სტუდენტები ლიონის უნივერსიტეტში

რჩევები სტუდენტებისთვის: როგორ ვისწავლოთ და დავისვენოთ სრულიად უფასოდ მსოფლიოს მასშტაბით

613
(განახლებულია 13:08 07.08.2019)
საზაფხულო-საშემოდგომო პროექტები მსოფლიოს მასშტაბით ყველასთვის უფასოდ, ანუ როგორ აახლოებს განათლება საქართველოს ევროკავშირთან

Erasmus+ არის ევროკავშირის საგრანტო პროგრამა, რომელიც განახორციელებს პროექტებს განათლების, ტრეინინგის, ახალგაზრდობისა და სპორტის მიმართულებით 2014-2020 წლებში.

Erasmus+ პროგრამის მიზანია განათლების მოდერნიზება, ცოდნისა და დასაქმების დონის ამაღლება, ასევე ტრეინინგები და ახალგაზრდებთან მუშაობა.

პროგრამის საშუალებით ევროკავშირი სტუდენტებს ასევე სთავაზობს გაცვლით პროგრამებს ევროპულ უნივერსიტეტებში საბაკალავრო, სამაგისტრო და დოქტორანტურის დონეზე - გაცვლები იქნება იმ პროგრამის ნაწილი, რომელშიც სტუდენტი მონაწილეობს და შეიძლება გაგრძელდეს ერთი სემესტრიდან ერთ წლამდე. როგორც ერაზმუს სტუდენტი, თქვენ არ გადაიხდით სწავლის საფასურს და მიიღებთ ერაზმუს გრანტს მგზავრობისა და ცხოვრებასთან დაკავშირებული ხარჯების დასაფარად.

Erasmus პროგრამის მონაწილეები ერთხმად აღიარებენ, რომ პროგრამა არის ძალიან კარგი გამოცდილება და შესაძლებლობა, ისწავლონ ერთმანეთისგან და ეზიარონ კულტურულ მრავალფეროვნებას. 

„საქართველოში ერაზმუს+ ნაციონალური ოფისის წარმომადგენლობის ცნობებით, 2018 წლის მონაცემებით საქართველო საერათაშორისო კრედიტების მობილობის სტიპენდიების რაოდენობით პირველ ათეულშია. 2018 წელს კი 21 ქართველმა მოიპოვა სრული სამაგისტრო სტიპენდია. მნიშვნელოვანია, რომ თანდათან უფრო მეტი უმაღლესი სასწავლებელი საქართველოში ერთვება ერასმუს + ის საგრანტო პროგრამებში“ - განმარტა ერაზმუსის სტუდენტური გაერთიანების საქართველოს ნაციონალურმა წარმომადგენელმა სალომე ქეშელაშვილმა.

თუ თქვენ არ გაქვთ სტუდენტის სტატუსი, Erasmus+ საშუალებას გაძლევთ მონაწილეობა მიიღოთ სხვადასხვა თემატიკის პროექტებში, სემინარებში, სასწავლო ვიზიტებსა და ტრენინგებში. ადვილად იპოვით შემოთავაზებას თქვენთვის სასურველ სფეროში. მაგალითად:

ოქტომბერში ლიტვა - ვილნიუსი ახალგაზრდა ლიდერების რიგით მეორე შეხვედრას უმასპინძლებს, სადაც განხილული იქნება დეზინფორმაციასა და ყალბ ახალი ამბებთან დაკავშირებული მიდგომები. მონაწილეობის მიღება შეუძლიათ ახალგაზრდა (24-35 წლის) ლიდერებს ბალტიისპირეთიდან, რუსეთიდან და აღმოსავლეთ პარტნიორობის წევრი ქვეყნებიდან (მათ შორის, საქართველოდან). დამატებითი ინფორმაცია შეგიძლიათ იხილოთ აქ.

სასწავლო ვიზიტი (Study visit) ფინეთში - ფორმალური განათლებისა და პრაქტიკის შერწყმა. დაგეხმარებათ გამოიყენოთ განათლება ყოველდღიურ საქმიანობაში. დამატებითი ინფორმაციისთვის გახსენით ლინკი.

„მრავალფეროვნების მიღწევა“ - ტრენინგის კურსი მრავალფეროვნების მენეჯმენტში - იტალია. ყველა ახალგაზრდამ უნდა იცოდეს, რომ ახალგაზრდები, რომლებთანაც ისინი მუშაობენ, ერთმანეთისაგან განსხვავდებიან. ზოგის სხვაობა უფრო აშკარაა, ვიდრე სხვების - მაგალითად, ეთნიკურობა, რელიგია, ენა, საგანმანათლებლო დონე, სოციალური და ეკონომიკური მდგომარეობა, სექსუალობა, ჯანმრთელობა და ფარული ან ხილული შეზღუდული შესაძლებლობები. აუცილებელია ახალგაზრდები აფასებდნენ განსხვავებულობას და მრავალფეროვნებას. დამატებითი ინფორმაციისთვის გახსენით ლინკი.

საერთაშორისო აქტივობებს არც საქართველო ჩამორჩა.

საქართველოს დამოუკიდებელ ინიციატორთა ჯგუფი „იგი“ სომხეთში, 1-12 სექტემბერს უერთდება პროექტს ახალგაზრდებისთვის, რომლებიც არიან გერმანიის, ესპანეთის, უკრაინის, მოლდოვის, საფრანგეთის, სომხეთის, პორტუგალიის სოფლებიდან. პროექტის მიზანია სამეწარმეო განათლების, სოციალური ჩართულობის, თანამედროვე უნარების გაზრდის კუთხით ცოდნის ამაღლება.

ასევე, მათთვის ვისაც სურს ზაფხულის არდადაგების საინტერესოდ გატარება საქართველოში, რაჭაში, დასვენებასთან ერთად ახალი ადამიანების გაცნობა, ახალი გამოცდილებების შეძენა და ახალი ინტერესების აღმოჩენა, საზაფხულო ბანაკი „უნარების ჰაბი“ კარგი შესაძლებლობაა. აქტივობაში 50 ადგილობრივ მონაწილესთან ერთად 30 მდე უცხოელი ახალგაზრდა მიიღებს მონაწილეობას.

სემინარი ახალციხეში - ეს არის აქტივობა ახალგაზრდული ინიციატივების კონცეფციის გაღრმავების მიზნით და იმის შესახებ, თუ როგორ შეიძლება ახალგაზრდებმა საკუთარი იდეები განახორციელონ.
ქობულეთი - კონფლიქტის მოგვარება. Erasmus + პროექტი, მიზნად ისახავს მრავალ კულტურულ გარემოში კონფლიქტის რისკების გაანალიზებასა და მოგვარებას. აქტივობაში მონაწილეობას მიიღებენ იტალიიდან, საფრანგეთიდან, საბერძნეთიდან, უკრაინიდან, საქართველოდან, სომხეთიდან და აზერბაიჯანიდან.

ეს იმ ღონისძიებების მხოლოდ მცირე ჩამონათვალია, რომელშიც ზაფხულის ბოლოს და შემოდგომაზე შეგიძლიათ მიიღოთ მონაწილეობა. სხვა ღონისძიებების სანახავად შებრძანდით შემდეგ ბმულებზე:

https://www.edu-active.com/

https://www.salto-youth.net/

http://erasmusplus.org.ge/ka

საქართველო ასევე აქტიურადაა ჩართული Erasmus+ ის ევროპის მოხალისეობრივი სერვისის" (EVS) ვაკანსიებშიც. მოხალისეობა არის თვითგანვითარების და საზოგადოების განვითარებაში წვლილის შეტანის ერთ-ერთი ხერხი.
EVS შესაძლებლობას აძლევს ახალგაზრდა ადამიანს, რომელიც ცხოვრობს საქართველოში და არის 17-იდან 30 წლამდე, გახდეს მოხალისე ევროპის რომელიმე ქვეყანაში კონკრეტული დროის განმავლობაში. მოხალისეობა შესაძლებელია სხვადასხვა სფეროში - გარემოს დაცვა, ხელოვნება და კულტურა, კულტურული მემკვიდრეობის დაცვა, აქტივობები ბავშვებთან ან მოხუცებთან, სპორტი…

EVS შესაძლოა იყოს მოკლევადიანი ან გრძელვადიანი; 
მოკლევადიანი 1-2 თვე გრძელდება;
გრძელვადიანი - 2-12 თვე.

თითოეულ ადამიანს EVS-ის მხოლოდ ერთხელ გაკეთება შეუძლია, თუმცა შესაძლებელია ჯერ გააკეთოს მოკლევადიანი (1-2 თვე) და შემდეგ გრძელვადიანი (ამ შემთხვევაში მხოლოდ ათთვიანი).

მოხალისეობის დროს მოხალისის ხარჯებს ევროკომისია იღებს საკუთარ თავზე, იგი აფინანსებს: მგზავრობის ბილეთს, ბინას, კვებას, ტრანსპორტირებას. გარდა ამისა, მოხალისე იღებს ჯიბის ფულს, რომელიც ევროპის სხვადასხვა ქვეყანაში სხვადასხვა ფიქსირებული თანხაა.

ვაკანსიებს შეგიძლიათ გაეცნოთ აქ: https://www.facebook.com/evsvacancies/

ასე რომ, სწავლა ვისაც უნდა - ისწავლის, თანაც უფასოდ.

613
ნინი ბადურაშვილი

ნინი ბადურაშვილი ლელა წურწუმიას ქმრის მოკვლისკენ მოუწოდებს რა მოხდა მათ შორის?

376
(განახლებულია 14:11 31.07.2020)
ნინი ბადურაშვილმა სოციალურ ქსელში ლელა წურწუმიას საჯაროდ მიმართა. ნახეთ, რას სთხოვს ლელა წურწუმიას ბადურაშვილი.

ქართულ შოუბიზნესში არ არსებობს მომღერალი, რომელიც მამულაშვილი-წურწუმიას ოჯახს არ ემეგობრება. მიუხედავად ამისა, ქართული სცენის წარმატებულ შემსრულებლებს შორის ინტრიგები არ წყდება. ნინი ბადურაშვილმა ლელა წურწუმიას სოციალური ქსელით საჯაროდ მამულიჩას მოკვლის თხოვნით მიმართა.

View this post on Instagram

A post shared by Kakhi Mamulashvili.Mamulicha (@mamulicha888) on

აღნიშნული თხოვნა კი კახა მამულაშვილის დამაინტრიგებელ ქმედებას მოჰყვა. პოპ-დივას პროდიუსერმა ნინის ძველი სურათი გამოუქვეყნა. ამ ფოტოზე ბადურაშვილის სახეცვლილება კარგად ჩანს. მამულიჩამ გასაჯაროებული სურათი ასე დაასათაურა: „გახსოვდეს ლოყები შენი. ვაიმე, დედიკო, დედა. მაპატიე, ბადურ. დამედოსავით".

ნინი ბადურაშვილმა მამულიჩას ქმედება უპასუხოდ არ დატოვა. ის ჯერ ხუმრობით შემოიფარგლა, შემდეგ კი ლელა წურწუმიას ქმრის მოკვლის თხოვნით მიმართა. „გთხოვ, ფოტო კიდე სადმე გამოაქვეყნე", – მიმართა გაბრაზებულმა ბადურაშვილმა მამულიჩას.

View this post on Instagram

thanks to @itallook_tbilisi for this amazing dress 🙏💛 #tvimedi #primeshow photos by @savemoment_studio 📸

A post shared by Nini badurashvili (@ninibadurashvili) on

ლელა წურწუმია: „მე მოვკლავდი, თვითონ ხო დახატულია“. ლელა წურწუმიას ასეთ პასუხს ნინის შოკისმომგვრელი თხოვნა მოჰყვა: „მოკალი, გთხოვ“. ძველი და ახალი ფოტოებიდან ჩანს, რომ ნინი ბადურაშვილი რადიკალურად შეიცვალა. მამულიჩამ მის დიდ ლოყებზე გააკეთა აქცენტი, რამაც მსახიობი, მომღერალი და ტელეწამყვანი გააღიზიანა.

View this post on Instagram

A post shared by Nini badurashvili (@ninibadurashvili) on

როგორც ჩანს, თავად პროდიუსერმაც საგრძნობლად დაიკლო წონაში, რასაც ლელა წურწუმიას დამცინავი კომენტარიც მოჰყვა. ძველ ფოტოს ახალთან თუ შეადარებთ, კარგად ჩანს, რომ ნინი ბადურაშვილს რამდენიმე ოპერაცია აქვს გაკეთებული, მათ შორის ცხვირის პლასტიკა და ყვრიმალებისა და ტუჩის კონტურის კორექცია.

View this post on Instagram

A post shared by Nini badurashvili (@ninibadurashvili) on

ლელა და მისი პროდიუსერი და მეუღლე კახა მამულაშვილი ერთ-ერთი ყველაზე პოპულარული წყვილია. მათი ერთმანეთის გარეშე წარმოდგენა რთულია. ლელას პარალელურად მამულიჩაც გამოირჩევა სოციალურ ქსელში აქტიურობით. მის გვერდზე ხშირად ჩნდება ვარსკვლავებთან გადაღებული სახალისო ფოტო-ვიდეოები. ეს უკანასკნელი ფოტოც მამულიჩამ არქივიდან გაასაჯაროვა.

376
თემები:
სელებრითების ცხოვრება
ბათუმი

დაგეგმეთ დასვენება ზღვისპირეთში: როდიდან გამოიდარებს საქართველოში

32
(განახლებულია 15:34 03.08.2020)
საქართველოს დედაქალაქში უნალექო ამინდებია მოსალოდნელი. 4–6 აგვისტოს თბილისში პლუს 29–31, 7–8 აგვისტოს კი 34 გრადუსამდე სითბოა ნავარაუდევი.

თბილისი, 3 აგვისტო  — Sputnik.  საქართველოში გამოიდარებს – 9 აგვისტომდე ხანმოკლე წვიმები მხოლოდ ქვეყნის ცალკეულ რაიონებშია მოსალოდნელი, ნათქვამია გარემოს დაცვის ეროვნული სააგენტოს განცხადებაში. 

 „3 აგვისტოს დღის მეორე ნახევრიდან საქართველოს უმეტეს ნაწილში გამოიდარებს. ქვეყნის ცალკეულ რაიონებში ხანმოკლე წვიმები 9 აგვისტომდეა ნავარაუდევი. 4–6 აგვისტოს ჰაერის ტემპერატურა დაბლობში პლუს 27–32, 7–8 აგვისტოს კი პლუს 30–35 გრადუსია ნავარაუდევი“, – ნათქვამია განცხადებაში.

საქართველოს დედაქალაქში უნალექო ამინდებია მოსალოდნელი. 4–6 აგვისტოს თბილისში პლუს 29–31, 7–8 აგვისტოს კი 34 გრადუსამდე სითბოა ნავარაუდევი.

32
თემები:
ამინდის ზუსტი პროგნოზი თბილისში