ქართველმა მოსწავლეებმა ბიოლოგიის საერთაშორისო ოლიმპიადაზე მედლები აიღეს

© photo: Ministry of Education, Science, Culture and Sport of Georgia / FBქართველი მოსწავლეები ბიოლოგიის საერთაშორისო ოლიმპიადაზე
ქართველი მოსწავლეები ბიოლოგიის საერთაშორისო ოლიმპიადაზე - Sputnik საქართველო
გამოწერა
საქართველო ბიოლოგიის საერთაშორისო ოლიმპიადაზე მონაწილეობას 2011 წლიდან იღებს

თბილისი, 4 აგვისტო — Sputnik. ქართველმა მოსწავლეებმა სამი ბრინჯაოს მედალი მოიპოვეს ბიოლოგიის 30-ე საერთაშორისო ოლიმპიადაზე, ნათქვამია განათლების, მეცნიერების, კულტურისა და სპორტის სამინისტროს განცხადებაში.

წელს ოლიმპიადა უნგრეთის ქალაქ სეგედში გაიმართა და მასში 72 ქვეყნის 285 მოსწავლე მონაწილეობდა.

Romanian Master of Mathematics - Sputnik საქართველო
ქართველი ნორჩი მათემატიკოსები საერთაშორისო ოლიმპიადაზე ათეულში მოხვდნენ

ბრინჯაოს მედლების მფლობელები გახდნენ - ანა თოიძე (მეექვსე საავტორო სკოლა), ანანო ნებიერიძე და ნიკოლოზ სოხაძე (ვეკუას სკოლა).

საქართველო ბიოლოგიის საერთაშორისო ოლიმპიადაზე მონაწილეობას 2011 წლიდან იღებს.

ბიოლოგიის საერთაშორისო ოლიმპიადაში 15 წელს ზევით მოსწავლეები მონაწილეობენ. ის ყოველ წელს, 1990 წლიდან მოყოლებული, ივლისში იმართება. ყოველ მონაწილე ქვეყანას ოლიმპიადაზე შეუძლია გააგზავნოს ოთხი მოსწავლისგან შემდგარი ჯგუფი (ბიოლოგიის ეროვნულ ოლიმპიადაში გამარჯვებულები) და სამი ხელმძღვანელი.

ყველაზე ძლიერ მათემატიკოსებს შორის თბილისელი მოსწავლეც დასახელდა >>

ოლიმპიადის მონაწილეებმა უნდა აჩვენონ საკუთარი ცოდნა თეორიულ და პრაქტიკულ ცდებზე ბიოლოგიის ძირითად საკითხებში: უჯრედული ბიოლოგია, მოლეკულური ბიოლოგია, მცენარეთა ანატომია და ფიზიოლოგია, ცხოველისა და ადამიანის ანატომია და ფიზიოლოგია, ეთოლოგია, გენეტიკა და ევოლუცია, ეკოლოგია, ბიოსისტემატიკა.

ყველა ახალი ამბავი
0