ძველი თბილისის ქუჩა ტრადიციული ჩუქურთმიანი აივნით

რას ინებებთ: იქნებ თქვენი ნატვრის თვალი საქართველოშია?

121
(განახლებულია 19:47 01.08.2019)

საიდუმლოს არავისთვის წარმოადგენს, რომ საქართველოში მომსახურების სფერო, როგორც ყველა აღიარებს, დიდხანს არ იყო სათანადო დონეზე. თუმცა ტურიზმისა და იმიგრაციის ინტენსიურმა განვითარებამ ბიძგი მისცა ამ სფეროს ხარისხისა და შეთავაზების სპექტრის გაუმჯობესებას.

სამწუხაროდ, ინფორმაცია იმის შესახებ, თუ რა შეიძლება შესთავაზოს საქართველომ სტუმრებს, ჯერ კიდევ იმდენად მწირი და არასრულია, რომ საბოლოო ჯამში მისი გამოყენება და ამ მომსახურებითა და საქონლით სარგებლობა მეტისმეტად გართულებული, ან საერთოდ შეუძლებელია. ღირს თუ არა იმის აღნიშვნა, რომ ეს არა მარტო ტურისტებსა და ახალმოსახლეებს უშლის ხელს, არამედ ქართული ეკონომიკის განვითარებასაც აფერხებს?

თუმცა, სადაც არსებობს მოთხოვნილება, იქ ჩნდება მიწოდებაც. თბილისში, ბოლოს და ბოლოს, იხსნება სააგენტო, რომელიც მიზნად ისახავს ვითარების გამოსწორებასა და ინფორმაციული სიცარიელის ამოვსებას პოტენციურ კლიენტებსა და იმათ შორის, ვინც მომხმარებელს საიმედო მომსახურებასა და ხარისხიან საქონელს სთავაზობს.

კომპანია One World არის ბუტიკის ტიპის სააგენტო, გახსნილი ორი გოგონას მიერ, რომლებიც საქართველოში რამდენიმე წლის წინ ოჯახებით გადმოსახლდნენ, მუშაობენ ქართულ მიწაზე და საქართველოს სახლად მიიჩნევენ. მათ ისტორიულ სამშობლოზე არანაკლებ უყვართ და ამაყობენ ამ ქვეყნით.

მარია ბონდარენკო
მარია ბონდარენკო

დიანა კურენკეევა წარმოშობით ალმათიდანაა. უკვე 20 წელია, პროფესიად იმ ადამიანების დახმარება აირჩია, რომლებიც სახლისა თუ სამსახურის შეცვლის გამო საცხოვრებლად ახალ ქვეყნებსა და ქალაქებში გადადიან. დიანა კარგად იცნობს ადამიანების მენტალობას როგორც აღმოსავლეთი, ისე დასავლეთი ევროპის ქვეყნებიდან.

მარია ბონდარენკო წარმოშობით მოსკოვიდანაა. დაახლოებით 20 წელია, საპროექტო მენეჯმენტზე მუშაობს, აქედან 7 წელი — განათლების სფეროში. მარია წლების განმავლობაში მუშაობდა სრულიად განსხვავებულ კულტურათა წარმომადგენლებთან.

გოგონებს იმედი აქვთ, რომ ყველაზე მეტ სარგებელს, უპირველეს ყოვლისა, მათი ორი მომსახურება მოიტანს: „კონსიერჟი“ და ელექტრონული ცნობარები „ქალაქის გასაღები“ თბილისის საუკეთესო სერვისების შესახებ. ყველა მომსახურება პირადად გამოსცადეს და თავად არიან პასუხისმგებელი იმ ადამიანებსა და კომპანიებზე, რომლებზეც One World-ის კლიენტებს ექსკლუზიური წვდომა ექნებათ.

„კონსიერჟი“ დაეხმარება ადამიანებს ყოველდღიურ საქმიანობაში: საქონლის შეძენაში, მიწოდებაში, სასწრაფო საქმეების მოგვარებაში, სახლის საქმეებსა და სხვ. „კონსიერჟის“ მომსახურება ხელმისაწვდომი იქნება საათის „პაკეტის“ სახით, რომელსაც კლიენტი ტელეფონით, ელექტრონული ფოსტით, One World-ის „ფეისბუქ“-გვერდით ან კომპანიის ვებ-გვერდით შეიძენს.

უახლოეს მომავალში სააგენტო კლიენტებს შესთავაზებს საქართველოში გადმოსახლებისა და ასიმილაციის მომსახურების პაკეტს, ელექტრონულ ჟურნალს „საქართველო საზღვრებს მიღმა“ ექსკლუზიური ინფორმაციით გიდებზე, მარშრუტებზე, აღჭურვილობის გაქირავებასა და საქართველოსა და სამხრეთ კავკასიაში მოგზაურობისას ეკონომიურად დაბინავებაზე; ასევე ქართული კალიგრაფიის, ეროვნული ხელსაქმის, ქართული, რუსული და ინგლისური ენების სწრაფ კურსებს; ქართული სამზარეულოს საფუძვლების მასტერ-კლასებს სხვადასხვა ენაზე.

მთელი აგვისტოს განმავლობაში დიანა და მარია უფასო კონსულტაციებს გამართავენ ოფის „ტერმინალში“, ე.წ. კოვორკინგში, რომელიც ვაკეში მდებარეობს, სადაც ყველა მსურველი შეიტყობს, როგორ გამოიწეროს სააგენტოს მომსახურება და კიდევ რით შეიძლება დაეხმაროს იგი კლიენტებს.

121
დაკეტილი მაღაზიები აბანოთუბანში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/2 ივნისი

79043
(განახლებულია 00:58 02.06.2020)
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 2 ივნისი – Sputnik. საქართველოს მთავრობა დაჩქარებული ტემპით აგრძელებს შეზღუდვების მოხსნას, რომლებიც კორონავირუსის პანდემიის გამო დაწესდა.

2 ივნისისთვის ქვეყნის ტერიტორიაზე შემდეგი შეზღუდვები მოქმედებს:

 

  • დახურულ სივრცეებში, საჯარო დაწესებულებებში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • კარანტინის რეჟიმი მოქმედებს თეთრიწყაროში და ბოლნისის მუნიციპალიტეტის ორ სოფელში – მუშევანსა და გეტაში;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  •  

    8 ივნისამდე ნარცუნდება შეზღუდვა საერთაშორისო სახმელეთო, საზღვაო და ავიამიმოსვლაზე, ასევე აკრძალულია დახურული ტიპის რესტორნების და ბარების მუშაობა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;
  • აკრძალულია ვალუტის გადამცვლელი პუნქტების მუშაობა;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს);
  • 29 მაისიდან ქვეყანაში ამუშავდა საზოგადოებრივი ტრანსპორტი, 1 ივნისიდან - სავაჭრო მოლები და ღია ცის ქვეშ მქონე სივრცეების რესტორნები. დახურული ტიპის დაწესებულებები 8 ივნისს იხსნება;
  • 15 ივნისიდან აღდგება შიდა ტურიზმი, ხოლო 1 ივლისიდან საქართველო უცხოელი მოგზაურების მიღებას დაიწყებს.

ამ მომენტისათვის ინფიცირებულთა რაოდენობა 794 ადამიანს შეადგენს, აქედან 624 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 2508, სტაციონარებში მეთვალყურეობის ქვეშ კი 300 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
79043
თემები:
COVID-19 საქართველოში
 საბავშვო ბაღი - ფონდის „ჩვენ - განსხვავებულები ვართ!“ და ცენტრ Miraculum-ის ერთობლივი პროექტი

როგორ ცხოვრობენ იზოლაციაში აუტისტი ბავშვები: ნათესავებისა და სპეციალისტების დახმარება

21
კორონავირუსის პანდემიამ აუტისტი ბავშვებისა და მათი მშობლების ცხოვრება გაართულა. ექსპერტები აცხადებენ, რომ ამის შეცვლა შესაძლებელია

თბილისი, 1 ივნისი - Sputnik. განსაკუთრებულ ბავშვებს უჭირთ კარანტინისა და თვითიზოლაციის გადატანა, რადგან მათთვის აუცილებელია ცოცხალი ურთიერთობა, აღნიშნეს ვიდეოხიდის - „შემოქმედებითი უნარების განვითარება ბავშვებში პანდემიის პირობებში“ - მონაწილეებმა, რომელსაც ორგანიზება გაუკეთეს Sputnik-ის პრესცენტრებმა მინსკში, თბილისსა და ერევანში.

იძულებითი თვითიზოლაციის დროს მწვავედ დადგა ბავშვებისთვის დისტანციური გაკვეთილების ორგანიზების საკითხი, რათა ბავშვებს მეგობრებთან და პედაგოგებთან ურთიერთობის შესაძლებლობა ჰქონოდათ. მით უფრო, როდესაც საუბარია განსაკუთრებულ ბავშვებზე. რთული იყო ბავშვების გართობა დახურულ სივრცეში ისე, რომ ეს სასარგებლოც ყოფილიყო და საინტერესოც.

„მათ უჭირთ ურთიერთობის გარეშე“

როგორც ოჯახური ინკლუზიური თეატრის "i" სამხატვრო ხელმძღვანელმა ირინა კისილიოვამ განაცხადა, აუტისტი ბავშვებისთვის აუცილებელია ურთიერთობა. გარდა ამისა, გაჩნდა ბევრი ჩარჩო და შეზღუდვა, დღის წესრიგიდან გაქრა მათთვის ჩვეული მეცადინეობა, სკოლა.

ამას ეთანხმება კლინიკური ფსიქოლოგი, განსაკუთრებული ბავშვების განვითარების სპეციალისტი ანაიტ აიკაზუნი, რომელიც ამბობს, რომ სწავლების ონლაინ-ფორმატი მათთვის ნაკლებად შესაფერისია.

„ბევრ ბავშვს, საზოგადოებაში სოციალიზებულსაც კი, რომლის უნარებიც კარგადაა გენერალიზებული - არ შეუძლია ამ მეცადინეობების კარგად აღქმა, არ შეუძლია ამგვარი გაკვეთილების დროს ურთიერთობის მოთხოვნილების დაკმაყოფილება. ამიტომ ერთმნიშვნელოვნად შეგვიძლია განვაცხადოთ, რომ დისტანციური გაკვეთილები ვერ შეძლებს იმის კომპენსაციას, რაც აქამდე იყო“, - აღნიშნა აიკაზუნიმ.

პროექტის „ინკლუზიური ოჯახი სომხეთში“ დამფუძნებელმა ანა გრიგორიანმა ხაზი გაუსვა, რომ მნიშვნელოვანია, მშობელი თავად ასწავლიდეს და ავითარებდეს შვილს და მასთან ურთიერთობა ჰქონდეს ნებისმიერ სიტუაციაში.

„ცხოვრებაში ნებისმიერი რამ შეიძლება მოხდეს, არ შეიძლება ყოველთვის სპეციალისტზე იყო დამოკიდებული. სპეციალისტი არის ადამიანი, რომელთანაც მშობელი და მთელი ოჯახი უნდა თანამშრომლობდეს - ინკლუზიის არსიც ესაა“, - განმარტა გრიგორიანმა.

თვითიზოლაცია ოჯახთან ერთად

საქველმოქმედო ფონდ „სერაფიმის“ დამფუძნებელმა ლია სერგეევამ აღნიშნა, რომ საქართველოში ამჟამად არიან ექიმები, რომლებიც განაგრძობენ ბავშვებთან პირად ვიზიტებს ან უკავშირდებიან მათ დისტანციურად, რათა დააკვირდნენ ბავშვების ქცევას, განაგრძობენ მათი უნარების განვითარებას.

„ჩვენ ვმუშაობთ უნარების განვითარებაზე როგორც დისტანციურად, ისე რეალურად. ამასთან, პროცესში უფრო აქტიურად ჩაერთნენ ოჯახის წევრები, რადგან მოქმედებს თვითიზოლაციის რეჟიმი, არის ერთგვარი შინაგანი დაძაბულობა. ჩვენ ახლა შეგვიძლია ერთმანეთს დავეხმაროთ - მრავალშვილიანი ოჯახი გვყავს, უფროსი ქალიშვილები უფრო მეტად მონაწილეობენ ჩემი ვაჟის აღზრდაში, რომელსაც დარღვეული აქვს განვითარება. ერთი მოძრაობების დახვეწაში ეხმარება, მეორე მასთან ერთად სიმღერებს სწავლობს, მესამე ეთამაშება“, - ამბობს სერგეევა.

თუმცა, მისივე თქმით, ამ მომენტისთვის საქართველოში სარეაბილიტაციო ცენტრები ონლაინ რეჟიმში არ მუშაობენ, ამიტომ მისი შვილი მეცადინეობს არაქართული ცენტრის სპეციალისტებთან.

არ დავუშვათ დისტანციური კავშირი?

 „ჩვენ - განსხვავებულები ვართ!“ ფონდის პრეზიდენტისა და ინტეგრაციული მედიცინის ცენტრ Miraculum-ის დირექტორის, ანდრეი მაქსიმოვის განცხადებით, მნიშვნელოვანია არა იმაზე საუბარი, როგორ ვიმოქმედოთ დისტანციურად, არამედ იმაზე, რომ  ბავშვებისთვის დისტანციური მეცადინეობა პრინციპულად დაუშვებელია. აუტიზმის სპეციფიკა ხომ ის არის, რომ ბავშვებს უშუალო ურთიერთობის შესაძლებლობა ჰქონდეთ. აუტისტი ბავშვები, მაქსიმოვის თქმით, არ შეიძლება მუდმივად ოთხ კედელში იყვნენ გამომწყვდეული.

ფონდის პრეზიდენტმა აღნიშნა ასევე, რომ თბილისში არ უნდა დახურულიყო ბავშვთა სარეაბილიტაციო ცენტრები, ეს ხომ მათი მკურნალობის ნაწილია, რომელიც აუცილებლად სჭირდებათ. მსგავსი მოხდა არა მხოლოდ საქართველოში, არამედ სხვა ქვეყნებშიც.

„ჩვენი ბავშვების მიმართ აღმასრულებელი ხელისუფლების რეაქცია სწრაფი და გადამჭრელი იყო. ინვალიდობის ცნობებითა და ფორმა 100-ით ხელში დედებმა მიიღეს ნებართვა, ბავშვებთან ერთად წასულიყვნენ, სადაც მოისურვებდნენ“, - აღნიშნა მაქსიმოვმა.

მისი თქმით, ნებისმიერი თემა, რომელიც აუტიზმს უკავშირდება, მნიშვნელოვანია. მაგრამ თავდაპირველად უნდა გაანალიზდეს საკითხთა მთელი კომპლექსი. მაქსიმოვმა აღნიშნული თემა შეადარა სახლის შენებას, სადაც ყოველ დეტალს სათანადო ყურადღება უნდა დაეთმოს. 

21