რკინიგზის მშენებლობა ქვიშხეთში

გაფიცვა გადაიდო: რკინიგზელები მოლაპარაკებებზე მიდიან

86
(განახლებულია 18:31 10.08.2019)
პროფკავშირის თავმჯდომარის განცხადებით, პროფესიული კავშირი ამ ეტაპზე არ დაასახელებს გაფიცვის კონკრეტულ თარიღს

თბილისი, 10 აგვისტო − Sputnik. საქართველოს რკინიგზელთა ახალი პროფესიული კავშირი ამ ეტაპზე გაფიცვის კონკრეტულ თარიღს არ ასახელებს და „საქართველოს რკინიგზასთან“ მოლაპარაკებებში ჩაერთვება, იუწყება საზოგადოებრივი მაუწყებელი პირველი არხი.

ქვიშხეთში გაფიცულმა მშენებლებმა სამსახური დატოვეს >>

კომპანია „საქართველოს რკინიგზის" თანამშრომლები საპროტესტო აქციისა და გაფიცვის გამართვას გეგმავენ. ისინი ხელმძღვანელობას ხელფასების 50%-ით გაზრდას თხოვენ. პეტიციას ხელი უკვე მოაწერა 4800-მა თანამშრომელმა.

პროფკავშირის თავმჯდომარის, ვიტალი გიორგაძის განცხადებით, თავიდან „საქართველოს რკინიგზის“ ადმინისტრაციამ უარი განაცხადა მოლაპარაკებებში ჩართვაზე და შესაბამისად, პროფკავშირი იძულებული გახდა, უფრო რადიკალური გზებისთვის მიემართა.

მისივე განცხადებით, ის დადებითად აფასებს რკინიგზის განცხადებას, სადაც კომპანია მზადყოფნას გამოთქვამს პრობლემურ საკითხზე რკინიგზელთა ახალ პროფკავშირთან მოლაპარაკებაზე.

„ვიმსჯელეთ და დავადგინეთ, რომ საქართველოს რკინიგზელთა ახალი პროფესიული კავშირი ამ ეტაპზე არ დაასახელებს გაფიცვის კონკრეტულ თარიღს გამომდინარე იქედან, რომ გვსურს, მოლაპარაკებები წარიმართოს ზედმეტი სტრესისა და ულტიმატუმების გარეშე. ვიმედოვნებთ, თუ რკინიგზის ადმინისტრაციის მხრიდან იქნება კეთილგონივრული და წესიერი მოლაპარაკებები წარმართული, ამ შემთხვევაში, თავიდან ავიცილებთ გაფიცვას“, – განაცხადა პროფკავშირის თავმჯდომარემ.

როგორც გიორგაძემ აღნიშნა, გაფიცვა უკიდურესი გზაა იმისათვის, რომ ადამიანებმა საკუთარი უფლებები დაიცვან და პროტესტი გამოხატონ.

„თუ მოლაპარაკებები დაიწყება უახლოეს პერიოდში და ამის გარანტია გვაქვს, ასევე იქნება კეთილსინდისიერი, ამ შემთხვევაში, ვფიქრობთ, ისეთი გადაწყვეტილება მიიღება, რომელიც რკინიგზისა და რკინიგზელების ინტერესების თანხვედრაში იქნება და ავიცილებთ გაფიცვას“, – აღნიშნა ვიტალი გიორგაძემ.

გავრცელებული ინფორმაციით, მედიატორის ჩართულობით, მოლაპარაკებები ორშაბათიდან დაიწყება.

„იმედია, ყველა მხარე გააკეთებს ყველაფერს, რომ თავიდან ავიცილოთ პროტესტი. სრულ მზადყოფნაშია საქართველოს რკინიგზელთა ახალი პროფესიული კავშირი, აწარმოოს საგაფიცვო პროცედურები იმ შემთხვევაში, თუ დავინახავთ, რომ მოლაპარაკებები არ მიმდინარეობს კეთილსინდისიერად, ადმინისტრაცია არ არის განწყობილი კონსენსუსისთვის, ასეთ შემთხვევაში ორგანიზაციას საგაფიცვო პროცედურების კონკრეტული გეგმა აქვს“, – განაცხადა პროფკავშირის თავმჯდომარემ.

„საქართველოს რკინიგზაში“ თანამშრომლების მოთხოვნებს არარეალურს უწოდებენ. კომპანიაში ასევე განაცხადეს, რომ 2020 წლის 1 მარტიდან დასაქმებულთა იმ კატეგორიას, რომელთა ხელფასი 1 500 ლარს არ აღემატება, ხელფასი ემატება 10 პროცენტით, რაც წლიურად დაახლოებით 18-20 მილიონ ლარს შეადგენს. გარდა ამისა, უკლებლივ ყველა რკინიგზელს საჩუქრის სახით, წელიწადში 2-ჯერ ფიქსირებული თანხა გადაეცემა.

სს „რკინიგზაში“ 12682 ადამიანია დასაქმებული, მათგან პროფკავშირში დაახლოებით 4,8 ათასი ადამიანი ირიცხება.

86
თემები:
სოციალური სფერო საქართველოში (163)
სოფო ნიჟარაძე

სოფო ნიჟარაძეს უსიმპატიურესი ძმა ჰყავს - ნახეთ როგორ ჰგავს დას

2
(განახლებულია 11:21 31.05.2020)
დასთან შედარებით ირაკლი ნიჟარაძეს საჯაროდ გამოსვლა არ ხიბლავს. თუმცა, მედიის ყურადღება არა ერთხელ მიიქცია. უსიმპატიურესი მამაკაცის ფოტოები სოციალურ ქსელში გავრცელდა. გავს თუ არა უმცროსი ძმა გამოჩენილ მომღერალს?

ტელეკომპანია „რუსთავი 2“- ის ყოფილი ფინანსური დირექტორი ცნობილი მომღერლის სოფო ნიჟარაძის ძმა იყო. არხის რეორგანიზაციის დროს ირაკლი ნიჟარაძემ დაკავებული თანამდებობა დატოვა და სამსახურიდან წავიდა. არხის ყოფილი ფინანსური დირექტორი პოპულარულ დასთან შედარებით მის გვერდით სულ რამდენჯერმე გამოჩნდა. პირველად საზოგადოებამ ირაკლი სოფოსთან ერთად სიმღერისას შენიშნა, როდესაც ყველასთვის მოულოდნელად ირაკლიმ დასთან ერთად „გარეპა“.

და-ძმამ რამდენიმე წლის წინ დიდი დარტყმა მიიღო. 2013 წელს მათ შეხმატკბილებულ ოჯახში, როგორც სოფო ამბობდა, ტრაგედია დატრიალდა. ამ პერიოდში სოფო მეგა-შოუ „ცეკვავენ ვარსკვლავების“ მონაწილე იყო. მომღერალი ამ  ტკივილს და უსაყვარლესი მამის მოულოდნელ გარდაცვალებას ვერ გაუძლო და პროექტი საკუთარი ნებით დატოვა. მან მამის გარდაცვალების შესახებ პარკეტზე გასვლამდე ნახევარი საათით ადრე შეიტყო. მოუშუშებელი ტკივილი ოჯახის წევრებისა და განსაკუთრებით ძმის დახმარებით გადაიტანა. სოფოსა და მის ძმას ირაკლის შუედარებელი ურთიერთობა აკავშირებთ. საერთო ტკივილი კი, უფრო აერთიანებთ.

მრავალ ნომინაციაში გამარჯვებული მომღერალი საზღვარგარეთის დიდ სცენებს სირთულეების გარეშე იპყრობს. სოფო ნიჟარაძე შეუდარებელ ფორმაშია. ის რამდენიმე პროექტის ჟიურის წევრობა მოხდენილად შეითვისა და ერთ-ერთი გამორჩეული და სამართლიანი წევრი გახდა. 2017 წელს ულამაზესი მომღერალი საუკეთესო მომღერალ ქალად აღიარეს სიმღერით „მაპატიე“. სოფო იშვიათად ანებივრებს სოცქსელის მომხმარებლებს ბუნებრივი ფოტოებით, ვინაიდან მისი ცხოვრების დიდი ნაწილი კონცერტებთანაა დაკავშირებული და გრიმით ყოფნა უწევს.

 

 

2
თემები:
სელებრითების ცხოვრება
შსს-ს შენობა

შინაგან საქმეთა მინისტრმა და პრემიერ-მინისტრმა პოლიციის თანამშრომლები დააჯილდოვეს

30
(განახლებულია 13:32 31.05.2020)
პოლიციელის პროფესიულ დღესთან დაკავშირებით, შინაგან საქმეთა მინისტრის სახელით, სამინისტროს 5 ათასამდე თანამშრომელს სხვადასხვა სახის ჯილდო გადაეცა

თბილისი, 31 მაისი - Sputnik. შინაგან საქმეთა მინისტრმა, ვახტანგ გომელაურმა და საქართველოს პრემიერ-მინისტრმა, გიორგი გახარიამ პოლიციის დღისადმი მიძღვნილ ღონისძიებაზე პოლიციის თანამშრომლები მედლებით დააჯილდოვეს, ნათქვამია უწყების მიერ გავრცელებულ განცხადებაში.

საქართველოს პრემიერ-მინისტრმა გიორგი გახარიამ პოლიციელებს მიულოცა და აღნიშნა, რომ ემსახურო შენს ქვეყანას და მოქალაქეს, დაიცვა მისი ჯანმრთელობა, სიცოცხლე, მშვიდი ყოველდღიური ცხოვრება, ამაზე უფრო დიდი ღირსება არ არსებობს.

„ჩემთვის დიდი პატივია და საამაყოა, მქონდეს შესაძლებლობა, კიდევ ერთხელ მივულოცო პოლიციის დღე თითოეულ თქვენგანს. ყველა ის პოლიციელი და შსს-ს ყველა თანამშრომელი, რომელმაც თავი გაწირა, როგორც კრიმინალთან ბრძოლაში, ასევე ქვეყნის ინტერესების, ერთიანობის, დაცვის კონტექსტში, ყველა უნდა გვახსოვდეს, ყველას პატივი უნდა მივაგოთ, ყველას ოჯახებზე უნდა ვიზრუნოთ, ყველას შვილებს უნდა მივხედოთ“, - განაცხადა გახარიამ.

ვახტანგ გომელაურმაც უწყების თანამშრომლებს მათი პროფესიული დღესასწაული მიულოცა და კორონავირუსის პანდემიის დროს მათი თავდადებული სამსახური აღნიშნა.

„ეს სამი თვე, საგანგებო რეჟიმზე ვიყავით გადასული, ვართ კიდევაც, ვაგრძელებთ. თვეები ოჯახში არ ყოფილხართ, ადგილებზე იყავით დარჩენილი, თითქმის ყველა რეგიონში. იყო შემთხვევები, ბატონო პრემიერო, როდესაც შვილი შეეძინათ, ერთ-ერთი გვყავს - სულხანი და დიდი ხნის განმავლობაში ნანახი არ ჰყავდა შვილი... ოჯახში უვნებლად დაბრუნებას გისურვებთ ყოველთვის. რაც ყოველთვის მძიმეა ჩვენი სამინისტროსთვის, ქვეყნისთვის, ერთი პოლიციელის დაკარგვაც უმძიმესია ჩვენთვის. ამიტომ ჯანმრთელი და მშვიდობიანი დაბრუნებულიყავით ყოველთვის თქვენს ოჯახებში. გილოცავთ კიდევ ერთხელ“, - განაცხადა ვახტანგ გომელაურმა.

საქართველოს პრემიერ-მინისტრმა, გიორგი გახარიამ I ხარისხის მედალი – „განსაკუთრებული დამსახურებისათვის“ ქვემო ქართლის პოლიციის დეპარტამენტის დირექტორს, პოლიციის პოლკოვნიკ ლაშა გოგნიაშვილს პირადად გადასცა. II ხარისხის მედალი – „განსაკუთრებული დამსახურებისათვის“ კი გადაეცათ სამინისტროს სხვადასხვა სტრუქტურული დანაყოფის თანამშრომლებს: საინფორმაციო-ანალიტიკური დეპარტამენტი – ოთარ ჭელიძე, საზოგადოებრივი უსაფრთხოების მართვის ცენტრი “112” – ავთანდილ ჩიტაძე, საგანგებო სიტუაციების მართვის სამსახური – მანუჩარ მარგიანი, საპატრულო პოლიციის დეპარტამენტი – ალექსანდრე ბირთველიშვილი, განსაკუთრებულ დავალებათა დეპარტამენტი – რამაზ თარაშვილი, ცენტრალური კრიმინალური პოლიციის დეპარტამენტი – ბაკურ კურტანიძე, თბილისის პოლიციის დეპარტამენტი – ტარიელ ალავიძე, საექსპერტო-კრიმინალისტიკური დეპარტამენტი – ალექსანდრე დადიანიძე, დაცვის პოლიციის დეპარტამენტი – კარლო ურუშაძე.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/29 მაისი >>

პოლიციელის პროფესიულ დღესთან დაკავშირებით, შინაგან საქმეთა მინისტრის სახელით, სამინისტროს 5 ათასამდე თანამშრომელს სხვადასხვა სახის ჯილდო გადაეცა.

პოლიციის დღე, რომელიც 2010 წელს დაარსდა, ბოლო წლებში 31 მაისს აღინიშნება.

30