საპროტეატო აქცია ტელეკომპანია TV Pirveli-თან

TV Pirveli-ს მფლობელის გამოკითხვა: სისხლის სამართლის საქმის პოლიტიკური ქვეტექსტი

56
(განახლებულია 09:05 08.08.2019)
TV Pirveli-ს მფლობელი დაბარებულია „თიბისი ბანკის“ ხელმძღვანელების მიერ ფულის გათეთრების შესახებ სისხლის სამართლის საქმის ფარგლებში

თბილისი, 8 აგვისტო — Sputnik. დამოუკიდებელი ტელეკომპანია „ტვ პირველის“ მფლობელის, ვახტანგ (ვატო) წერეთლის 8 აგვისტოსთვის დაგეგმილმა გამოკითხვამ სისხლის სამართლის საქმეზე გამოიწვია გარკვეული კითხვები და ეჭვები პოლიტიკოსებში, რომლებმაც ამაში ტელეარხისადმი ხელისუფლების ინტერესი დაინახეს.

წერეთლის გამოკითხვა ეხება წლის ერთ-ერთ ყველაზე გახმაურებულ სისხლის სამართლის საქმეს - ფულის გათეთრების შესახებ, რომელშიც „თიბისი ბანკის“ დამფუძნებელი მამუკა ხაზარაძე და მისი პარტნიორი ბადრი ჯაფარიძე ფიგურირებენ და სისხლის სამართლის საქმის მასალებზე დაკვირვებისას პროკურატურას აქვს სრული საფუძველი ტელეარხის მფლობელის გამოსაკითხად.

საქმის სისხლის სამართლებრივი აქცენტი

საჯარო რეესტრის მონაცემებით, ვატო წერეთელი არის „სამგორი ტრეიდის“ 50%-იანი წილის და „სამგორი მ“-ის 20%-იანი წილის მფლობელი. 2008 წლის აპრილ-მაისში „თიბისი ბანკმა“ ამ კომპანიებს დაახლოებით 16 754 000 დოლარის კრედიტი მისცა.

იმავე დღეს ეს თანხა გადაირიცხა ხაზარაძისა და ჯაფარიძის ანგარიშებზე, მიუხედავად იმისა, რომ კრედიტი თითქოსდა ბიზნესის ბრუნვისთვის იყო მოთხოვნილი.

2008 წლის ოქტომბერ-ნოემბერში კომპანიებს „სამგორი M"-სა და „სამგორი თრეიდს" სესხის გადახდის ვადა გაეზარდათ ერთი წლით, ისე რომ სესხის დაფარვაც კი არ იყო დაწყებული. ხოლო 2008 წლის 31 დეკემბერს სესხის გადახდის ვალდებულების დადგომამდე, „თიბისი ბანკმა“ სესხს მიანიჭა უიმედო კრედიტის კლასიფიკაცია, შემდეგ კი უსაფუძვლოდ ჩამოწერა იგი და გადაიტანა გარე ბალანსზე.

ბანკს არ მოუთხოვია 17 მლნ დოლარის დაბრუნება იმათგან, ვინც თავდებში დაუდგა „სამგორი M"-სა და „სამგორი თრეიდს“. „თიბისი ბანკმა“ ასევე არ ჩამოაჭრა ფული კომპანიებს ანგარიშებიდან და არ ჩამოართვა სესხის უზრუნველსაყოფად ჩადებული ქონება.

მამუკა ხაზარაძეს და ბადრი ჯაფარიძეს გირაო შეეფარდათ >>

მილიონების დაბრუნება საკუთარ თავზე აიღო კომპანიამ, რომელიც ერთი თვით ადრე დარეგისტრირდა ოფშორულ ზონაში და რომელსაც არანაირი ფინანსური აქტივი არ გააჩნდა საქართველოში. ამ კომპანიამ მიიღო უფლება, მოეთხოვა ფული ხაზარაძისა და ჯაფარიძისგან.

პარალელურად, „თიბისი ბანკი“ პერიოდულად ათავისუფლებდა იპოთეკისგან ზემოთ ხსენებული ორი კომპანიის მიერ ჩადებულ უძრავ ქონებას.

პოლიტიკური ქვეტექსტი

მიუხედავად წერეთლის გამოკითხვის აშკარა სამართლებრივი ქვეტექსტისა, რამდენიმე ოპოზიციურმა პარტიამ ამაში გარკვეული პოლიტიკური ქვეტექსტი დაინახა.

„ეს არის პირდაპირ შტურმი „ტვ პირველზე“. სწორედ ამას ემსახურება, რომ ვატო წერეთელი დაბარებულია დაკითხვაზე. ეს არის პირდაპირი ზეწოლა ტელევიზიაზე, ივანიშვილის ერთადერთი ამოცანა არის, რომ მთლიანად მოასუფთავოს საინფორმაციო ველი 2020 წლისთვის“, - განაცხადა „ერთიანი ნაციონალური მოძრაობის“ წევრმა, ზაალ უდუმაშვილმა.

მას ეთანხმება „ევროპული საქართველოს“ ლიდერი, დავით ბაქრაძე.

„ამ არხზე შეტევა ნიშნავს იმას, რომ ხელისუფლებას აღარ უნდა განსხვავებული აზრის მოსმენა. ეს ნიშნავს, რომ ქვეყანა შედის ძალიან ღრმა პრობლემაში და ეს პრობლემა შეიძლება, დასრულდეს ძალიან სერიოზული აფეთქებით“, - განაცხადა ბაქრაძემ.

ამასთან ხელისუფლება ამტკიცებს, რომ საქართველოში მედიის თავისუფლებას არაფერი ემუქრება.

„მედიის თავისუფლება ჩვენთვის არის ფუნდამენტური. მიგვაჩნია, რომ თავისუფალი მედია, ობიექტური ჟურნალისტიკა და დამოუკიდებელი ჟურნალისტიკა არის დემოკრატიის აუცილებელი შემადგენელი. ჩვენი მთავარი ამოცანა არის, საქართველოში გავაუმჯობესოთ დემოკრატიის ხარისხი, განვაგრძოთ დემოკრატიული რეფორმები. შესაბამისად, ბუნებრივია, ხელისუფლება არც ერთ ნაბიჯს არ გადადგამს იმ მიმართულებით, რომ ჟურნალისტებს შეეზღუდოთ საქმიანობა და გარანტირებული იქნება მედიის დამოუკიდებლობის ხარისხი“, - განაცხადა პარლამენტის თავმჯდომარე არჩილ თალაკვაძემ.

„ნაქირავებში ვცხოვრობ და მეგობრის ნათხოვარი მანქანით დავდივარ...“ - ნიკა გვარამია >>

ამასთან მან აღნიშნა, რომ თუ ვინმეს იბარებენ პროკურატურაში, მან მის კითხვებს უნდა უპასუხოს.

 

 

56
თემები:
სკანდალი TBC BANK–ის წინააღმდეგ (58)
ნინა სუბლატი

გასაოცარი ლურჯი თვალები და დედა-შვილის მსგავსება - ნინა სუბლატის უახლესი ფოტო

55
(განახლებულია 16:30 28.09.2020)
ნინა სუბლატი ვაჟის სახეს არ მალავს. დედის და შვილის მსგავსება გაგაოცებთ. უსაყვარლესი ფოტო მომღერალმა სოციალურ ქსელში გამოაქვეყნა

ნინა სუბლატის და გიორგი შამანაურის ვაჟს ერთი თვე შეუსრულდა. მუსიკოსების ვაჟი დედას ერთი-ერთში ჰგავს. ნინამ სულ ცოტა ხნის წინ უსაყვარლესი ფოტო გამოაქვეყნა. პატარა ბიჭუნას დედასავით ლურჯი თვალები და ქერა თმა აქვს.

View this post on Instagram

A post shared by Nina Sublatti (@ninasublatti) on

ნინა სუბლატს 26 აგვისტოს პირველი შვილი შეეძინა. „არ ვიცი, ვიღაც პატარა ბავშვია ჩემთან მოსული“ – არტისტმა პოსტი Instagram-ზე ამ წარწერით გამოაქვეყნა. ნინა სუბლატი ვარსკვლავურ ტრენდს არ აჰყვა და შვილის სახე პირველივე დღეს გამოაჩინა.

წყვილს ბიჭუნა შეეძინა და მას ალექსანდრე დაარქვეს. მომღერალმა ფეხმძიმობის პერიოდში რამდენიმე ემოციური პოსტი დაწერა. მათ შორის თაყვანისმცემლებისთვის გამოკითხვა ჩაატარა. ის ამ ტიპის კომუნიკაციას „ფოლოვერებთან“ არ წყვეტს. აღმოჩნდა, რომ ნინამ ფეხმძიმობის პერიოდში 20 კილოგრამი მოიმატა. ახლა შვილს უვლის და არასასურველ წონასაც საკუთარი ძალებით ებრძვის.

წარმატებული მომღერალი ფეხმძიმობის პერიოდში დიდი სირთულეების წინაშე აღმოჩნდა. მიუხედავად ამისა, მან საკუთარ თავში ძალა იპოვა და კომპოზიტორი მეუღლის დახმარებით ფეხმძიმობამ ჰარმონიულად ჩაიარა. კორონავირუსის გავრცელების დროს მისი ნათესავი დაინფიცირდა, რის გამოც ნინა სუბლატი რამდენიმე კვირის მანძილზე საკარანტინო სივრცეში იმყოფებოდა. „გილოცავ, დედიკოსავით ლამაზი იქნება!“, „გილოცავ! იმედია, ლამაზი თვალებით დედიკოს დაემსგავსება...“, „გილოცავთ! ნეტა შენნაირი სასწაული თვალები აქვს?“ – ასე ულოცავდნენ „ფოლოვერები“ და ნინას ერთგული გულშემატკივრები მომღერალს.

55
თემები:
სელებრითების ცხოვრება
ლაბორატორია

საქართველოში კორონავირუსით კიდევ ერთი პაციენტი გარდაიცვალა

42
კორონავირუსით კიდევ ერთი პაციენტი გარდაიცვალა – ეს დღეს უკვე მეოთხე შემთხვევაა. საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია

თბილისი, 28 სექტემბერი — Sputnik. საქართველოში კორონავირუსით გარდაცვლილ პაციენტთა რაოდენობა 32-მდე გაიზარდა, რაც აისახა მთავრობის ოფიციალურ ვებ–გვერდზე stopcov.ge.

დღეს ეს გარდაცვალების უკვე მეოთხე შემთხვევაა. დილით სამი შემთხვევის შესახებ გახდა ცნობილი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია, გამოჯანმრთელდა 1906 ადამიანი, კარანტინის რეჟიმში იმყოფება 5637, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 800 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

42
თემები:
COVID-19 საქართველოში
გიორგი ვაშაძე

ოპოზიციური პარტიები ეკონომიკისა და განათლების სფეროებში რეფორმების პრინციპებზე შეთანხმდნენ

0
(განახლებულია 17:34 28.09.2020)
ხუთმა ოპოზიციურმა პარტიამ  საპარლამენტო არჩევნებში გამარჯვების შემთხვევაში ქვეყნის განვითარებისა და კოალიციური მთავრობის ჩამოყალიბების შესახებ საკუთარი ხედვები წარმოადგინა

 

თბილისი, 28 სექტემბერი  — Sputnik.  საქრთველოს ოპოზიციურმა პარტიებმა „გირჩი“ „ევროპული საქართველო“, „ერთიანი ნაციონალური მოძრაობა“, „სტრატეგია აღმაშენებელი“ და „ერთიანი საქართველო“ ეკონომიკისა და განათლების სფეროებში რეფორმების  პრინციპების თაობაზე მემორანდუმს მოაწერეს ხელი. 

დოკუმენტის თანახმად,  „ქართული ოცნების“ გარეშე კოალიციურმა მთავრობამ ქვეყანა ეკონომიკური კრიზისიდან უნდა გამოიყვანოს.  პარტია „სტრატეგია აღმაშენებლის“  თავმჯდომარე გიორგი ვაშაძის თქმით, დოკუმენტის ერთ–ერთი პუნქტი განათლების სისტემის დეცენტრალიზაციას ეხება.

 „როდესაც ჩვენ ხელისუფლებაში მოვალთ, ჩვენ არ დავიწყებთ ძებნას თუ რა უნდა გაკეთდეს, რადგანაც დღეს უკვე ვიცით, რომ უნდა მოხდეს განათლების სფეროს დეცენტრალიზაცია. საჭიროა პედაგოგების დაფასება და მათი პოლიტიკური ზეწოლისგან გათავისუფლება“, – განაცხადა ვაშაძემ.

თავის მხრივ,  პარტია „გირჩის“ ლიდერმა ზურაბ ჯაფარიძემ განაცხადა, რომ დოკუმენტის ერთ–ერთი პუნქტი სახელმწიფოს კუთვნილებაში არსებული ქონების ხალხისთვის კერძო საკუთრებაში დაბრუნებაა. 

 „აღნიშნული პაკეტი ეკონომიკას და განათლებას ეხება. ეკონომიკურ სფეროში ხალხს უნდა დაუბრუნდეს ის, რაც სახელმწიფომ მიითვისა.  განათლების სისტემაში მთავარია, რაშიც ჩვენ შეთანხმებას მივაღწიეთ, რომ კერძო საგანმანათლებლო ინსტიტუტები გათავისუფლდნენ სახელმწიფო რეგულაციებისგან, საჯარო დაწესებულებებს კი უნდა ჰქონდეთ მაქსიმალური ავტონომია, მათ შორის ფინანსური“, – განაცხადა ჯაფარიძემ.

ოპოზიციური პარტია  „ნაცმოძრაობის“ წევრის თინათინ ბოკუჩავას თქმით, შეთანხმება ასევე ეხება ეროვნული ვალუტის გამყარების გზებს.

 „დოკუმენტში მოცემულია ჩვენი შეხედულება იმასთან დაკავშირებით, თუ როგორ უნდა გავამყაროთ ეროვნული ვალუტა, რომელიც ყოველდღიურად სულ უფრო უფასურდება. თუ როგორ უნდა შევამციროთ ბიუროკრატიული ხარჯები ქვეყანაში, რომელიც ბოლო წლებში კატასტროფულად გაიზარდა, რამდენადაც ივანიშვილის რეჟიმი მხოლოდ თავის ნომენკლატურას კვებავს, დანარჩენი მოსახლეობა შიმშილისთვისაა განწირული“, – განაცხადა ბოკუჩავამ.

ადრე აღნიშნულმა პარტიებმა ხელი მოაწერეს სამართალდამცავ და მართლმსაჯულების სისტემაში განსახორციელებელი რეფორმების შესახებ მემორანდუმს.

 


0
თემები:
საქართველოს პოლიტიკური ცხოვრება