აქციის დარბევა

არეულობა თბილისში: დაკავებული აქციის ორი მონაწილიდან  ერთი მალხაზ მაჩალიკაშვილის ძმიშვილია

196
(განახლებულია 21:41 26.07.2019)
შსს დაკავებულებს თბილისის ცენტრში არეულობის დროს პოლიციელებზე ანგარიშსწორებაში სდებს ბრალს

თბილისი, 26 ივლისი — Sputnik.  შინაგან საქმეთა სამინისტროს მიერ 20-21 ივნისის საქმეზე დღეს დაკავებულ ორ ადამიანს შორის, ერთ-ერთი მალხაზ მაჩალიკაშვილის ძმიშვილი მორის მაჩალიკაშვილია.

არეულობა თბილისში: დაკავებულია  აქციის  კიდევ ორი მონაწილე>>>

საპროტესტო აქცია, რომელიც 20 ივნისს თბილისში რუსი დეპუტატის ჩამოსვლის საპასუხოდ დაიწყო, ანტისამთავრობო გამოსვლებსა და არეულობებში გადაიზარდა. მას შემდეგ, რაც პოლიცია ორი საათის განმავლობაში მომიტინგეებს იგერიებდა, რომლებიც პარლამენტში შეჭრას ცდილობდნენ, პოლიციამ ცრემლსადენი გაზი და რეზინის ტყვიები გამოიყენა. აქციის დაშლისას 240 ადამიანი დაშავდა.

„ამ წუთას შემატყობინეს ჩემი ალალი ძმისშვილი რომელიც მყავს ჩემი უდანაშაულოდ მძინარე საწოლში მოკლული თემირლანის ადგილას ამ ბოროტი სისტემის მიერ იქნა დაკავებული ედავებიან 225–ე მუხლის მეორე ნაწილს, ძალიან ცუდად იქცევით დღევანდელი ნაძირალა სისტემა", - დაწერა პანკისის ხეობაში ჩატარებული სპეცოპერაციის შედეგად მოკლული თემირლან მაჩალიკაშვილის მამა მალხაზ მაჩალიკაშვილმა Facebook-გვერდზე.

თემირლან მაჩალიკაშვილი თავისა და მხარის არეში სასიკვდილოდ 2017 წლის 26 დეკემბერს ტერორისტ აჰმედ ჩატაევისა და მისი თანამზრახველების მხარდაჭერაში ეჭვმიტანილების დასაკავებლად ჩატარებული სპეცოპერაციის დროს სასიკვდილოდ დაჭრეს.

დღეს, შინაგან საქმეთა სამინისტრომ 20-21 ივნისს პარლამენტის წინ განვითარებულ მოვლენებთან დაკავშირებით, მოსამართლის განჩინების საფუძველზე, ჯგუფური ძალადობის ორგანიზების, ხელმძღვანელობის და მასში მონაწილეობის ფაქტზე, კიდევ ორი პირი დააკავა. 

შსს-ს ინფორმაციით, გამოძიებით დადგინდა, რომ დაკავებულები პარლამენტის მიმდებარე ტერიტორიაზე განვითარებული მოვლენების დროს მონაწილეობას იღებდნენ განხორციელებულ ჯგუფურ ძალადობაში, პოლიციელებზე თავდასხმაში და ორგანიზებულად, შტურმით ცდილობდნენ პარლამენტის შენობაში შეჭრას.

კერძოდ, 1993 წელს დაბადებული მ.მ., ფიზიკური ძალის გამოყენებით თავს დაესხა სამართალდამცველებს და აქტიურ მონაწილეობას იღებდა სხვადასხვა ჯგუფურ ძალადობრივ მოქმედებაში. ხოლო, 1976 წელს დაბადებული გ.ქ., სამართალდამცველებს ურტყამდა რეზინის ღვედს და მონაწილეობდა ჯგუფურ ძალადობაში.

ამ დღეებში პოლიციამ ხუთი ადამიანი დააკავა, მათგან ოთხი არეულობაში მონაწილეობის, ხოლო ერთი – თავდაცვის ექს–მინისტრი, პარტია „გამარჯვებული საქართველოს“ ლიდერი ირაკლი ოქრუაშვილი ჯგუფური ძალადობის ორგანიზების, ხელმძღვანელობის და მასში მონაწილეობის ბრალდებით.

196
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
„საქართველოს ავიახაზების“ თვითმფრინავი

თბილისში ამსტერდამიდან ჩარტერული რეისი ჩამოფრინდა

15
(განახლებულია 18:00 05.07.2020)
ჩარტერული რეისების, მათ შორის სპეციალური რეისების დანიშვნის შესახებ ინფორმაცია სააგენტოს მიერ შესაბამისი ნებართვების გაცემისთანავე გახდება ცნობილი.

თბილისი, 5 ივლისი — Sputnik. თბილისის საერთაშორისო აეროპორტში დაეშვა თვითმფრინავი, რომელმაც ამსტერდამიდან ჩარტერული რეისი განახორციელა, ნათქვამია ეკონომიკის სამინისტროს განცხადებაში.

„ინფორმაცია კომერციული ჩარტერული რეისების შესახებ, რომელთა განხორციელებაც შეთანხმებულია საქართველოს სამოქალაქო ავიაციის სააგენტოსთან, განთავსებულია საქართველოს ეკონომიკისა და მდგრადი განვითარებისა და საგარეო საქმეთა სამინისტროებისა და სამოქალაქო ავიაციის სააგენტოს ვებგვერდებზე. ნებისმიერი ცვლილება კომერციული ჩარტერების გრაფიკში ოპერატიულად აისახება ზემოთხსენებულ საიტებზე, რაც მგზავრებს საჰაერო გზით გადაადგილების დაგეგმვის შესაძლებლობას მისცემს“, - ნათქვამია უწყების განცხადებაში.

უწყებაში აზუსტებენ, რომ სამოქალაქო ავიაციის სააგენტო ხელმძღვანელობს საქართველოს ხელისუფლების გადაწყვეტილებებით, რომელთა მიზანს „პანდემიის გავრცელების პრევენცია და ქვეყანაში კეთილსაიმედო ეპიდემიოლოგიური ვითარების შენარჩუნება წარმოადგენს“.

მორიგი ჩარტერული რეისების, მათ შორის მთავრობის მხარდაჭერით დაგეგმილი სპეციალური რეისების დანიშვნის შესახებ ინფორმაცია სააგენტოს მიერ შესაბამისი ნებართვების გაცემისთანავე გახდება ცნობილი.

საქართველოს მთავრობამ განაახლა თანამემამულეთა სამშობლოში დაბრუნების პროგრამა. ექვს ივლისს ეკონომიკის სამინისტრო პრემიერ-მინისტრის დავალებით წარადგენს ავიარეისების კონკრეტულ განრიგს, მოქალაქეთათვის მისაღები ფასებით.

საქართველომ საერთაშორისო ტურიზმის აღდგენა გადადო – როდემდე აიკრძალა ავიამიმოსვლა >>

ადრე ეკონომიკის მინისტრმა ნათია თურნავამ მოქალაქეებს მოუწოდა, ბილეთები შეიძინონ მხოლოდ იმ რეისებზე, რომელთა განრიგი ოფიციალურად არის გამოქვეყნებული სამოქალაქო ავიაციის სააგენტოსა და ეკონომიკის სამინისტროს ვებ-გვერდებზე.

15
თემები:
ავიამიმოსვლა საქართველოში
აბიტურიენტები გამოცდის წინ

გამყრელიძე: როდის შეძლებენ აბიტურიენტები პირბადის მოხსნას

82
(განახლებულია 16:06 05.07.2020)
ხვალ ერთიანი ეროვნული გამოცდები იწყება. დეტალურად არის გაწერილი წესები, რომელიც ინფიცირების თავიდან ასარიდებლად აბიტურიენტებმა უნდა დაიცვან

თბილისი, 5 ივლისი — Sputnik. აბიტურიენტებისთვის პირბადეების ტარება საგამოცდო სივრცეში მერხთან დაჯდომის შემდეგ სავალდებულო აღარ იქნება, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

ორშაბათს, 6 ივლისს საქართველოში ერთიანი ეროვნული გამოცდები იწყება. დეტალურად არის გაწერილი წესები, რომელიც, ინფიცირების თავიდან ასარიდებლად აბიტურიენტებმა უნდა დაიცვან.

„მედიცინაში 100%-იანი არაფერი არის, თუმცა რისკი მინიმუმამდეა დაყვანილი. მთავარია პირბადე, რომელიც აბიტურიენტმა უნდა ატაროს ყველა ეტაპზე - შესვლისას, ბილეთის აღებისას, კომუნიკაციისას. მაგიდებს შორის არის ე.წ. დეზობარიერი, გვერდებზე - მარცხნივ და მარჯვნივ არის ორმეტრიანი დაშორება“, - განაცხადა ტელეკომპანია Rustavi 2-ის ეთერში ამირან გამყრელიძემ.

მისივე განმარტებით, აბიტურიენტებმა აუცილებლად უნდა გაიკეთონ პირბადე, თუ ჩაირთვება კონდიცირება.

საქართველოში ერთიანი ეროვნული გამოცდები 6 ივლისს დაიწყება და დასრულდება 25 ივლისს. ერთიან ეროვნულ გამოცდებზე წელს 55 ათასზე მეტი აბიტურიენტი და სტუდენტი დარეგისტრირდა.

დაავადებათა კონტროლის ეროვნული ცენტრის რეკომენდაციების თანახმად, წელს თითოეული საგამოცდო სექტორის ფართობის მხოლოდ 50 პროცენტი იქნება გამოყენებული. საგამოცდო ცენტრების თითოეულ სექტორში 10 გამოსაცდელზე მეტი არ დაიშვება. ყოველი სამუშაო მაგიდა წინა მხრიდან აღჭურვილი იქნება გამჭვირვალე დამცავი ფარით/ბარიერით; მაგიდებს შორის სიგანეში დაშორება იქნება ორი მეტრი, ერთმანეთის მიმდევრობით განლაგებულ მაგიდებს შორის მანძილი – ერთი მეტრი.

საგამოცდო ცენტრში შესვლის წინ ყველა აბიტურიენტი თერმოსკრინინგს გაივლის.

რა წესები უნდა დავიცვათ ზღვაზე - ჯანდაცვის სამინისტროს რეკომენდაციები >>

აბიტურიენტებმა დადგენილი რეკომენდაციები უნდა დაიცვან. კერძოდ, მაქსიმალურად დაიცვან სოციალური დისტანცია, ატარონ პირბადე, შესაბამისი მითითების შემდეგ დაიმუშაონ ხელები სადეზინფექციო ხსნარით. თან იქონიონ პირადობის დამადასტურებელი დოკუმენტი და საგამოცდო ბარათი.

82
თემები:
COVID-19 საქართველოში