილი, თაკო გაჩეჩილაძე და ქრისტინე ჯერ კიდევ თინეიჯერები იყვნენ. მისი პირადი ცხოვრება რამდენჯერმე გახდა განხილვის საგანი, ხშირად სხვადასხვა სიმპათიურ ფეხბურთელთან აწყვილებდნენ, თუმცა ოფიციალურად ქრისტინე მხოლოდ ერთხელ იყო გათხოვილი. მისი რჩეული ქართველი ვეტერანი ფეხბურთელი ლაშა ჯაკობია იყო. ცნობილია, რომ 39 წლის სპორტმენმა კარიერის საუკეთესო წლები უკრაინის საფეხბურთო კლუბ „მეტალისტს“ დაუკავშირა.

დაოჯახებისას ლაშა 29 წლის იყო. წყვილს ერთი ქალიშვილი ტაისია შეეძინა. მათი ურთიერთობა საკმაოდ ხანმოკლე გამოდგა. ქრისტინემ და ლაშამ სულ წელიწად-ნახევარს იცხოვრეს ერთად. ქრისტინე და ტაისია განსაკუთრებული დედაშვილობით გამოირჩევიან. მომღერლის მზრუნველობა და აღზრდის განსაკუთრებული უნარი სოციალურ ქსელშიც კარგად ჩანს. ტაისიას მამას ძალიან ამსგავსებენ, თუმცა გრძელფეხება გოგონა აღნაგობით დედას ემსგავსება. ბოლო წლების მანძილზე ქრისტინე იმედაძის და ცნობილი მილიონერის თოშა ქებურიას სიყვარულის ისტორიაზეც საუბრობდნენ. თუმცა, მომღერალმა ურთიერთობა არ დაადასტურა.

ქრისტინე იმედაძე მშობლებთან ერთად გადაღებულ სურათებს იშვიათად აქვეყნებს. მის სოციალურ ქსელში ქალიშვილთან გატარებული დრო მეტად აქტუალურია. დედა-შვილი დიდ ყურადღებას იქცევს. Instagram- ზე ქრისტინემ დედის სურათის გამოქვეყნება სოციალური ქსელის გამოკითხვის შედეგად გადაწყვიტა. თაყვანისმცემლებს აინტერესებდათ, თუ როგორ გამოიყურება ვარსკვლავის დედა. „დედასთან ერთად გადაღებული ფოტო დადე“,- სთხოვა იმედაძეს ერთგულმა თაყვანისმცემელმა. როგორც ჩანს, გადატვირთული გრაფიკის გამო, ქრისტინე მშობლებს არც ისე ხშირად ნახულობს. ამიტომ, მომღერალმა ძველი ფოტო გამოაქვეყნა წარწერით - „სხვა ვერ ვიპოვე“.

82
თემები:
სელებრითების ცხოვრება